ဟေ​ရှာ​ယ 48:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ထာဝရဘုရား​က “​ယခင်​ဖြစ်ပျက်​ခဲ့​သော​အရာ​တို့​ကို ရှေးမဆွ​ကပင် ငါ​ပြောကြား​ခဲ့​ပြီ​။ ငါ့​နှုတ်​မှ​ထွက်ဆို​ခဲ့​ပြီ​။ ငါ​ကြားသိ​စေ​ခဲ့​ပြီ​။ ငါ​ချက်ချင်း​လုပ်ဆောင်​၍ ထို​အရာ​တို့ ဖြစ်လာ​ခဲ့​ပြီ​။

Common Language Bible

³ ဣ​သ​ရေ​လ​အ​မျိုး​သား​တို့​အား​ထာ​ဝ​ရ ဘု​ရား​က၊ ``ရှေး​အ​ခါ​က၊ငါ​သည်​ဖြစ်​ပျက်​မည့်​အ​မှု အ​ရာ​ကို ကြို​တင်​ဟော​ကြား​ခဲ့​၏။ ထို​နောက်​ထို​အ​ရာ​ကို​ရုတ်​တ​ရက်​ဖြစ်​ပေါ် လာ​စေ​၏။

Garrad Bible

³ အ တိတ် အ ဖြစ် အ ပျက် များ ကို၊ ယ မန် က ပင် ငါ နှုတ် မြွက် ဖော် ပြ ကြား ပြော နှင့် သည့် အ လျောက်၊ ငါ ပြု လျှင် ပြု ချင်း ဖြစ် ပွား ခဲ့ ပြီ တ ကား။

Judson Bible

³ ဖြစ်​ဖူး​သော​အ​ရာ​တို့​ကို အ​ထက်​က သင်​တို့​အား ငါ​ဟော​လေ​ပြီ။ ထို​အ​ရာ​တို့​သည် ငါ့​နှုတ်​မှ​ထွက်၍ ထင်​ရှား​ကြ​ပြီ။ ချက်​ချင်း ငါ​ပြု​သော​ကြောင့် ဖြစ်​ကြ​ပြီ။

ဟေ​ရှာ​ယ 48:3 Referencias Cruzadas

ဟေ​ရှာ​ယ 29:5

သို့သော် သင့်​ရန်သူ​အလုံးအရင်း​သည် ဖုန်မှုန့်​ကဲ့သို့​ဖြစ်​မည်​။ ကြမ်းကြုတ်​သူ​အလုံးအရင်း​သည် လွင့်မျော​နေ​သော​ဖွဲ​ကဲ့သို့ ဖြစ်​မည်​။ ထိုကဲ့သို့ ရုတ်ခြည်း​ဖြစ်​မည်​။

ဟေ​ရှာ​ယ 30:13

ဤ​ဒုစရိုက်​သည် ဖောင်းကြွ​လာ​၍ ပြိုလဲ​တော့​မည့် မြင့်မား​သော​မြို့ရိုး​ပေါ်က အက်ကွဲ​ရာ​ကဲ့သို့​ဖြစ်​၍ ရုတ်ခြည်း​ကျိုးပဲ့​သွား​လိမ့်မည်​။

ဟေ​ရှာ​ယ 37:29

သင်​သည် ငါ့​ကို​အမျက်ထွက်​သောကြောင့်​၊ သင်​စော်ကားပြောဆို​သော​စကား​ကို ငါ​ကြား​ရ​သောကြောင့် ငါ​သည် သင့်​ကို နဖားကြိုး​တပ်​မည်​၊ ဇက်ကြိုး​တပ်​မည်​။ သင်​လာ​သော​လမ်း​ဖြင့် သင့်​ကို​ပြန်​စေ​မည် ဟူ၍​မိန့်ဆို​ပြီ​’​ဟု မိန့်​တော်မူ​၏​။

ဟေ​ရှာ​ယ 37:7

ကြည့်ရှု​လော့​။ ငါ​သည် သူ​၌​အခြား​သော​စိတ်သဘော​ကို​သွင်းပေး​မည်​။ သူ​သည် သတင်း​တစ်​ခု​ကြား​၍ မိမိ​ပြည်​သို့ ပြန်သွား​လိမ့်မည်​။ ထို့နောက် သူ့​ပြည်​၌ သူ့​ကို ဓား​ဖြင့်​ကျဆုံး​စေ​မည်​’​ဟူ၍ မိန့်​တော်မူ​သည်​”​ဟု သူ​တို့​အား ဆင့်ဆို​၏​။

ဟေ​ရှာ​ယ 41:22

သူ​တို့​သည် ထို​သက်သေ​တို့​ကို ယူဆောင်​လာ​ကြ​ပါစေ​။ မည်သည့်​အရာ​များ ဖြစ်ပျက်​လိမ့်မည်​ကို ငါ​တို့​အား ပြောပြ​ကြ​ပါစေ​။ ယခင်က မည်သည့်​အရာ​များ​ဖြစ်ပျက်​ခဲ့​သည်​ကို ငါ​တို့​အား​ပြောပြ​ကြ​လော့​။ သို့မှသာ ငါ​တို့​ဆင်ခြင်​၍ ထို​အရာ​တို့​၏​အကျိုးဆက်​ကို​သိ​နိုင်​မည်​။ သို့မဟုတ် ဖြစ်လာ​မည့်​အရာ​များ​ကို ငါ​တို့​အား​ပြောကြား​ကြ​လော့​။

ဟေ​ရှာ​ယ 41:27

ဇိအုန်​တောင်​အား “​ကြည့်ရှု​လော့​။ သူ​တို့​ကို​ကြည့်ရှု​လော့​”​ဟု အဦးဆုံး ပြော​သော​သူ​မှာ ငါ​ဖြစ်​၏​။ ကောင်းမြတ်​သော​သတင်း​ယူဆောင်​လာ​သော​သူ​ကို ဂျေရုဆလင်​မြို့​သို့ ငါ​စေလွှတ်​၏​။

ဟေ​ရှာ​ယ 42:9

ကြည့်ရှု​လော့​။ ယခင်​ဟော​ခဲ့​သော​အရာ​တို့​သည် ဖြစ်လာ​ပြီ​။ အသစ်​သော​အရာ​တို့​ကို ငါ​ဟောပြော​၏​။ ထို​အရာ​တို့ ဖြစ်​မ​လာ​မီ သင်​တို့​ကို ငါ​သိ​စေ​၏​။

ဟေ​ရှာ​ယ 43:9

လူမျိုး​အပေါင်း​တို့​သည် အတူတကွ​စုရုံး​ကြ​၏​။ လူ​တို့​သည် စုဝေး​ကြ​၏​။ သူ​တို့​တွင် မည်သူ​သည် ဤ​အမှု​ကို ပြောကြား​မည်နည်း​။ ယခင်က​ဖြစ်ပျက်​ခဲ့​သော​အရာ​တို့​ကို ကျွန်ုပ်​တို့​အား မည်သူ ကြားသိ​စေ​မည်နည်း​။ သူ​တို့​မှန်ကန်​ကြောင်း​သက်သေ​ပြ​ရန် သူ​တို့​၏​သက်သေ​များ​ကို ယူဆောင်​လာ​ကြ​ပါစေ​။ လူ​တို့​သည် ကြား​၍ မှန်​သည်​ဟု ပြောဆို​ကြ​ပါစေ​။

ဟေ​ရှာ​ယ 45:21

ပြောပြ​ကြ​လော့​။ တင်ပြ​ကြ​လော့​။ သူ​တို့ အတူတကွ​တိုင်ပင်​ကြ​ပါစေ​။ ဤ​အမှု​ကို ရှေးကာလ​မှစ၍ မည်သူ​ကြားသိ​စေ​ခဲ့​သနည်း​။ ထို​အချိန်​မှစ၍ မည်သူ​ပြောကြား​ခဲ့​သနည်း​။ ငါ​ထာဝရဘုရား​ပင် မ​ဟုတ်​လော​။ ငါ​မှတစ်ပါး အခြား​ဘုရား​မ​ရှိ​။ ငါ​သည် ဖြောင့်မတ်​သော​ဘုရား​၊ ကယ်တင်​သော​အရှင်​ဖြစ်​၏​။ ငါ​မှတစ်ပါး အခြား​မ​ရှိ​။

ယော​ရှု 21:45

ထာဝရဘုရား​က အစ္စရေး​လူမျိုး​တို့​အား ကောင်းစား​စေ​မည်​ဟု မိန့်မှာ​တော်မူ​ခဲ့​သည့်​ကတိ တစ်စုံတစ်ခု​မျှ မ​ပျက်ကွက်​ဘဲ အလုံးစုံ​ပြည့်စုံ​လေ​၏​။