၂ ရာ 21:14 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁴ ရှောလု​မင်းကြီး​နှင့် သား​တော်​ယောနသန်​တို့​၏​အရိုး​ကို ဗင်္ယာမိန်​ပြည်​၊ ဇေလ​မြို့​ရှိ ရှောလု​မင်းကြီး​၏​ဖခင် ကိရှ​၏​သင်္ချိုင်း​တွင် သင်္ဂြိုဟ်​လိုက်​ကြ​၏​။ ရှင်ဘုရင်​၏​အမိန့်​တော်​အတိုင်း အလုံးစုံ​ပြု​ပြီး​သောအခါ​မှ ဘုရားသခင်​သည် ပြည်​တော်​အတွက် ဆုတောင်းသံ​ကို နားညောင်း​တော်မူ​လေ​၏​။

Common Language Bible

¹⁴ ထို​နောက်​သူ​တို့​သည်​ထို​အ​ရိုး​များ​ကို​ရှော​လု နှင့်​ယော​န​သန်​၏​အ​ရိုး​တို့​နှင့်​အ​တူ​ဗင်္ယာ​မိန် နယ်၊ ဇေ​လ​မြို့​ရှိ​ရှော​လု​၏​ခ​မည်း​တော်​ကိ​ရှ ၏​သင်္ချိုင်း​တွင်​သင်္ဂြိုဟ်​ကြ​၏။ သူ​တို့​သည်​မင်း ကြီး​မိန့်​မှာ​တော်​မူ​လိုက်​သ​မျှ​တို့​ကို​ဆောင် ရွက်​ကြ​၏။ ထို​နောက်​ဘု​ရား​သ​ခင်​သည်​ပြည် တော်​အ​တွက် ထို​သူ​တို့​တောင်း​လျှောက်​သည့် ဆု​တောင်း​ပတ္ထနာ​များ​ကို​နား​ညောင်း​တော် မူ​၏။

Garrad Bible

¹⁴ ဗင်္ယာ မိန် နယ်၊ ဇေ လ မြို့၊ ရှော လု မင်း ခ မည်း တော် ကိ ရှ၏ သင်္ချိုင်း၌ စျာ ပ န ပြု ကြ လေ၏။ ဘု ရင် မင်း မိန့် မှာ သ မျှ အ တိုင်း ဆောင် ရွက် ပြီး စီး ကြ သည့် ကာ လ ပြည် တော် အ ဖို့ ပြု သော ပ ဌ နာ များ ကို ဘု ရား သ ခင် နား ညောင်း တော် မူ ၏။

Judson Bible

¹⁴ ဗင်္ယာ​မိန်​ပြည်၊ ဇေ​လ​ရွာ၊ ရှော​လု​အ​ဘ​ကိ​ရှ၏​သင်္ချိုင်း၌​သင်္ဂြိုဟ်၍၊ ရှင်​ဘု​ရင်​မှာ​ထား​သ​မျှ​အ​တိုင်း ပြု​ကြ​ပြီး​သည်​နောက်၊ နိုင်​ငံ​တော်​အ​ဖို့ ဆု​တောင်း​သော​စ​ကား​ကို ဘု​ရား​သ​ခင်​နား​ထောင်​တော်​မူ၏။

၂ ရာ 21:14 Referencias Cruzadas

၂ ရာ 21:13

ဒါဝိဒ်​မင်းကြီး​သည် ယာဗက်ဂိလဒ်​မြို့​မှ ရှောလု​မင်းကြီး​နှင့် သား​တော်​ယောနသန်​တို့​၏​အရိုး​များ​ကို ယူလာ​၏​။ ကြိုးဒဏ်​ခံရ​သော​သူ​တို့​၏​အရိုး​များ​ကို​လည်း စုသိမ်း​စေ​၏​။

၂ ရာ 24:25

ထို့နောက် ဒါဝိဒ်​မင်းကြီး​သည် ထို​နေရာ​တွင် ထာဝရဘုရား​အဖို့ ယဇ်ပလ္လင်​ကို​တည်​၍ မီးရှို့ရာယဇ်​၊ မိတ်သဟာယယဇ်​တို့​ကို ပူဇော်​လေ​၏​။ ထာဝရဘုရား​သည်​လည်း တိုင်းပြည်​အတွက် အသနားခံ​သည်​ကို နားညောင်း​တော်မူ​ပြီး အစ္စရေး​လူမျိုး​တို့ ခံရ​သော​ဘေးဒဏ်​ကို ငြိမ်း​စေ​လေ​၏​။

၂ ရာ 3:32

အာဗနာ​ကို ဟေဗြုန်​မြို့​၌ သင်္ဂြိုဟ်​ကြ​၏​။ ရှင်ဘုရင်​သည် အာဗနာ​၏​သင်္ချိုင်းဂူ​နား​တွင် ကျယ်လောင်​စွာ​ငိုကြွေး​၏​။ လူ​အပေါင်း​တို့​သည်​လည်း ငိုကြွေး​ကြ​လေ​၏​။

၂ ရာ 4:12

ဒါဝိဒ်​မင်းကြီး​က လုလင်​တို့​အား အမိန့်ပေး​လိုက်​ရာ လုလင်​တို့​သည်​လည်း ထို​ညီအစ်ကို​ကို​သတ်​ပြီး ခြေ​လက်​တို့​ကို​ဖြတ်​ကာ ဟေဗြုန်​မြို့​ရှိ​ရေကန်​အနီး​တွင် ချိတ်ဆွဲ​ထား​လေ​၏​။ ထို့နောက် ဣရှဗောရှက်​မင်းကြီး​၏​ဦးခေါင်း​ကို​ယူ​၍ ဟေဗြုန်​မြို့​ရှိ အာဗနာ​၏​သင်္ချိုင်း​၌ သင်္ဂြိုဟ်​လိုက်​ကြ​၏​။

ယော​န 1:15

ထို့နောက် ယောန​ကို​ချီမ​၍ ပင်လယ်​ထဲသို့​ပစ်ချ​ကြ​လျှင် ပင်လယ်ပြင်​မှ ပြင်းထန်​သော​လေမုန်တိုင်းကြီး​လည်း ငြိမ်သက်​သွား​လေ​၏​။

ဇာ​ခ​ရိ 6:8

ထို့နောက် သူ​သည် ငါ့​ကို​ခေါ်​၍ “​ကြည့်ရှု​လော့​။ မြောက်​ပြည်​သို့​သွား​သော​သူ​တို့​သည် ထို​ပြည်​၌ ငါ့​စိတ်​ကို သက်သာ​စေ​ကြ​ပြီ​”​ဟု မြွက်ဆို​၏​။

တော​လည် 25:13

ထာဝရ​ယဇ်ပုရောဟိတ်​အရိုက်အရာ​ဆိုင်ရာ​ပဋိညာဉ်​သည် သူ​မှစ၍ နောင်လာမည့် သူ​၏​သားစဉ်မြေးဆက်​အတွက်​ဖြစ်​၏​။ အကြောင်းမူကား သူ​သည် မိမိ​၏​ဘုရားသခင်​အစား သဝန်တို​၍ အစ္စရေး​အမျိုးသား​တို့​အတွက် အပြစ်ဖြေလွှတ်​ခြင်း​ကို​ပြု​ပေး​သောကြောင့် ဖြစ်​၏​’​ဟူ၍ ဆင့်ဆို​လော့​”​ဟု မိန့်​တော်မူ​၏​။

တော​လည် 25:8

ထို​အစ္စရေး​အမျိုးသား​နောက် တဲ​အတွင်း​သို့ လိုက်ဝင်​သွား​၍ အစ္စရေး​အမျိုးသား​နှင့် ထို​မိန်းမ နှစ်ဦးစလုံး​တို့​၏​ဗိုက်​ကို လှံ​နှင့်​ထိုး​လေ​၏​။ ထို့ကြောင့် အစ္စရေး​အမျိုးသား​တို့​တွင် ဘေးဒဏ်​ငြိမ်း​လေ​၏​။

ယော​ရှု 18:28

ဇေလ​မြို့​၊ ဧလပ်​မြို့​၊ ဂျေရုဆလင် ခေါ် ယေဗုသိ​မြို့​၊ ဂိဗာ​မြို့​၊ ကိရယတ်​မြို့ စသည့်​မြို့​ပေါင်း တစ်ဆယ့်​လေး​မြို့​နှင့်​ရွာ​များ ပါ​၏​။ ဤသည်ကား ဗင်္ယာမိန်​အမျိုးသား​တို့ မျိုးနွယ်စု​အလိုက် ရရှိ​သော​အမွေမြေ​ဖြစ်​၏​။

ယော​ရှု 7:26

ထို့နောက် သူ့​အပေါ် ကျောက်ပုံ​ကြီး​ကို ပုံ​ထား​၏​။ ထို​ကျောက်ပုံ​သည် ယနေ့​တိုင်အောင်​ရှိ​၏​။ ထိုအခါ ထာဝရဘုရား​သည် အမျက်​ပြင်းစွာ​ထွက်​ရာ​မှ ပြေ​လေ​၏​။ ထို့ကြောင့် ထို​အရပ်​၏​အမည်​ကို ယနေ့​တိုင်အောင် အာခေါ်​ချိုင့်ဝှမ်း​ဟု​မှည့်ခေါ်​လေ​၏​။

၁ ရာ 10:2

ယနေ့ ငါ့​ထံ​မှ သင်​ပြန်သွား​လျှင် ဗင်္ယာမိန်​နယ်စပ်​၊ ဇေလဇ​အရပ်​ရှိ ရာခေလ​သင်္ချိုင်း​အနား​တွင် လူ​နှစ်​ယောက်​ကို တွေ့​လိမ့်မည်​။ သူ​တို့​က သင့်​အား ‘​သင်​သွား​ရှာ​သော​မြည်း​တို့​ကို ပြန်တွေ့​ပြီ​။ ယခု သင့်​ဖခင်​သည် မြည်း​တို့​အတွက် မစိုးရိမ်​တော့​ဘဲ ငါ့​သား​အဖို့ မည်သို့​ပြု​ရ​မည်နည်း​ဟု ဆို​ပြီး သင်​တို့​အတွက် စိုးရိမ်​လျက်​ရှိ​၏​’​ဟု သင့်​ကို ပြော​လိမ့်မည်​။