ဧ​ဖက် 6:2 - မြန်​​​မာ့​​​စံ​​​မီ​​​သမ္မာ​​​ကျမ်း​​

^2-3 သင်​၏​မိခင်​နှင့်​ဖခင်​တို့​ကို ရိုသေ​လော့။ ဤသည်ကား “ထိုသို့ပြုလျှင် သင်​သည် ကမ္ဘာ​မြေ​ပေါ်၌ ကောင်းစား​လျက် အသက်ရှည်​ရ​လိမ့်မည်”​ဟူသော​ကတိ​တော်​ပါ​သည့် ပထမ​ပညတ်​ချက်​ဖြစ်​၏။

Common Language Bible

^2-3 ကျမ်း​စာ​တော်​က``သင်​၏​မိ​ဘ​ကို​ရို​သေ​သ​မှု​ပြု လော့။ သို့​ပြု​လျှင်​သင်​သည်​ကောင်း​စား​လျက်​မြေ​ကြီး ပေါ်​တွင်​အ​သက်​ရှည်​လိမ့်​မည်'' ဟု​ဖော်​ပြ​သည်။ ဤ ကား​က​တိ​တော်​ပါ​ရှိ​သည့်​ပ​ထ​မ​ပ​ညတ်​ဖြစ်​၏။

Garrad Bible

^2-3 က တိ တော် ပါ သော ပ ထ မ ပ ညတ် တော် အ လိုက် မြေ ကြီး ပေါ် တွင် တာ ရှည် ကောင်း စား အံ့ သော ငှါ မိ ဘ ကို ရို သေ သ မှု ပြု လော့။

Judson Bible

^2-3 မိ​ဘ​ကို ရို​သေ​စွာ​ပြု​လော့။ ဤ​ပ​ညတ်​တော်​ကား၊ သင်​သည် ပြည်​တော်၌ ကောင်း​စား၍ အ​သက်​တာ​ရှည်​မည်​အ​ကြောင်း ဟူ၍ က​တိ​တော်​နှင့်​ဆိုင်​သော ပ​ထ​မ​ပ​ညတ်​ဖြစ်၏။-

ခေတ်သစ်​မြန်မာ သမ္မာကျမ်း

^2-3 ကျမ်းစာ​၌ “မိဘ​ကို ရိုသေလော့။ ထိုသို့ ပြု​လျှင် သင်​သည် ကမ္ဘာမြေ​ပေါ်​၌ ကောင်းစား​၍ အသက်ရှည်​လိမ့်မည်” ဟု ဖော်ပြထားပြီး ဤ​ပညတ်​သည် ကတိတော် ပါသော ပထမ ပညတ်တော် ဖြစ်၏။

ဧ​ဖက် 6:2 Referencias Cruzadas

ထွက်​မြောက် 20:12

သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေးသနား​တော်မူ​သော​ပြည်​၌ သင်​သည် အသက်​ရှည်​လိမ့်မည်​။

သုတ္တံကျမ်း။ 20:20

မိမိ​၏​မိခင်​နှင့်​ဖခင်​တို့​ကို ကျိန်ဆဲ​သော​သူ​၏​မီးခွက်​သည် မှောင်မည်း​သော​အမှောင်​ထဲတွင် ငြိမ်း​သွား​လိမ့်မည်​။

ယေ​ရ​မိ 35:18

ယေရမိ​က​လည်း ရေခပ်​အမျိုးသား​တို့​အား “​အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘​သင်​တို့​၏​ဘိုးဘေး​ယောနဒပ်​၏​စကား​ကို သင်​တို့​နားထောင်​ကြ​လေ​ပြီ​။ သူ​ပညတ်​ထား​သည်​ကို သင်​တို့​စောင့်ထိန်း​လေ​ပြီ​။ သူ​မှာကြား​ခဲ့​သည့်​အတိုင်း သင်​တို့​လိုက်လျှောက်​ကြ​လေ​ပြီ​’​ဟု မိန့်​တော်မူ​၏​။

ယေ​ရ​မိ 35:7

အိမ်​မ​ဆောက်​ရ​။ မျိုးစေ့​မ​ကြဲ​ရ​။ စပျစ်ခြံ​မ​စိုက်ပျိုး​ရ​။ မ​ပိုင်ဆိုင်​ရ​။ သင်​တို့​အသက်ရှင်​သမျှ​ကာလ​ပတ်လုံး တဲ​ဖြင့်​သာ​နေ​ရ​မည်​။ သို့ပြုလျှင် ဧည့်သည်​အဖြစ် သင်​တို့​တည်းခိုနေထိုင်​ရ​သော​ထို​ပြည်​၌ အသက်တာ​ရှည်​မည်​’​ဟု မှာထား​လေ​ပြီ​။

ယေ​ဇ​ကျေ​လ 22:7

မိဘ​ကို မထီလေးစားပြု​သော​သူ​များ သင့်​တွင်​ရှိ​၏​။ တိုင်းတစ်ပါးသား​တို့​ကို ဖိနှိပ်ချုပ်ချယ်​သော​သူ​များ သင့်​တွင်​ရှိ​၏​။ ဖတဆိုး​များ​၊ မုဆိုးမ​များ​ကို နိုင်ထက်စီးနင်း​ပြု​သော​သူ​များ​သင့်​တွင်​ရှိ​၏​။

မာ​လ​ခိ 1:6

အို နာမ​တော်​ကို​မထီမဲ့မြင်ပြု​သော​ယဇ်ပုရောဟိတ်​တို့​၊ သား​သည် ဖခင်​ကို​လည်းကောင်း​၊ ကျွန်​သည် သခင်​ကို​လည်းကောင်း ရိုသေလေးစား​တတ်​၏​။ ငါ​သည် ဖခင်​ဆိုလျှင် ငါ့​ကို မည်သူ​ရိုသေလေးစား​သနည်း​။ ငါ​သည် သခင်​ဆိုလျှင် ငါ့​ကို မည်သူ​ကြောက်ရွံ့​သနည်း​ဟု ကောင်းကင်​ဗိုလ်ခြေ​အရှင်​ထာဝရဘုရား​မေး​တော်မူ​လျှင် သင်​တို့​က ‘အကျွန်ုပ်​တို့​သည် ကိုယ်တော်​၏​နာမ​တော်​ကို မည်သို့​မထီမဲ့မြင်ပြု​ပါ​သနည်း’​ဟု ပြန်​မေးလျှောက်​ကြ​၏​။

ရော​မ 13:7

သို့ဖြစ်၍ လူ​အသီးသီး​တို့​အား ပေး​သင့်​သည်​ကို ပေးဆောင်​ကြ​လော့။ အခွန်​ပေး​သင့်​သော​သူ​အား အခွန်​ကို​လည်းကောင်း၊ အကောက်​ပေး​သင့်​သော​သူ​အား အကောက်​ကို​လည်းကောင်း ပေးဆောင်​ကြ​လော့။ ကြောက်ရွံ့​သင့်​သော​သူ​ကို​ကြောက်ရွံ့​၍ ရိုသေ​သင့်​သော​သူ​ကို​ရိုသေ​ကြ​လော့။

တ​ရား​ဟော 27:16

‘​မိမိ​၏​မိဘ​ကို မထီလေးစား​ပြု​သော​သူ​သည် ကျိန်ဆဲ​ခြင်း​ခံရ​မည်​’​ဟု ဆို​လျှင် လူ​အပေါင်း​တို့​က ‘​အာမင်​’​ဟု ဆို​ရ​မည်​။

တ​ရား​ဟော 5:16

သင်​၏​ဘုရားသခင်​ထာဝရဘုရား​မိန့်မှာ​ထား​သည့်​အတိုင်း သင်​၏​မိဘ​ကို​ရိုသေ​လော့​။ ထိုသို့​ပြု​လျှင် သင်​၏​ဘုရားသခင်​ထာဝရဘုရား​ပေး​တော်မူ​သော​ပြည်​၌ သင်​သည် အသက်​ရှည်​၍ ကောင်းစား​လိမ့်မည်​။

၁ တိ 5:4

တစ်စုံတစ်ယောက်​သော​မုဆိုးမ​တွင် သားသမီး​၊ သို့မဟုတ် မြေး​များ​ရှိ​လျှင် ထို​သား​မြေး​တို့​သည် ဘာသာရေး​ဝတ္တရား​တည်းဟူသော မိမိ​တို့​အိမ်သူအိမ်သား​ကို​ပြုစု​ခြင်း​နှင့် မိဘ​ဘိုးဘွား​တို့​အား ကျေးဇူး​ပြန်ဆပ်​ခြင်း​တို့​ကို ဦးစွာ​သင်ယူ​ကြ​စေ။ အကြောင်းမူကား ဤသို့​ပြု​ခြင်း​သည် ဘုရားသခင်​ရှေ့​တော်​၌ နှစ်သက်​လက်ခံ​ဖွယ်​ဖြစ်​၏။