၄ ရာ 17:34 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁴ ယနေ့​ထိ​တိုင်အောင် ဓလေ့ထုံးတမ်း​ဟောင်း​များ​အတိုင်း ပြုကျင့်​လျက်​နေ​ကြ​၏​။ ထာဝရဘုရား​အား ကြောက်ရွံ့​ခြင်း​အလျှင်း​မ​ရှိ​။ အစ္စရေး​ဟု အမည်ရ​သော​ယာကုပ်​၏​သား​တို့​အား ထာဝရဘုရား​မိန့်မှာ​ထား​တော်မူ​သော ပြဋ္ဌာန်းချက်​များ​၊ စီရင်ထုံးဖွဲ့ချက်​များ​၊ ဥပဒေသ​များ​၊ ပညတ်ချက်​များ စသည်​တို့​ကို​လည်း မ​လိုက်နာ​ကြ​ပေ​။

Common Language Bible

³⁴ သူ​တို့​သည်​မိ​မိ​တို့​၏​ဋ္ဌ​လေ့​ထုံး​စံ​ဟောင်း များ​ကို ယ​နေ့​တိုင်​အောင်​ကျင့်​သုံး​လျက်​ရှိ ကြ​၏။ ထာ​ဝရ​ဘု​ရား​ကို​ကြောက်​ရွံ့​ရို​သေ ခြင်း​မ​ရှိ​ကြ။ ဣသ​ရေ​လ​ဟူ​သော​နာ​မည် ဖြင့်​ကိုယ်​တော်​သ​မုတ်​တော်​မူ​သော ယာ​ကုပ် ၏​သား​မြေး​တို့​အား​ကိုယ်​တော်​ပေး​အပ်​တော် မူ​ခဲ့​သည့် ပ​ညတ်​တော်​များ​နှင့်​အ​မိန့်​တော် များ​ကို​လည်း​မ​လိုက်​နာ​ကြ။-

Garrad Bible

³⁴ ကိုယ့် ဘု ရား များ ကို ဝတ် ပြု၍၊ ယ နေ့ တိုင် အောင် ရှေး ထုံး နည်း အ လိုက် ပြု လေ့ ရှိ ကြ၏။ ဣ သ ရေ လ ဟု သ မုတ် တော် မူ သော ယာ ကုပ် အ မျိုး သား တို့ အား ထာ ဝ ရ ဘု ရား မိန့် တော် မူ သည့် ပ ညတ် တော်၊ တ ရား တော်၊ ထုံး ဖွဲ့ ဆုံး ဖြတ် တော် မူ ချက် များ အ တိုင်း မ လိုက်၊ ထာ ဝ ရ ဘု ရား ကို ခန့် ညား သော သ ဘော မ ရှိ ချေ။

Judson Bible

³⁴ ယ​နေ့​တိုင်​အောင် ရှေး​ထုံး​စံ​ဓ​လေ့​သို့ လိုက်​ကြ​သည်​ဖြစ်၍၊ ထာ​ဝ​ရ​ဘု​ရား​ကို ရို​သေ​ရာ​မ​ရောက်။ ဣ​သ​ရေ​လ​အ​မျိုး​ခံ​ရ​သော စီ​ရင်​ထုံး​ဖွဲ့​ချက်​တို့​ကို မ​စောင့်။ ဣ​သ​ရေ​လ​အ​မည်​ဖြင့်​သ​မုတ်​သော ယာ​ကုပ်​အ​မျိုး​သား​တို့၌ ထာ​ဝ​ရ​ဘု​ရား ထား​တော်​မူ​သော ပ​ညတ်​တ​ရား​တို့​ကို​မ​ကျင့်​ဘဲ​နေ​ကြ၏။

၄ ရာ 17:34 Referencias Cruzadas

ကမ္ဘာ​ဦး 32:28

ထိုအခါ ထို​သူ​က “​သင်​၏​အမည်​ကို ယာကုပ် ဟု​မ​ခေါ်​တော့​ဘဲ အစ္စရေး​ဟု​ခေါ်​ရ​မည်​။ အကြောင်းမူကား သင်​သည် ဘုရားသခင်​နှင့်​လည်းကောင်း​၊ လူ​နှင့်​လည်းကောင်း ပြိုင်​၍​နိုင်​လေ​ပြီ​”​ဟု ဆို​၏​။

ကမ္ဘာ​ဦး 32:29

ယာကုပ်​က​လည်း “​အရှင်​၏​အမည်​ကို သိ​ပါရစေ​”​ဟု ဆို​လျှင် ထို​သူ​က “​အဘယ်ကြောင့် ငါ​၏​အမည်​ကို​မေး​သနည်း​”​ဟု ဆို​ပြီး ထို​အရပ်​၌ ယာကုပ်​ကို ကောင်းချီးပေး​လေ​၏​။

ကမ္ဘာ​ဦး 33:20

ထို့နောက် ထို​အရပ်​၌ ယဇ်ပလ္လင်​ကို​တည်​၍ ဧလ​ဧလော​အစ္စရေး ဟု​ခေါ်​၏​။

ကမ္ဘာ​ဦး 35:10

ဘုရားသခင်​က “​သင်​၏​အမည်​သည် ယာကုပ် ဖြစ်​၏​။ သို့သော် သင့်​ကို ယာကုပ် ဟု​ခေါ်​တော့​မည်​မ​ဟုတ်​။ ယခု​မှစ၍ သင်​၏​အမည်​သည် အစ္စရေး ဖြစ်​ရ​မည်​”​ဟု သူ့​အား​မိန့်​တော်မူ​လျက် သူ​၏​အမည်​ကို အစ္စရေး ဟု​မှည့်ခေါ်​တော်မူ​၏​။

၃ ရာ 11:31

ယေရောဗောင်​အား “​ဤ​အဝတ်စ​ဆယ်​ပိုင်း​ကို သင်​ယူ​ထား​လော့​။ အစ္စရေး​လူမျိုး​၏​ဘုရားသခင် ထာဝရဘုရား​က ‘​ရှောလမုန်​မင်းကြီး​လက်​မှ နိုင်ငံ​ကို​ရုပ်သိမ်း​ပြီး မျိုးနွယ်​ဆယ်​နွယ်​ကို သင့်​အား​ပေး​မည်​။

၃ ရာ 18:11

ယခုမှာ အရှင်​က သင့်​သခင်​ထံ​သွား​၍ ‘​ဧလိယ​နှင့်​တွေ့​ပါ​ပြီ​’​ဟု လျှောက်​စေ​ပါ​သည်​တကား​။

၃ ရာ 18:31

“​သင့်​အမည်​ကား အစ္စရေး​ဖြစ်​ရ​မည်​”​ဟု ထာဝရဘုရား​၏​မိန့်ဆို​ခြင်း​ကို​ခံရ​သော​ယာကုပ်​မှ ဆင်းသက်​လာ​သော​အမျိုးအနွယ်​အရေအတွက်​အတိုင်း ဧလိယ​သည် ကျောက်တုံး​တစ်ဆယ့်​နှစ်​တုံး​ကို​ယူ​၍

၄ ရာ 17:25

ထို​သူ​တို့​သည် ထို​မြို့ရွာ​တို့​တွင်​နေထိုင်​ခါစ​၌ ထာဝရဘုရား​ကို ကြောက်ရွံ့ရိုသေ​ခြင်း​မ​ရှိ​သောကြောင့် ထာဝရဘုရား​သည် သူ​တို့​ထံ ခြင်္သေ့​ကို​စေလွှတ်​၍ သူ​တို့​ထဲမှ​အချို့​ကို ကိုက်သတ်​စေ​တော်မူ​၏​။

၄ ရာ 17:33

သူ​တို့​သည် ထာဝရဘုရား​ကို ကြောက်ရွံ့​ကြ​သော်လည်း ယခင်​နေ​ခဲ့​သော​ပြည်​ရှိ​လူမျိုး​တို့​၏​ဓလေ့ထုံးတမ်း​ကဲ့သို့ပင် သူ​တို့​၏​ဘုရား​အများ​ကို​လည်း ဝတ်ပြု​ကြ​၏​။

၄ ရာ 17:40

သို့သော် သူ​တို့​သည် နား​မ​ထောင်​ကြ​ဘဲ ဓလေ့ထုံးတမ်း​ဟောင်း​များ​အတိုင်း​သာ ပြုကျင့်​ကြ​၏​။

ဆာ​လံ 55:20

ထိုသို့သော​သူ​သည် သူ​၏​မိတ်ဆွေ​များ​ကို လက်ရောက်​ကျူးလွန်​၍ သူ​၏​ပဋိညာဉ်​ကို ရှုတ်ချ​လေ​ပြီ​။

သုတ္တံကျမ်း။ 14:2

ဖြောင့်မှန်​စွာ​လျှောက်လှမ်း​သော​သူ​သည် ထာဝရဘုရား​ကို​ကြောက်ရွံ့​တတ်​၏​။ သွေဖည်​လွဲမှား​သော​လမ်း​တို့​ကို​လိုက်​သော​သူ​မူကား ကိုယ်တော်​ကို​မထီမဲ့မြင်ပြု​တတ်​၏​။

ဟေ​ရှာ​ယ 48:1

အို ယာကုပ်​အမျိုးအနွယ်​တို့​၊ နားထောင်​ကြ​လော့​။ သင်​တို့​သည် အစ္စရေး​ဟူသော​အမည်​ဖြင့် ခေါ်ဝေါ်​ခြင်း​ခံရ​သူ​၊ ယုဒ​စမ်းရေတွင်း​များ​မှ စီး​ထွက်လာ​သူ​၊ သစ္စာတရား​အားဖြင့်​မ​ဟုတ်​၊ ဖြောင့်မတ်​ခြင်း​အားဖြင့်​မ​ဟုတ်​ဘဲ ထာဝရဘုရား​၏​နာမ​တော်​ကို တိုင်တည်ကျိန်ဆို​သူ​၊ အစ္စရေး​လူမျိုး​၏​ဘုရားသခင်​ထံ ပတ္ထနာပြု​သော​သူ​၊