၁ ရာ​ချုပ် 15:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ဤသို့ဖြင့် ဒါဝိဒ်​မင်းကြီး​နှင့် အစ္စရေး​သက်ကြီးဝါကြီး​များ​၊ လူ​တစ်ထောင်​အုပ်သောသူ​များ​သည် ထာဝရဘုရား​၏​ပဋိညာဉ်​သေတ္တာ​တော်​ကို ဩဗဒေဒုံ​၏​အိမ်​မှ ပြန်သယ်​လာ​ရန် ဝမ်းမြောက်​စွာ​ထွက်သွား​ကြ​၏​။

Common Language Bible

²⁵ သို့​ဖြစ်​၍​ဒါဝိဒ်​မင်း​နှင့်​တ​ကွ​ဣ​သ​ရေ​လ ခေါင်း​ဆောင်​များ၊ စစ်​ဘက်​ဆိုင်​ရာ​တပ်​မှူး များ​သည်​ပ​ဋိ​ညာဉ်​သေတ္တာ​တော်​ကို​ပင့်​ဆောင် ရန်​အ​တွက်​သြ​ဗ​ဒေ​ဒုံ​၏​အိမ်​သို့​သွား​ကြ ပြီး​လျှင်​ခမ်း​နား​သော​ပွဲ​လမ်း​သ​ဘင်​တစ်​ရပ် ကို​ကျင်း​ပ​ကြ​၏။-

Garrad Bible

²⁵ ဒါ ဝိဒ် မင်း မှ စ၍ ဣ သ ရေ လ လူ ကြီး နှင့် ထောင် တပ် အုပ် တို့ သည် ထာ ဝ ရ ဘု ရား၏ ပ ဋိ ညာဉ် တော် သေ တ္တာ ကို သြ ဗ ဒေ ဒုံ့ အိမ် မှ ပင့် ဆောင် အံ့ သော ငှါ ဝမ်း မြောက် စွာ သွား လျက်၊

Judson Bible

²⁵ ထို​သို့ ဒါ​ဝိဒ်​မင်း​နှင့် ဣ​သ​ရေ​လ​အ​မျိုး အ​သက်​ကြီး​သူ၊ လူ​တစ်​ထောင်​အုပ်​တို့​သည် ထာ​ဝ​ရ​ဘု​ရား၏​ပ​ဋိ​ညာဉ်​သေ​တ္တာ​တော်​ကို၊ ဩ​ဗ​ဒေ​ဒုံ​အိမ်​မှ ဝမ်း​မြောက်​သော​စိတ်​နှင့် ဆောင်​ခဲ့​ခြင်း​ငှာ​သွား​ကြ၏။

၁ ရာ​ချုပ် 15:25 Referencias Cruzadas

၃ ရာ 8:1

ထို့နောက်တွင် ထာဝရဘုရား​၏​ပဋိညာဉ်​သေတ္တာ​တော်​ကို ဒါဝိဒ်​မြို့​ခေါ်​ဇိအုန်​မြို့​သို့ ယူဆောင်​လာ​ရန် ရှောလမုန်​မင်းကြီး​သည် အစ္စရေး​သက်ကြီးဝါကြီး​များ​၊ အစ္စရေး​အမျိုးသား​တို့​၏​ဘိုးဘေး​အိမ်ထောင်စု​ခေါင်းဆောင်​များ​ဖြစ်​သော အမျိုးအနွယ်​တို့​၏​အကြီးအမှူး​အပေါင်း​တို့​အား ရှောလမုန်​မင်းကြီး​ရှိ​ရာ ဂျေရုဆလင်​မြို့​သို့ လာရောက်​စုရုံး​စေ​၏​။

၂ ရာ​ချုပ် 1:4

ဘုရားသခင်​၏​သေတ္တာ​တော်​ကို​ကား ဒါဝိဒ်​မင်းကြီး​သည် ကိရယတ်ယာရိမ်​မြို့​မှ ဂျေရုဆလင်​မြို့​ရှိ မိမိ​ပြင်ဆင်​ထား​သော​တဲ​တော်​ရှိ​ရာ​နေရာ​သို့ ဆောင်ယူ​ခဲ့​ပြီး​ဖြစ်​၏​။

၂ ရာ​ချုပ် 5:2

ထို့နောက်တွင် ထာဝရဘုရား​၏​ပဋိညာဉ်​သေတ္တာ​တော်​ကို ဒါဝိဒ်​မြို့ ခေါ်​ဇိအုန်​မြို့​သို့ ယူဆောင်​လာ​ရန် ရှောလမုန်​မင်းကြီး​သည် အစ္စရေး​သက်ကြီးဝါကြီး​များ​၊ အစ္စရေး​အမျိုးသား​တို့​၏​ဘိုးဘေး​အိမ်ထောင်စု​ခေါင်းဆောင်​များ​ဖြစ်​သော အမျိုးအနွယ်​တို့​၏​အကြီးအမှူး​အပေါင်း​တို့​အား ဂျေရုဆလင်​မြို့​သို့ လာရောက်​စုရုံး​စေ​၏​။

ဧ​ဇ​ရ 6:16

အစ္စရေး​အမျိုးသား​များ​၊ ယဇ်ပုရောဟိတ်​များ​၊ လေဝိ​သား​များ​နှင့် ပြန်လာ​သော​သုံ့ပန်း​သားမြေး​တို့​သည် ဘုရားသခင်​၏​အိမ်​တော်​ဆက်ကပ်​ပွဲ​ကို ဝမ်းမြောက်​စွာ​ကျင်းပ​ကြ​၏​။

မိက္ခာ 5:2

“အို ဧဖရတ်​ဗက်လင်​မြို့​၊ ယုဒ​မြို့​များ​တွင် သင်​သည် သေးငယ်​သော​မြို့​ဖြစ်​သော်လည်း ငါ့​အဖို့ အစ္စရေး​လူမျိုး​ကို အုပ်စိုးသူမင်း​သည် သင့်​အထဲ​မှ​ပေါ်ထွန်း​လိမ့်မည်​။ ထို​သခင်​သည် ရှေးမဆွ​ကပင် ရှိ​နှင့်​ပြီး​ဖြစ်​၏​။”

တော​လည် 31:14

မောရှေ​သည် စစ်တိုက်​ရာ​မှ​ပြန်လာ​သော စစ်သည်​အရာရှိ​ဖြစ်​သူ ထောင်​တပ်မှူး​၊ ရာ​တပ်မှူး​တို့​ကို အမျက်ထွက်​၍

တ​ရား​ဟော 1:15

ထို့ကြောင့် ပညာရှိ​ပြီး အတွေ့အကြုံ​လည်း​ရှိ​သော သင်​တို့​၏​မျိုးနွယ်​အကြီးအမှူး​တို့​ကို ငါ​ခေါ်ယူ​ပြီးလျှင် သူ​တို့​အား သင်​တို့​မျိုးနွယ်​ကို​ကြီးကြပ်အုပ်ချုပ်​သော​သူ​များ​အဖြစ် လူ​တစ်ထောင်​အုပ်​၊ တစ်ရာ​အုပ်​၊ ငါးဆယ်​အုပ်​၊ တစ်ဆယ်​အုပ် စသည်​ဖြင့် ခန့်ထား​၏​။

တ​ရား​ဟော 12:18

သင်​မှစ၍ သင်​၏​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင်​၏​မြို့​တံခါး​အတွင်း​ရှိ လေဝိ​အမျိုး​များ​သည် ထို​ပူဇော်သက္ကာ​တို့​ကို သင်​၏​ဘုရားသခင်​ထာဝရဘုရား​ရှေ့​တော်​၊ သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​၌​သာ စား​ရ​မည်​။ သင်​လုပ်ဆောင်​လေရာရာ​အတွက် သင်​၏​ဘုရားသခင်​ထာဝရဘုရား​ရှေ့​တော်​၌ ဝမ်းမြောက်​ကြ​ရ​မည်​။

တ​ရား​ဟော 12:7

ထို​အရပ်​တွင် သင်​တို့​၏​ဘုရားသခင်​ထာဝရဘုရား​၏​ရှေ့​တော်​၌ စား​ရ​မည်​။ သင်​တို့​လုပ်ဆောင်​လေရာရာ​၌ သင်​တို့​၏​ဘုရားသခင်​ထာဝရဘုရား​ကောင်းချီးပေး​တော်မူ​သောကြောင့် သင်​တို့​နှင့်​သင်​တို့​၏​အိမ်သူအိမ်သား​တို့​သည် ဝမ်းမြောက်​ကြ​ရ​မည်​။

တ​ရား​ဟော 16:11

သင်​မှစ၍ သင့်​သား​သမီး​များ​၊ ကျွန်ယောက်ျား​ကျွန်မိန်းမ​များ​၊ သင့်​မြို့​အတွင်း​ရှိ လေဝိ​အမျိုး​နှင့် သင်​၌​ရှိ​သော တိုင်းတစ်ပါးသား​၊ ဖတဆိုး​၊ မုဆိုးမ တို့​သည် နာမ​တော်​ကိန်းဝပ်​ရာ​အဖြစ် သင်​၏​ဘုရားသခင်​ထာဝရဘုရား​ရွေးချယ်​တော်မူ​သော​နေရာ​တွင် သင်​၏​ဘုရားသခင်​ထာဝရဘုရား​၏​ရှေ့​တော်​၌ ဝမ်းမြောက်​ရ​မည်​။

တ​ရား​ဟော 16:15

သင်​သည် ထာဝရဘုရား​ရွေးချယ်​တော်မူ​သော​နေရာ​၌ သင်​၏​ဘုရားသခင်​ထာဝရဘုရား​အဖို့ ခုနစ်​ရက်​ပတ်လုံး ပွဲတော်​ကျင်းပ​ရ​မည်​။ သို့ပြုလျှင် သင်​၏​ဘုရားသခင်​ထာဝရဘုရား​သည် သင်​၏​အသီးအနှံ​အားလုံး​၊ သင်​ပြု​သော​အမှု​ဟူသမျှ​ကို ကောင်းချီးပေး​တော်မူ​၍ သင်​သည် အလွန်​ဝမ်းမြောက်​ရ​လိမ့်မည်​။

ဖိ​လိပ္ပိ 3:3

အကြောင်းမူကား ဘုရားသခင်​၏​ဝိညာဉ်​တော်​အားဖြင့်​ဝတ်ပြု​၍ ခရစ်တော်​ယေရှု​၌​ဝါကြွား​လျက် အသွေး​အသား​၌​ကိုးစား​ခြင်း​မ​ရှိ​သော​ငါ​တို့​သည် အရေဖျား​လှီး​ထား​သော​သူ​အစစ်အမှန်​ဖြစ်​ကြ​၏။

ဖိ​လိပ္ပိ 4:4

သခင်​ဘုရား​၌ အစဉ်အမြဲ​ဝမ်းမြောက်​ကြ​လော့။ တစ်ဖန် ငါ​ဆို​သည်​ကား ဝမ်းမြောက်​ကြ​လော့။

၁ ရာ 10:19

သို့သော် သင်​တို့​အား ရှိသမျှ​ဘေးအန္တရာယ်​များ​နှင့် ဆင်းရဲဒုက္ခ​များ​ထဲမှ ကယ်တင်​ခဲ့​သော​ဘုရားသခင်​ကို ယနေ့ သင်​တို့​စွန့်ပယ်​၍ ‘အကျွန်ုပ်​တို့​အဖို့ ရှင်ဘုရင်​ကို ခန့်အပ်​ပေး​ပါ​လော့’​ဟု သင်​တို့​ဆို​သောကြောင့် ယခု သင်​တို့​အမျိုးအနွယ်​အလိုက်​၊ မျိုးနွယ်စု​အလိုက် ထာဝရဘုရား​ရှေ့​တော်​၌ ရပ်​နေ​ကြ​လော့​”​ဟု ဆို​၏​။

၁ ရာ 22:7

ထို့ကြောင့် ရှောလု​မင်းကြီး​က သူ့​ကို​ခစား​နေ​သော​အမှုထမ်း​တို့​အား “​ဗင်္ယာမိန်​အမျိုးသား​တို့​၊ နားထောင်​ကြ​။ ယေရှဲ​၏​သား​သည် သင်​တို့​အားလုံး​ကို လယ်မြေ​များ​၊ စပျစ်ခြံ​များ ပေး​မည်လော​။ သင်​တို့​အားလုံး​ကို လူ​တစ်ထောင်အုပ်​၊ လူ​တစ်ရာအုပ်​အရာ ခန့်အပ်​မည်လော​။

၁ ရာ 8:12

သူ့​အဖို့ လူ​တစ်ထောင်အုပ်​၊ လူ​ငါးဆယ်အုပ်​များ​အဖြစ် ခန့်ထား​မည်​။ လယ်ယာ​ကို ထွန်ယက်​စေ​မည်​။ ကောက်​ရိတ်​စေ​မည်​။ စစ်​လက်နက်​များ​၊ ရထား​တန်ဆာပလာ​များ​ကို ပြုလုပ်​စေ​မည်​။