၂ ရာ​ချုပ် 29:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ယခုမှာ ပြင်းထန်​သော​အမျက်​တော်​ကို ငါ​တို့​ထံမှ လွှဲသွား​စေရန် အစ္စရေး​လူမျိုး​၏​ဘုရားသခင်​ထာဝရဘုရား​နှင့် ပဋိညာဉ်​ဖွဲ့​မည်​ဟု ငါ​စိတ်​ဆုံးဖြတ်​ပြီ​။

Common Language Bible

¹⁰ ``အ​မျက်​တော်​ပြေ​စေ​ရန်​ယ​ခု​ငါ​သည် ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင် ထာ​ဝ​ရ​ဘု​ရား​နှင့်​ပ​ဋိ​ညာဉ်​ပြု​ရန်​အ​ကြံ ရှိ​၏။-

Garrad Bible

¹⁰ အ မျက် တော် ဒဏ် သည်၊ ငါ တို့ မှ လွှဲ ဖယ် အံ့ သော ငှာ၊ ဣ သ ရေ လ လူ မျိုး ၏ ဘု ရား သ ခင် ထာ ဝ ရ ဘု ရား နှင့် ပ ဋိ ညာဉ် ဖွဲ့ မည့် အ ကြံ ရှိ ပါ ၏။

Judson Bible

¹⁰ ယ​ခု​မူ​ကား၊ ပြင်း​စွာ​သော​အ​မျက်​တော်​သည် ငါ​တို့​မှ​လွှဲ​သွား​မည်​အ​ကြောင်း၊ ဣ​သ​ရေ​လ​အ​မျိုး၏​ဘု​ရား​သ​ခင် ထာ​ဝ​ရ​ဘု​ရား​နှင့် ပ​ဋိ​ညာဉ်​ဖွဲ့​မည်​ဟု ငါ​အ​ကြံ​ရှိ၏။

၂ ရာ​ချုပ် 29:10 Referencias Cruzadas

၄ ရာ 23:26

သို့သော် မနာရှေ​မင်းကြီး​ပြု​ခဲ့​သော​အမျက်​တော်​ထွက်စရာ​အမှု​အလုံးစုံ​တို့​ကြောင့် ထာဝရဘုရား​သည် ယုဒ​လူမျိုး​ကို ပြင်းစွာ​အမျက်ထွက်​သော​အရှိန်​မှာ မ​ငြိမ်း​ပေ​။

၄ ရာ 23:3

ရှင်ဘုရင်​သည် တိုင်​နားတွင်​ရပ်​၍ ထာဝရဘုရား​နောက်​တော်​သို့ လိုက်​ပါ​မည်​၊ ပညတ်ချက်​များ​၊ သက်သေခံ​တော်မူ​ချက်​များ​၊ ပြဋ္ဌာန်းချက်​များ​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့ စောင့်ထိန်း​ပါ​မည်​၊ ဤ​ကျမ်းစာ​တွင်​ရေးထား​သော​ပဋိညာဉ်​စကား​များ​ကို လိုက်နာ​ပါ​မည်​ဟု ထာဝရဘုရား​ရှေ့​တော်​၌ ကတိသစ္စာ​ပြု​လျှင် လူ​အပေါင်း​တို့​က​လည်း ကတိသစ္စာ​ပြု​ကြ​၏​။

၂ ရာ​ချုပ် 23:16

ထို့နောက် ယောယဒ​သည် မိမိ​အပါအဝင် ရှင်ဘုရင်​နှင့်​ပြည်သူပြည်သား​အားလုံး ထာဝရဘုရား​၏​လူမျိုး​တော်​များ​အဖြစ်​တည်​နေ​စေရန် ကတိသစ္စာ​ပြု​ကြ​၏​။

၂ ရာ​ချုပ် 30:8

ယခုမှာ ဘိုးဘေး​တို့​ကဲ့သို့ သင်​တို့ ခေါင်း​မ​မာ​ကြ​နှင့်​။ ထာဝရဘုရား အစဉ်​သန့်ရှင်း​စေ​တော်မူ​သော​သန့်ရှင်းရာဌာန​တော်​သို့​လာ​၍ ဆက်ကပ်​ကြ​လော့​။ သင်​တို့​၏​ဘုရားသခင်​ထာဝရဘုရား​ကို အစေခံ​ကြ​လော့​။ သို့မှ ပြင်းထန်​သော​အမျက်​တော်​သည် သင်​တို့​ထံမှ ပြန်လှည့်​သွား​လိမ့်မည်​။

ဧ​ဇ​ရ 10:14

သို့ဖြစ်၍ အကျွန်ုပ်​တို့​၏​အကြီးအကဲ​များ​သည် လူထု​တစ်ရပ်လုံး​အတွက် တာဝန်ယူ​ပါစေ​။ တစ်ပါးအမျိုးသား​မိန်းမပျို​တို့​နှင့်​စုံဖက်​သော​သူ​အားလုံး ကိုယ့်​မြို့​ကိုယ့်​ရွာ​ရှိ​သက်ကြီးဝါကြီး​များ​၊ တရားသူကြီး​များ​နှင့်အတူ သတ်မှတ်​ထား​သော​အချိန်​တွင် လာ​၍ ဤ​ကိစ္စ​နှင့်ပတ်သက်​ပြီး အကျွန်ုပ်​တို့​၏​ဘုရားသခင် အမျက်​တော်​ပြေ​သည့်​တိုင်အောင် အစစ်ဆေး​ခံ​ပါစေ​”​ဟု ပြန်ပြော​ကြ​၏​။

ဧ​ဇ​ရ 10:3

ယခု အကျွန်ုပ်​တို့​သည် အကျွန်ုပ်​တို့​၏​ဘုရားသခင်​နှင့် ပဋိညာဉ်​ပြု​ကြ​ကုန်​စို့​။ အကျွန်ုပ်​၏​အရှင်သခင်​နှင့် အကျွန်ုပ်​တို့​ဘုရားသခင်​၏​ပညတ်တော်​ကို ရိုသေခန့်ညား​သော​သူ​တို့​၏​အကြံပေးချက်​အတိုင်း အကျွန်ုပ်​တို့​သည် ထို​မိန်းမ​များ​နှင့်တကွ သူ​တို့​နှင့်​ရ​သော​ကလေး​များ​ကို စွန့်​၍ ပညတ်တရားတော်​နှင့်အညီ ပြုကျင့်​ကြ​ပါ​မည်​။

နေ​ဟ​မိ 8:6

ဧဇရ​သည် ကြီးမြတ်​တော်မူ​သော​ဘုရားသခင်​ထာဝရဘုရား​ကို ကောင်းချီးထောမနာ​ပြု​သောအခါ လူ​အပေါင်း​တို့​သည် လက်​ကို​မြှောက်​လျက် “​အာမင် အာမင်​”​ဟု ဝန်ခံ​ကြ​၏​။ ထို့နောက် မြေ​ပေါ်တွင်​ပျပ်ဝပ်​လျက် ထာဝရဘုရား​ကို ရှိခိုးကိုးကွယ်​ကြ​၏​။

နေ​ဟ​မိ 9:38

ဤ​အကြောင်းအရာ​အလုံးစုံ​တို့​ကြောင့် ငါ​တို့​သည် ပဋိညာဉ်​ကို​ရေးဆွဲ​၍ ဝန်ခံ​ကတိပြု​ကြ​၏​။ ငါ​တို့​၏​အကြီးအကဲ​များ​၊ လေဝိ​သား​များ​၊ ယဇ်ပုရောဟိတ်​များ​သည်​လည်း တံဆိပ်ခတ်​ကြ​၏​။

ယေ​ရ​မိ 3:12

ထို့ကြောင့် သင်​သည် မြောက်အရပ်​သို့​သွား​၍ ဤ​သတင်းစကား​တို့​ကို ဟစ်ကြော်​ပြောဆို​လော့​။ ‘​အို လမ်းလွဲဖောက်ပြန်​သော​အစ္စရေး​လူမျိုး​၊ ပြန်လာ​လော့​’​ဟု ထာဝရဘုရား​မိန့်​တော်မူ​၏​။ ‘​ငါ​သည် ကရုဏာ​ထား​သည်​ဖြစ်၍ သင့်​အပေါ် အမျက်​ကျရောက်​စေ​မည်​မ​ဟုတ်​’​ဟု ထာဝရဘုရား​မိန့်​တော်မူ​၏​။ ‘​ငါ​သည် အမျက်​အစဉ်​ထွက်​မည်​မ​ဟုတ်​။

ယေ​ရ​မိ 3:5

ကိုယ်တော်​သည် အမျက်​အစဉ်​ထွက်​တော်မူ​မည်လော​။ အမျက်မပြေ​ဘဲ နေ​တော်မူ​မည်လော”​ဟု ဟစ်ခေါ်​ပြောဆို​ခဲ့​ပြီးမှ သင်​သည် မကောင်းမှု​များ​ကို အစွမ်းကုန်​ပြု​ပါ​သည်​တကား​။

ယေ​ရ​မိ 34:15

ယခုတွင် သင်​တို့​သည် နောင်တရ​၍ ငါ့​မျက်မှောက်​၌ မှန်​သော​အရာ​ကို ပြု​ကြ​၏​။ အိမ်းနီးချင်း​အချင်းချင်း​အား လွတ်မြောက်​ခွင့်​ရ​ပြီ​ဟု ကြေညာ​ကြ​၏​။ ငါ့​နာမ​ဖြင့်​ခေါ်ဝေါ်သမုတ်​သော ငါ့​အိမ်​တော်​၊ ငါ့​မျက်မှောက်​တွင် ငါ​နှင့်​ပဋိညာဉ်​ဖွဲ့​ကြ​၏​။

ယေ​ရ​မိ 34:18

နွားသငယ်​ကို​ထက်ဝက်ခြမ်း​ပြီး အလယ်​၌ ဖြတ်လျှောက်​၍ ငါ့​ရှေ့​၌​ပဋိညာဉ်ဖွဲ့​ခဲ့​ပြီးမှ ထို​ပဋိညာဉ်​ပါ​အချက်​ကို မ​ပြုကျင့်​၊ ပဋိညာဉ်​ကို ချိုးဖောက်​သော​သူ​ဖြစ်​သော

ယေ​ရ​မိ 50:5

‘​လာ​ကြ​။ မ​ပျက်ပြယ်​နိုင်​သော​ထာဝရ​ပဋိညာဉ်​ဖြင့် ထာဝရဘုရား​နှင့်​မိတ်သဟာယဖွဲ့​ကြ​စို့​’​ဟု ဆို​လျက် ဇိအုန်​မြို့​ဘက်​သို့​လှည့်​၍ ဇိအုန်​မြို့​သို့​သွား​သော​လမ်း​ကို မေးမြန်း​ကြ​လိမ့်မည်​။

၂ ကော 8:5

သူ​တို့​သည် ငါ​တို့​မျှော်လင့်​ထား​သည့်​အတိုင်း​ထက်​မက​ပြု​လျက် ဘုရားသခင်​၏​အလို​တော်​နှင့်အညီ မိမိတို့ကိုယ်ကို သခင်​ဘုရား​ထံ​တော်​သို့ ဦးစွာ​ဆက်ကပ်​ပြီးနောက် ငါ​တို့​ထံသို့​လည်း ဆက်ကပ်​ကြ​၏။

ယော​ရှု 7:26

ထို့နောက် သူ့​အပေါ် ကျောက်ပုံ​ကြီး​ကို ပုံ​ထား​၏​။ ထို​ကျောက်ပုံ​သည် ယနေ့​တိုင်အောင်​ရှိ​၏​။ ထိုအခါ ထာဝရဘုရား​သည် အမျက်​ပြင်းစွာ​ထွက်​ရာ​မှ ပြေ​လေ​၏​။ ထို့ကြောင့် ထို​အရပ်​၏​အမည်​ကို ယနေ့​တိုင်အောင် အာခေါ်​ချိုင့်ဝှမ်း​ဟု​မှည့်ခေါ်​လေ​၏​။