ဟေ​ရှာ​ယ 31:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ ကောင်းကင်​ဗိုလ်ခြေ​အရှင်​ထာဝရဘုရား​သည် ဂျေရုဆလင်​မြို့​ကို ကာကွယ်​တော်မူ​မည်​။ ရစ်ဝဲ​နေ​သော​ငှက်​ကဲ့သို့ ကာကွယ်​၍ ကယ်နုတ်​တော်မူ​မည်​။ ချမ်းသာ​ပေး​၍ လွတ်မြောက်​စေ​တော်မူ​မည်​”​ဟု ငါ့​အား မိန့်​တော်မူ​၏​။

Common Language Bible

⁵ ငှက်​သည်​မိ​မိ​အ​သိုက်​ထက်​တွင်​ပျံ​ဝဲ​ကာ သား​ငယ်​ကို​ကာ​ကွယ်​စောင့်​ရှောက်​သ​ကဲ့​သို့၊ အ​နန္တ​တန်​ခိုး​ရှင်​ငါ​ထာ​ဝ​ရ​ဘု​ရား​သည် ယေ​ရု​ရှ​လင်​မြို့​ကို​ကာ​ကွယ်​စောင့်​ရှောက်​၍ ရန်​သူ​ကို​ခု​ခံ​တိုက်​ခိုက်​တော်​မူ​မည်'' ဟု ငါ့​အား​မိန့်​တော်​မူ​ပါ​၏။

Garrad Bible

⁵ ဗိုလ် ခြေ တို့ အ ရှင် ငါ ထာ ဝ ရ ဘု ရား သည်၊ အ တောင် ဖြန့် မိုး သော ငှက် မ ကဲ့ သို့။ ယေ ရု ရှ လင် မြို့ ကို လွှမ်း အုပ် စောင့် ရှောက် ကယ် တင်၍၊ လွတ် မြောက် စေ တော် မူ လိမ့် မည်။

Judson Bible

⁵ ငှက်​သည် သား​ငယ်​ကို အုပ်​တတ်​သ​ကဲ့​သို့၊ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​သည် ယေ​ရှု​ရှ​လင်​မြို့​ကို ကွယ်​ကာ​တော်​မူ​မည်။ ကွယ်​ကာ​စောင့်​မ၍ အ​ပြစ်​မ​ပေး၊ ကယ်​တင်​တော်​မူ​မည်။

ဟေ​ရှာ​ယ 31:5 Referencias Cruzadas

ကမ္ဘာ​ဦး 1:2

မြေကြီး​သည် အသွင်သဏ္ဌာန်​မ​ရှိ​၊ လဟာသက်သက်​ဖြစ်​၏​။ နက်ရှိုင်း​ရာ​အရပ်​၏​မျက်နှာပြင်​ကို မှောင်မိုက်​ဖုံးလွှမ်း​၍ ဘုရားသခင်​၏​ဝိညာဉ်​တော်​သည် ရေ​မျက်နှာပြင်​ပေါ်တွင် ရစ်ဝဲ​လျက်​နေ​တော်မူ​၏​။

၄ ရာ 19:34

အကြောင်းမူကား ငါ​သည် ငါ့​အတွက်​၊ ငါ့​အစေအပါး​ဒါဝိဒ်​မင်းကြီး​အတွက် ဤ​မြို့​ကို ကာကွယ်​မည်​၊ ကယ်တင်​မည်​’​ဟူ၍ မိန့်​တော်မူ​သည်​”​ဟု ဆင့်ဆို​စေ​၏​။

၂ ရာ​ချုပ် 32:22

ဤသို့ဖြင့် ထာဝရဘုရား​သည် ဟေဇကိ​မင်းကြီး​နှင့် ဂျေရုဆလင်​မြို့သား​တို့​ကို အဆီးရီးယား​ဘုရင်​သနာခရိပ်​မင်းကြီး​နှင့် အခြား​ရန်သူ​အပေါင်း​တို့​၏​လက်​မှ ကယ်နုတ်​တော်မူ​၍ ပတ်ဝန်းကျင်​အရပ်ရပ်​တွင် အေးချမ်း​စေ​လေ​၏​။

ဆာ​လံ 37:40

ထာဝရဘုရား​သည် သူ​တို့​ကို​ကူညီမစ​၍ ကယ်တင်​တော်မူ​၏​။ သူ​တို့​သည် ကိုယ်တော်​၌​ခိုလှုံ​ကြ​သောကြောင့် ကိုယ်တော်​သည် သူ​တို့​ကို ဆိုးယုတ်​သော​သူ​တို့​၏​လက်​မှ လွတ်မြောက်​စေ​တော်မူ​၏​။ ကယ်တင်​တော်မူ​၏​။

ဆာ​လံ 46:5

ဘုရားသခင်​သည် ထို​မြို့​တော်​အလယ်​၌ ရှိ​တော်မူ​သည်​ဖြစ်၍ ထို​မြို့​တော်​သည် တုန်လှုပ်​မည်​မ​ဟုတ်​။ နံနက်အချိန်​ရောက်​သောအခါ ဘုရားသခင်​သည် ထို​မြို့​တော်​ကို​ကူညီမစ​တော်မူ​လိမ့်မည်​။

ဆာ​လံ 46:6

လူမျိုးတကာ​တို့​သည် မငြိမ်မသက်​ဖြစ်​ကြ​၏​။ တိုင်းနိုင်ငံ​တို့​သည် တုန်လှုပ်​ကြ​၏​။ ကိုယ်တော်​သည် မိမိ​အသံ​ကို​လွှင့်​တော်မူ​သောအခါ ကမ္ဘာမြေကြီး​သည် အရည်ပျော်​လေ​၏​။

ဆာ​လံ 91:4

ကိုယ်တော်​သည် မိမိ​၏​အတောင်​တော်​အမွေး​ဖြင့် သင့်​ကို​အုပ်မိုး​တော်မူ​လိမ့်မည်​။ သင်​သည်​လည်း ကိုယ်တော်​၏ အတောင်​တော်​အောက်​၌ ခိုလှုံ​ရ​လိမ့်မည်​။ ကိုယ်တော်​၏​သစ္စာ​တော်​သည် ဒိုင်းကာ​နှင့်​ဒိုင်းလွှား​ဖြစ်​၏​။

ထွက်​မြောက် 12:27

သင်​တို့​က​လည်း ‘​ဤ​အစဉ်အလာ​ကား အီဂျစ်​လူမျိုး​တို့​ကို​ဒဏ်ခတ်​သောအခါ အီဂျစ်​ပြည်​၌​ရှိ​သော အစ္စရေး​အမျိုးသား​တို့​၏​အိမ်​များ​ကို​ကျော်သွား​၍ ငါ​တို့​၏​အိမ်သူအိမ်သား​များ​ကို​ကယ်နုတ်​တော်မူ​သော​ထာဝရဘုရား​အား ယဇ်ပူဇော်​သည့်​ပသခါပွဲ​ဖြစ်​၏​’​ဟူ၍ ပြန်ပြော​ရ​မည်​”​ဟု ဆင့်ဆို​သောအခါ လူ​တို့​သည် ဦးညွှတ်​ပျပ်ဝပ်​ကြ​လေ​၏​။

ထွက်​မြောက် 19:4

‘​ငါ​သည် အီဂျစ်​လူမျိုး​တို့​ကို စီရင်​ခဲ့​ပုံ​၊ သင်​တို့​ကို လင်းယုန်​၏​တောင်ပံ​များ​ပေါ်​တင်​၍ ငါ့​ထံသို့ ခေါ်ဆောင်​လာ​ခဲ့​ပုံ​တို့​ကို သင်​တို့​ကိုယ်တိုင်​သိမြင်​ခဲ့​ကြ​၏​။

ဟေ​ရှာ​ယ 10:14

ငှက်သိုက်​ကို​ရယူ​နိုင်​သကဲ့သို့ ငါ့​လက်​သည် လူမျိုး​တို့​၏​ဥစ္စာပစ္စည်း​ကို ရယူ​နိုင်​ပြီ​။ စွန့်ပစ်​ထား​သော​ငှက်ဥ​တို့​ကို ကောက်သိမ်း​သကဲ့သို့ ငါ​သည် မြေ​တစ်ပြင်လုံး​ကို ကောက်သိမ်း​ပြီ​။ တောင်ပံ​ခတ်​ခြင်း​၊ နှုတ်​ဟ​ခြင်း​၊ မြည်တွန်​ခြင်း မ​ရှိ​”​ဟု ဆို​၏​။

ဟေ​ရှာ​ယ 26:1

ထို​နေ့ရက်​၌ ယုဒ​ပြည်​တွင် ဤ​သီချင်း​ကို သီဆို​လိမ့်မည်​။ “​ငါ​တို့​၌ ခိုင်ခံ့​သော​မြို့​ရှိ​၏​။ ကိုယ်တော်​သည် ကယ်တင်​ခြင်း​ကို မြို့ရိုး​သဖွယ်​၊ တံတိုင်း​သဖွယ် တည်​တော်မူ​မည်​။

ဟေ​ရှာ​ယ 27:3

ငါ​ထာဝရဘုရား​သည် ထို​ဥယျာဉ်​ကို စောင့်ရှောက်​၏​။ မကြာခဏ ရေလောင်း​ပေး​၏​။ မည်သူ​မျှ မ​ဖျက်ဆီး​စေရန် နေ့ညမပြတ် စောင့်ရှောက်​၏​။

ဟေ​ရှာ​ယ 35:4

စိတ်အားငယ်​သော​သူ​တို့​အား “​အားယူ​ကြ​လော့​။ မ​ကြောက်​ကြ​နှင့်​။ ကြည့်ရှု​လော့​။ သင်​တို့​၏​ဘုရားသခင်​သည် လက်စားချေ​ရန် ကြွလာ​မည်​။ အကျိုးအပြစ်​ပေး​ရန် ကြွလာ​မည်​။ ဘုရားသခင်​ကိုယ်တော်တိုင်​ကြွလာ​၍ သင်​တို့​ကို ကယ်တင်​တော်မူ​မည်​”​ဟု ဆို​ကြ​လော့​။

ဟေ​ရှာ​ယ 37:35

အကြောင်းမူကား ငါ​သည် ငါ့​အတွက်​၊ ငါ့​အစေအပါး​ဒါဝိဒ်​အတွက် ဤ​မြို့​ကို ကာကွယ်​မည်​။ ဤ​မြို့​ကို​ကယ်တင်​မည်​’​ဟူ၍ မိန့်​တော်မူ​သည်​”​ဟု ဆင့်ဆို​စေ​၏​။

ဟေ​ရှာ​ယ 38:6

သင်​နှင့်​ဤ​မြို့​ကို အဆီးရီးယား​ဘုရင်​လက်​မှ ငါ​ကယ်တင်​မည်​။ ဤ​မြို့​ကို ငါ​ကာကွယ်​မည်​။

ဇာ​ခ​ရိ 9:14

ထာဝရဘုရား​သည် မိမိကိုယ်ကို ထင်ရှား​တော်မူ​မည်​။ ကိုယ်တော်​၏​မြား​တော်​သည် လျှပ်ပြက်​သကဲ့သို့ ထွက်သွား​လိမ့်မည်​။ ဘုရားရှင်​ထာဝရဘုရား​သည် တံပိုး​ကို​မှုတ်​လျက် တောင်ဘက်​မှ​မုန်တိုင်း​နှင့်အတူ ကြွချီ​တော်မူ​မည်​။

ဇာ​ခ​ရိ 9:8

ငါ့​အိမ်​တော်​၌ ကျူးကျော်​ဝင်ရောက်​သူ​မ​ရှိ​အောင် ကင်းစောင့်​ချ​ထား​မည်​။ ငါ​ကိုယ်တိုင်​စောင့်ကြည့်​မည်​ဖြစ်၍ ညှဉ်းဆဲ​တတ်​သော​သူ​တို့ နောက်တစ်ဖန် မ​ကျူးကျော်​ရ​။

တ​ရား​ဟော 32:11

လင်းယုန်​သည် မိမိ​အသိုက်​ကို​လှုပ်ခါ​၍ မိမိ​သားငယ်​တို့​အပေါ်​ပျံဝဲ​လျက်​၊ မိမိ​တောင်ပံ​ကို​ဖြန့်​လျက်​၊ သားငယ်​တို့​ကို​ချီယူ​ပြီး မိမိ​တောင်ပံ​ပေါ်တွင်​သယ်ဆောင်​သွား​သကဲ့သို့