ဟေ​ရှာ​ယ 45:9 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁹ မိမိ​ကို ပုံဖော်ဖန်ဆင်း​သော​အရှင်​အား ရန်တွေ့​သော​သူ​သည် အမင်္ဂလာ​ရှိ​၏​။ ထို​သူ​သည် မြေ​အိုးကွဲ​များ​ထဲမှ အိုးကွဲ​တစ်​ခု​သာ​ဖြစ်​၏​။ အိုးမြေ​က မိမိ​ကို​ပုံသွင်း​သော​သူ​အား ‘​မည်သည့်​အရာ​ကို သင်​ပြုလုပ်​နေ​သနည်း​။ သင်​ပြုလုပ်​ထား​သော​အရာ​၌ လက်​မ​ရှိ​ပါ​လား​’​ဟု ဆို​ရ​မည်လော​။

Common Language Bible

⁹ အ​ခြား​အိုး​များ​နှင့်​မ​ထူး​ခြား​သည့်​မြေ​အိုး သည် အိုး​ထိန်း​သည်​နှင့်​အ​တူ​ငြင်း​ခုံ​ဝံ့​ပါ​မည် လော။ ရွှံ့​စေး​က​အိုး​ထိန်း​သည်​အား အ​ဘယ်​သို့​သော​အ​ရာ​ကို​သင်​ပြု​လုပ် သ​နည်း​ဟု မေး​ရ​ပါ​မည်​လော။ မြေ​အိုး​က​မိ​မိ​ကို​ပြု​လုပ်​သူ​တွင်​ကျင် လည်​မှု မ​ရှိ​ဟု​ညည်း​ညူ​ရ​ပါ​မည်​လော။

Garrad Bible

⁹ ဖန် ဆင်း တော် မူ သော အ ရှင် နှင့် မြေ အိုး များ အ နက် တစ် လုံး မျှ သာ ဖြစ် သော၊ ဖက် ပြိုင် သူ သည် အ မင်္ဂ လာ ရှိ၏။ အိုး ထိန်း အား မြေ စေး က၊ မည် သည့် အ ရာ ကို ပြု လုပ် သ နည်း ဟူ၍ လည်း‌ ကောင်း၊ သင့် လက် ဖြစ် က၊ သင်၌ လက် မ ရှိ ဟူ၍ လည်း‌ ကောင်း ဆို အပ် သ လော။

Judson Bible

⁹ အ​ကြင်​သူ​သည် မိ​မိ​ကို ဖန်​ဆင်း​သော​သူ​နှင့် ဆန့်​ကျင်​ဘက်​ပြု၏၊ ထို​သူ​သည် အ​မင်္ဂ​လာ​ရှိ၏။ မြေ​အိုး​ခြမ်း​တို့​တွင် အိုး​ခြမ်း​ပါ​တ​ကား။ အိုး​မြေ​က၊ သင်​သည် အ​ဘယ်​သို့​သော​အ​ရာ​ကို လုပ်​သ​နည်း​ဟု အိုး​ထိန်း​သ​မား​ကို ဆို​ရ​မည်​လော။ ငါ့​ကို​လုပ်​သော​သူ၌ လက်​မ​ရှိ​ဟု သင်​လုပ်​သော​အ​ရာ​က ဆို​ရ​မည်​လော။

ဟေ​ရှာ​ယ 45:9 Referencias Cruzadas

ယောဘဝတ္တု။ 10:9

ကိုယ်တော်​သည် အကျွန်ုပ်​အား ရွှံ့စေး​ကဲ့သို့ ပုံသွင်း​တော်မူ​ခဲ့​သည်​ကို သတိရ​တော်မူ​ပါ​။ ယခု အကျွန်ုပ်​ကို မြေမှုန့်​ပြန်ဖြစ်​စေ​တော်မူ​မည်လော​။

ယောဘဝတ္တု။ 33:13

အဘယ်ကြောင့် ကိုယ်တော်​ကို ရန်တွေ့​ရ​သနည်း​။ သင်​ပြော​သမျှ​ကို ကိုယ်တော်​မ​တုံ့ပြန်​သောကြောင့်​လော​။

ယောဘဝတ္တု။ 40:2

“​အပြစ်တင်​ပြောဆို​တတ်​သော​သူ​၊ သင်​သည် အနန္တတန်ခိုးရှင်​ကို ဖက်ပြိုင်​မည်လော​။ ဘုရားသခင်​နှင့် ငြင်းခုံ​လို​သော​သူ​၊ သင်​ပြန်ပြော​ပါ​လော့​”​ဟု မိန့်​တော်မူ​လျှင်

ယောဘဝတ္တု။ 9:12

ကိုယ်တော်​သိမ်းယူ​တော်မူ​လျှင် မည်သူ​တား​နိုင်​သနည်း​။ ‘​မည်သို့​ပြု​တော်မူ​သနည်း​’​ဟု ကိုယ်တော်​အား မည်သူ​မေးလျှောက်​ဝံ့​သနည်း​။

ယောဘဝတ္တု။ 9:4

ဉာဏ်ပညာ​တန်ခိုး​ကြီး​တော်မူ​သော​ဘုရား​ကို မည်သူ​သည် ဆန့်ကျင်အာခံ​ပြီး အသက်ချမ်းသာ​ရာ​ရ​ဖူး​သနည်း​။

သုတ္တံကျမ်း။ 21:30

မည်သည့်​ဉာဏ်ပညာ​၊ ထိုးထွင်းဉာဏ်​၊ အကြံဉာဏ်​မျှ ထာဝရဘုရား​ကို​ဆန့်ကျင်​၍ မ​တည်​နိုင်​။

ဒေသနာကျမ်း။ 6:10

ယခု​ရှိ​နေ​သော​အရာ​၏​အမည်​ကို မှည့်ခေါ်​ထား​ပြီး​ဖြစ်​၏​။ လူ​သည် မည်သည့်​အရာ​ဖြစ်​သည်​ကို​လည်း သိ​ထား​ပြီး​ဖြစ်၍ သူ​သည် မိမိ​ထက်​တန်ခိုးကြီး​သော​သူ​နှင့် ဖက်ပြိုင်​၍​မ​ရ​နိုင်​။

ဟေ​ရှာ​ယ 10:15

ပုဆိန်​သည် သူ့​ကို​ကိုင်​သော​သူ​ထက် မိမိကိုယ်မိမိ​အမွှမ်းတင်​မည်လော​။ လွှ​သည် သူ့​ကို​အသုံးပြု​သော​သူ​ထက် မိမိကိုယ်မိမိ​ချီးမြှောက်​မည်လော​။ ကြိမ်လုံး​က ကိုင်မြှောက်​သော​သူ​ကို ပြန်​၍​လွှဲယမ်း​သကဲ့သို့​၊ တောင်ဝှေး​က သစ်သား​မ​ဟုတ်​သော​လူ​ကို ပြန်​၍​ကိုင်မြှောက်​သကဲ့သို့ ဖြစ်​ပါ​သည်​တကား​။

ဟေ​ရှာ​ယ 29:16

သင်​တို့​သည် ကပြောင်းကပြန်​လုပ်​ကြ​ပါ​သည်​တကား​။ အိုးထိန်းသည်​ကို ရွှံ့စေး​ကဲ့သို့​မှတ်ယူ​သင့်​သလော​။ အပြုခံ​က ပြု​သူ​အား “​ဤ​သူ​သည် ငါ့​ကို​ပြုလုပ်​ခဲ့​သည်​မ​ဟုတ်​”​ဟု ဆို​သင့်​သလော​။ ဖန်ဆင်းခံ​က ဖန်ဆင်း​သူ​အား “​ဤ​သူ​သည် အသိဉာဏ်​မ​ရှိ​”​ဟု ဆို​သင့်​သလော​။

ဟေ​ရှာ​ယ 45:10

ဖခင်​အား ‘​သင်​သည် မည်သည့်​အရာ​ကို မွေးဖွား​စေ​သနည်း​’​ဟူ၍​လည်းကောင်း​၊ မိခင်​အား ‘​သင်​သည် မည်သည့်​အရာ​ကို မွေးဖွား​သနည်း​’​ဟူ၍​လည်းကောင်း ဆို​သော​သူ​သည် အမင်္ဂလာ​ရှိ​၏​”​ဟု မိန့်​တော်မူ​၏​။

ဟေ​ရှာ​ယ 64:7

ကိုယ်တော်​သည် အကျွန်ုပ်​တို့​ထံမှ မျက်နှာ​တော်​ကို​လွှဲ​၍ ဒုစရိုက်​လက်​ထဲ၌ အကျွန်ုပ်​တို့​ကို နစ်မွန်း​စေ​သဖြင့် ကိုယ်တော်​၏​နာမ​တော်​ကို​ခေါ်​သော​သူ​၊ မိမိ​စိတ်​ကို နှိုးဆော်​၍ ကိုယ်တော်​ကို ဖက်တွယ်​သော​သူ​တစ်ယောက်မျှ​မ​ရှိ​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

ယေ​ရ​မိ 18:6

ထာဝရဘုရား​က “​အို အစ္စရေး​အမျိုးအနွယ်​တို့​၊ အိုးထိန်းသည် ပြု​သကဲ့သို့ သင်​တို့​ကို ငါ​ပြု​နိုင်​သည်​မ​ဟုတ်​လော​။ ကြည့်ရှု​လော့​။ ရွှံ့စေး​သည် အိုးထိန်းသည်​လက်​၌​ရှိ​သကဲ့သို့ အစ္စရေး​အမျိုးအနွယ်​တို့​သည် ငါ့​လက်​၌​ရှိ​၏​။

ယေ​ရ​မိ 36:29

သင်​သည် ယုဒ​ဘုရင်​ယောယကိမ်​အား ‘သင်​က ထို​စာလိပ်​ပေါ်တွင် ဘေဘီလုံ​ဘုရင်​အမှန်​လာ​၍ ဤ​ပြည်​ကို​ဖျက်ဆီး​မည်​။ ဤ​ပြည်​ရှိ လူ​နှင့်​တိရစ္ဆာန်​တို့​ကို ဖယ်ရှား​ပစ်​မည်​ဟူ၍ အဘယ်ကြောင့် ရေးမှတ်​သနည်း​ဟု ဆို​လျက် စာလိပ်​ကို သင်​မီးရှို့​လေ​ပြီ​’​ဟူ၍ ထာဝရဘုရား​မိန့်​တော်မူ​၏​”​ဟု ဆင့်ဆို​ရ​မည်​။

ယေ​ရ​မိ 50:24

အို ဘေဘီလုံ​မြို့​၊ သင်​သည် ငါ​ထောင်​ထား​သော ကျော့ကွင်း​၌​မိ​ပြီ​။ သင်​သည် ထာဝရဘုရား​ကို အာခံ​သောကြောင့် သင်​မ​သိ​မ​မြင်​လိုက်​သော​အချိန်​တွင်​ပင် ကျော့မိ​လေ​ပြီ​။

ဒံ​ယေ​လ 4:35

မြေကြီးသား​တို့​ကို ဘာမျှ​မ​ဟုတ်​သော​အရာ​ကဲ့သို့ မှတ်​တော်မူ​၏​။ ကောင်းကင်သား​ကို​ဖြစ်စေ​၊ မြေကြီးသား​ကို​ဖြစ်စေ အလိုရှိ​သည့်​အတိုင်း ပြု​တော်မူ​၏​။ ကိုယ်တော်​၏​လက်​တော်​ကို ဆီးတား​နိုင်​သော​သူ​မ​ရှိ​။ “ကိုယ်တော် မည်သို့​ပြု​ဘိ​သနည်း​”​ဟု ဆို​နိုင်​သော​သူ​မ​ရှိ​။

၁ ကော 10:22

ငါ​တို့​သည် သခင်​ဘုရား​အား သဝန်တို​စေ​ကြ​သလော။ ငါ​တို့​သည် ကိုယ်တော်​ထက် ခွန်အားကြီး​ကြ​သလော။