၃ ရာ 18:38 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁸ ထိုအခါ ထာဝရဘုရား​ထံမှ​မီး​ကျလာ​၍ မီးရှို့ရာယဇ်ကောင်​၊ ထင်း​၊ ကျောက်​၊ မြေမှုန့်​တို့​ကို​ပါ လောင်ကျွမ်း​သဖြင့် မြောင်း​ထဲမှ​ရေ​များ​လည်း ခန်းခြောက်​လေ​၏​။

Common Language Bible

³⁸ ထာ​ဝ​ရ​ဘု​ရား​သည်​မီး​ကို​ချ​ပေး​တော်​မူ​သ​ဖြင့် ယဇ်​ပူ​ဇော်​သကာ​နှင့်​တ​ကွ​ထင်း​နှင့်​ကျောက်​တုံး​များ ပါ​ကျွမ်း​လောင်​သွား​သည့်​အ​ပြင် မြေ​ကြီး​သည်​လည်း မီး​ကျွမ်း​၍​မြောင်း​ထဲ​ရှိ​ရေ​ကို​ခန်း​ခြောက်​စေ​၏။-

Garrad Bible

³⁸ ထာ ဝ ရ ဘု ရား ထံ မှ မီး ကျ၍ ရှို့ ရာ သ က္ကာ အ စ ရှိ သော ထင်း၊ ကျောက်၊ မြေ မုန့် ပါ၊ ကျွမ်း လောင် လျက် ကျုံး ရှိ ရေ ကို လည်း ခန်း ခြောက် စေ ၏။

Judson Bible

³⁸ ထို​အ​ခါ ထာ​ဝ​ရ​ဘု​ရား၏​မီး​သည်​ကျ​သ​ဖြင့်၊ မီး​ရှို့​ရာ​ယဇ် အ​စ​ရှိ​သော​ထင်း၊ ကျောက်၊ မြေ​မှုန့်​ကို​လောင်၍ ကျုံး၌​ရှိ​သော​ရေ​ကို​လည်း ခန်း​ခြောက်​စေ၏။

၃ ရာ 18:38 Referencias Cruzadas

ကမ္ဘာ​ဦး 15:17

နေဝင်​၍ မှောင်​လာ​သောအခါ မီးခိုး​ထွက်​နေ​သော​မီးဖို​နှင့် မီးတောက်​နေ​သော​မီးတိုင်​သည် ထို​ပိုင်း​ထား​သော​အသေကောင်​တို့​အလယ်​၌ ဖြတ်သွား​၏​။

၃ ရာ 18:24

ထို့နောက် သင်​တို့​ဘုရား​၏​နာမ​ကို ခေါ်​ပါ​။ ငါ​သည်​လည်း ထာဝရဘုရား​၏​နာမ​ကို ခေါ်​မည်​။ မီး​ဖြင့် ထူး​တော်မူ​သော​ဘုရား​သည် ဘုရားသခင်​မှန်​ပါစေ​”​ဟု ဆို​၏​။ လူ​အပေါင်း​တို့​က​လည်း “​ကောင်း​ပါ​ပြီ​”​ဟု ဆို​ကြ​၏​။

၃ ရာ 18:35

ဤသို့ဖြင့် ယဇ်ပလ္လင်​ပတ်ပတ်လည်​တွင် ရေ​ဝိုင်း​နေ​ပြီး မြောင်း​ထဲတွင်​လည်း ရေ​ပြည့်​လေ​၏​။

၃ ရာ 18:37

အို ထာဝရဘုရား​၊ ထူး​တော်မူ​ပါ​။ အကျွန်ုပ်​ကို ထူး​တော်မူ​ပါ​။ သို့မှ ထာဝရဘုရား​သည် ဘုရားသခင်​မှန်ကြောင်း​၊ ကိုယ်တော်​သည် လူ​တို့​၏​စိတ်​ကို​ပြောင်းလဲ​စေ​နိုင်​ကြောင်း​ကို ဤ​လူ​တို့​သိ​ရ​လိမ့်မည်​”​ဟု ဆုတောင်း​လေ​၏​။

၄ ရာ 1:12

ဧလိယ​က​လည်း “​ငါ​သည် ဘုရားသခင်​၏​လူ​မှန်​လျှင် မိုးကောင်းကင်​မှ​မီး​ကျ​လာ​ပြီး သင်​နှင့်​သင့်​လူ​အယောက်​ငါးဆယ်​ကို လောင်ကျွမ်း​ပါစေသော​”​ဟု​ဆို​လျှင် မိုးကောင်းကင်​မှ​မီး​ကျလာ​ပြီး တပ်မှူး​နှင့် သူ​၏​တပ်သား​အယောက်​ငါးဆယ်​ကို လောင်ကျွမ်း​ပြန်​၏​။

၁ ရာ​ချုပ် 21:26

ထို့နောက် ဒါဝိဒ်​မင်းကြီး​သည် ထို​နေရာ​တွင် ထာဝရဘုရား​အဖို့ ယဇ်ပလ္လင်​ကို တည်​၍ မီးရှို့ရာယဇ်​၊ မိတ်သဟာယယဇ်​တို့​ကို​ပူဇော်​ပြီး ထာဝရဘုရား​ထံ အော်ဟစ်​ဆုတောင်း​သောအခါ ကိုယ်တော်​သည် ယဇ်ပလ္လင်​ပေါ်ရှိ မီးရှို့ရာယဇ်​အပေါ်​သို့ ကောင်းကင်​မှ​မီး​ကျလာ​စေ​ခြင်း​ဖြင့် ထူး​တော်မူ​၏​။

၂ ရာ​ချုပ် 7:1

ထိုသို့ ရှောလမုန်​မင်းကြီး​ဆုတောင်း​ပြီး​သောအခါ ကောင်းကင်​မှ​မီး​ကျလာ​၍ မီးရှို့ရာယဇ်​နှင့်​ပူဇော်သက္ကာ​တို့​ကို လောင်ကျွမ်း​လေ​၏​။ ထာဝရဘုရား​၏​ဘုန်းအသရေ​တော်​သည်​လည်း အိမ်​တော်​ကို ဖုံးလွှမ်း​လေ​၏​။

ယောဘဝတ္တု။ 1:16

ထိုသို့ ကြားလျှောက်​နေစဉ်​တွင်ပင် အခြား​တမန်​တစ်ဦး​ရောက်လာ​၍ “​ဘုရားသခင်​၏​မီး​သည် ကောင်းကင်​မှ​ကျလာ​၍ သိုး​နှင့်​အစေခံ​တို့​ကို လောင်​ကျွမ်း​လေ​ပြီ​။ အကျွန်ုပ်​တစ်ဦးတည်း​သာ လွတ်မြောက်​လာ​သဖြင့် အရှင့်​ထံ လာရောက်​ကြားလျှောက်​ပါ​သည်​”​ဟု ဆို​၏​။

ဟေ​ရှာ​ယ 31:9

သူ​၏​ကျောက်​သည် ကြောက်လန့်​၍ ပျောက်ကွယ်​သွား​လိမ့်မည်​။ သူ​၏​အကြီးအကဲ​တို့​သည် အချက်ပြအလံ​ကြောင့် စိတ်ပျက်​ကြ​လိမ့်မည်​”​ဟု ဇိအုန်​တောင်​ပေါ်တွင်​မီး​၊ ဂျေရုဆလင်​မြို့​တွင် မီးဖို​တည်​တော်မူ​သော ထာဝရဘုရား​မိန့်​တော်မူ​၏​။

ဝတ်​ပြု 10:1

အာရုန်​၏​သား​နာဒပ်​နှင့်​အဘိဟု​တို့​သည် မိမိ​တို့​၏​မီးကျီးခံဗန်း​ကို ကိုယ်စီ​ယူ​၍ မီး​ထည့်​ကာ ထို​မီး​ပေါ်၌ နံ့သာပေါင်း​ကို​တင်​ပြီးလျှင် သူ​တို့​အား မိန့်မှာ​ထား​တော်မူ​သော​မီး​မ​ဟုတ်​သည့် အခြား​သော​မီး​ကို ထာဝရဘုရား​ရှေ့​တော်​၌ ပူဇော်​ကြ​၏​။

ဝတ်​ပြု 10:2

ထို့ကြောင့် ထာဝရဘုရား​ထံ​တော်​မှ မီး​ထွက်လာ​၍ သူ​တို့​ကို​လောင်ကျွမ်း​သဖြင့် သူ​တို့​သည် ထာဝရဘုရား​ရှေ့​တော်​၌ သေ​ကြ​လေ​၏​။

ဝတ်​ပြု 9:24

ထိုအခါ ထာဝရဘုရား​ထံ​တော်​မှ​မီး​ဆင်းသက်​၍ ယဇ်ပလ္လင်​ပေါ်​ရှိ​မီးရှို့ရာယဇ်​နှင့်​အဆီ​တို့​ကို​လောင်ကျွမ်း​လေ​၏​။ လူ​အပေါင်း​တို့​သည် တွေ့မြင်​သောအခါ ရွှင်လန်း​စွာ​ကြွေးကြော်​လျက် ပျပ်ဝပ်​ရှိခိုး​ကြ​လေ​၏​။

ဗျာ​ဒိတ် 13:13

ထိုမှတစ်ပါး ကြီးမား​သော​နိမိတ်​လက္ခဏာ​များ​ကို​ပြု​လျက် လူ​တို့​ရှေ့​တွင် ကောင်းကင်​မှ မြေကြီး​ပေါ်သို့ မီး​ကို​ပင် ကျ​လာ​စေ​၏။

သူ​ကြီး 6:21

ထာဝရဘုရား​၏​ကောင်းကင်တမန်​သည် လက်​ထဲရှိ တောင်ဝှေး​ကို ဆန့်​၍ အသား​နှင့်​တဆေးမဲ့မုန့်​ကို တို့​သောအခါ ထို​ကျောက်​မှ မီးတောက်​ထွက်​၍ အသား​နှင့် တဆေးမဲ့မုန့်​ကို လောင်ကျွမ်း​သွား​၏​။ ထိုစဉ် ထာဝရဘုရား​၏​ကောင်းကင်တမန်​က ဂိဒေါင်​ရှေ့​မှ ပျောက်သွား​၏​။