၄ ရာ 9:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထိုအခါ ယေဟု​သည် ထ​၍​အိမ်​ထဲသို့​ဝင်သွား​၏​။ ပရောဖက်​လုလင်ပျို​သည် ဆီ​ကို သူ့​ခေါင်း​ပေါ်​သွန်းလောင်း​ပြီး “​အစ္စရေး​လူမျိုး​၏​ဘုရားသခင်​ထာဝရဘုရား​က သင့်​အား ‘​ငါ​သည် သင့်​ကို ထာဝရဘုရား​၏​လူမျိုး​တော်​အစ္စရေး​တို့​၏​ဘုရင်​အဖြစ် ဘိသိက်ပေး​တော်မူ​ပြီ​။

Common Language Bible

⁶ ထို​နောက်​သူ​တို့​နှစ်​ယောက်​သည်​အိမ်​ထဲ​သို့​ဝင် သွား​ပြီး​လျှင် လူ​ငယ်​ပ​ရော​ဖက်​သည်​ယေ​ဟု ၏​ဦး​ခေါင်း​ပေါ်​သို့​သံ​လွင်​ဆီ​ကို​သွန်း​လောင်း ကာ``ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင်​ထာ​ဝ​ရ​ဘု​ရား​က`ငါ​သည်​သင့်​အား ဣ​သ​ရေ​လ​ဘု​ရင်​အ​ဖြစ်​ဘိ​သိက်​ပေး​၏။-

Garrad Bible

⁶ အိမ် တွင်း သို့ ထ ဝင် သည့် ကာ လ၊ ပ ရော ဖက် ငယ် သည် သူ့ ဦး ခေါင်း ပေါ် တွင် ဆီ သွန်း လောင်း လျက်၊ ဣ သ ရေ လ လူ မျိုး၏ ဘု ရား သ ခင် ထာ ဝ ရ ဘု ရား မိန့် တော် မူ သည် ကား ငါ ထာ ဝ ရ ဘု ရား၏ လူ မျိုး တော် ဣ သ ရေ လ အ ပေါ် တွင် ဘု ရင် အ ဖြစ် သင့် ကို ငါ ဘိ သိက် သွန်း ပြီ။

Judson Bible

⁶ ထို​အ​ခါ ယေ​ဟု​သည် ထ၍​အိမ်​ထဲ​သို့​ဝင်​သ​ဖြင့်၊ ပ​ရော​ဖက်​သည် သူ၏​ခေါင်း​ပေါ်၌ ဆီ​ကို​လောင်း​လျက်၊ ဣ​သ​ရေ​လ​အ​မျိုး၏ ဘု​ရား​သ​ခင်​ထာ​ဝ​ရ​ဘု​ရား​က၊ ငါ​သည်​သင့်​ကို ထာ​ဝ​ရ​ဘု​ရား၏​လူ ဣ​သ​ရေ​လ​အ​မျိုး၏ ရှင်​ဘု​ရင်​အ​ရာ၌ ခန့်​ထား၍ ဘိ​သိက်​ပေး၏။

၄ ရာ 9:6 Referencias Cruzadas

၃ ရာ 1:34

ထို​မြို့​တွင် ယဇ်ပုရောဟိတ်​ဇာဒုတ်​နှင့် ပရောဖက်​နာသန်​တို့​သည် သူ့​ကို အစ္စရေး​လူမျိုး​၏​ဘုရင်​အဖြစ် ဘိသိက်ပေး​ရ​မည်​။ ပြီးမှ တံပိုး​မှုတ်​လျက် ‘​ရှောလမုန်​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ရ​မည်​။

၃ ရာ 10:9

မင်းကြီး​ကို​နှစ်သက်မြတ်နိုး​၍ အစ္စရေး​ရာဇပလ္လင်​တွင် စံမြန်း​စေ​တော်မူ​သော မင်းကြီး​၏​ဘုရားသခင်​ထာဝရဘုရား​သည် မင်္ဂလာ​ရှိ​စေ​သတည်း​။ ထာဝရဘုရား​သည် အစ္စရေး​လူမျိုး​ကို ထာဝရ​ချစ်​တော်မူ​သည်​ဖြစ်၍ သူ​တို့​ကို တရားမျှတ​စွာ​၊ ဖြောင့်မတ်​စွာ​စီရင်အုပ်ချုပ်​ရန် မင်းကြီး​ကို ရှင်ဘုရင်​အဖြစ် ခန့်ထား​တော်မူ​ပြီ​”​ဟု ဆို​လေ​၏​။

၃ ရာ 14:7

ယေရောဗောင်​ကို ပြန်ပြော​လော့​။ အစ္စရေး​လူမျိုး​၏​ဘုရားသခင်​ထာဝရဘုရား​က ‘​ဤ​လူမျိုး​တို့​ထဲ​မှ သင့်​ကို ငါ​ရွေးကောက်​၍ ငါ့​လူမျိုး​တော်​အစ္စရေး​တို့​ကို အုပ်ချုပ်​စေ​ခဲ့​၏​။

၃ ရာ 16:2

“ငါ​သည် သင့်​ကို မြေမှုန့်​ထဲမှ​ဆွဲထူ​၍ ငါ့​လူမျိုး​တော်​အစ္စရေး​တို့​ကို အုပ်ချုပ်​စေ​ခဲ့​၏​။ သို့သော် သင်​သည် ယေရောဗောင်​လျှောက်​သော​လမ်း​အတိုင်း လိုက်လျှောက်​၍ ငါ့​လူမျိုး​တော်​အစ္စရေး​တို့​ကို လမ်းမှား​စေ​ပြီး သူ​တို့​ပြု​မိ​သော​အပြစ်​များ​သည် ငါ့​ကို​အမျက်ထွက်​စေ​၏​။

၃ ရာ 19:16

နိမ်ရှိ​၏​သား​ယေဟု​ကို အစ္စရေး​ဘုရင်​အဖြစ် ဘိသိက်ပေး​လော့​။ အာဗေလမဟောလ​မြို့​ရှိ ရှာဖတ်​၏​သား​ဧလိရှဲ​ကို သင့်​ကိုယ်စား ပရောဖက်​အဖြစ် ဘိသိက်ပေး​လော့​။

၃ ရာ 3:8

ကိုယ်တော်​၏​အစေအပါး​သည် ကိုယ်တော်​ရွေးချယ်​တော်မူ​သော​လူမျိုး​၊ မ​ရေ​မ​တွက်​နိုင်​လောက်အောင်​များပြား​သော​လူမျိုး​ကြီး​အလယ်​တွင် ရှိ​နေ​ပါ​၏​။

၄ ရာ 9:3

ထို့နောက် ဆီ​ဘူး​ထဲမှ​ဆီ​ကို သူ့​ခေါင်း​ပေါ်​သွန်းလောင်း​ပြီး သူ့​အား ‘​ထာဝရဘုရား​က “​ငါ​သည် သင့်​ကို အစ္စရေး​ဘုရင်​အဖြစ် ဘိသိက်ပေး​ပြီ​”​ဟု မိန့်​တော်မူ​ပြီ​’​ဟူ၍ ဆင့်ဆို​ပြီးလျှင် တံခါး​ကို​ဖွင့်​၍ မ​ဆိုင်း​မ​လင့်​ဘဲ ပြေး​လော့​”​ဟု မှာလိုက်​၏​။

၄ ရာ 9:5

သူ​ရောက်လာ​သောအခါ တပ်မှူးကြီး​တို့ ထိုင်​နေ​ကြ​သည်​ကို တွေ့​ရ​၏​။ ထိုအခါ သူ​က “​တပ်မှူးကြီး​၊ သင့်​အဖို့ သတင်းစကား​ပါ​၏”​ဟု ဆို​လျှင် ယေဟု​က “​အားလုံး​ထဲမှ မည်သူ့​ကို ဆိုလို​သနည်း​”​ဟု မေး​၏​။ ထိုအခါ လုလင်ပျို​ပရောဖက်​က “​တပ်မှူးကြီး​၊ သင့်​ကို ဆိုလို​ပါ​၏”​ဟု ပြန်ပြော​၏​။

၂ ရာ​ချုပ် 22:7

ယောရံ​မင်းကြီး​ထံ အာခဇိ​မင်းကြီး သွားရောက်​ကြည့်ရှု​ခြင်း​သည် အာခဇိ​မင်းကြီး​ပျက်စီး​မည့်​အကြောင်း ဘုရားသခင် စီရင်​ထား​ခြင်း​ဖြစ်​၏​။ သူ​ရောက်သွား​သောအခါ သူ​သည် ယဟောရံ​မင်းကြီး​နှင့်အတူ စစ်ချီသွား​၍ အာဟပ်​မင်းမျိုးမင်းနွယ်​ကို သုတ်သင်ပယ်ရှင်း​ရန် ထာဝရဘုရား ဘိသိက်ပေး​ထား​သူ နိမ်ရှိ​၏​မြေး​ယေဟု​ကို တိုက်ခိုက်​၏​။

ဆာ​လံ 2:6

“​ငါ​၏​သန့်ရှင်း​သော​ဇိအုန်​တောင်​ပေါ်တွင် ငါ​၏​ရှင်ဘုရင်​ကို ငါ​ခန့်အပ်​ထား​ပြီ​”​ဟု မိန့်​တော်မူ​၏​။

ဆာ​လံ 75:6

အကြောင်းမူကား ချီးမြှောက်​ခြင်း​သည် အရှေ့​အရပ်​၊ အနောက်​အရပ်​၊ သို့မဟုတ် တောကန္တာရ​အရပ်​မှ​လာ​သည်​မ​ဟုတ်​။

ဟေ​ရှာ​ယ 45:1

ရှင်ဘုရင်​တို့​၏​ခါးပန်း​ကို​ဖြေချ​ပြီး တိုင်းနိုင်ငံ​တို့​ကို သူ့​အဖို့​နှိမ်နင်း​ပေး​ဖို့​၊ မြို့​တံခါး​ကို ပိတ်​မ​ထား​ဘဲ သူ့​အဖို့​အစဉ်​ပွင့်​နေ​စေဖို့ ငါ​ကိုယ်တိုင် သူ​၏​ညာလက်​ကို​ဆွဲကိုင်​ထား​သော​သူ ငါ​၏​ဘိသိက်ခံ​ကုရု​မင်းကြီး​အား ငါ​ထာဝရဘုရား​က

ဒံ​ယေ​လ 2:21

ကိုယ်တော်​သည် အချိန်​နှင့် ရာသီဥတု​ကို ပြောင်းလဲ​စေ​နိုင်​၏​။ ရှင်ဘုရင်​တို့​ကို​လည်း နန်းတင်​နန်းချ ပြု​နိုင်​၏​။ ပညာရှိ​ကို ဉာဏ်ပညာ​ပေး​တော်မူ​၏​။ ဉာဏ်ရှိသူ​ကို​လည်း အသိပညာ​ပေး​တော်မူ​၏​။

ဒံ​ယေ​လ 4:17

ဤသည်ကား ကောင်းကင်တမန်​တို့​ကြေညာ​သော စီရင်ချက်​ဖြစ်​၏​။ သန့်ရှင်း​သူ​တို့​၏​စကား​လည်း ဖြစ်​၏​။ အမြင့်ဆုံး​သော​အရှင်​သည် လူ့​ပြည်​ကို​အုပ်စိုး​၍ အလို​တော်​ရှိ​သော​သူ​အား ပေး​တော်မူ​ကြောင်း​နှင့် အနိမ့်ဆုံး​သော​သူ​ကို​ပင် အုပ်စိုးခွင့်​ပေး​တော်မူ​ကြောင်း​ကို အသက်ရှင်​သူ​တို့ သိ​စေရန် ဖြစ်​၏’​ဟု ဆို​လေ​၏​။

ဒံ​ယေ​လ 4:32

သင်​သည် လူ့​အသိုင်းအဝိုင်း​မှ နှင်ထုတ်​ခြင်း​ခံရ​ပြီး တောတိရစ္ဆာန်​တို့​နှင့်အတူ နေထိုင်​ရ​မည်​။ နွား​ကဲ့သို့ မြက်​ကို​စား​ရ​မည်​။ အမြင့်ဆုံး​သော​အရှင်​သည် လူ့​ပြည်​ကို​အုပ်စိုး​၍ အလို​တော်​ရှိ​သော​သူ​ကို ပေး​တော်မူ​ကြောင်း သင်​သိမှတ်​သည့်​တိုင်အောင် ခုနစ်​နှစ်​ပတ်လုံး နေထိုင်​ကျော်လွှား​ရ​မည်​”​ဟု ကောင်းကင်​မှ အသံ​တော်​ရောက်လာ​၏​။

၁ ရာ 10:1

ရှမွေလ​သည် ဆီ​ဘူး​ကို​ယူ​၍ ရှောလု​၏​ခေါင်း​ပေါ်​သွန်းလောင်း​ပြီးလျှင် သူ့​ကို​နမ်း​လျက် “​အကယ်စင်စစ် ထာဝရဘုရား​သည် မိမိ​၏​အမွေ​တော်​ကို အုပ်ချုပ်သူမင်း​အဖြစ် သင့်​အား ဘိသိက်ပေး​တော်မူ​ပြီ​။

၁ ရာ 2:7

ထာဝရဘုရား​သည် ဆင်းရဲ​စေ​နိုင်​၏​။ ချမ်းသာ​စေ​နိုင်​၏​။ နိမ့်ကျ​စေ​နိုင်​၏​။ ချီးမြှောက်​ပေး​နိုင်​၏​။

၁ ရာ 2:8

ဆင်းရဲသား​ကို မြေမှုန့်​ထဲမှ ဆွဲထူ​၍ နွမ်းပါး​သူ​ကို ပြာပုံ​ထဲမှ​ချီမ​တော်မူ​ပြီး မင်းသား​တို့​နှင့်အတူ​ထိုင်​စေ​တော်မူ​၏​။ ဘုန်းကြီး​သော​ပလ္လင်​ကို အမွေဆက်ခံ​စေ​တော်မူ​၏​။ အကြောင်းမူကား ထာဝရဘုရား​သည် ကမ္ဘာမြေကြီး​၏​အုတ်မြစ်​ကို ပိုင်​တော်မူ​၍ ကမ္ဘာလောက​ကို ထို​အုတ်မြစ်​ပေါ်တွင် ချထား​တော်မူ​၏​။