၄ ရာ 17:35 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁵ ထာဝရဘုရား​သည် သူ​တို့​နှင့် ပဋိညာဉ်​ဖွဲ့​ခဲ့​စဉ်က သူ​တို့​အား “​အခြား​သော​ဘုရား​များ​ကို ကြောက်ရွံ့​ခြင်း​မ​ရှိ​ရ​။ ထို​ဘုရား​တို့​ကို မ​ကိုးကွယ်​ရ​၊ ဝတ်​မ​ပြု​ရ​၊ ယဇ်​မ​ပူဇော်​ရ​။

Common Language Bible

³⁵ ထာ​ဝ​ရ​ဘု​ရား​သည်​သူ​တို့​နှင့်​ပ​ဋိ​ညာဉ်​ဖွဲ့ တော်​မူ​၍``သင်​တို့​သည်​အ​ခြား​ဘု​ရား​များ ကို​ဝတ်​မ​ပြု​ရှိ​မ​ခိုး​ကြ​နှင့်။ သူ​တို့​ရှေ့​တွင် ဦး​မ​ညွှတ်​ကြ​နှင့်။ သူ​တို့​အား​ဝတ်​ပြု​ကိုး​ကွယ် မှု​ကို​သော်​လည်း​ကောင်း၊ ယဇ်​ပူ​ဇော်​မှု​ကို သော်​လည်း​ကောင်း​မ​ပြု​ကြ​နှင့်၊-

Garrad Bible

³⁵ ထာ ဝ ရ ဘု ရား သည် ယာ ကုပ် အ မျိုး သား တို့ နှင့် ပ ဋိ ညာဉ် ဖွဲ့၍ မိန့် မှာ တော် မူ ခဲ့ သည် မှာ အ ခြား ဘု ရား များ ကို ခန့် ညား၊ ရှိ ခိုး၊ ဝတ် ပြု၊ ပူ ဇော် ခြင်း မ ပြု ရ။

Judson Bible

³⁵ ထာ​ဝ​ရ​ဘု​ရား​သည် ထို​အ​မျိုး​သား​တို့​နှင့် ပ​ဋိ​ညာဉ်​ဖွဲ့၍၊ သင်​တို့​သည် အ​ခြား​တစ်​ပါး​သော​ဘု​ရား​တို့​ကို မ​ရို​သေ၊ ဦး​မ​ညွှတ်၊ ဝတ်​မ​ပြု၊ ယဇ်​မ​ပူ​ဇော်​ရ။

၄ ရာ 17:35 Referencias Cruzadas

၄ ရာ 17:15

ပြဋ္ဌာန်းချက်​များ​၊ ဘိုးဘေး​တို့​နှင့်​ဖွဲ့​ခဲ့​သော​ပဋိညာဉ်​များ​၊ သူ​တို့​အား ပြ​တော်မူ​သော​သက်သေခံချက်​များ​ကို စွန့်ပယ်​ကြ​၏​။ မိမိ​တို့​ဝန်းကျင်​ရှိ​လူမျိုးခြား​တို့​နောက်သို့​မ​လိုက်​ရ​၊ သူ​တို့​ကဲ့သို့​မ​ပြု​ရ​ဟု ထာဝရဘုရား​မိန့်​တော်မူ​လျက်​နှင့် သူ​တို့​သည် အချည်းနှီး​သော​အရာ​များ​နောက်သို့​လိုက်​ပြီး အချည်းနှီး​သော​သူ​များ​ဖြစ်​ကြ​၏​။

ထွက်​မြောက် 20:3

သင်​၌ ငါ​မှတစ်ပါး အခြား​ဘုရား မ​ရှိ​စေ​ရ​။

ယေ​ရ​မိ 10:5

ထို​အရာ​သည် သခွားခင်း​ရှိ စာခြောက်ရုပ်​နှင့်​တူ​၏​။ စကား​လည်း​မ​ပြော​နိုင်​။ လမ်း​လည်း​မ​လျှောက်​နိုင်​သဖြင့် ထမ်းသွား​ရ​၏​။ အန္တရာယ်​မ​ပေး​နိုင်​သလို ကောင်းကျိုး​လည်း မ​ပေး​နိုင်​သောကြောင့် ထို​အရာ​တို့​ကို မ​ကြောက်​ကြ​နှင့်​”​ဟု မိန့်​တော်မူ​၏​။

ယေ​ရ​မိ 25:6

အခြား​ဘုရား​များ​နောက်သို့​လိုက်​၍ မ​ပျပ်ဝပ် မ​ကိုးကွယ်​ကြ​နှင့်​။ သင်​တို့​လက်​နှင့်​လုပ်​သော​အရာ​များ​ဖြင့် ငါ့​အမျက်​ကို မ​နှိုးဆော်​ကြ​နှင့်​။ သို့ပြုလျှင် သင်​တို့​ကို ငါ​ဒဏ်ခတ်​မည်​မ​ဟုတ်​’​ဟု ဆင့်ဆို​ခဲ့​ကြ​သော်လည်း

တ​ရား​ဟော 5:2

ငါ​တို့​၏​ဘုရားသခင်​ထာဝရဘုရား​သည် ဟောရပ်​တောင်​၌ ငါ​တို့​နှင့်​ပဋိညာဉ်​ဖွဲ့​တော်မူ​၏​။

တ​ရား​ဟော 5:9

ထို​အရာ​တို့​ကို မ​ပျပ်ဝပ်​မ​ကိုးကွယ်​ရ​။ အကြောင်းမူကား သင်​၏​ဘုရားသခင် ငါ​ထာဝရဘုရား​သည် သဝန်တို​တတ်​သော​ဘုရား​၊ ငါ့​ကို​မုန်း​သော​သူ​တို့​၏​မျိုးဆက် တတိယ​အဆက်​၊ စတုတ္ထ​အဆက်​တိုင်အောင် ဖခင်​တို့​၏​အပြစ်​အတွက် သားမြေး​တို့​ကို ဒဏ်ခတ်​သော​ဘုရား​၊

တ​ရား​ဟော 6:14

အခြား​ဘုရား​များ​၊ သင်​တို့​ပတ်လည်​ရှိ​လူမျိုး​တို့​၏​ဘုရား​များ​ကို မ​ဆည်းကပ်​ရ​။

ယော​ရှု 23:16

သင်​တို့​အား သင်​တို့​၏​ဘုရားသခင်​ထာဝရဘုရား​မိန့်မှာ​တော်မူ​သည့်​ပဋိညာဉ်​ကို သင်​တို့​ချိုးဖောက်​၍ အခြား​ဘုရား​များ​အား သွားရောက်​ဝတ်ပြု​ကိုးကွယ်​လျှင် ထာဝရဘုရား​သည် သင်​တို့​အပေါ် အမျက်ထွက်​တော်မူ​သဖြင့် သင်​တို့​သည် ကိုယ်တော်​ပေး​တော်မူ​သည့်​သာယာဝပြော​သော​ပြည်​တွင် အလျင်အမြန်​ပျက်စီး​သွား​ရ​လိမ့်မည်​”​ဟု ဆို​လေ​၏​။

ယော​ရှု 23:7

သင်​တို့​တွင် ကျန်နေ​သေး​သော​လူမျိုး​တို့​နှင့်​ပေါင်းဖော်​ခြင်း​မ​ပြု​နှင့်​၊ သူ​တို့​ဘုရား​များ​၏​နာမ​ကို​မ​တ​နှင့်​၊ မ​တိုင်တည်​နှင့်​။ ထို​ဘုရား​တို့​ကို​ဝတ်​မ​ပြု​နှင့်​၊ ရှိခိုးကိုးကွယ်​ခြင်း​မ​ပြု​နှင့်​။

သူ​ကြီး 6:10

သင်​တို့​ကို​လည်း ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။ သင်​တို့​နေထိုင်​သော​ပြည်​ရှိ အာမောရိ​လူမျိုး​တို့​၏​ဘုရား​များ​ကို မ​ကြောက်​ရ​ဟု ငါ​မိန့်ဆို​ခဲ့​သော်လည်း သင်​တို့​သည် ငါ​၏​စကား​ကို​နား​မ​ထောင်​ကြ​’​ဟူ၍ မိန့်​တော်မူ​သည်​”​ဟု ဆင့်ဆို​လေ​၏​။