၂ ရာ 5:7 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁷ သို့သော် ဒါဝိဒ်​မင်းကြီး​သည် ဒါဝိဒ်​မြို့ ဟု​ခေါ်တွင်​မည့် ဇိအုန်​ခံတပ်​ကို သိမ်းပိုက်​နိုင်​ခဲ့​၏​။

Common Language Bible

⁷ (သို့​ရာ​တွင်​ဒါ​ဝိဒ်​သည်​ဇိ​အုန်​ခံ​တပ်​ကို သိမ်း​ယူ​နိုင်​ခဲ့​သ​ဖြင့် ယင်း​သည်​ဒါ​ဝိဒ်​မြို့ ဟု​နာ​မည်​တွင်​လာ​လေ​သည်။)

Garrad Bible

^7-8 ဒါ ဝိဒ် မင်း က မူ ကား၊ ယေ ဗု သိ လူ မျိုး တို့ ကို လုပ် ကြံ မည့် သူ တို့ သည် ရေ ပြွန် ဖြင့် တက် လျက် ငါ ဒါ ဝိဒ် ရွံ ရှာ သော မျက် မ မြင် နှင့် ခြေ ဆွံ့ တို့ ကို သတ် စေ ဟု ထို နေ့ တွင် ပင် အ မိန့် ထုတ် ဆင့် သည့် အ တိုင်း ဒါ ဝိဒ် မြို့ တော် တည်း ဟူ သော ဇိ အုန် ခံ မြို့ ကို သိမ်း ယူ လေ၏။ ထို အ ကြောင်း ကို အ စွဲ ပြု၍ မျက် မ မြင် နှင့် ခြေ ဆွံ့ တို့ ရှိ သော ကြောင့် အ တွင်း သို့ မ ဝင် နိုင် ဟု ဆို လေ့ ရှိ ကြ သ တည်း။

Judson Bible

⁷ သို့​ရာ​တွင် ဒါ​ဝိဒ်​သည် ဒါ​ဝိဒ်​မြို့​တည်း​ဟူ​သော ဇိ​အုန်​ရဲ​တိုက်​ကို တိုက်​ယူ​လေ၏။

၂ ရာ 5:7 Referencias Cruzadas

၂ ရာ 5:8

ထို​နေ့​တွင်ပင် ဒါဝိဒ်​မင်းကြီး​က “​ယေဗုသိ​လူမျိုး​တို့​ကို တိုက်ခိုက်​မည့်​သူ မည်သူမဆို တူးမြောင်း​ကို ဖြတ်​ပြီးလျှင် ဒါဝိဒ်​မင်းကြီး​ကို မနှစ်သက်​သော​ခြေမသန်သူ​များ​၊ မျက်မမြင်​သူ​များ​ကို သုတ်သင်​ပစ်​ကြ​”​ဟု အမိန့်ပေး​၏​။ ထိုအကြောင်းကြောင့် “​မျက်မမြင်​သူ​၊ ခြေမသန်သူ​များ​သည် နန်းတော်​သို့ ဝင်ခွင့်​မ​ရှိ​”​ဟု ဆိုစမှတ်​ပြု​ကြ​လေ​၏​။

၂ ရာ 5:9

ဒါဝိဒ်​မင်းကြီး​သည် ခံတပ်​တွင်​နေ​ပြီး ထို​ခံတပ်​ကို ဒါဝိဒ်​မြို့ ဟု​ခေါ်ဆို​၏​။ ဒါဝိဒ်​မင်းကြီး​သည် မိလ္လော​မှ အတွင်းပိုင်း​အထိ မြို့​ကို တည်ဆောက်​၏​။

၂ ရာ 6:10

ဒါဝိဒ်​မင်းကြီး​သည် ထာဝရဘုရား​၏​သေတ္တာ​တော်​ကို မိမိ​နှင့်အတူ ဒါဝိဒ်​မြို့​သို့ သယ်ဆောင်​သွား​ရန် ဆန္ဒ​မ​ရှိ​သဖြင့် ဂိတ္တိ​လူမျိုး​ဩဗဒေဒုံ​၏​အိမ်​သို့ သယ်ဆောင်​သွား​၏​။

၂ ရာ 6:12

“​ဘုရားသခင်​၏​သေတ္တာ​တော်​ကြောင့် ဩဗဒေဒုံ​၏​အိမ်သူအိမ်သား​တို့​နှင့်တကွ သူ​ပိုင်ဆိုင်​သော​အရာ​အားလုံး​ကို ထာဝရဘုရား​ကောင်းချီးပေး​တော်မူ​ပြီ​”​ဟု ဒါဝိဒ်​မင်းကြီး​အား ကြားပြော​ကြ​သောအခါ ဒါဝိဒ်​မင်းကြီး​သည် သွား​၍ ဘုရားသခင်​၏​သေတ္တာ​တော်​ကို ဩဗဒေဒုံ​၏​အိမ်​မှ ဒါဝိဒ်​မြို့​သို့ ဝမ်းမြောက်​စွာ သယ်ဆောင်​လာ​လေ​၏​။

၂ ရာ 6:16

ဒါဝိဒ်​မြို့​တွင်း​သို့ ထာဝရဘုရား​၏​သေတ္တာ​တော် ဝင်ရောက်​လာ​သောအခါ ရှောလု​မင်းကြီး​၏​သမီး​တော် မိခါလ​သည် ပြတင်းပေါက်​မှ​လှမ်းကြည့်​ရာ ဒါဝိဒ်​မင်းကြီး​သည် ထာဝရဘုရား​ရှေ့​တော်​တွင် က​ခုန်​လျက်​လိုက်ပါ​လာ​သည်​ကို မြင်​လျှင် သူ့​စိတ်​ထဲတွင် ဒါဝိဒ်​မင်းကြီး​ကို မထီလေးစားပြု​မိ​လေ​၏​။

၃ ရာ 2:10

ထို့နောက်တွင် ဒါဝိဒ်​မင်းကြီး​သည် ဘိုးဘေး​တို့​နှင့်အတူ​အိပ်ပျော်​၍ သူ့​ကို ဒါဝိဒ်​မြို့​တွင် သင်္ဂြိုဟ်​ကြ​၏​။

၃ ရာ 3:1

ရှောလမုန်​မင်းကြီး​သည် အီဂျစ်​ဘုရင်​ဖာရော​မင်းကြီး​နှင့် မဟာမိတ်ဖွဲ့​ပြီး ဖာရော​မင်းကြီး​၏​သမီး​တော်​နှင့် စုံဖက်​လေ​၏​။ စံမြန်း​ရာ​နန်းတော်​၊ ထာဝရဘုရား​၏​အိမ်​တော်​နှင့် ဂျေရုဆလင်​မြို့ရိုး​တို့ ဆောက်လုပ်​၍​မ​ပြီး​မီ​တိုင်အောင် သူ့​ကို ဒါဝိဒ်​မြို့​တွင် စံမြန်း​နေ​စေ​၏​။

၃ ရာ 8:1

ထို့နောက်တွင် ထာဝရဘုရား​၏​ပဋိညာဉ်​သေတ္တာ​တော်​ကို ဒါဝိဒ်​မြို့​ခေါ်​ဇိအုန်​မြို့​သို့ ယူဆောင်​လာ​ရန် ရှောလမုန်​မင်းကြီး​သည် အစ္စရေး​သက်ကြီးဝါကြီး​များ​၊ အစ္စရေး​အမျိုးသား​တို့​၏​ဘိုးဘေး​အိမ်ထောင်စု​ခေါင်းဆောင်​များ​ဖြစ်​သော အမျိုးအနွယ်​တို့​၏​အကြီးအမှူး​အပေါင်း​တို့​အား ရှောလမုန်​မင်းကြီး​ရှိ​ရာ ဂျေရုဆလင်​မြို့​သို့ လာရောက်​စုရုံး​စေ​၏​။

၃ ရာ 9:24

ဖာရော​မင်းကြီး​၏​သမီး​တော်​သည် ဒါဝိဒ်​မြို့​မှ​ထွက်​၍ သူ့​အတွက် ရှောလမုန်​မင်းကြီး​ဆောက်လုပ်​ပေး​သော နန်းဆောင်​သို့ ပြောင်း​နေ​၏​။ ရှောလမုန်​မင်းကြီး​သည် မိလ္လော​ကို​လည်း တည်ဆောက်​၏​။

၁ ရာ​ချုပ် 11:7

ဒါဝိဒ်​မင်းကြီး​သည် ရဲတိုက်​တွင်​နေ​သည်​ကို​အစွဲပြု​၍ ထို​ရဲတိုက်​ကို ဒါဝိဒ်​မြို့ ဟု​ခေါ်ဆို​ကြ​၏​။

၂ ရာ​ချုပ် 24:16

သူ​သည် အစ္စရေး​နိုင်ငံ​တွင် ဘုရားသခင်​နှင့်​အိမ်​တော်​အတွက်​ကောင်းသောအမှု​များ​ကို ပြု​သောကြောင့် သူ့​ကို ဒါဝိဒ်​မြို့​တွင် ဘုရင်​များ​နှင့်အတူ သင်္ဂြိုဟ်​ကြ​၏​။

၂ ရာ​ချုပ် 5:2

ထို့နောက်တွင် ထာဝရဘုရား​၏​ပဋိညာဉ်​သေတ္တာ​တော်​ကို ဒါဝိဒ်​မြို့ ခေါ်​ဇိအုန်​မြို့​သို့ ယူဆောင်​လာ​ရန် ရှောလမုန်​မင်းကြီး​သည် အစ္စရေး​သက်ကြီးဝါကြီး​များ​၊ အစ္စရေး​အမျိုးသား​တို့​၏​ဘိုးဘေး​အိမ်ထောင်စု​ခေါင်းဆောင်​များ​ဖြစ်​သော အမျိုးအနွယ်​တို့​၏​အကြီးအမှူး​အပေါင်း​တို့​အား ဂျေရုဆလင်​မြို့​သို့ လာရောက်​စုရုံး​စေ​၏​။

နေ​ဟ​မိ 3:15

ကောလဟောဇ​၏​သား မိဇပါ​နယ်​ကို​အုပ်ချုပ်ရသူ​ရှလ္လုံ​သည် စမ်းရေတွင်း​တံခါး​ကို ပြန်လည်​ပြုပြင်​တည်ဆောက်​၏​။ အမိုးမိုး​၍ တံခါးရွက်​၊ မင်းတုပ်​၊ ကန့်လန့်ကျင်​များ​ကို တပ်ဆင်​၏​။ ရှင်ဘုရင်​၏​ဥယျာဉ်​တော်​နား​ရှိ ရှိလောင်​ရေကန်​နှင့်​ကပ်​လျက်​မြို့ရိုး​ကို ဒါဝိဒ်​မြို့​မှ​ဆင်းလာ​သော​လှေကား​အထိ ပြုပြင်​၏​။

ဆာ​လံ 132:13

အကြောင်းမူကား ထာဝရဘုရား​သည် ဇိအုန်​ကို​ရွေးချယ်​ပြီး မိမိ​၏​ကိန်းဝပ်​ရာ​အရပ် ဖြစ်​စေရန် အလိုရှိ​တော်မူ​ပြီ​။

ဆာ​လံ 2:6

“​ငါ​၏​သန့်ရှင်း​သော​ဇိအုန်​တောင်​ပေါ်တွင် ငါ​၏​ရှင်ဘုရင်​ကို ငါ​ခန့်အပ်​ထား​ပြီ​”​ဟု မိန့်​တော်မူ​၏​။

ဆာ​လံ 48:12

ဇိအုန်​အနှံ့​လှည့်ပတ်သွားလာ​၍ မျှော်စင်​တို့​ကို​ရေတွက်​ကြ​လော့​။

ဆာ​လံ 48:3

ဘုရားသခင်​သည် ထို​မြို့​၏​ခံတပ်​များ​တွင် ခိုကိုး​ရာ​ဖြစ်ကြောင်း မိမိကိုယ်ကို​ထင်ရှား​စေ​တော်မူ​၏​။

ဆာ​လံ 51:18

ကိုယ်တော်​၏​ကျေးဇူး​တော်​အားဖြင့် ဇိအုန်​ကို​ကောင်းစား​စေ​တော်မူ​ပါ​။ ဂျေရုဆလင်​မြို့ရိုး​တို့​ကို တည်ဆောက်​တော်မူ​ပါ​။

ဆာ​လံ 87:2

ထာဝရဘုရား​သည် ယာကုပ်​အမျိုး​နေထိုင်​ရာ အရပ်​အားလုံး​တို့​ထက် ဇိအုန်​၏​မြို့​တံခါး​တို့​ကို ပို၍​နှစ်သက်​တော်မူ​၏​။

ဆာ​လံ 9:11

ဇိအုန်​၌​စိုးစံ​တော်မူ​သော​ထာဝရဘုရား​ကို သီဆိုချီးမွမ်း​ကြ​လော့​။ ကိုယ်တော်​ပြု​သော​အမှု​တို့​ကို လူမျိုးတကာ​တို့​အလယ်​၌ ပြောကြား​ကြ​လော့​။

ဟေ​ရှာ​ယ 12:6

အို ဇိအုန်​မြို့သား​တို့​၊ ကြွေးကြော်​လော့​။ ရွှင်လန်း​စွာ​သီချင်းဆို​လော့​။ အကြောင်းမူကား သင်​တို့​တွင် အစ္စရေး​လူမျိုး​၏​သန့်ရှင်း​သော​အရှင်​သည် ကြီးမြတ်​တော်မူ​၏​”​ဟု ဆို​ကြ​လိမ့်မည်​။

ဟေ​ရှာ​ယ 59:20

ထာဝရဘုရား​က “​ရွေးနုတ်​တော်မူ​သော​အရှင်​သည် ဇိအုန်​တောင်​သို့​ကြွလာ​တော်မူ​မည်​။ အပြစ်​ကျူးလွန်​ရာ​မှ နောင်တရ​သော​ယာကုပ်​အမျိုးအနွယ်​တို့​ထံသို့ ကြွလာ​တော်မူ​မည်​”​ဟု မိန့်​တော်မူ​၏​။

ယေ​ရ​မိ 21:13

“မည်သူ​သည် ငါ​တို့​ရှိ​ရာ​သို့​ဆင်းလာ​နိုင်​သနည်း​။ မည်သူ​သည် ငါ​တို့​၏​ခိုလှုံ​ရာ​အရပ်​သို့​ဝင်​နိုင်​သနည်း”​ဟု ပြောဆို​တတ်​သော “အို ချိုင့်ဝှမ်း​၌​နေ​သော​သူ​၊ အို ကျောက်​ကုန်းရိုး​၌​နေ​သော​သူ​၊ ကြည့်ရှု​လော့​။ သင့်​ကို ငါ​စီရင်​မည်”​ဟု ထာဝရဘုရား​မိန့်​တော်မူ​၏​။

မိက္ခာ 4:2

လူမျိုး​များစွာ​တို့​သည် လာ​၍ “​လာ​ကြ​လော့​။ ယာကုပ်​၏​ဘုရားသခင်​အိမ်​တော်​ရှိ​ရာ ထာဝရဘုရား​၏​တောင်​တော်​သို့​တက်​ကြ​ကုန်စို့​။ ကိုယ်တော်​သည် မိမိ​လမ်း​တော်​တို့​ကို ငါ​တို့​အား သွန်သင်​တော်မူ​မည်​ဖြစ်၍ ငါ​တို့​သည်​လည်း ကိုယ်တော်​၏​လမ်း​တော်​အတိုင်း လိုက်လျှောက်​ကြ​မည်​”​ဟု ဆို​ကြ​လိမ့်မည်​။ အကြောင်းမူကား တရားတော်​သည် ဇိအုန်​တောင်​မှ​လည်းကောင်း​၊ ထာဝရဘုရား​၏​နှုတ်ကပတ်တော်​သည် ဂျေရုဆလင်​မြို့​မှ​လည်းကောင်း ထွက်ပေါ်​လာ​လိမ့်မည်​။

ရော​မ 9:33

ဤသည်ကား “ကြည့်ရှု​လော့။ ခလုတ်တံသင်း​ဖြစ်​သော​ကျောက်၊ မှားယွင်း​စေ​သော​ကျောက်​ကို ဇိအုန်​၌ ငါ​ချ​ထား​၏။ ထို​ကျောက်​ကို​ယုံကြည်​သော​သူ​သည် အရှက်ရ​လိမ့်မည်​မ​ဟုတ်”​ဟု ကျမ်းစာ​၌​ရေး​ထား​သည့်​အတိုင်း​ဖြစ်​၏။

ဟေ​ဗြဲ 12:22

သို့သော် သင်​တို့​သည် ဇိအုန်​တောင်​သို့​လည်းကောင်း၊ အသက်ရှင်​တော်မူ​သော​ဘုရားသခင်​၏​မြို့​တော်​တည်းဟူသော အထက်​ကောင်းကင်​အရပ်​ရှိ ဂျေရုဆလင်​မြို့​သို့​လည်းကောင်း၊ အတိုင်းမသိ​များစွာ​သော ကောင်းကင်​တမန်​တို့​စုဝေး​ရာ​အခမ်းအနား​သို့​လည်းကောင်း၊

ဗျာ​ဒိတ် 14:1

ထို့နောက် ငါ​ကြည့်​လိုက်​ရာ သိုးသငယ်​တော်​သည် ဇိအုန်​တောင်​ပေါ်တွင်​ရပ်​နေ​၏။ သိုးသငယ်​တော်​၏​နာမ​နှင့် ခမည်းတော်​၏​နာမ​တို့​ကို မိမိ​တို့​နဖူး​၌​ရေး​ထား​သော​သူ တစ်သိန်း​လေးသောင်း​လေးထောင်​တို့​သည်​လည်း သူ​နှင့်အတူ​ရှိ​ကြ​၏။