ဟေ​ရှာ​ယ 45:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ ငါ့​အစေအပါး​ယာကုပ်​၊ ငါ​ရွေးချယ်​သော​အစ္စရေး​အတွက် သင့်​ကို အမည်​ဖြင့် ငါ​ခေါ်​၏​။ သင်​သည် ငါ့​ကို မ​သိ​သော်လည်း ငါ​သည် သင့်​ကို​ဘွဲ့နာမ​ပေး​၏​။

Common Language Bible

⁴ ငါ​ရွေး​ချယ်​ထား​သည့်​လူ​မျိုး​တော်၊ ငါ​၏​အ​စေ​ခံ​ဣ​သ​ရေ​လ​အ​မျိုး​သား​တို့​အား ကူ​ညီ​မ​စ​ရန်​အ​တွက်​သင့်​ကို ငါ​ခန့်​ထား​ခြင်း​ဖြစ်​၏။ သင်​သည်​ငါ့​ကို​မ​သိ​သော်​လည်း​ငါ​သည် သင့်​အား ကြီး​မြတ်​သည့်​ဂုဏ်​အ​သ​ရေ​ကို​ပေး​ပြီ။

Garrad Bible

⁴ ငါ့ ကျွန် ရင်း ယာ ကုပ်၊ ငါ ရွေး ချယ် သူ ဣ သ ရေ လ အ တွက်၊ ငါ့ ကို သင် မ သိ လျက် ပင် အ မည် ဖြင့် သင့် ကို ခေါ်၍၊ ဘွဲ့ နာ မ ကို ငါ သ မုတ် လေ ပြီ။

Judson Bible

⁴ ငါ့​ကျွန်​ယာ​ကုပ်၊ ငါ​ရွေး​ကောက်​သော​သူ ဣ​သ​ရေ​လ​အ​တွက်၊ ငါ​သည် သင့်​ကို နာ​မည်​ဖြင့်​ခေါ်၏။ သင်​သည် ငါ့​ကို​မ​သိ​သော်​လည်း၊ သင်၌ နာ​မည်​သစ်​ကို ထပ်၍​ပေး၏။

ဟေ​ရှာ​ယ 45:4 Referencias Cruzadas

ဆာ​လံ 136:22

မိမိ​၏​အစေအပါး​အစ္စရေး​အတွက် အမွေ​အဖြစ်​ပေး​တော်မူ​၏​။ အကြောင်းမူကား ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​၏​။

ဟေ​ရှာ​ယ 43:1

အို ယာကုပ်​အမျိုး​၊ သင့်​ကို​ဖန်ဆင်း​သော​အရှင်​ထာဝရဘုရား ဤသို့​မိန့်​တော်မူ​၏​။ အို အစ္စရေး​လူမျိုး​၊ သင့်​ကို​ပုံဖော်ဖန်ဆင်း​သော​အရှင်​ထာဝရဘုရား​က “​မ​ကြောက်​နှင့်​။ သင့်​ကို ငါ​ရွေးနုတ်​ပြီ​။ သင့်​ကို အမည်​ဖြင့် ငါ​ခေါ်​ပြီ​။ သင့်​ကို ငါ​ပိုင်​ပြီ​။

ဟေ​ရှာ​ယ 43:14

အစ္စရေး​လူမျိုး​၏​သန့်ရှင်း​သော​အရှင်​၊ သင်​တို့​ကို​ရွေးနုတ်​သော​အရှင် ထာဝရဘုရား​က “​သင်​တို့​အတွက် ဘေဘီလုံ​မြို့​သို့ စစ်သည်​တို့​ကို ငါ​စေလွှတ်​၍ ခါလဒဲ​လူမျိုး​အပါအဝင် ထို​မြို့​၌​ရှိ​သော​လူ​အားလုံး​တို့​ကို မိမိ​တို့​ဂုဏ်ယူ​ရ​သော​သင်္ဘော​ဖြင့် ထွက်ပြေး​စေ​မည်​။

ဟေ​ရှာ​ယ 44:1

ငါ့​အစေအပါး​ယာကုပ်​၊ ငါ​ရွေးချယ်​သော​အစ္စရေး​၊ ယခု နားထောင်​လော့​။

ဟေ​ရှာ​ယ 44:28

ကုရု​မင်းကြီး​နှင့်​ပတ်သက်၍ ‘​သူ​သည် ငါ​၏​သိုးထိန်း​ဖြစ်၍ ငါ့​အလိုဆန္ဒ​ရှိသမျှ​ကို သူ​ပြည့်စုံ​စေ​မည်​’​ဟု ငါ​မိန့်ဆို​၏​။ ဂျေရုဆလင်​မြို့​နှင့်​ပတ်သက်၍ ‘​ထို​မြို့​ကို တည်ဆောက်​ကြ​လိမ့်မည်​’​၊ ဗိမာန်တော်​နှင့်​ပတ်သက်၍ ‘​ဗိမာန်တော်​ကို အုတ်မြစ်ချ​ကြ​လိမ့်မည်​’​ဟု ငါ​မိန့်ဆို​၏​”​ဟူ၍ မိန့်​တော်မူ​၏​။

မဿဲ 24:22

ထို​နေ့ရက်​တို့​ကို တိုတောင်း​စေ​တော်​မ​မူ​လျှင် မည်သူမျှ​လွတ်​နိုင်​မည်​မ​ဟုတ်။ သို့သော် ရွေးကောက်​ခံရ​သော​သူ​တို့​အတွက် ထို​နေ့ရက်​တို့​ကို တိုတောင်း​စေ​တော်မူ​လိမ့်မည်။

ရှင်မာကု 13:20

ထာဝရ​ဘုရား​သည် ထို​နေ့ရက်​တို့​ကို တိုတောင်း​စေ​တော်​မ​မူ​လျှင် မည်သူမျှ​လွတ်​နိုင်​မည်​မ​ဟုတ်။ သို့သော် ကိုယ်တော်​ရွေးကောက်​ထား​သည့် ရွေးကောက်​ခံရ​သော​သူ​တို့​အတွက် ထို​နေ့ရက်​တို့​ကို တိုတောင်း​စေ​တော်မူ​၏။

တမန်တော်ဝတ္ထု 17:23

သင်​တို့​ကိုးကွယ်​သော​အရာ​များ​ကို လှည့်လည်​၍​ကြည့်ရှု​စဉ် ‘မ​သိ​သော​ဘုရား​အတွက်’​ဟု ကမ္ပည်းထိုး​ထား​သည့် ယဇ်ပလ္လင်​တစ်​ခု​ကို ငါ​တွေ့​ရ​၏။ ထို့ကြောင့် သင်​တို့​မ​သိ​ဘဲ ဝတ်ပြု​ကိုးကွယ်​နေ​သော ထို​ဘုရား​အကြောင်း​ကို သင်​တို့​အား ငါ​ဟောပြော​ပါ​မည်။

ရော​မ 11:7

သို့ဖြစ်လျှင် မည်သို့​နည်း။ အစ္စရေး​လူမျိုး​တို့​သည် မိမိ​တို့​ကြိုးစား​ရှာဖွေ​သော​အရာ​ကို မ​ရရှိ​ကြ။ ရွေးကောက်​တော်မူ​သော​သူ​တို့​သာ ရရှိ​ကြ​ပြီး ကျန်​သော​သူ​တို့​သည် မာကျော​ခက်ထန်​သော​သဘော​ရှိ​ကြ​၏။

ရော​မ 9:6

မည်သို့ပင်ဖြစ်စေ ဘုရားသခင်​၏​နှုတ်ကပတ်တော်​သည် ပျက်ပြယ်​သွား​သည်​မ​ဟုတ်။ အဘယ်ကြောင့်​ဆိုသော် အစ္စရေး​အနွယ်ဝင်​အားလုံး​သည် အစ္စရေး​လူမျိုး​မ​ဟုတ်။

ဧ​ဖက် 2:12

ထို​အချိန်​က သင်​တို့​သည် ခရစ်တော်​နှင့်​ကင်းကွာ​၍ အစ္စရေး​အမျိုးသား​စာရင်း​မ​ဝင်၊ ကတိ​တော်​နှင့်ဆိုင်သော​ပဋိညာဉ်​များ​နှင့်​မသက်ဆိုင်၊ ဤ​လောက​၌​မျှော်လင့်​ခြင်း​မ​ရှိ၊ ဘုရား​မဲ့​လျက်​နေ​ခဲ့​ကြ​၏။

၁ သက် 4:5

ဘုရားသခင်​ကို​မ​သိ​သော​လူမျိုးခြား​တို့​ကဲ့သို့ ကိလေသာ​တပ်မက်​ခြင်း​ထဲ၌ နစ်မွန်း​ခြင်း​မ​ရှိ​ကြ​ရန်​နှင့်