၂ ရာ​ချုပ် 25:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ယုဒ​အမျိုးသား​တို့​သည် လူ​တစ်သောင်း​ကို အရှင်​ဖမ်းမိ​ရာ သူ​တို့​ကို ကျောက်ဆောင်​ထိပ်​သို့​ခေါ်သွား​ပြီး တွန်းချ​လိုက်​သဖြင့် သူ​တို့​အားလုံး သေကျေပျက်စီး​ကြ​ကုန်​၏​။

Common Language Bible

¹² ယု​ဒ​တပ်​မ​တော်​သည်​သုံ့​ပန်း​တစ်​သောင်း​ကို ဖမ်း​ဆီး​ရ​မိ​သ​ဖြင့် သူ​တို့​အား​သေ​လ​မြို့ ကျောက်​တောင်​ထိပ်​သို့​ခေါ်​ဆောင်​ကာ​ကျောက် ပေါ်​ကျ​၍​သေ​စေ​ရန်​အောက်​သို့​တွန်း​ချ ကြ​၏။

Garrad Bible

¹² ယု ဒ ရဲ မက် တို့ လည်း၊ အ ခြား တစ် သောင်း ကို သုံ့ ဘမ်း လျက်၊ ကျောက် တောင် ထိပ် သို့ ဆွဲ ငင် တွန်း ချ ရာ၊ ကျိုး ပဲ့ ပျက် စီး ကြ လေ ၏။

Judson Bible

¹² ယု​ဒ​အ​မျိုး​သား​တို့​သည် လူ​တစ်​သောင်း​ကို အ​ရှင်​ဖမ်း​ပြီး​လျှင်၊ ကျောက်​တောင်​ထိပ်​သို့ ဆောင်​သွား၍၊ ကျိုး​ပဲ့​စေ​ခြင်း​ငှာ အောက်​သို့ တွန်း​ချ​ကြ၏။

၂ ရာ​ချုပ် 25:12 Referencias Cruzadas

၂ ရာ 12:31

မြို့သား​တို့​ကို​လည်း​ခေါ်ဆောင်​သွား​ပြီး လွှ​တိုက်​၊ သံ​ထွန်​၊ သံ​ပုဆိန်​ပေါက်​အလုပ်​၊ အုတ်ဖုတ်​ရ​သော​အလုပ်​တို့​ကို လုပ်​စေ​၏​။ အမ္မုန်​အမျိုးသား​တို့​၏​မြို့ရွာ​တိုင်း​၌ ထိုသို့​ပြု​၏​။ ထို့နောက် ဒါဝိဒ်​မင်းကြီး​နှင့်​စစ်သည်​အပေါင်း​တို့​သည် ဂျေရုဆလင်​မြို့​သို့ ပြန်လာ​ကြ​၏​။

၁ ရာ​ချုပ် 20:3

မြို့သား​တို့​ကို​လည်း​ခေါ်ဆောင်​သွား​ပြီး လွှ​တိုက်​၊ သံ​ထွန်​၊ ပုဆိန်​ပေါက်​အလုပ်​တို့​ကို လုပ်​စေ​၏​။ ဒါဝိဒ်​မင်းကြီး​သည် အမ္မုန်​အမျိုးသား​တို့​၏​မြို့ရွာ​တိုင်း​၌ ထိုသို့​ပြု​လေ​၏​။ ထို့နောက် ဒါဝိဒ်​မင်းကြီး​နှင့်​စစ်သည်​အပေါင်း​တို့​သည် ဂျေရုဆလင်​မြို့​သို့ ပြန်လာ​ကြ​၏​။

၂ ရာ​ချုပ် 20:10

အစ္စရေး​လူမျိုး​တို့ အီဂျစ်​ပြည်​မှ​ထွက်လာ​ခဲ့​စဉ်က ကိုယ်တော်​သည် အမ္မုန်​အမျိုးသား​၊ မောဘ​အမျိုးသား​၊ စိရ​တောင်ပေါ်သား​တို့​၏​နယ်မြေ​ကို အစ္စရေး​လူမျိုး​တို့​အား ကျူးကျော်​ခွင့်​မ​ပေး​။ ထို့ကြောင့် အစ္စရေး​လူမျိုး​တို့​သည် သူ​တို့​ပြည်​ကို မ​ဖျက်ဆီး​ဘဲ ရှောင်သွား​ခဲ့​ပါ​၏​။

၂ ရာ​ချုပ် 25:11

ထို့နောက် အာမဇိ​မင်းကြီး​သည် ရဲရင့်​စွာ​ဖြင့် မိမိ​စစ်သည်​တို့​ကို​ဦးဆောင်​လျက် ဆား​ချိုင့်ဝှမ်း​သို့​ချီတက်​ကာ စိရ​ပြည်သား​တစ်သောင်း​ကို ကွပ်မျက်​နိုင်​ခဲ့​၏​။

၂ ရာ​ချုပ် 25:13

စစ်ကူတိုက်​ခွင့်​မ​ပေး​ဘဲ အာမဇိ​မင်းကြီး ပြန်လွှတ်​လိုက်​သော​စစ်သူရဲ​တို့​သည် ရှမာရိ​မြို့​မှ ဗေသောရုန်​မြို့​တိုင်အောင် ယုဒ​မြို့ရွာ​များ​ကို ဝင်ရောက်​တိုက်ခိုက်​ပြီး လူ​သုံး​ထောင်​ကို​သတ်​ကာ တိုက်ရာပါပစ္စည်း​များစွာ​ကို​လည်း သိမ်းယူ​သွား​ကြ​၏​။

၂ ရာ​ချုပ် 25:15

ထို့ကြောင့် ထာဝရဘုရား​သည် အာမဇိ​မင်းကြီး​ကို အမျက်ထွက်​တော်မူ​၍ သူ့​ထံ​ပရောဖက်​တစ်​ပါး​ကို စေလွှတ်​ကာ “​မင်းကြီး​၏​လက်​မှ မိမိ​လူ​တို့​ကို​မ​ကယ်တင်​နိုင်​သော​လူမျိုးခြား​တို့​၏​ဘုရား​များ​ကို အဘယ်ကြောင့် ဆည်းကပ်​သနည်း​”​ဟု ဆို​၏​။

ဆာ​လံ 141:6

သူ​တို့​ကို​စီရင်အုပ်ချုပ်​သော​သူ​တို့​သည် ချောက်ကမ်းပါး​အစွန်း​မှ တွန်းချ​ခြင်း​ခံ​ကြ​ရ​လိမ့်မည်​။ ထိုအခါ အကျွန်ုပ်​၏​စကား​များ​သည် နှစ်သက်ဖွယ်​ကောင်း​ကြောင်း သူ​တို့​ကြားသိ​ကြ​လိမ့်မည်​။