၁ ရာ 20:41 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴¹ ထို​သူငယ်​ထွက်သွား​သောအခါ ဒါဝိဒ်​သည် တောင်ဘက်​ပုန်းအောင်း​ရာ​မှ ထွက်လာ​ပြီး မြေ​ပေါ်မှာ ပျပ်ဝပ်​လျက် သုံး​ကြိမ်​ဦးချ​လေ​၏​။ ပြီးလျှင် တစ်ဦး​ကို​တစ်ဦး ဖက်နမ်း​လျက် ငိုကြွေး​ကြ​၏​။ ဒါဝိဒ်​သည် ယောနသန်​ထက် ပို၍​ငိုကြွေး​လေ​၏​။

Common Language Bible

⁴¹ သူ​ငယ်​ထွက်​သွား​သော​အ​ခါ ဒါ​ဝိဒ်​သည် ကျောက်​ပုံ နောက်​မှ​ထွက်​လာ​ပြီး​လျှင်​ဒူး​ထောက်​၍ ယော န​သန်​အား​သုံး​ကြိမ်​တိုင်​တိုင်​ပျပ်​ဝပ်​ဦး ညွှတ်​၏။ ထို​နောက်​သူ​တို့​သည်​အ​ချင်း​ချင်း ဖက်​နမ်း​ငို​ကြွေး​ကြ​၏။ ဒါ​ဝိဒ်​၏​ကြေ​ကွဲ မှု​သည် ယော​န​သန်​၏​ကြေ​ကွဲ​မှု​ထက်​ပင် ပို​မို​ပြင်း​ထန်​လေ​သည်။-

Garrad Bible

⁴¹ သူ ငယ် ပြန် သွား သည့် နောက် ဒါ ဝိဒ် သည် ကျောက် ပုံ ကွယ် မှ ထ၍ သုံး ကြိမ် တိုင် တိုင် ပျပ် ဝပ် ဦး ညွှတ် ပြီး လျှင် သူ တို့ အ ချင်း ချင်း ဖက် နမ်း ငို ကြွေး လျက် ဒါ ဝိဒ် မ ချုပ် မ တည်း နိုင် ချေ။

Judson Bible

⁴¹ လူ​က​လေး​သွား​သော​နောက်၊ ဒါ​ဝိဒ်​သည် တောင်​မျက်​နှာ​အ​ရပ်​က ထ၍ မြေ​ပေါ်​မှာ​ပျပ်​ဝပ်​လျက် သုံး​ကြိမ်​တိုင်​အောင် ဦး​ညွှတ်​ပြီး​လျှင်၊ သူ​တို့​သည် တစ်​ယောက်​ကို​တစ်​ယောက်​နမ်း​လျက် မျက်​ရည်​ကျ​လျက်၊ ဒါ​ဝိဒ်​သည်​သာ၍ ပြု​သည်​တိုင်​အောင် ပြု​ကြ၏။

၁ ရာ 20:41 Referencias Cruzadas

ကမ္ဘာ​ဦး 29:11

ထို့နောက် ယာကုပ်​သည် ရာခေလ​ကို​နမ်း​၍ အော်ဟစ်​ငိုကြွေး​လေ​၏​။

ကမ္ဘာ​ဦး 29:13

လာဗန်​သည် မိမိ​တူ ယာကုပ်​အကြောင်း​ကို​ကြား​ရ​သောအခါ သူ​နှင့်​တွေ့ဆုံ​ရန် ပြေးလာ​ကာ သူ့​ကို​ပွေ့ဖက်​၍​နမ်း​ပြီးလျှင် မိမိ​အိမ်​သို့​ခေါ်သွား​၏​။ ယာကုပ်​သည်​လည်း အကြောင်းအရာ​အားလုံး​ကို လာဗန်​အား​ပြောပြ​လေ​၏​။

ကမ္ဘာ​ဦး 33:4

ဧသော​သည် ပြေးလာ​၍​သူ​နှင့်​တွေ့ဆုံ​ပြီး သူ့​ကို​ပွေ့ဖက်​လျက်​၊ လည်ချင်းယှက်​လျက် နမ်း​လေ​၏​။ ထို့နောက် သူ​တို့​သည် ငိုကြွေး​ကြ​၏​။

ကမ္ဘာ​ဦး 42:6

ထို​အချိန်​၌ ယောသပ်​သည် တိုင်းပြည်​ကို​အုပ်စိုး​သော​ဘုရင်ခံ​ဖြစ်​ပြီး ပြည်သူပြည်သား​အပေါင်း​တို့​အား အစားအစာ​ရောင်းချ​ပေး​သော​သူ​ဖြစ်​၏​။ ယောသပ်​၏​အစ်ကို​တို့​သည်​ရောက်လာ​၍ သူ့​ရှေ့​၌ မြေ​မှာ​ပျပ်ဝပ်​ကြ​၏​။

ကမ္ဘာ​ဦး 43:28

သူ​တို့​က​လည်း “​သခင့်​အစေအပါး​အကျွန်ုပ်​တို့​၏​ဖခင်​သည် ကျန်းမာ​ပါ​၏​။ အသက်ရှင်​ပါ​သေး​၏​”​ဟု ပြန်လျှောက်​ပြီးလျှင် ဦးညွှတ်​ပျပ်ဝပ်​ကြ​၏​။

ကမ္ဘာ​ဦး 45:15

ယောသပ်​သည် မိမိ​၏​အစ်ကို​အပေါင်း​တို့​ကို​လည်း​နမ်း​၍ ငိုကြွေး​လေ​၏​။ ထို့နောက်မှ သူ​၏​ညီအစ်ကို​တို့​သည် သူ​နှင့်​စကားပြော​ကြ​၏​။

၂ ရာ 1:2

သုံး​ရက်​မြောက်​သော​နေ့​တွင် ရှောလု​မင်းကြီး​၏​တပ်စခန်း​မှ လူ​တစ်ဦး​သည် အဝတ်​ကို​ဆုတ်​လျက်​၊ ခေါင်း​ပေါ်​မြေမှုန့်​တင်​လျက် ဒါဝိဒ်​ထံ ရောက်လာ​၍ မြေ​ပေါ်တွင်​ပျပ်ဝပ်​ရှိခိုး​လေ​၏​။

၂ ရာ 1:26

ငါ့​အစ်ကို​ယောနသန်​၊ သင့်​အဖို့ ငါ​ကြေကွဲ​ရ​ပါ​ပြီ​တကား​။ သင်​သည် ငါ့​အဖို့ အလွန်​နှစ်သက်ဖွယ်​ကောင်း​သော​သူ ဖြစ်​ခဲ့​ပါ​၏​။ သင် ငါ့​ကို​ချစ်​သော​အချစ်​မှာ​လည်း အံ့ဖွယ်​ဖြစ်​ပါ​၏​။ မိန်းမ​တို့ ချစ်​သော​အချစ်​ထက် သာလွန်​ပါ​၏​။

၂ ရာ 14:4

တေကော​မြို့သူ ထို​အမျိုးသမီး​သည် ရှင်ဘုရင်​ထံ​သွား​၍ မြေ​ပေါ်​ပျပ်ဝပ်​ဦးညွှတ်​လျက် “​အရှင်မင်းကြီး​၊ ကယ်မ​တော်မူ​ပါ​”​ဟု လျှောက်​၏​။

၂ ရာ 19:39

ထို့နောက် လူ​အားလုံး ဂျော်ဒန်​မြစ်​ကို ဖြတ်ကူး​ကြ​၏​။ ရှင်ဘုရင်​သည် ဗာဇိလဲ​ကို နမ်း​၍​ကောင်းချီးပေး​ပြီးမှ ကူးသွား​၏​။ ဗာဇိလဲ​သည်​လည်း မိမိ​နေရပ်​သို့ ပြန်သွား​လေ​၏​။

၂ ရာ 9:6

ရှောလု​မင်းကြီး​၏​မြေး​၊ ယောနသန်​၏​သား​မေဖိဗောရှက်​သည် ဒါဝိဒ်​မင်းကြီး​ထံ​ရောက်လာ​သောအခါ ရှေ့​တော်​တွင် ပျပ်ဝပ်​ရှိခိုး​၏​။ ဒါဝိဒ်​မင်းကြီး​က “​သင်​ကား မေဖိဗောရှက်​လော​”​ဟု မေး​လျှင် သူ​က “​အကျွန်ုပ်​သည် အရှင့်​အစေအပါး မှန်​ပါ​၏​”​ဟု ပြန်လျှောက်​၏​။

၃ ရာ 1:16

ဗာသရှေဘ​သည် ရှင်ဘုရင်​ရှေ့​၌ ဦးညွှတ်​ပျပ်ဝပ်​လျှင် ရှင်ဘုရင်​က “​အဘယ်​အကြောင်း​ရှိ​သနည်း​”​ဟု မေး​၏​။

၃ ရာ 1:23

“​ပရောဖက်​နာသန် လာ​သည်​”​ဟု ရှင်ဘုရင်​အား ကြားလျှောက်​ကြ​ပြီးလျှင် နာသန်​သည် ဘုရင့်​ထံပါး အခစားဝင်​၍ ဦးညွှတ်ပျပ်ဝပ်​၏​။

၃ ရာ 1:31

ထိုအခါ ဗာသရှေဘ​သည် ရှင်ဘုရင်​ရှေ့​တော်​တွင် ဦးညွှတ်​ပျပ်ဝပ်​လျက် “​အကျွန်ုပ်​၏​သခင်​ဒါဝိဒ်​မင်းကြီး သက်တော်ရာကျော်ရှည်​ပါစေ​”​ဟု မြွက်ဆို​လေ​၏​။

တမန်တော်ဝတ္ထု 20:37

သူ​တို့​အားလုံး​သည် အလွန်​ငိုကြွေး​လျက် ပေါလု​ကို​ဖက်​၍ နမ်း​ကြ​၏။

၁ ရာ 10:1

ရှမွေလ​သည် ဆီ​ဘူး​ကို​ယူ​၍ ရှောလု​၏​ခေါင်း​ပေါ်​သွန်းလောင်း​ပြီးလျှင် သူ့​ကို​နမ်း​လျက် “​အကယ်စင်စစ် ထာဝရဘုရား​သည် မိမိ​၏​အမွေ​တော်​ကို အုပ်ချုပ်သူမင်း​အဖြစ် သင့်​အား ဘိသိက်ပေး​တော်မူ​ပြီ​။

၁ ရာ 18:3

ယောနသန်​သည် ဒါဝိဒ်​ကို ကိုယ်​နှင့်အမျှ​ချစ်​သောကြောင့် ဒါဝိဒ်​နှင့်​ကတိသစ္စာ​ပြု​လေ​၏​။

၁ ရာ 20:40

ယောနသန်​သည် သူ​နှင့်အတူ​ပါလာ​သော​လူငယ်လေး​အား သူ့​လက်နက်​များ​ကို ပေး​၍ “​မြို့​ထဲသို့ ပြန်ယူ​သွား​ပါ​တော့​”​ဟု ဆို​၏​။

၁ ရာ 24:9

ဒါဝိဒ်​က ရှောလု​မင်းကြီး​အား “ ‘​ဒါဝိဒ်​သည် အရှင်မင်းကြီး​ကို မကောင်း​ကြံ​နေ​ပါ​သည်​’​ဟု လူ​တို့​ပြော​သော​စကား​အား အဘယ်ကြောင့် နားယောင်​ရ​ပါ​သနည်း​။

၁ ရာ 25:23

အဘိဂဲလ​သည် ဒါဝိဒ်​ကို​မြင်​လျှင် မြည်း​ပေါ်​မှ​အလျင်အမြန်​ဆင်း​၍ ဒါဝိဒ်​ရှေ့ မြေ​ပေါ်တွင် ဦးညွှတ်​ပျပ်ဝပ်​လေ​၏​။