၄ ရာ 17:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ သို့သော် ဟောရှေ​မင်းကြီး​သည် အီဂျစ်​ဘုရင်​သွာ​မင်းကြီး​ထံသို့ တမန်​များ​စေလွှတ်​ဆက်သွယ်​သည့်​အပြင် အဆီးရီးယား​ဘုရင်​ထံ နှစ်စဉ်​ဆက်သ​ရ​မည့်​အခွန်​ကို​လည်း မ​ဆက်သ​တော့​ဘဲ ပုန်ကန်​ဖို့​လျှို့ဝှက်ကြံစည်​နေ​သည်​ကို အဆီးရီးယား​ဘုရင် သိရှိ​လျှင် အဆီးရီးယား​ဘုရင်​သည် သူ့​ကို​ဖမ်း​ပြီး ထောင်​ထဲ၌ အကျဉ်းချ​ထား​လေ​၏​။

Common Language Bible

⁴ သို့​ရာ​တွင်​နှစ်​တစ်​နှစ်​တွင်​ဟော​ရှေ​သည် အီ​ဂျစ် ဘု​ရင်​သွာ​မင်း​ထံ​သို့​သံ​တ​မန်​များ​စေ​လွှတ်​၍ အ​ကူ​အ​ညီ​တောင်း​ခံ​ပြီး​လျှင် အာ​ရှု​ရိ​ပြည် သို့​အ​ခွန်​ဘဏ္ဍာ​မ​ဆက်​သ​ဘဲ​နေ​၏။ ဤ​အ​ခြင်း အ​ရာ​ကို​ရှာ​လ​မ​နေ​ဇာ​သိ​ရှိ​သော​အ​ခါ ဟော​ရှေ​အား​ဖမ်း​ဆီး​၍​ထောင်​သွင်း​ထား​စေ​၏။

Garrad Bible

⁴ နှစ် စဉ် ဆက် မြဲ ပ ဏ္ဏာ ကို မ ဆက် ဘဲ အိ ဂျစ် ဘု ရင် သွာ မင်း ထံ ရာ ဇ သံ စေ လွှတ် ၏။ တော် လှန် မည့် အ ကြံ ကို အာ ရှု ရိ ဘု ရင် ရိပ် မိ သ ဖြင့်၊ ဖမ်း ယူ ချုပ် ထား ပြီး လျှင်

Judson Bible

⁴ နောက်​တစ်​ဖန် နှစ်​တိုင်း​ဆက်​ရ​သော အ​ခွန်​ကို​မ​ဆက်။ သွာ​အ​မည်​ရှိ​သော အဲ​ဂု​တ္တု​ရှင်​ဘု​ရင်​ထံ​သို့ သံ​တ​မန်​ကို​စေ​လွှတ်၍၊ ပုန်​ကန်​မည့်​အ​ကြံ​ရှိ​သည်​ကို အာ​ရှု​ရိ​ရှင်​ဘု​ရင်​သိ​သ​ဖြင့်၊ ဟော​ရှေ​ကို​ဖမ်း​ဆီး၍ ထောင်​ထဲ​မှာ​ချုပ်​ထား​ပြီး​လျှင်၊

၄ ရာ 17:4 Referencias Cruzadas

၄ ရာ 17:3

ဟောရှေ​မင်းကြီး​အား အဆီးရီးယား​ဘုရင်​ရှာလမနေဇာ​မင်းကြီး ချီတက်​တိုက်ခိုက်​ရာ ဟောရှေ​မင်းကြီး​သည် သူ​၏​လက်အောက်ခံ​အဖြစ်​ခံယူ​ပြီး အခွန်​ဆက်သ​ရ​လေ​၏​။

၄ ရာ 17:5

ထို့နောက် အဆီးရီးယား​ဘုရင်​သည် အစ္စရေး​ပြည်​တစ်ပြည်လုံး​သို့ ဝင်ရောက်​ကျူးကျော်​ပြီး ရှမာရိ​မြို့​သို့ ချီတက်​သွား​၍ မြို့​ကို​သုံး​နှစ်​မျှ​ဝိုင်းရံ​ထား​၏​။

၄ ရာ 18:21

ကြည့်ရှု​လော့​။ ယခု သင်​သည် ကျိုး​နေ​သော​ကျူ​တောင်ဝှေး​ဖြစ်​သည့် အီဂျစ်​ပြည်​ကို ကိုးစား​၏​။ ထို​တောင်ဝှေး​ကို​မှီ​လျှင် မှီသောသူ​၏​လက်​ကို ထုတ်ချင်းပေါက်​အောင် စူး​တတ်​၏​။ အီဂျစ်​ဘုရင်​ဖာရော​မင်းကြီး​သည် မိမိ​အား ကိုးစား​သော​သူ​အပေါင်း​တို့​ကို ထိုသို့​ပြု​တတ်​၏​။

၄ ရာ 24:1

ယောယကိမ်​မင်းကြီး​လက်ထက်​တွင် ဘေဘီလုံ​ဘုရင်​နေဗုခဒ်နေဇာ​မင်းကြီး ချီလာ​၍​တိုက်ခိုက်​သဖြင့် ယောယကိမ်​မင်းကြီး​သည် သူ့​လက်အောက်ခံ​အဖြစ် သုံး​နှစ်​နေ​ရ​၏​။ ထို့နောက် သူ့​ကို ပြန်လည်​ပုန်ကန်​ခဲ့​၏​။

၄ ရာ 24:20

ထာဝရဘုရား အမျက်​တော်​ကြောင့် ဂျေရုဆလင်​မြို့​အပါအဝင် ယုဒ​ပြည်​ကို ရှေ့​တော်​မှ​ဖယ်ရှား​လိုက်​သည်​အထိ ဤသို့​ဖြစ်​ရ​ခြင်း ဖြစ်​၏​။ ဇေဒကိ​မင်းကြီး​သည်​လည်း ဘေဘီလုံ​ဘုရင်​ကို ပြန်၍​ပုန်ကန်​၏​။

၄ ရာ 25:7

ဇေဒကိ​မင်းကြီး​၏​သား​တို့​ကို ဇေဒကိ​မင်းကြီး​ရှေ့မှောက်​တွင်​ပင် သတ်​၏​။ ဇေဒကိ​မင်းကြီး​၏​မျက်စိ​ကို​လည်း​ဖောက်ထုတ်​ပြီး သူ့​ကို ကြေးနီကြိုး​ဖြင့်​ချည်နှောင်​ကာ ဘေဘီလုံ​မြို့​သို့ ခေါ်ဆောင်​သွား​၏​။

၂ ရာ​ချုပ် 32:11

ဟေဇကိ​မင်းကြီး​က ငါ​တို့​၏​ဘုရားသခင်​ထာဝရဘုရား​သည် ငါ​တို့​ကို အဆီးရီးယား​ဘုရင်​လက်​မှ ကယ်နုတ်​လိမ့်မည်​ဟု ဆို​လျက် အစာရေစာ​ပြတ်လပ်​၍ သေ​စေ​ရန် သင်​တို့​ကို လှည့်စား​ပြီ​မ​ဟုတ်​လော​။

ဟော​ရှေ 10:4

သူ​တို့​ပြော​သော​စကား​သည် စကား​သက်သက်​သာ ဖြစ်​၏​။ ပဋိညာဉ်​ဖွဲ့​ရာ​၌ အချည်းနှီး​ကျိန်ဆို​ကြ​၏​။ ထို့ကြောင့် တရားစီရင်​ခြင်း​သည် ထွန်ကြောင်း​ပေါ်တွင် ပေါက်​သော​အဆိပ်ပင်​ကဲ့သို့ ဖြစ်​လိမ့်မည်​။

ဟော​ရှေ 12:2

ထာဝရဘုရား​သည် ယုဒ​ကို စွဲချက်တင်​တော်မူ​ပြီ​။ ယာကုပ်​ကို သူ​ကျင့်ကြံ​ခဲ့​သည့်​အတိုင်း သူ့​ကို​ဒဏ်ခတ်​တော်မူ​မည်​။ သူ​လုပ်ဆောင်​ခဲ့​သည့်​အတိုင်း သူ့​ကို​ပြန်​ပေးဆပ်​စေ​မည်​။

ဟော​ရှေ 13:10

အမြို့မြို့​တွင်​နေ​သော​သင်​တို့​ကို ကယ်တင်​မည့်​ဘုရင်​ကား အဘယ်မှာ​နည်း​။ ‘အကျွန်ုပ်​တို့​အား ရှင်ဘုရင်​၊ အကြီးအကဲ​ကို ပေး​ပါ’​ဟု သင်​တို့​တောင်းဆို​ခဲ့​သော အုပ်ချုပ်သူ​ကား အဘယ်မှာ​နည်း​။

ဟော​ရှေ 8:10

သူ​တို့​သည် လူမျိုးခြား​တို့​ထံမှ ချစ်သူ​များ​ငှားရမ်း​သော်လည်း သူ​တို့​ကို ငါ​ပြန်လည်​စုစည်း​မည်​။ ဘုရင်​နှင့် အကြီးအကဲ​တို့ တင်​သော​ဝန်​ကို လေးလံ​စွာ​ထမ်း​ရ​သောကြောင့် သူ​တို့​သည် ယုတ်လျော့စပြု​လိမ့်မည်​။

တ​ရား​ဟော 28:36

ထာဝရဘုရား​သည် သင့်​ကို​လည်းကောင်း​၊ သင်​တင်မြှောက်​ထား​သော သင့်​ကို​အုပ်စိုး​သည့်​ရှင်ဘုရင်​ကို​လည်းကောင်း သင်​မ​သိ​၊ သင့်​ဘိုးဘေး​တို့​လည်း​မ​သိ​သော လူမျိုး​ထံသို့ ဆောင်သွား​တော်မူ​သဖြင့် သင်​သည် ထို​အရပ်​၌ အခြား​ဘုရား​များ​ဖြစ်​သည့် သစ်သား​ဘုရား​၊ ကျောက်​ဘုရား​တို့​ကို​ဝတ်ပြု​ရ​လိမ့်မည်​။