ဟေ​ရှာ​ယ 45:3 - မြန်​​​မာ့​​​စံ​​​မီ​​​သမ္မာ​​​ကျမ်း​​

³ ငါ​သည် သင့်​ကို အမည်​ဖြင့်​ခေါ်​သော အစ္စရေး​လူမျိုး​၏​ဘုရားသခင်​ထာဝရဘုရား ဖြစ်​တော်မူ​ကြောင်း​ကို သင်​သိရှိ​စေရန် အမှောင်​ထဲမှ​ဥစ္စာဘဏ္ဍာ​၊ လျှို့ဝှက်​သော​အရပ်​မှ​ဝှက်ထား​သော​ဘဏ္ဍာ​တို့​ကို သင့်​အား​ငါ​ပေး​မည်​။

Common Language Bible

³ မှောင်​မိုက်​သည့်​ဘဏ္ဍာ​တိုက်​များ​နှင့်​လျှို့​ဝှက် သည့် အ​ရပ်​တွင် သိမ်း​ဆည်း​ထား​သည့်​ပစ္စည်း​ဥစ္စာ​ရ​တ​နာ များ​ကို သင့်​အား​ငါ​ပေး​မည်။ ထို​အ​ခါ​ငါ​သည်​ထာ​ဝ​ရ​ဘု​ရား​ဖြစ်​တော် မူ​ကြောင်း၊ ဣ​သ​ရေ​လ​အ​မျိုး​သား​တို့​၏​ဘု​ရား​သ​ခင် သည် သင့်​ကို​ရွေး​ချယ်​၍​ခန့်​ထား​တော်​မူ​ပြီ ဖြစ်​ကြောင်း​ကို​သင်​သိ​ရှိ​ရ​လိမ့်​မည်။

Judson Bible

³ မှောင်​မိုက်၌​ရှိ​သော ဘ​ဏ္ဍာ၊ လုံ​ခြုံ​စွာ ဝှက်​ထား​သော​ဥ​စ္စာ​တို့​ကို သင့်​အား​ငါ​ပေး​မည်။ သို့​ဖြစ်၍၊ ငါ​သည် သင့်​ကို နာ​မည်​ဖြင့်​ခေါ်​သော ဣ​သ​ရေ​လ​အ​မျိုး၏ ဘု​ရား​သ​ခင်၊ ထာ​ဝ​ရ​ဘု​ရား ဖြစ်​တော်​မူ​ကြောင်း​ကို သင်​သိ​ရ​လိမ့်​မည်။

ဟေ​ရှာ​ယ 45:3 Referencias Cruzadas

၂ ရာ​ချုပ် 6:17

အို အစ္စရေး​လူမျိုး​၏​ဘုရားသခင်​ထာဝရဘုရား​၊ ကိုယ်တော်​၏​အစေအပါး ဒါဝိဒ်​မင်းကြီး​အား မိန့်ဆို​ခဲ့​သည့်​ကတိ​တော်​ကို ယခု အမှန်​ဖြစ်လာ​စေ​တော်မူ​ပါ​။

ဧ​ဇ​ရ 1:2

ပါးရှား​ဘုရင်​ကုရု​မင်းကြီး​က “​ကောင်းကင်ဘုံရှင် ဘုရားသခင်​ထာဝရဘုရား​သည် မြေကြီး​ပေါ်ရှိ​တိုင်းနိုင်ငံ​အလုံးစုံ​ကို ငါ့​အား ပေး​တော်မူ​ပြီ​။ ယုဒ​ပြည်​၊ ဂျေရုဆလင်​မြို့​တွင် ကိုယ်တော့်​အဖို့ အိမ်​တော်​ကို​တည်​ရန် ငါ့​ကို ခန့်ထား​တော်မူ​ပြီ​။

ထွက်​မြောက် 33:12

တစ်ဖန် မောရှေ​က ထာဝရဘုရား​အား “​ကိုယ်တော်​က ‘​ဤ​လူ​တို့​ကို ထုတ်ဆောင်​လော့​’​ဟု အကျွန်ုပ်​အား မိန့်ဆို​တော်မူ​ခဲ့​သော်လည်း အကျွန်ုပ်​နှင့်အတူ​စေလွှတ်​တော်မူ​မည့်​သူ​ကို အကျွန်ုပ်​အား သိ​စေ​တော်​မ​မူ​ပါ​။ သို့သော် ကိုယ်တော်​က ‘​ငါ​သည် သင့်​ကို အမည်​နှင့်တကွ​သိ​၏​။ ငါ​သည် သင့်​ကို မျက်နှာသာ​ပေး​ပြီ​’​ဟု မိန့်​တော်မူ​ခဲ့​ပါ​၏​။

ထွက်​မြောက် 33:17

ထာဝရဘုရား​က မောရှေ​အား “​သင်​လျှောက်​သော ဤ​စကား​အတိုင်း ငါ​ပြု​မည်​။ အကြောင်းမူကား သင်​သည် ငါ့​ရှေ့​၌​မျက်နှာရ​၍ ငါ​သည် သင့်​ကို​အမည်​နှင့်တကွ​သိ​၏​”​ဟု မိန့်​တော်မူ​၏​။

ဟေ​ရှာ​ယ 41:23

သင်​တို့​သည် ဘုရား​များ​ဖြစ်​သည်​ကို ငါ​တို့​သိရှိ​နိုင်​မည့်​အကြောင်း နောင်​ဖြစ်လာ​မည့်​အရာ​တို့​ကို ပြောပြ​ကြ​လော့​။ ငါ​တို့​အားလုံး မြင်​၍ အံ့ဩ​တုန်လှုပ်​သွား​အောင် ကောင်း​သော​အမှု​ကို​ဖြစ်စေ​၊ ဆိုးညစ်​သော​အမှု​ကို​ဖြစ်စေ လုပ်ပြ​ကြ​လော့​။

ဟေ​ရှာ​ယ 43:1

အို ယာကုပ်​အမျိုး​၊ သင့်​ကို​ဖန်ဆင်း​သော​အရှင်​ထာဝရဘုရား ဤသို့​မိန့်​တော်မူ​၏​။ အို အစ္စရေး​လူမျိုး​၊ သင့်​ကို​ပုံဖော်ဖန်ဆင်း​သော​အရှင်​ထာဝရဘုရား​က “​မ​ကြောက်​နှင့်​။ သင့်​ကို ငါ​ရွေးနုတ်​ပြီ​။ သင့်​ကို အမည်​ဖြင့် ငါ​ခေါ်​ပြီ​။ သင့်​ကို ငါ​ပိုင်​ပြီ​။

ဟေ​ရှာ​ယ 48:15

ငါ​ကိုယ်တော်တိုင် မိန့်မြွက်​ပြီ​။ အကယ်စင်စစ် သူ့​ကို ငါ​ခေါ်​ပြီ​။ သူ့​ကို ငါ​ဆောင်​ခဲ့​ပြီ​။ သူ​သွား​ရာ​လမ်း​သည် အောင်မြင်​လိမ့်မည်​။

ဟေ​ရှာ​ယ 49:1

ကမ်းရိုးတန်းဒေသ​တို့​၊ ငါ့​စကား​ကို နားထောင်​ကြ​လော့​။ ရပ်ဝေး​ရှိ​လူမျိုး​တို့​၊ အာရုံစိုက်​နားထောင်​ကြ​လော့​။ ထာဝရဘုရား​သည် ငါ​မ​မွေး​မီ​ကပင် ငါ့​ကို​ခေါ်​တော်မူ​၏​။ အမိ​ဝမ်း​ထဲ​ရှိ​စဉ်​ကပင် ငါ​၏​နာမည်​ကို​မှတ်​တော်မူ​၏​။

ယေ​ရ​မိ 41:8

ထိုအခါ ထို​သူ​တို့​ထဲမှ​လူ​ဆယ်​ယောက်​တို့​က “​အကျွန်ုပ်​တို့​ကို မ​သတ်​ပါ​နှင့်​။ အကျွန်ုပ်​တို့​မှာ တော​၌​ဝှက်​ထား​သော ဂျုံ​၊ မုယော​၊ ဆီ​၊ ပျားရည်​တို့ ရှိ​ပါ​သည်​”​ဟု ဣရှမေလ​အား​ဆို​သောကြောင့် သူ​တို့​ကို သူ​တို့​အဖော်​တို့​နှင့်အတူ မ​သတ်​ဘဲ ထားခဲ့​လေ​၏​။

ယေ​ရ​မိ 50:26

ဘေဘီလုံ​မြို့​ကို အဘက်ဘက်​မှ​ဝင်တိုက်​ကြ​။ သိုလှောင်ရုံ​များ​ကို ဖွင့်ဖောက်​ပြီး စပါးပုံ​ကဲ့သို့ ပုံထား​ကြ​။ မြို့​ကို အကုန်အစင်​ဖျက်ဆီး​ပစ်​ကြ​။ အကြွင်းအကျန် မ​ရှိ​စေ​နှင့်​။

ယေ​ရ​မိ 50:37

ဓားဘေး​ကြောင့် မြင်း​များ​၊ စစ်ရထား​များ​၊ ပြည်​ထဲ​ရှိ​လူမျိုးခြား​များ​သည် မိန်းမ​ကဲ့သို့ ကြောက်​ကြ​လိမ့်မည်​။ ဓားဘေး​ကြောင့် ဘဏ္ဍာတိုက်​များ အသိမ်း​ခံရ​လိမ့်မည်​။

ယေ​ရ​မိ 51:13

မြစ်​နား​၌​နေ​၍ ဥစ္စာ​ကြွယ်ဝ​သော​မြို့​၊ သင်​၏​မတရား​အကျိုးစီးပွားရှာ​ခြင်း​များ အဆုံးသတ်​မည့်​အချိန်​ရောက်လာ​ပြီ​။

ယေ​ရ​မိ 51:53

ထာဝရဘုရား​က “​ဘေဘီလုံ​မြို့​သည် မိုးကောင်းကင်​သို့​တက်​၍ မြင့်မား​သော​ရဲတိုက်​ကို အခိုင်အမာ​တည်​လျှင်ပင် ငါ​သည် အဖျက်သမား​ကို​စေလွှတ်​၍ သူ​တို့​ကို တိုက်​စေ​မည်​”​ဟု မိန့်​တော်မူ​၏​။