၂ ရာ​ချုပ် 26:22 - မြန်​​​မာ့​​​စံ​​​မီ​​​သမ္မာ​​​ကျမ်း​​

²² ကျန်ရှိ​နေ​သော​ဩဇိ​မင်းကြီး​လက်ထက်​အဖြစ်အပျက်​အစ​အဆုံး​ကို အာမုတ်​၏​သား ပရောဖက်​ဟေရှာယ​က မှတ်တမ်းတင်​ထား​၏​။

Common Language Bible

²² နန်း​သက်​တစ်​လျှောက်​သြ​ဇိ​မင်း​ဆောင်​ရွက်​ခဲ့ သည့်​အ​ခြား​အ​မှု​အ​ရာ​ရှိ​သ​မျှ​ကို အာ​မုတ် ၏​သား​ပ​ရော​ဖက်​ဟေ​ရှာ​ယ​က​မှတ်​တမ်း တင်​ထား​သ​တည်း။-

Garrad Bible

²² ဩ ဇိ မင်း အ စ အ ဆုံး ပြု မူ သော အ ကြွင်း အ ကျန် ကို၊ အာ မုတ် သား ပ ရော ဖက် ဟေ ရှာ ယ ရေး ထား သ တည်း။

Judson Bible

²² ဩ​ဇိ​ပြု​မူ​သော​အ​မှု​အ​ရာ ကြွင်း​လေ​သ​မျှ အ​စ​အ​ဆုံး​တို့​ကို၊ အာ​မုတ်​သား ပ​ရော​ဖက်​ဟေ​ရှာ​ယ​သည် ရေး​ထား​လေ၏။

၂ ရာ​ချုပ် 26:22 Referencias Cruzadas

၄ ရာ 19:2

မင်းကြီး​သည် လျှော်တေအဝတ်​ဝတ်​ထား​သည့် နန်းတော်အုပ်​ဧလျာကိမ်​၊ စာရေးတော်ကြီး​ရှေဗန​၊ အသက်ကြီး​သော​ယဇ်ပုရောဟိတ်​တို့​ကို အာမုတ်​၏​သား​ပရောဖက်​ဟေရှာယ​ထံသို့ စေလွှတ်​၏​။

၂ ရာ​ချုပ် 12:15

ရောဗောင်​မင်းကြီး​လက်ထက် အဖြစ်အပျက်​အစ​အဆုံး​ကို ပရောဖက်​ရှေမာယ​နှင့် ဗျာဒိတ်ရသူ​ဣဒေါ​၏​မျိုးရိုးစဉ်ဆက်​မှတ်တမ်း​တွင် ရေးမှတ်​ထား​၏​။ ရောဗောင်​မင်းကြီး​နှင့် ယေရောဗောင်​မင်းကြီး​တို့​သည် အသက်ရှင်​သမျှ​ကာလ​ပတ်လုံး အချင်းချင်း​စစ်တိုက်​ခဲ့​ကြ​၏​။

၂ ရာ​ချုပ် 25:26

ကျန်ရှိ​နေ​သော အာမဇိ​မင်းကြီး​လက်ထက် အဖြစ်အပျက်​အစ​အဆုံး​ကို ယုဒ​ဘုရင်​များ​၊ အစ္စရေး​ဘုရင်​များ​၏​ရာဇဝင်မှတ်တမ်း​တွင် ရေးမှတ်​ထား​၏​။

၂ ရာ​ချုပ် 26:23

ဩဇိ​မင်းကြီး​သည် ဘိုးဘေး​တို့​နှင့်အတူ အိပ်ပျော်​သွား​သောအခါ “သူ​သည် အနာကြီးရောဂါစွဲ​သော​သူ​ဖြစ်​၏”​ဟု ဆို​လျက် သူ့​ကို ဘိုးဘေး​တို့​နှင့်အတူ ရှင်ဘုရင်​တို့​၏​သင်္ချိုင်း​မြေ​တွင်​သာ သင်္ဂြိုဟ်​ကြ​၏​။ သူ​၏​သား​တော်​ယောသံ​သည် သူ့​အရိုက်အရာ​ကို ဆက်ခံ​၏​။

၂ ရာ​ချုပ် 32:32

ကျန်ရှိ​နေ​သော ဟေဇကိ​မင်းကြီး​လက်ထက် အဖြစ်အပျက်​များ​၊ သူ​ပြု​ခဲ့​သော​ကောင်းမှု​များ​ကို ယုဒ​ဘုရင်​နှင့်​အစ္စရေး​ဘုရင်​တို့​၏​ရာဇဝင်ကျမ်း​တွင် ပါဝင်​သော အာမုတ်​၏​သား​ပရောဖက်​ဟေရှာယ​၏​ဗျာဒိတ်နိမိတ်ကျမ်း​တွင် ရေးမှတ်​ထား​၏​။

၂ ရာ​ချုပ် 9:29

ကျန်ရှိ​နေ​သော ရှောလမုန်​မင်းကြီး​လက်ထက် အဖြစ်အပျက်​အစ​မှ​အဆုံး​ကို ပရောဖက်​နာသန်​၏​မှတ်တမ်း​တွင်​လည်းကောင်း​၊ ရှိလော​မြို့သား အဟိယ​၏​အနာဂတ္တိကျမ်း​တွင်​လည်းကောင်း​၊ နေဗတ်​၏​သား​ယေရောဗောင်​မင်းကြီး​၏​ဗျာဒိတ်ဆရာ​ဣဒေါ​၏​ဗျာဒိတ်ကျမ်း​တွင်​လည်းကောင်း ရေးမှတ်​ထား​၏​။

ဟေ​ရှာ​ယ 1:1

ယုဒ​ဘုရင် ဩဇိ​မင်းကြီး​၊ ယောသံ​မင်းကြီး​၊ အာခတ်​မင်းကြီး​၊ ဟေဇကိ​မင်းကြီး လက်ထက်​၌ ယုဒ​ပြည်​၊ ဂျေရုဆလင်​မြို့​နှင့်​ပတ်သက်၍ အာမုတ်​၏​သား​ဟေရှာယ မြင်​ရ​သော​ဗျာဒိတ်နိမိတ်​။

ဟေ​ရှာ​ယ 6:1

ဩဇိ​မင်းကြီး​အနိစ္စရောက်​သော​နှစ်​၌ ဘုရားရှင်​သည် မြင့်မြတ်​ထည်ဝါ​သော​ပလ္လင်​ပေါ်တွင် ထိုင်​နေ​တော်မူ​သည်​ကို ငါ​မြင်​၏​။ ကိုယ်တော်​၏​ဝတ်ရုံ​တော်​အနားစွန်း​သည် ဗိမာန်တော်​အပြည့်​ဖုံး​နေ​၏​။