၂ ရာ​ချုပ် 25:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ သင်​သည် ဧဒုံ​ပြည်​ကို တိုက်ခိုက်ချေမှုန်း​နိုင်​ခဲ့​သဖြင့် ဘဝင်မြင့်​လှ​၏​။ ကိုယ့်​နန်းတော်​၌​သာ ကိုယ်​စံမြန်း​ပါ​လော့​။ အဘယ်ကြောင့် ပြဿနာ​ရှာ​ပြီး ယုဒ​ပြည်​ကို သင်​နှင့်အတူ ကျရှုံး​စေ​လို​သနည်း​”​ဟု ပြန်လည်​ပြောကြား​လိုက်​၏​။

Common Language Bible

¹⁹ အ​ချင်း​အာ​မ​ဇိ၊ ယ​ခု​အ​ဆွေ​တော်​သည် ဧ​ဒုံ​အ​မျိုး​သား​တို့​ကို​နှိမ်​နင်း​လိုက်​ပြီ​ဟု ဝါ​ကြွား​ပြော​ဆို​၏။ သို့​ရာ​တွင်​အ​ဆွေ​တော် နန်း​တော်​၌​ပင်​စံ​မြဲ​စံ​နေ​ရန်​ကျွန်ုပ်​အ​ကြံ ပေး​ပါ​၏။ အ​ဘယ်​ကြောင့်​အဆွေ​တော်​နှင့်​ပြည် သူ​တို့​အား ဆုံး​ပါး​ပျက်​စီး​စေ​မည့်​ဘေး ဒုက္ခ​ကို​ရှာ​လို​ပါ​သ​နည်း'' ဟု​ပြန်​ကြား လိုက်​၏။

Garrad Bible

¹⁹ အ ကြည် တော် သည်၊ ဧ ဒုံ ပြည် ကို အောင် ခဲ့ သည် ဟု အောက် မေ့ လျက်၊ စိတ် နေ မြင့်၍ ဝါ ကြွား ၏။ နန်း တော် တွင် စံ လော့။ အ ကြည် တော် မှ စ ၍ ယု ဒ အ လုံး အ ရင်း ပါ ကျ ဆုံး ရန်၊ အ န္တ ရာယ် ကို အ ဘယ့် ကြောင့် ရှာ ကြံ ကြ သ နည်း ဟု၊ ယု ဒ ဘုရင် အာ မ ဇိ မင်း ထံ ပြန် ဆို လိုက် ၏။

Judson Bible

¹⁹ သင်​က ငါ​သည် ဧ​ဒုံ​လူ​တို့​ကို လုပ်​ကြံ​ပြီ​ဟု​ဆို​လျက်၊ ဝါ​ကြွား​ချင်​သော​စိတ် မြင့်​လှ၏။ သို့​ရာ​တွင် ကိုယ်​နေ​ရာ၌​နေ​လော့။ သင့်​ကိုယ်​တိုင်​နှင့် ယု​ဒ​ပြည်​သည် ဘေး​ရောက်၍ ဆုံး​ရှုံး​စေ​ခြင်း​ငှာ၊ အ​ဘယ်​ကြောင့် အ​မှု​ရှာ​သ​နည်း​ဟု ယု​ဒ​ရှင်​ဘု​ရင်​အာ​မ​ဇိ​ကို ပြန်၍​မှာ​လိုက်​လေ၏။

၂ ရာ​ချုပ် 25:19 Referencias Cruzadas

၂ ရာ​ချုပ် 25:20

သို့သော် အာမဇိ​မင်းကြီး​သည် နား​မ​ထောင်​ပေ​။ သူ​သည် ဧဒုံ​ဘုရား​များ​ကို ကိုးကွယ်​သောကြောင့် ဘုရားသခင်​သည် သူ့​ကို​ရန်သူ​လက်​သို့​အပ်​ရန် စီရင်​တော်မူ​ပြီ​။

၂ ရာ​ချုပ် 26:16

သူ​သည် ထိုသို့​အင်အားကြီး​လာ​သည်​နှင့်အမျှ ပျက်စီး​ခြင်း​သို့​ရောက်​သည်​အထိ​ဘဝင်မြင့်​လာ​၏​။ သူ​သည် သူ​၏​ဘုရားသခင်​ထာဝရဘုရား​အပေါ် သစ္စာမဲ့​လာ​၏​။ နံ့သာပေါင်း​ပူဇော်​ရာ​ယဇ်ပလ္လင်​ပေါ်၌ နံ့သာပေါင်း​ကို မီးရှို့ပူဇော်​ရန် ထာဝရဘုရား​၏​ဗိမာန်​တော်​သို့​ဝင်​၏​။

၂ ရာ​ချုပ် 32:25

သို့သော် ဟေဇကိ​မင်းကြီး​သည် ခံစား​ရ​သော​ကျေးဇူး​တော်​အတိုင်း မ​တုံ့ပြန်​ဘဲ ဘဝင်မြင့်​လာ​၏​။ ထို့ကြောင့် အမျက်​တော်​သည် သူ့​အပေါ်​သာမက ယုဒ​ပြည်သူ​ဂျေရုဆလင်​မြို့သား​တို့​အပေါ်​သို့ ကျရောက်​လေ​၏​။

၂ ရာ​ချုပ် 35:21

သို့သော် နေခေါ​မင်းကြီး​က ယောရှိ​မင်းကြီး​ထံ တမန်​ကို​လွှတ်​၍ “​အို ယုဒ​ဘုရင်​၊ သင်​နှင့် အကျွန်ုပ် မည်သို့​ဆိုင်​သနည်း​။ ယခု သင်​နှင့်​စစ်တိုက်​ရန် အကျွန်ုပ်​ချီလာ​သည်​မ​ဟုတ်​။ အကျွန်ုပ်​နှင့်​စစ်​ဖြစ်​နေ​သော​လူမျိုး​ကို​သာ​တိုက်​ရန် ချီလာ​၏​။ ဘုရားသခင်​သည် အကျွန်ုပ်​အား စစ်​အမြန်​တိုက်​စေ​ပြီ​ဖြစ်​၍ အကျွန်ုပ်​နှင့်အတူ​ရှိ​သော​ဘုရားသခင်​ကို ဆန့်ကျင်​၍​ဆီးတား​မ​နေ​ပါ​နှင့်​။ သို့မဟုတ်လျှင် သင့်​ကို​ဖျက်ဆီး​တော်မူ​မည်​”​ဟု မှာကြား​လိုက်​၏​။

သုတ္တံကျမ်း။ 13:10

မာနထောင်လွှား​ခြင်း​သည် ခိုက်ရန်​ကို​သာ​ဖြစ်ပွား​စေ​တတ်​၏​။ အကြံပေး​ခြင်း​ကို​လက်ခံ​သော​သူ​၌​ကား ဉာဏ်ပညာ​ရှိ​၏​။

သုတ္တံကျမ်း။ 16:18

ပျက်စီး​ခြင်း​၏​ရှေ့ပြေး​သည် မာနကြီး​ခြင်း​ဖြစ်​၏​။ ပြိုလဲ​ခြင်း​၏​ရှေ့ပြေး​ကား ဘဝင်မြင့်​ခြင်း​ဖြစ်​၏​။

သုတ္တံကျမ်း။ 18:6

မိုက်မဲ​သော​သူ​၏​နှုတ်ခမ်း​သည် ခိုက်ရန်ဖြစ်ပွားမှု​ထဲ​ဝင်ပါ​တတ်​၏​။ သူ​၏​နှုတ်​သည်​လည်း ကြိမ်ဒဏ်​ကို​ဖိတ်ခေါ်​တတ်​၏​။

သုတ္တံကျမ်း။ 20:3

ခိုက်ရန်ဖြစ်ပွား​ခြင်း​ကို​ရှောင်ရှား​သော​သူ​သည် ဂုဏ်သရေ​ရှိ​၏​။ ဆိုးမိုက်​သော​သူ​တိုင်း​ကား ခိုက်ရန်​ဖြစ်​တတ်​ကြ​၏​။

သုတ္တံကျမ်း။ 26:17

မိမိ​နှင့်​မဆိုင်​သော​ခိုက်ရန်ဖြစ်ပွားမှု​ကို ဝင်စွက်​သော​သူ​သည် ခွေးလေခွေးလွင့်​၏​နားရွက်​ကို ဖမ်းဆွဲ​သော​သူ​နှင့်​တူ​၏​။

သုတ္တံကျမ်း။ 28:25

လောဘကြီး​သော​သူ​သည် အငြင်းပွားမှု​ဖြစ်​ရန်​လှုံ့ဆော်​တတ်​၏​။ ထာဝရဘုရား​ကို​ယုံကြည်ကိုးစား​သော​သူ​မူကား ပြည့်စုံကြွယ်ဝ​လိမ့်မည်​။

ယေ​ရ​မိ 9:23

ထာဝရဘုရား​က “​ပညာရှိ​သော​သူ​သည် မိမိ​ဉာဏ်ပညာ​၌ မ​ဝါကြွား​စေ​နှင့်​။ ခွန်အားကြီး​သော​သူ​သည် မိမိ​ခွန်အား​၌ မ​ဝါကြွား​စေ​နှင့်​။ ချမ်းသာ​သော​သူ​သည် မိမိ​ဓနဥစ္စာ​၌ မ​ဝါကြွား​စေ​နှင့်”​ဟု မိန့်​တော်မူ​၏​။

ဒံ​ယေ​လ 11:12

တောင်​ဘုရင်​သည် ထို​စစ်သည်​အလုံးအရင်း​ကို သိမ်းသွား​နိုင်​သဖြင့် ဘဝင်မြင့်​လာ​လိမ့်မည်​။ သူ​သည် လူ​ထောင်ပေါင်း​များစွာ​ကို ချေမှုန်း​နိုင်​သော်လည်း သူ့​အာဏာ​တည်​လိမ့်မည်​မ​ဟုတ်​။

ဟ​ဗက္ကုတ် 2:4

ကြည့်ရှု​လော့​။ ဘဝင်မြင့်​သော​သူ​၏​အတွင်းစိတ်​သည် ဖြောင့်မှန်​လေ့​မ​ရှိ​။ ဖြောင့်မတ်​သော​သူ​တို့​မူကား ယုံကြည်​ခြင်း​ကြောင့် အသက်ရှင်​ရ​လိမ့်မည်​။

လုကာ 14:31

ထိုမှတစ်ပါး မည်သည့်​ဘုရင်​သည် အခြား​ဘုရင်​တစ်​ပါး​နှင့် စစ်တိုက်​ရန်​ချီတက်​မည်​ပြု​စဉ် စစ်သည်​နှစ်သောင်း​နှင့်​ချီတက်​လာ​သော အခြား​တစ်ဖက်​ကို စစ်သည်​တစ်သောင်း​ဖြင့် ရင်ဆိုင်​၍​ရ​၊ မရ ဦးစွာ​ထိုင်​လျက် မ​သုံးသပ်​ဘဲ​နေ​မည်နည်း။

၁ ကော 1:29

ထို့ကြောင့် ဘုရားသခင်​ရှေ့​တော်​၌ မည်သူမျှ ဝါကြွား​စရာ​အကြောင်း​မ​ရှိ။

တ​ရား​ဟော 8:14

သင်​သည် မာနထောင်လွှား​၍ ကျွန်ခံရာ​အိမ်​အီဂျစ်​ပြည်​မှ သင့်​ကို​ထုတ်ဆောင်​တော်မူ​ခဲ့​သော​အရှင်​၊

ယာ​ကုပ် 4:6

သို့သော် ကိုယ်တော်​သည် ပို၍​ကြီးမြတ်​သော​ကျေးဇူး​တော်​ကို​ပေး​တော်မူ​၏။ သို့ဖြစ်၍ “ဘုရားသခင်​သည် မာန​ထောင်လွှား​သော​သူ​တို့​ကို ဆန့်ကျင်​၍ နှိမ့်ချ​သော​သူ​တို့​အား ကျေးဇူး​တော်​ကို​ခံစား​စေ​တော်မူ​၏”​ဟု ကျမ်းစာ​၌​ဆို​ထား​၏။

၁ ပေ 5:5

ထိုနည်းတူ ငယ်ရွယ်​သော​သူ​တို့၊ အသင်းတော်​အကြီးအကဲ​များ​ကို နာခံ​ကြ​လော့။ သင်​တို့​အားလုံး တစ်ယောက်​အောက်​တစ်ယောက် နှိမ့်ချ​ခြင်း​တန်ဆာ​ကို ဆင်ယင်​ကြ​လော့။ အဘယ်ကြောင့်​ဆိုသော် ဘုရားသခင်​သည် မာန​ထောင်လွှား​သော​သူ​တို့​ကို ဆန့်ကျင်​၍ နှိမ့်ချ​သော​သူ​တို့​အား ကျေးဇူး​တော်​ကို​ခံစား​စေ​တော်မူ​၏။