၃ ရာ 1:34 - မြန်​​​မာ့​​​စံ​​​မီ​​​သမ္မာ​​​ကျမ်း​​

³⁴ ထို​မြို့​တွင် ယဇ်ပုရောဟိတ်​ဇာဒုတ်​နှင့် ပရောဖက်​နာသန်​တို့​သည် သူ့​ကို အစ္စရေး​လူမျိုး​၏​ဘုရင်​အဖြစ် ဘိသိက်ပေး​ရ​မည်​။ ပြီးမှ တံပိုး​မှုတ်​လျက် ‘​ရှောလမုန်​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ရ​မည်​။

Common Language Bible

³⁴ ထို​အ​ရပ်​တွင်​ဇာ​ဒုတ်​နှင့်​နာ​သန်​တို့​က​သူ့​အား ဣ​သ​ရေ​လ​ဘု​ရင်​အ​ဖြစ်​ဖြင့်​ဘိ​သိက်​ပေး​ကြ စေ။ ထို့​နောက်​တံ​ပိုး​ခ​ရာ​မှုတ်​၍`ရှော​လ​မုန်​မင်း သက်​တော်​ရှည်​ပါ​စေ​သော' ဟု​ကြွေး​ကြော်​ကြ လော့။-

Garrad Bible

³⁴ ဣ သ ရေ လ လူ မျိုး အ ပေါ် တွင် ဘု ရင် အ ဖြစ် ပ ရော ဟိတ် ဇာ ဒုတ် နှင့် ပ ရော ဖက် နာ သန် တို့ ဘိ သိက် သွန်း ကြ စေ။ ရှော လ မုန် မင်း သက် တော် ရှည် ပါ စေ သော ဟု ကြွေး ကြော် ခြင်း၊ တံ ပိုး မှုတ် ခြင်း ကို ပြု လျက်

Judson Bible

³⁴ ယဇ်​ပု​ရော​ဟိတ် ဇာ​ဒုတ်​နှင့် ပ​ရော​ဖက်​နာ​သန်​သည် ထို​မြို့​မှာ ဘိ​သိက်​ပေး၍ ဣ​သ​ရေ​လ​ရှင်​ဘု​ရင်​အ​ရာ၌ ချီး​မြှောက်​ပြီး​လျှင်၊ တံ​ပိုး​မှုတ်၍ ရှော​လ​မုန်​မင်း​ကြီး​သည် အ​သက်​တော်​ရှင်​စေ​သ​တည်း​ဟု ကြွေး​ကြော်​ကြ​လော့။

၃ ရာ 1:34 Referencias Cruzadas

၂ ရာ 15:10

ထို့နောက် အဗရှလုံ​သည် အစ္စရေး​အမျိုးအနွယ်​အပေါင်း​တို့​ထံသို့ သူလျှို​တို့​ကို​စေလွှတ်​၍ “​တံပိုးမှုတ်သံ​ကို သင်​တို့​ကြား​လျှင် ‘​အဗရှလုံ​သည် ဟေဗြုန်​မြို့​တွင် နန်းတက်​လေ​ပြီ​’​ဟူ၍ ကြွေးကြော်​ကြ​လော့​”​ဟု မှာလိုက်​၏​။

၂ ရာ 2:4

ထိုအခါ ယုဒ​အမျိုးသား​တို့​သည် ရောက်လာ​၍ ဒါဝိဒ်​အား ယုဒ​အမျိုးအနွယ်​တို့​၏​ဘုရင်​အဖြစ် ထို​နေရာ​တွင် ဘိသိက်ပေး​ကြ​၏​။ သူ​တို့​က ဒါဝိဒ်​အား “ယာဗက်​ဂိလဒ်​မြို့သား​တို့​က ရှောလု​မင်းကြီး​ကို​သင်္ဂြိုဟ်​လိုက်​ကြ​ပါ​ပြီ​”​ဟု ပြောပြ​ကြ​သောအခါ

၂ ရာ 5:3

အစ္စရေး​သက်ကြီးဝါကြီး​အပေါင်း​တို့​သည်​လည်း ရှင်ဘုရင်​ရှိ​ရာ ဟေဗြုန်​မြို့​သို့ ရောက်လာ​ကြ​၏​။ ဟေဗြုန်​မြို့​တွင် ဒါဝိဒ်​မင်းကြီး​သည် ထာဝရဘုရား​ရှေ့​တော်​၌ သူ​တို့​နှင့် ကတိသစ္စာ​ပြု​ပြီးလျှင် သူ​တို့​သည်​လည်း ဒါဝိဒ်​ကို အစ္စရေး​လူမျိုး​၏​ဘုရင်​အဖြစ် ဘိသိက်ပေး​ကြ​၏​။

၃ ရာ 1:25

ယနေ့ သူ​သည် သိုး​၊ နွား​မှစ၍ ဆူဖြိုး​သော​အကောင်​အမြောက်အမြား​ကို သွား​၍​ယဇ်ပူဇော်​ပါ​ပြီ​။ ဘုရင့်​သား​တော်​အပေါင်း​တို့​အပါအဝင် စစ်မှုထမ်း​အကြီးအကဲ​များ​နှင့် ယဇ်ပုရောဟိတ်​အဗျာသာ​တို့​ကို ဖိတ်ခေါ်​ပြီး စား​သောက်​ကြ​လျက် ‘​အဒေါနိယ​မင်းကြီး သက်တော်ရှည်​ပါစေ​’​ဟု ကြွေးကြော်​ကြ​ပါ​ပြီ​။

၃ ရာ 1:35

ထို့နောက် သင်​တို့​သည် သူ​နှင့်အတူ​ပြန်လိုက်လာ​ရ​မည်​။ သူ​သည် ငါ့​ရာဇပလ္လင်​ပေါ်တွင် စံမြန်း​ရ​မည်​။ ငါ့​နန်းမွေ​ကို ဆက်ခံ​ရ​မည်​။ ယခု သူ့​ကို အစ္စရေး​လူမျိုး​နှင့် ယုဒ​လူမျိုး​တို့​၏​ဘုရင်​အဖြစ် ငါ​ခန့်ထား​ပြီ​”​ဟု မိန့်ဆို​၏​။

၃ ရာ 1:39

ထို့နောက် ယဇ်ပုရောဟိတ်​ဇာဒုတ်​သည် ဆီ​ထည့်​ထား​သော​ချို​ကို တဲ​တော်​ထဲမှ​ယူ​၍ ရှောလမုန်​ကို ဘိသိက်ပေး​၏​။ ထို့နောက် သူ​တို့​သည် တံပိုး​ကို​မှုတ်​လျှင် လူ​အပေါင်း​တို့​က “​ရှောလမုန်​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

၃ ရာ 19:16

နိမ်ရှိ​၏​သား​ယေဟု​ကို အစ္စရေး​ဘုရင်​အဖြစ် ဘိသိက်ပေး​လော့​။ အာဗေလမဟောလ​မြို့​ရှိ ရှာဖတ်​၏​သား​ဧလိရှဲ​ကို သင့်​ကိုယ်စား ပရောဖက်​အဖြစ် ဘိသိက်ပေး​လော့​။

၄ ရာ 11:12

ထို့နောက် ယဇ်ပုရောဟိတ်​သည် ဘုရင့်​သား​တော်​ကို ထုတ်ဆောင်​လာ​၍ သရဖူ​နှင့်တကွ ကတိဝန်ခံလွှာ​ကို အပ်နှင်း​၏​။ လူ​တို့​သည်​လည်း သူ့​အား ဘိသိက်ပေး​မင်းမြှောက်​လိုက်​ကြ​၏​။ သူ​တို့​သည် လက်ခုပ်ဩဘာ​ပေး​လျက် “​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

၄ ရာ 11:14

ရှင်ဘုရင်​သည် အစဉ်အလာ​အတိုင်း တိုင်​နား​တွင် ရပ်​နေ​ပြီး မှူးမတ်​များ​၊ တံပိုးခရာမှုတ်သူ​များ​က ရှင်ဘုရင်​အား ခြံရံ​လျက် ရှိ​နေ​သည်​ကို​လည်းကောင်း​၊ ပြည်သူပြည်သား​အပေါင်း​တို့​က ဝမ်းမြောက်ပျော်ရွှင်​စွာ​တံပိုးခရာ​မှုတ်​နေ​ကြ​သည်​ကို​လည်းကောင်း အာသလိ​ဘုရင်မ မြင်​ရ​လျှင် သူ့​အဝတ်​ကို​ဆုတ်ဖြဲ​လျက် “​လျှို့ဝှက်ကြံစည်မှု​ပါ​တကား​၊ လျှို့ဝှက်ကြံစည်မှု​ပါ​တကား​”​ဟု အော်ဟစ်​လေ​၏​။

၄ ရာ 9:13

ထိုအခါ သူ​တို့​သည် မိမိ​တို့​အဝတ်​ကို​ချက်ချင်း​ယူ​၍ ယေဟု​ဆင်းလာ​မည့်​လှေကားထစ်​များ​တွင် ဖြန့်ခင်း​ပေး​၏​။ ထို့နောက် တံပိုး​ကို​မှုတ်​ပြီး “​ယေဟု​သည် ရှင်ဘုရင် ဖြစ်​တော်မူ​၏​”​ဟု ကြွေးကြော်​ကြ​၏​။

၄ ရာ 9:3

ထို့နောက် ဆီ​ဘူး​ထဲမှ​ဆီ​ကို သူ့​ခေါင်း​ပေါ်​သွန်းလောင်း​ပြီး သူ့​အား ‘​ထာဝရဘုရား​က “​ငါ​သည် သင့်​ကို အစ္စရေး​ဘုရင်​အဖြစ် ဘိသိက်ပေး​ပြီ​”​ဟု မိန့်​တော်မူ​ပြီ​’​ဟူ၍ ဆင့်ဆို​ပြီးလျှင် တံခါး​ကို​ဖွင့်​၍ မ​ဆိုင်း​မ​လင့်​ဘဲ ပြေး​လော့​”​ဟု မှာလိုက်​၏​။

၄ ရာ 9:6

ထိုအခါ ယေဟု​သည် ထ​၍​အိမ်​ထဲသို့​ဝင်သွား​၏​။ ပရောဖက်​လုလင်ပျို​သည် ဆီ​ကို သူ့​ခေါင်း​ပေါ်​သွန်းလောင်း​ပြီး “​အစ္စရေး​လူမျိုး​၏​ဘုရားသခင်​ထာဝရဘုရား​က သင့်​အား ‘​ငါ​သည် သင့်​ကို ထာဝရဘုရား​၏​လူမျိုး​တော်​အစ္စရေး​တို့​၏​ဘုရင်​အဖြစ် ဘိသိက်ပေး​တော်မူ​ပြီ​။

၂ ရာ​ချုပ် 23:11

ထို့နောက် ယဇ်ပုရောဟိတ်​သည် ဘုရင့်​သား​တော်​ကို ထုတ်ဆောင်​လာ​၍ သရဖူ​နှင့်တကွ ကတိဝန်ခံလွှာ​ကို အပ်နှင်း​၏​။ ယောယဒ​နှင့်​သူ​၏​သား​တို့​သည်​လည်း သူ့​ကို ဘိသိက်ပေး​မင်းမြှောက်​ကာ “​မင်းကြီး သက်တော်ရှည်​ပါစေ​”​ဟု ကြွေးကြော်​ကြ​၏​။

ဆာ​လံ 45:7

ကိုယ်တော်​သည် ဖြောင့်မတ်​ခြင်း​ကို​နှစ်သက်​၍ တရားမဲ့​ခြင်း​ကို​မုန်း​တော်မူ​၏​။ ထို့ကြောင့် ဘုရားသခင်​တည်းဟူသော ကိုယ်တော်​၏​ဘုရားသခင်​သည် ကိုယ်တော်​၏​အပေါင်းအဖော်​များ​ထက် ကိုယ်တော်​ကို ရွှင်မြူး​ခြင်း​ဆီ​နှင့် ဘိသိက်ပေး​တော်မူ​၏​။

ဆာ​လံ 89:20

ငါ​၏​အစေအပါး​ဒါဝိဒ်​ကို ငါ​ရှာတွေ့​၍ ငါ​၏​သန့်ရှင်း​သော​ဆီ​ဖြင့် သူ့​ကို​ဘိသိက်ပေး​ပြီ​။

ဆာ​လံ 89:36

သူ​၏​အမျိုးအနွယ်​သည် အစဉ်အမြဲ​တည်​လိမ့်မည်​။ သူ​၏​ပလ္လင်​သည်​လည်း ငါ့​ရှေ့​တွင် နေ​ကဲ့သို့​ဖြစ်​လိမ့်မည်​။

ဟေ​ရှာ​ယ 45:1

ရှင်ဘုရင်​တို့​၏​ခါးပန်း​ကို​ဖြေချ​ပြီး တိုင်းနိုင်ငံ​တို့​ကို သူ့​အဖို့​နှိမ်နင်း​ပေး​ဖို့​၊ မြို့​တံခါး​ကို ပိတ်​မ​ထား​ဘဲ သူ့​အဖို့​အစဉ်​ပွင့်​နေ​စေဖို့ ငါ​ကိုယ်တိုင် သူ​၏​ညာလက်​ကို​ဆွဲကိုင်​ထား​သော​သူ ငါ​၏​ဘိသိက်ခံ​ကုရု​မင်းကြီး​အား ငါ​ထာဝရဘုရား​က

တမန်တော်ဝတ္ထု 10:38

ဘုရားသခင်​သည် နာဇရက်​မြို့သား​ယေရှု​ကို သန့်ရှင်း​သော​ဝိညာဉ်​တော်​နှင့်​တန်ခိုး​တော်​တို့​ဖြင့် မည်ကဲ့သို့​ဘိသိက်​ပေး​ခဲ့​သည်​ကို​လည်းကောင်း သင်​တို့​သိ​ကြ​၏။ ဘုရားသခင်​သည် ကိုယ်တော်​နှင့်အတူ​ရှိ​တော်မူ​သောကြောင့် ကိုယ်တော်​သည် လှည့်လည်​၍ ကောင်း​သော​အမှု​ကို​ပြု​ကာ မာရ်နတ်​၏​ဖိနှိပ်​ခြယ်လှယ်​မှု​ခံရ​သူ​အပေါင်း​တို့​ကို ကျန်းမာ​စေ​တော်မူ​၏။

၁ ရာ 10:1

ရှမွေလ​သည် ဆီ​ဘူး​ကို​ယူ​၍ ရှောလု​၏​ခေါင်း​ပေါ်​သွန်းလောင်း​ပြီးလျှင် သူ့​ကို​နမ်း​လျက် “​အကယ်စင်စစ် ထာဝရဘုရား​သည် မိမိ​၏​အမွေ​တော်​ကို အုပ်ချုပ်သူမင်း​အဖြစ် သင့်​အား ဘိသိက်ပေး​တော်မူ​ပြီ​။

၁ ရာ 10:24

ရှမွေလ​က လူ​အပေါင်း​တို့​အား “​ထာဝရဘုရား​ရွေးကောက်​တော်မူ​သော​သူ​ကို ကြည့်​ကြ​ပါ​လော့​။ လူ​အပေါင်း​တို့​တွင် သူ​နှင့်တူသော​သူ​တစ်ယောက်မျှ​မ​ရှိ​”​ဟု ဆို​လျှင် လူ​အပေါင်း​တို့​က “​အရှင်မင်းကြီး သက်တော်ရှည်​ပါစေ​”​ဟု ကြွေးကြော်​ကြ​လေ​၏​။

၁ ရာ 16:3

ယေရှဲ​ကို ယဇ်ပူဇော်ပွဲ​သို့ ဖိတ်ခေါ်​ရ​မည်​။ သင်​ပြု​ရ​မည့်​အမှု​ကို ငါ​ပြ​မည်​။ သင့်​အား ငါ​ဖော်ပြ​သော​သူ​ကို ငါ့​အဖို့ သင်​ဘိသိက်ပေး​ရ​မည်​”​ဟု မိန့်​တော်မူ​၏​။