၂ ရာ​ချုပ် 26:21 - မြန်​​​မာ့​​​စံ​​​မီ​​​သမ္မာ​​​ကျမ်း​​

²¹ ဤသို့ဖြင့် ဩဇိ​မင်းကြီး​သည် သေ​သည်​အထိ အနာကြီးရောဂါစွဲကပ်​လေ​၏​။ ထိုသို့ အနာကြီးရောဂါစွဲ​သောကြောင့်​လည်း သီးခြား​နန်းဆောင်​တွင် စံမြန်း​ရ​၏​။ ထာဝရဘုရား​၏​အိမ်​တော်​မှ​လည်း ဖယ်ထုတ်​ခြင်း​ခံရ​၏​။ သား​တော်​ယောသံ​သည် နန်းတွင်း​ကို​အုပ်စိုး​၍ တိုင်းသူပြည်သား​လူ​အပေါင်း​တို့​ကို စီရင်အုပ်ချုပ်​ရ​လေ​၏​။

Common Language Bible

²¹ သြ​ဇိ​မင်း​သည်​ထို​အ​ချိန်​မှ​စ​၍​သေ​သည် တိုင်​အောင် ဤ​ရော​ဂါ​ကြောင့်​ဘာ​သာ​ရေး​ထုံး နည်း​အ​ရ​မ​သန့်​စင်​သူ​ဖြစ်​လာ​လေ​သည်။ သူ​သည်​ဗိ​မာန်​တော်​သို့​နောက်​တစ်​ဖန်​ပြန် လည်​ဝင်​ရောက်​ခွင့်​မ​ရ​တော့​သ​ဖြင့် သား​တော် ယော​သံ​အား​မိ​မိ​၏​တာ​ဝန်​ဝတ္တ​ရား​များ ကို​လွှဲ​ပြောင်း​ပေး​အပ်​လိုက်​ရ​၏။ တိုင်း​ပြည် ကို​သား​တော်​အုပ်​စိုး​လျက်​နေ​စဉ် သူ​သည် မိ​မိ​၏​အိမ်​တော်​၌​သာ​နေ​ထိုင်​ရ​လေ​သည်။

Garrad Bible

²¹ ဩ ဇိ မင်း သည်၊ အ သက် ထက် ဆုံး၊ နူ နာ စွဲ သည့် အ တွက်၊ ဗိ မာန် တော် ထဲ သို့ ဝင် ခွင့် မ ရ ဘဲ၊ စံ နန်း ဆောင် တွင် သီး ခြား စံ နေ ရ လျှင်၊ သား တော် ယော သံ သည်၊ နန်း တော်၊ နိုင် ငံ တော် ကို အုပ် စိုး စီ ရင် ရ ၏။

Judson Bible

²¹ ထို​သို့ ဩ​ဇိ​မင်း​ကြီး​သည် သေ​သည်​တိုင်​အောင် နူ​နာ​စွဲ၍၊ ခြား​နား​သော​နန်း၌ နေ​ရ၏။ ဗိ​မာန်​တော်​သို့ ဝင်​သော​အ​ခွင့်​ကို မ​ရ။ သား​တော်​ယော​သံ​သည် နန်း​တော်​ကို​အုပ်​စိုး၍ နိုင်​ငံ​တော်​မှု​ကို​စီ​ရင်​ရ၏။

၂ ရာ​ချုပ် 26:21 Referencias Cruzadas

၄ ရာ 7:3

ထို​အချိန်​တွင် မြို့​တံခါးဝ​၌ အနာကြီးရောဂါစွဲ​နေ​သူ​လူ​လေး​ယောက်​ရှိ​၏​။ သူ​တို့​က “​ငါ​တို့​သည် အဘယ်ကြောင့် သေ​သည်​အထိ ဤ​နေရာ​မှာ​ထိုင်​နေ​ရ​မည်နည်း​။

၂ ရာ​ချုပ် 26:20

ယဇ်ပုရောဟိတ်​မင်း​အာဇရိ​နှင့် ယဇ်ပုရောဟိတ်​အပေါင်း​တို့​သည် သူ့​ကို​ကြည့်​နေစဉ်​တွင်​ပင် သူ့​နဖူး​၌ အနာကြီးရောဂါစွဲ​နေ​သည်​ကို​မြင်​လျှင် သူ့​ကို ထို​နေရာ​မှ​ချက်ချင်း​နှင်ထုတ်​လိုက်​၏​။ ထာဝရဘုရား ဒဏ်ခတ်​တော်မူ​သဖြင့် ဩဇိ​မင်းကြီး​လည်း ချက်ချင်း​ထွက်သွား​လေ​၏​။

၂ ရာ​ချုပ် 27:1

ယောသံ​နန်းတက်​သောအခါ သက်တော်​နှစ်ဆယ့်​ငါး​နှစ်​ရှိ​ပြီး ဂျေရုဆလင်​မြို့​တွင် တစ်ဆယ့်​ခြောက်​နှစ်​စိုးစံ​၏​။ မယ်တော်​ကား ဇာဒုတ်​၏​သမီး ယေရုရှာ​အမည်​ရှိ​၏​။

ဝတ်​ပြု 13:46

သူ​၌ အနာစွဲ​နေ​သည့်​ကာလ​ပတ်လုံး သူ​သည် မစင်ကြယ်​။ မစင်ကြယ်​သဖြင့် သူ​တစ်ယောက်တည်း​နေ​ရ​မည်​။ သူ​၏​နေရာ​သည် တပ်စခန်း​အပြင်ဘက် ဖြစ်​ရ​မည်​။

ဝတ်​ပြု 14:8

စင်ကြယ်​စေ​ခြင်း​ခံ​သော​သူ​သည် မိမိ​အဝတ်​ကို​လျှော်​ရ​မည်​။ မိမိ​အမွေး​ရှိသမျှ​ကို​ရိတ်​ပြီး ရေချိုး​ရ​မည်​။ ထို့နောက်မှ သူ​သည် စင်ကြယ်​၍ တပ်စခန်း​ထဲသို့​ဝင်​ခွင့်​ရှိ​မည်​။ သို့သော် သူ​သည် မိမိ​တဲ​၏​အပြင်ဘက်​၌ ခုနစ်​ရက်​နေ​ရ​မည်​။

တော​လည် 12:15

ထို့ကြောင့် မိရိအံ​ကို တပ်စခန်း​အပြင်ဘက်​၌ ခုနစ်​ရက်​ပတ်လုံး နေ​စေ​၏​။ မိရိအံ​ကို ပြန်​မ​ခေါ်လာ​မီ​တိုင်အောင် လူ​တို့​သည် ခရီး​မ​ပြု​ဘဲ နေ​ကြ​၏​။

တော​လည် 5:4

အစ္စရေး​အမျိုးသား​တို့​သည်​လည်း ထိုသို့သော​သူ​တို့​ကို တပ်စခန်း​၏​အပြင်​သို့ ထွက်သွား​စေ​၏​။ အစ္စရေး​အမျိုးသား​တို့​သည် မောရှေ​အား ထာဝရဘုရား​မိန့်မှာ​သည့်​အတိုင်း ပြု​ကြ​၏​။