ဧ​ဖက် 6:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ သားသမီး​တို့၊ သခင်​ဘုရား​၌ သင်​တို့​၏​မိဘ​စကား​ကို နားထောင်​ကြ​လော့။ အကြောင်းမူကား ထိုသို့​ပြု​ခြင်း​သည် မှန်ကန်​သော​အမှု​ဖြစ်​၏။

Common Language Bible

¹ သား​သ​မီး​တို့၊ သင်​တို့​မိ​ဘ​များ​၏​စ​ကား ကို​နား​ထောင်​ကြ​လော့။ ထို​သို့​ပြု​ခြင်း​သည် ခ​ရစ်​ယာန်​များ​အ​နေ​ဖြင့်​ပြု​အပ်​သည့်​ဝတ် ဖြစ်​၏။-

Garrad Bible

¹ သား သ မီး ဖြစ် သူ တို့၊ သင့် လျော် သည့် အ တိုင်း အ ရှင် ဘု ရား အ လို တော် နှင့် အ ညီ မိ ဘ စ ကား ကို နား ထောင် ကြ လော့။

Judson Bible

¹ သား​သ​မီး​တို့၊ သ​ခင်​ဘု​ရား၏ အ​လို​တော်​နှင့်​အ​ညီ မိ​ဘ​စ​ကား​ကို နား​ထောင်​ကြ​လော့။ မိ​ဘ​စ​ကား ကို​နား​ထောင်​ခြင်း​အ​မှု​သည် တ​ရား​သော​အ​မှု ဖြစ်၏။-

ခေတ်သစ်​မြန်မာ သမ္မာကျမ်း

¹ သားသမီးတို့… သခင်ဘုရား​၏ အလိုတော်​နှင့်အညီ မိဘ​စကား​ကို နားထောင်ကြလော့။ မိဘ​စကား​ကို နားထောင်ခြင်း​သည် ပြုအပ်သော​ဝတ် ဖြစ်၏။

ဧ​ဖက် 6:1 Referencias Cruzadas

ကမ္ဘာ​ဦး 28:7

ယာကုပ်​သည် မိခင်​နှင့်​ဖခင်​၏​စကား​ကို​နားထောင်​၍ ပါဒန်အာရံ​ပြည်​သို့​ထွက်ခွာ​သွား​သည်​ကို​လည်းကောင်း ဧသော​သိမြင်​လေ​၏​။

ကမ္ဘာ​ဦး 37:13

အစ္စရေး​က ယောသပ်​အား “​သင်​၏​အစ်ကို​တို့​သည် ရှေခင်​မြို့​အနီး​၌ သိုးဆိတ်​တို့​ကို​ထိန်းကျောင်း​နေ​သည်​မ​ဟုတ်​လော​။ လာ​ပါ​။ သင့်​ကို သူ​တို့​ထံသို့ ငါ​စေလွှတ်​မည်​”​ဟု ဆို​လျှင် သူ​က “​ဟုတ်ကဲ့​ပါ​”​ဟု ဆို​၏​။

ကမ္ဘာ​ဦး 48:12

ယောသပ်​သည် မိမိ​၏​သား​တို့​ကို ဖခင်​၏​ဒူး​ကြား​မှ​ထုတ်​ပြီးလျှင် မြေ​မှာ​ပျပ်ဝပ်​လေ​၏​။

ကမ္ဘာ​ဦး 50:12

ယာကုပ်​၏​သား​တို့​သည် မိမိ​တို့​အား ဖခင်​မှာကြား​ထား​သည့်​အတိုင်း မိမိ​တို့​ဖခင်​အတွက်​ပြု​ကြ​၏​။

နေ​ဟ​မိ 9:13

ကိုယ်တော်​သည် သိနာ​တောင်​ပေါ်သို့​ကြွဆင်း​တော်မူ​၏​။ သူ​တို့​အား ကောင်းကင်​မှ​နှုတ်မြွက်​တော်မူ​၏​။ သူ​တို့​အား ဖြောင့်မှန်​သော​စီရင်ထုံးဖွဲ့ချက်​၊ မှန်ကန်​သော​တရား​၊ ကောင်းမြတ်​သော​ပြဋ္ဌာန်းချက်​နှင့် ပညတ်ချက်​တို့​ကို ပေး​တော်မူ​၏​။

ဧ​သ​တာ 2:20

ဧသတာ​သည် မော်ဒကဲ​မှာထား​သည့်​အတိုင်း မိမိ​လူမျိုး​၊ မိမိ​ဇာတိ​ကို ထုတ်ဖော်​မ​ပြ​ဘဲ​နေ​၏​။ မိမိ​ကို မော်ဒကဲ​ကျွေးမွေး​စောင့်ရှောက်​ခဲ့​စဉ်​အချိန်​က​ကဲ့သို့ပင် ယခု​လည်း မော်ဒကဲ​၏​စကား​ကို နားထောင်​လျက်​ရှိ​၏​။

ယောဘဝတ္တု။ 33:27

သူ​သည် လူ​တို့​ကို​ကြည့်ရှု​၍ ‘​ငါ​သည် ဖြောင့်မှန်​သော​လမ်း​မှ​လွဲ​၍ အပြစ်ပြု​မိ​ပြီ​။ သို့သော် ငါ​ခံထိုက်​သော​အပြစ်​ကို ခံ​စေ​တော်​မ​မူ​။

ဆာ​လံ 119:128

ထို့ကြောင့် ကိုယ်တော်​၏​ဥပဒေသ​အားလုံး​တို့​သည် အကုန်အစင်​ဖြောင့်မှန်​သည်​ဟု အကျွန်ုပ်​မှတ်ယူ​လျက် မှားယွင်း​သော​လမ်း​ရှိသမျှ​တို့​ကို မုန်း​ပါ​၏​။

ဆာ​လံ 119:75

အို ထာဝရဘုရား​၊ ကိုယ်တော်​၏​စီရင်ထုံးဖွဲ့ချက်​တို့​သည် ဖြောင့်မတ်​ကြောင်း​ကို​လည်းကောင်း​၊ ကိုယ်တော်​သည် အကျွန်ုပ်​ကို သစ္စာ​တော်​နှင့်အညီ ဒုက္ခဝေဒနာ​ခံစား​စေ​တော်မူ​ကြောင်း​ကို​လည်းကောင်း အကျွန်ုပ်​သိ​ပါ​၏​။

ဆာ​လံ 19:8

ထာဝရဘုရား​၏​ဥပဒေသ​တို့​သည် ဖြောင့်မှန်​၍ စိတ်နှလုံး​ကို​ဝမ်းမြောက်​စေ​၏​။ ထာဝရဘုရား​၏​ပညတ်တော်​သည် သန့်ရှင်း​၍ မျက်စိ​ကို​အလင်းပေး​၏​။

သုတ္တံကျမ်း။ 1:8

ငါ့​သား​၊ သင့်​ဖခင်​၏​ဆုံးမပဲ့ပြင်​ခြင်း​ကို နားထောင်​လော့​။ သင့်​မိခင်​၏​သွန်သင်ချက်​ကို​လည်း မ​ပစ်ပယ်​နှင့်​။

သုတ္တံကျမ်း။ 23:22

သင့်​ကို​မွေးဖွား​လာ​စေ​သော သင့်​ဖခင်​၏​စကား​ကို နားထောင်​လော့​။ သင့်​မိခင်​အိုမင်း​သောအခါ​လည်း မထီမဲ့မြင်​မ​ပြု​နှင့်​။

သုတ္တံကျမ်း။ 30:11

မိမိ​၏​ဖခင်​ကို​ကျိန်ဆဲ​၍ မိမိ​၏​မိခင်​ကို ကောင်းချီး​မ​ပေး​သော​သူ​များ​ရှိ​၏​။

သုတ္တံကျမ်း။ 30:17

ဖခင်​ကို​ပြက်ရယ်ပြု​၍ မိခင်​အား​နာခံ​ခြင်း​ကို မထီမဲ့မြင်ပြု​တတ်​သော​မျက်စိ​ကို လျှိုမြောင်​၌​ရှိ​သော​ကျီးကန်း​တို့​သည် ဖောက်ထုတ်​၍ လင်းတ​၏​သားပေါက်​တို့​သည် စား​ကြ​လိမ့်မည်​။

သုတ္တံကျမ်း။ 6:20

ငါ့​သား​၊ သင့်​ဖခင်​၏​ပညတ်ချက်​ကို လိုက်နာကျင့်သုံး​လော့​။ သင့်​မိခင်​၏​သွန်သင်ချက်​ကို မ​ပစ်ပယ်​နှင့်​။

ယေ​ရ​မိ 35:14

ရေခပ်​၏​သား​ယောနဒပ်​က မိမိ​အမျိုးသား​တို့​အား စပျစ်ဝိုင်​မ​သောက်​ရ​ဟု မှာကြား​ခဲ့​သည့်​ပညတ်​ကို သူ​တို့​စောင့်ထိန်း​ကြ​၏​။ ရေခပ်​အမျိုးသား​တို့​သည် သူ​တို့​ဘိုးဘေး​၏​စကား​ကို နားထောင်​လျက် ယနေ့​ထိတိုင် စပျစ်ဝိုင်​မ​သောက်​ဘဲ​နေ​ကြ​၏​။ သင်​တို့​မူကား ငါ​အကြိမ်ကြိမ်​ဆင့်ဆို​သော်လည်း ငါ့​စကား​ကို​နား​မ​ထောင်​ကြ​။

ယေ​ရ​မိ 35:18

ယေရမိ​က​လည်း ရေခပ်​အမျိုးသား​တို့​အား “​အစ္စရေး​လူမျိုး​၏​ဘုရားသခင် ကောင်းကင်​ဗိုလ်ခြေ​အရှင်​ထာဝရဘုရား​က ‘​သင်​တို့​၏​ဘိုးဘေး​ယောနဒပ်​၏​စကား​ကို သင်​တို့​နားထောင်​ကြ​လေ​ပြီ​။ သူ​ပညတ်​ထား​သည်​ကို သင်​တို့​စောင့်ထိန်း​လေ​ပြီ​။ သူ​မှာကြား​ခဲ့​သည့်​အတိုင်း သင်​တို့​လိုက်လျှောက်​ကြ​လေ​ပြီ​’​ဟု မိန့်​တော်မူ​၏​။

ယေ​ရ​မိ 35:8

အကျွန်ုပ်​တို့​ဘိုးဘေး ရေခပ်​၏​သား​ယောနဒပ် မှာထား​သမျှ​စကား​တို့​ကို အကျွန်ုပ်​တို့​နာခံ​ပါ​၏​။ အကျွန်ုပ်​တို့​နှင့် အကျွန်ုပ်​တို့​၏​မယား​၊ သား​သမီး​တို့​သည် အသက်ရှင်​သမျှ​ကာလ​ပတ်လုံး စပျစ်ဝိုင်​ကို မ​သောက်​ကြ​ပါ​။

ဟော​ရှေ 14:9

မည်သူ​သည် ပညာရှိ​သနည်း​၊ သူ​သည် ထို​အရာ​တို့​ကို နားလည်​ပါစေ​။ မည်သူ​သည် ပိုင်းခြား​သိမြင်​နိုင်​သနည်း​၊ သူ​သည် ထို​အရာ​တို့​ကို သိနားလည်​ပါစေ​။ ထာဝရဘုရား​၏​နည်းလမ်း​တော်​သည် ဖြောင့်မတ်​သည်​ဖြစ်၍ ဖြောင့်မတ်​သော​သူ​တို့​သည် ထို​လမ်း​တော်​၌ လိုက်လျှောက်​ကြ​လိမ့်မည်​။ မတရား​သော​သူ​တို့​မူကား ထို​လမ်း​တော်​တွင် ခလုတ်တိုက်​လဲကျ​ကြ​လိမ့်မည်​။

ဝတ်​ပြု 19:3

လူ​တိုင်း ကိုယ့်​မိဘ​ကို ရိုသေ​ရ​မည်​။ ငါ​၏​ဥပုသ်နေ့​ကို စောင့်ထိန်း​ရ​မည်​။ ငါ​သည် သင်​တို့​၏​ဘုရားသခင်​ထာဝရဘုရား​ဖြစ်​၏​။

လုကာ 2:51

ထို့နောက် ယေရှု​သည် မိဘ​တို့​နှင့်အတူ​ပြန်သွား​၍ နာဇရက်​မြို့​သို့​ရောက်​သောအခါ သူ​တို့​ကို​နာခံ​လျက်​နေ​တော်မူ​၏။ မယ်တော်​မူကား ဤ​အကြောင်းအရာ​အလုံးစုံ​တို့​ကို မိမိ​စိတ်နှလုံး​ထဲ၌​မှတ်ကျုံး​ထား​လေ​၏။

ရော​မ 12:2

သင်​တို့​သည် ဤ​လောက​၏​ပုံသဏ္ဌာန်​ကို မ​ဆောင်​ကြ​နှင့်။ ကောင်းမြတ်​သော​အရာ၊ နှစ်သက်​ဖွယ်​သော​အရာ၊ စုံလင်​သော​အရာ​တည်းဟူသော ဘုရားသခင်​အလို​တော်​ရှိ​သော​အရာ​သည် မည်သည့်​အရာ​ဖြစ်​သည်​ကို ပိုင်းခြား​သိရှိ​နိုင်​ရန် စိတ်နှလုံး​ကို အသစ်​ပြုပြင်​ခြင်း​ဖြင့် ပုံသဏ္ဌာန်​ပြောင်းလဲ​ခြင်း​ရှိ​ကြ​လော့။

ရော​မ 16:2

သန့်ရှင်း​သူ​များ​ပြု​သင့်​သည့်​အတိုင်း သခင်​ဘုရား​၌ သူ့​ကို​လက်ခံ​၍ သင်​တို့​ထံမှ သူ​လိုအပ်​သမျှ​သော​အရာ​ကို ကူညီ​ဆောင်ရွက်​ပေး​ကြ​လော့။ အမှန်စင်စစ် သူ​သည် ငါ​ကိုယ်တိုင်​မှစ၍ များစွာ​သော​သူ​တို့​ကို ကူညီ​ခဲ့​သူ​ဖြစ်​၏။

ရော​မ 7:12

ထို့ကြောင့် ပညတ်​တရား​သည် သန့်ရှင်း​၏။ ပညတ်​တော်​သည်​လည်း သန့်ရှင်း​ဖြောင့်မတ်​၍ ကောင်းမြတ်​၏။

၁ ကော 15:58

ထို့ကြောင့် ငါ​ချစ်​သော​ညီအစ်ကို​တို့၊ သခင်​ဘုရား​၌ သင်​တို့​၏​ကြိုးပမ်း​အားထုတ်​မှု​သည် အချည်းနှီး​မ​ဖြစ်​ကြောင်း​သိမှတ်​၍ ခိုင်မြဲ​စွာ​ရပ်တည်​လျက် ဖောက်ပြန်​ရွေ့လျော​ခြင်း​မ​ရှိ​ဘဲ သခင်​ဘုရား​၏​အမှု​တော်​ကို အစဉ်အမြဲ စွမ်းစွမ်းတမံ​ဆောင်ရွက်​ကြ​လော့။

တ​ရား​ဟော 21:18

တစ်စုံတစ်ယောက်​၌ မိဘ​စကား နား​မ​ထောင်​၊ မိဘ​ဆုံးမ​သည်​ကို​လည်း မ​နာခံ​ဘဲ ခေါင်းမာ​၍​ဖီဆန်​သော​သား​ရှိ​လျှင်

၁ တိ 5:4

တစ်စုံတစ်ယောက်​သော​မုဆိုးမ​တွင် သားသမီး​၊ သို့မဟုတ် မြေး​များ​ရှိ​လျှင် ထို​သား​မြေး​တို့​သည် ဘာသာရေး​ဝတ္တရား​တည်းဟူသော မိမိ​တို့​အိမ်သူအိမ်သား​ကို​ပြုစု​ခြင်း​နှင့် မိဘ​ဘိုးဘွား​တို့​အား ကျေးဇူး​ပြန်ဆပ်​ခြင်း​တို့​ကို ဦးစွာ​သင်ယူ​ကြ​စေ။ အကြောင်းမူကား ဤသို့​ပြု​ခြင်း​သည် ဘုရားသခင်​ရှေ့​တော်​၌ နှစ်သက်​လက်ခံ​ဖွယ်​ဖြစ်​၏။

၁ ပေ 2:13

လူ​တို့​စီရင်​ခန့်ထား​သော​အုပ်ချုပ်​မှု​စနစ်​အားလုံး​ကို သခင်​ဘုရား​၏​မျက်နှာ​တော်​ကို​ထောက်၍ နာခံ​ကြ​လော့။ အထွတ်အမြတ်​ဖြစ်​သော​ရှင်ဘုရင်​ကို​ဖြစ်စေ၊

ရု​သ 3:5

ရုသ​က​လည်း “​အမေ​ပြော​သည့်​အတိုင်း အကျွန်ုပ် လုပ်​ပါ​မည်​”​ဟု ဆို​ပြီး

၁ ရာ 17:20

ဒါဝိဒ်​သည် နံနက်​စောစောထ​၍ မိမိ​သိုးအုပ်​ကို သိုးထိန်း​တစ်​ဦး​နှင့် အပ်ထား​ခဲ့​ပြီးလျှင် ဖခင်​ယေရှဲ​မှာလိုက်​သည့်​အတိုင်း စားစရာ​များ​ကို ယူ​၍ ထွက်သွား​၏​။ သူ​သည် တပ်စခန်း​သို့​ရောက်​သောအခါ စစ်သည်​တို့​သည် စစ်မြေပြင်​သို့ ချီတက်​ပြီး စစ်​ငြာသံ​ပေး​လျက်