ဧ​သ​တာ 2:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ ထို့နောက် ရှင်ဘုရင်​သည် မှူးမတ်​နှင့်​မင်းမှုထမ်း အပေါင်း​တို့​ပါ​သော စားသောက်ပွဲ​ကြီး​ကို ကျင်းပ​၏​။ ဤ​ပွဲ​သည် ဧသတာ​အတွက်​ကျင်းပ​သော​ပွဲ​ဖြစ်​၏​။ မိမိ​ပိုင်နက်​တစ်ဝန်းလုံး​တွင် ထို​နေ့​ကို အားလပ်ရက်​အဖြစ်​သတ်မှတ်​၍ တော်ဝင်​လက်ဆောင်​များ​ကို​လည်း ရက်ရက်ရောရော​ပေးကမ်း​လေ​၏​။

Common Language Bible

¹⁸ ထို​နောက်​မိ​မိ​၏​မှူး​မတ်​များ​နှင့်​မင်း​အ​ရာ ရှိ​အ​ပေါင်း​ကို​ဖိတ်​ကြား​တော်​မူ​၍ ဧ​သ​တာ အား​ဂုဏ်​ပြု​စား​သောက်​ပွဲ​ကြီး​ကို​ကျင်း​ပ တော်​မူ​၏။ သူ​သည်​အင်​ပါ​ယာ​နိုင်​ငံ​တော် တစ်​ဝှမ်း​လုံး​တွင်​ထို​နေ့​ကို​အ​လုပ်​နား​ရက် အ​ဖြစ်​သတ်​မှတ်​ကြေ​ငြာ​တော်​မူ​၍ ဘု​ရင့် ဂုဏ်​နှင့်​လျော်​စွာ​ဆု​တော်​လာဘ်​တော်​များ ကို​လည်း​ပေး​သ​နား​တော်​မူ​၏။

Garrad Bible

¹⁸ ဧ သ တာ့ ပွဲ ဟူ၍ ခမ်း နား သော စား သောက် ပွဲ သ ဘင် ကို၊ မှူး တော် မတ် တော်၊ ကျေး ကျွန် သင်း ပင်း တို့ အ ဖို့ ယင် လျက်၊ ပြည် ထောင် တ ကာ တွင် အ ငြိမ်း ပေး သည့် ပြင်၊ ရက် ရော စွာ လှူ ဒါန်း လေ ၏။

Judson Bible

¹⁸ ထို​အ​ခါ ရှင်​ဘု​ရင်​သည် ဧ​သ​တာ​ပွဲ​ဟူ၍ ကြီး​သော​ပွဲ​ကို မှူး​တော်​မတ်​တော် ကျွန်​တော်​တို့​အ​ဖို့ လုပ်​သ​ဖြင့်၊ နိုင်​ငံ​တော်​တိုင်း​ပြည်​တို့​ကို မင်း​မှု​လွှတ်၍၊ စည်း​စိမ်​တော်​နှင့်​လျော်​စွာ ဆု​ချ​တော်​မူ၏။

ဧ​သ​တာ 2:18 Referencias Cruzadas

ကမ္ဘာ​ဦး 29:22

ထို့ကြောင့် လာဗန်​သည် ထို​အရပ်​၌​ရှိ​သော​လူ​အပေါင်း​တို့​ကို​ဖိတ်ခေါ်​လျက် စားသောက်ပွဲ​ကျင်းပ​လေ​၏​။

နေ​ဟ​မိ 8:11

လေဝိ​သား​တို့​က​လည်း လူ​အပေါင်း​တို့​အား “​ငြိမ်ဝပ်​စွာ​နေ​ကြ​လော့​။ ဝမ်း​မ​နည်း​ကြ​နှင့်​။ ယနေ့​သည် သန့်ရှင်း​သော​နေ့​ဖြစ်​၏​”​ဟု နှစ်သိမ့်​ပေး​၏​။

ဧ​သ​တာ 1:7

စပျစ်ဝိုင်​ကို ရွှေ​ခွက်​များ​ဖြင့်​တိုက်​၏​။ ရွှေ​ခွက်​များ​မှာ​လည်း တစ်ခွက်​နှင့်​တစ်ခွက်​မတူ​။ မင်းကြီး​သည် တော်ဝင်​စပျစ်ဝိုင်​ကို ရက်ရက်ရောရော အလျှံပယ်​တိုက်​၏​။

ဧ​သ​တာ 9:22

ထို​နေ့ရက်​များ​သည် ရန်သူ​တို့​လက်​မှ ဂျူး​လူမျိုး​တို့ လွတ်မြောက်​သော​နေ့​ဖြစ်​၏​။ ထို​လ​သည် ဝမ်းနည်း​ရာ​မှ ဝမ်းမြောက်​ရ​သော​လ​၊ ငိုကြွေးမြည်တမ်း​ရာ​မှ ပျော်ပွဲ​ကျင်းပ​ရ​သော​လ ဖြစ်​၏​။ ထို့ကြောင့် ထို​နေ့​တို့​၌ စားသောက်ပွဲ​ကို ပျော်ရွှင်​စွာ​ကျင်းပ​ရ​မည်​။ အိမ်နီးချင်း​တစ်ဦး​ကို​တစ်ဦး စားသောက်ဖွယ်​ရာ​များ​ကို ပေးကမ်း​ဝေငှ​ရ​မည်​။ နွမ်းပါး​သူ​တို့​ကို ပေးကမ်း​စွန့်ကြဲ​ရ​မည်​ဟု ပါရှိ​၏​။

ရှောလမုန်သီချင်း။ 3:11

အို ဇိအုန်​သမီးပျို​တို့​၊ ထိမ်းမြားပွဲ​နေ့​၊ စိတ်နှလုံး​ရွှင်လန်း​ရာ​နေ့​တွင် မယ်တော်​ကိုယ်တိုင်​ဆောင်း​ပေး​သော​သရဖူ​ကို ဆောင်း​ထား​သော ရှောလမုန်​မင်းကြီး​ကို ထွက်​ကြည့်​ကြ​ပါ​လော့​။​”

ရှောလမုန်သီချင်း။ 5:1

“အို ငါ့​နှမ​၊ ငါ့​သတို့သမီး​၊ ငါ့​ဥယျာဉ်​ထဲသို့ ငါ​လာ​ပြီ​။ မုရန်​နှင့် အမွှေးနံ့သာ​တို့​ကို ငါ​စုသိမ်း​ပြီ​။ ပျားလပို့​မှ​ပျားရည်​တို့​ကို ငါ​စား​ပြီ​။ စပျစ်ဝိုင်​နှင့် နို့​ကို​လည်း ငါ​သောက်​ရ​ပြီ​။” “အို မိတ်ဆွေ​တို့​၊ စား​ကြ​ပါ​။ အို ချစ်သူ​တို့​၊ သောက်​၍ ယစ်မူး​ကြ​ပါ​။”

မဿဲ 22:2

“ကောင်းကင်​နိုင်ငံ​တော်​သည် မိမိ​သား​အတွက် မင်္ဂလာဆောင်​ပွဲ​ကျင်းပ​သော ဘုရင်​တစ်​ပါး​နှင့်​တူ​၏။

ရှင်မာကု 6:21

သို့သော် အခွင့်ကောင်း​ရောက်လာ​လေ​၏။ ဟေရုဒ်​သည် မိမိ​၏​မွေးနေ့​၌ မှူးကြီးမတ်ရာ​များ၊ တပ်မှူးကြီး​များ​နှင့် ဂါလိလဲ​နယ်​၏​ခေါင်းဆောင်​များ​အတွက် ညစာ​စားပွဲ​ကျင်းပ​သောအခါ

လုကာ 14:8

“တစ်စုံတစ်ယောက်​သည် သင့်​ကို မင်္ဂလာဆောင်​ပွဲ​သို့ ဖိတ်ခေါ်​သောအခါ အထူး​နေရာ​၌​မ​ထိုင်​နှင့်။ သူ​သည် သင့်​ထက်​ဂုဏ်သရေ​ရှိ​သော​သူ​ကို ဖိတ်​ထား​ကောင်း​ဖိတ်​ထား​လိမ့်မည်။

ဗျာ​ဒိတ် 11:10

ကမ္ဘာ​မြေကြီး​ပေါ်၌​နေထိုင်​သော​သူ​တို့​သည် ထို​သူ​တို့​၏​အဖြစ်​ကြောင့် ဝမ်းမြောက်​လျက်​ပျော်ရွှင်​ကြ​ကာ တစ်ဦး​ကို​တစ်ဦး လက်ဆောင်​များ​ပေးပို့​ကြ​လိမ့်မည်။ အကြောင်းမူကား ထို​ပရောဖက်​နှစ်​ဦး​တို့​သည် ကမ္ဘာ​မြေကြီး​ပေါ်၌​နေထိုင်​သော​သူ​တို့​ကို ညှဉ်းဆဲ​ခဲ့​ကြ​၏။

ဗျာ​ဒိတ် 19:9

ထို့နောက် ကောင်းကင်​တမန်​က “သိုးသငယ်​တော်​၏​မင်္ဂလာ​ညစာစားပွဲ​သို့ ဖိတ်ခေါ်​ခြင်း​ခံရ​သော​သူ​တို့​သည် မင်္ဂလာရှိ​ကြ​၏​ဟု ရေး​ထား​လော့”​ဟူ၍ ငါ့​အား​မြွက်ဆို​ပြီးလျှင် “ဤ​အရာ​တို့​သည် ဘုရားသခင်​၏​ဖြောင့်မှန်​သော​နှုတ်ကပတ်တော်​များ​ဖြစ်​ကြ​၏”​ဟု မြွက်ဆို​လေ​၏။

၁ ရာ 25:8

အသင့်​ငယ်သား​တို့​ကို မေးကြည့်​ပါ​။ သူ​တို့​ပြောပြ​ပါ​လိမ့်မည်​။ ယခုလို နေ့ကောင်းနေ့မြတ်​မှာ ရောက်လာ​ကြ​သော​အကျွန်ုပ်​၏​ငယ်သား​တို့​သည်​လည်း အသင့်​ထံမှ မျက်နှာသာ​ရ​ပါစေသော​။ အသင်​စိတ်စေတနာ​ရှိ​သော​အရာ​ကို အသင့်​အစေအပါး​များ​နှင့် အသင့်​သား​ဒါဝိဒ်​အား ပေးလိုက်​ပါ​လော့’​ဟူ၍ သူ့​အား ပြောကြား​ရ​မည်”​ဟု မှာလိုက်​လေ​၏​။