၁ ကော 9:19 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁹ ငါ​သည် လူ​အပေါင်း​တို့​ရှေ့၌ လွတ်လပ်​သူ​ဖြစ်​သော်လည်း ပို၍​များ​သော​သူ​တို့​ကို​ရရှိ​နိုင်​ရန် လူ​အပေါင်း​တို့​ထံ၌ ကိုယ်တိုင်​ကျွန်ခံ​၏။

Common Language Bible

¹⁹ ငါ​သည်​မည်​သူ့​ကျွန်​မျှ​မ​ဟုတ်။ လွတ်​လပ်​သူ ဖြစ်​၏။ သို့​ရာ​တွင်​ခ​ရစ်​တော်​ကို​ယုံ​ကြည်​သူ ဦး​ရေ​များ​နိုင်​သ​မျှ​တိုး​တက်​များ​ပြား လာ​စေ​ရန် ငါ​သည်​လူ​တိုင်း​၏​ကျွန်​ဖြစ်​၏။-

Garrad Bible

¹⁹ ငါ သည် ရှိ သ မျှ တို့ ရှေ့ လူ လွတ် ဖြစ် သော် လည်း အ များ တို့ ကို ရ ခြင်း ငှာ လူ ခပ် သိမ်း တို့ ထံ ကျွန် ခံ လေ ပြီ။

Judson Bible

¹⁹ ငါ​သည် အ​ဘယ်​သူ၏​ကျွန် မ​ဖြစ်​သော်​လည်း သာ၍​များ​သော သူ​တို့​ကို​ရ​ခြင်း​အ​လို​ငှာ လူ​တ​ကာ​တို့၏ ကျွန်​ခံ​ရ၏။-

ခေတ်သစ်​မြန်မာ သမ္မာကျမ်း

¹⁹ ကျွန်ုပ်​သည် လွတ်လပ်သောသူ​ဖြစ်ပြီး မည်သူ​၏​ကျွန်​မှ မဟုတ်ပါ။ သို့သော် ခရစ်တော်​ကို ယုံကြည်သောသူများ ပို၍ များလာ​စေရန် လူ​အပေါင်းတို့​၏​ကျွန် ဖြစ်လာရ၏။

၁ ကော 9:19 Referencias Cruzadas

သုတ္တံကျမ်း။ 11:30

ဖြောင့်မတ်​သော​သူ​၏​အသီးအပွင့်​သည် အသက်​ပင်​သဖွယ်​ဖြစ်​၏​။ စိတ်ဝိညာဉ်​များ​ကို​ဆွဲဆောင်​စည်းရုံး​နိုင်​သော​သူ​သည် ပညာရှိ​ဖြစ်​၏​။

မဿဲ 18:15

သင်​၏​ညီအစ်ကို​သည် သင့်​အား​ပြစ်မှား​လျှင် သွား​၍ နှစ်ကိုယ်​ကြား သူ့​ကို​ဆိုဆုံးမ​လော့။ သူ​သည် သင်​၏​စကား​ကို​နားထောင်​လျှင် သင်​၏​ညီအစ်ကို​ကို သင်​ရရှိ​ပြီ။

ရော​မ 1:14

ငါ​သည် ဂရိ​လူမျိုး​နှင့်​လူရိုင်း​တို့​အပေါ်၌​ဖြစ်စေ၊ ပညာရှိ​နှင့်​ပညာမဲ့​တို့​အပေါ်၌​ဖြစ်စေ အကြွေး​တင်​သူ​ဖြစ်​၏။

ရော​မ 11:14

တစ်နည်းနည်း​ဖြင့် ငါ​၏​အမျိုးသား​ချင်း​တို့​၌ မနာလို​စိတ်​ဖြစ်ပေါ်​စေ​၍ သူ​တို့​ထဲမှ အချို့​တို့​ကို​ကယ်တင်​နိုင်​ရန် ငါ​မျှော်လင့်​နေ​၏။

ရော​မ 15:2

ငါ​တို့​အသီးသီး​သည် မိမိ​ဝန်းကျင်​၌​ရှိ​သော​သူ​ကို​တည်ဆောက်​မြှင့်တင်​ပေး​ရန် သူ​၏​ကောင်းကျိုး​ကို​ထောက်​၍ သူ့​ကို​နှစ်သက်​စေ​ရ​မည်။

၁ ကော 10:29

အသိစိတ်​ဟု​ဆို​ရာ​၌ သင်​တို့​၏​အသိစိတ်​ကို​ဆိုလို​သည်​မ​ဟုတ်​ဘဲ အခြား​သူ​၏​အသိစိတ်​ကို​ဆိုလို​၏။ အကြောင်းမူကား ငါ​၏​လွတ်လပ်​မှု​သည် သူတစ်ပါး​၏​အသိစိတ်​ဖြင့် အဘယ်ကြောင့် စီရင်​ခြင်း​ခံရ​မည်နည်း။

၁ ကော 10:33

ထိုနည်းတူ ငါ​သည်​လည်း လူ​တို့​ကယ်တင်​ခြင်း​ခံရ​မည့်​အကြောင်း ကိုယ်​ကျိုး​ကို​မ​ရှာ​ဘဲ အများ​အကျိုး​ကို​ရှေးရှု​လျက် ခပ်သိမ်း​သော​အမှု​တို့​၌ လူ​အပေါင်း​တို့​ကို​နှစ်သက်​စေရန် ကြိုးစား​နေ​၏။

၁ ကော 7:16

အသင်​မိန်းမ၊ သင်​သည် မိမိ​လင်​ယောက်ျား​ကို ကယ်တင်​မည်​မ​ကယ်တင်​မည်​ကို မည်သို့​သိ​နိုင်​မည်နည်း။ အသင်​ယောက်ျား၊ သင်​သည် မိမိ​မယား​ကို ကယ်တင်​မည်​မ​ကယ်တင်​မည်​ကို မည်သို့​သိ​နိုင်​မည်နည်း။

၁ ကော 9:1

ငါ​သည် လွတ်လပ်​သူ​ဖြစ်​သည်​မ​ဟုတ်​လော။ တမန်တော်​ဖြစ်​သည်​မ​ဟုတ်​လော။ ငါ​တို့​၏​သခင်​ယေရှု​ကို ဖူးမြင်​ခဲ့​သည်​မ​ဟုတ်​လော။ သင်​တို့​သည် သခင်​ဘုရား​၌ ငါ​၏​လုပ်ဆောင်​မှု​ရလဒ်​ဖြစ်​ကြ​သည်​မ​ဟုတ်​လော။

၂ ကော 12:14

ယခု ငါ​သည် သင်​တို့​ထံသို့ တတိယ​အကြိမ်​လာ​ရန် အသင့်​ရှိ​၏။ သို့သော် သင်​တို့​အတွက် ဝန်ထုပ်ဝန်ပိုး​ဖြစ်​စေ​မည်​မ​ဟုတ်။ အကြောင်းမူကား ငါ​သည် သင်​တို့​၏​ဥစ္စာ​များ​ကို အလိုရှိ​သည်​မ​ဟုတ်။ သင်​တို့​ကို​သာ အလိုရှိ​၏။ သားသမီး​တို့​သည် မိဘ​တို့​အတွက် စုဆောင်း​ရ​သည်​မ​ဟုတ်​ဘဲ မိဘ​တို့​က​သာ သားသမီး​တို့​အတွက် စုဆောင်း​ရ​၏။

၂ ကော 4:15

ခပ်သိမ်း​သော​အရာ​တို့​သည် သင်​တို့​အတွက်​ဖြစ်​၏။ ဤသည်ကား များစွာ​သော​သူ​တို့​၌ ကျေးဇူး​တော်​သည်​တိုးပွား​လာ​သဖြင့် ဘုရားသခင်​၏​ဘုန်း​တော်​အတွက် ကျေးဇူး​တော်​ချီးမွမ်း​ခြင်း​ကို ကြွယ်ဝ​ပြည့်စုံ​စေ​မည့်အကြောင်း​တည်း။

၂ ကော 4:5

အကြောင်းမူကား ငါ​တို့​သည် မိမိ​တို့​အကြောင်း​ကို ဟောပြော​ကြ​သည်​မ​ဟုတ်​ဘဲ ယေရှု​ခရစ်တော်​သည် အရှင်​သခင်​ဖြစ်​ကြောင်း​ကို ဟောပြော​ကြ​၏။ ငါ​တို့​ကိုယ်တိုင်​မူကား ယေရှု​အတွက် သင်​တို့​၏​အစေအပါး​များ​ဖြစ်​ကြ​၏။

ဂ​လာ​တိ 5:1

လွတ်လပ်​မှု​ကို​ရရှိ​စေရန် ခရစ်တော်​သည် ငါ​တို့​ကို လွတ်မြောက်​စေ​တော်မူ​ပြီ။ ထို့ကြောင့် ခိုင်မြဲ​စွာ​ရပ်တည်​လျက် ကျွန်​ထမ်းပိုး​တွင် နောက်တစ်ဖန် ချည်နှောင်​ခြင်း​မ​ခံ​ကြ​နှင့်။

ဂ​လာ​တိ 5:13

ညီအစ်ကို​တို့၊ သင်​တို့​သည် လွတ်လပ်​မှု​အတွက် ခေါ်ယူ​တော်မူ​ခြင်း​ခံရ​ကြ​၏။ သို့သော် ထို​လွတ်လပ်​မှု​ကို သွေးသား​ဇာတိ​အတွက် အခွင့်အရေး​တစ်​ခု​အနေဖြင့် မ​သုံး​ဘဲ မေတ္တာ​အားဖြင့် အချင်းချင်း​အစေခံ​ကြ​လော့။

၁ တိ 4:16

သင့်ကိုယ်သင်​သော်လည်းကောင်း၊ သင်​၏​သွန်သင်​ချက်​ကို​သော်လည်းကောင်း ဂရုစိုက်​၍ ထို​သွန်သင်ချက်​တို့​၌ အမြဲ​တည်​နေ​လော့။ အကြောင်းမူကား သင်​သည် ထိုသို့​ပြု​ခြင်း​ဖြင့် သင့်ကိုယ်သင်​နှင့် သင့်​ကို​နားထောင်​သော​သူ​တို့​ကို ကယ်တင်​လိမ့်မည်။

၂ တိ 2:10

ထို့ကြောင့် ရွေးကောက်​ခံရ​သော​သူ​တို့​သည် ခရစ်တော်​ယေရှု​၌​ရှိ​သော​ကယ်တင်​ခြင်း​ကို ထာဝရ​ဘုန်း​အသရေ​နှင့်တကွ ရရှိ​နိုင်​မည့်​အကြောင်း ငါ​သည် သူ​တို့​အတွက် အရာရာ​ကို​သည်းခံ​၏။

၁ ပေ 3:1

ထိုနည်းတူ ဇနီးသည်​တို့၊ မိမိ​တို့​၏​ခင်ပွန်းသည်​ကို နာခံ​ကြ​လော့။ သို့ပြုလျှင် အချို့​သော​ခင်ပွန်းသည်​တို့​သည် နှုတ်ကပတ်​တရား​ကို​မ​ယုံကြည်​ကြ​လျှင်​ပင် သင်​တို့​၏​ကြောက်ရွံ့​ရိုသေ​မှု​နှင့် သန့်ရှင်း​စင်ကြယ်​သော​အသက်ရှင်​နေထိုင်​မှု​ကို​မြင်​လျက် ဇနီးသည်​၏​စကား​အားဖြင့်​မ​ဟုတ်​ဘဲ အသက်ရှင်​နေထိုင်​မှု​အားဖြင့် ပြောင်းလဲ​လာ​ကြ​လိမ့်မည်။