ဟေ​ရှာ​ယ 27:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ထို​နေ့ရက်​၌ ထာဝရဘုရား​သည် ထွက်ပြေး​နေ​သော​မြွေကြီး​လဝိသန်​၊ တွန့်လိမ်​နေ​သော​မြွေကြီး​လဝိသန်​ကို ခိုင်မာ​၍​အစွမ်းထက်​သော မိမိ​ဓား​ကြီး​ဖြင့်​အပြစ်ဒဏ်​ပေး​တော်မူ​မည်​။ ပင်လယ်​မြွေနဂါး​ကို​လည်း သတ်ဖြတ်​တော်မူ​မည်​။

Common Language Bible

¹ ထို​ကာ​လ​၌​ထာ​ဝ​ရ​ဘု​ရား​သည်​ကြီး​မား ထက်​မြက်​သော​ဋ္ဌား​တော်​ဖြင့် တွန့်​လိမ်​လျက်​နေ သည့်​မြွေ​ကြီး​လ​ဝိ​သန်​ကို​အ​ပြစ်​ဒဏ်​ခတ် တော်​မူ​၍၊ ပင်​လယ်​န​ဂါး​ကြီး​ကို​လည်း​သတ် တော်​မူ​လိမ့်​မည်။

Garrad Bible

¹ ထို ကာ လ၊ ထာ ဝ ရ ဘု ရား သည် အ ပြေး လျင် သော မြွေ န ဂါး ကို လည်း‌ ကောင်း၊ တွန့် လိမ် သော မြွေ န ဂါး ကို လည်း‌ ကောင်း၊ ခိုင် ခံ့ ကြမ်း တမ်း သော ထား ကြီး နှင့် စီ ရင်၍၊ အိုင် ရှိ ဖွတ် မိ ကျောင်း ကို လည်း၊ ကွပ် မျက် တော် မူ လိမ့် မည်။

Judson Bible

¹ ထို​ကာ​လ၌ ထာ​ဝ​ရ​ဘု​ရား​သည် ပြေး​တတ်​သော မြွေ​လ​ဝိ​သန်​ကို​လည်း​ကောင်း၊ လိမ်​သော မြွေ​လ​ဝိ​သန်​ကို​လည်း​ကောင်း ခိုင်​ခံ့​ကြီး​မား​သော ဓား​တော်​နှင့် ဒဏ်​ပေး၍၊ ပင်​လယ်၌​ရှိ​သော န​ဂါး​ကို​လည်း သတ်​တော်​မူ​လိမ့်​မည်။

ဟေ​ရှာ​ယ 27:1 Referencias Cruzadas

ယောဘဝတ္တု။ 26:13

ထွက်သက်လေ​တစ်​ချက်​ကြောင့် ကောင်းကင်​သည် ကြည်လင်​သွား​၏​။ ပြေး​နေ​သော​မြွေ​ကို လက်​တော်​ဖြင့် ထိုးဖောက်​တော်မူ​၏​။

ယောဘဝတ္တု။ 3:8

နေ့​ကို​ကျိန်ဆဲ​သူ​များ​၊ လဝိသန်​ကို​နှိုးဆွ​ဖို့ အသင့်ရှိ​သော​သူ​များ​သည် ထို​ည​ကို ကျိန်ဆဲ​ကြ​ပါစေ​။

ယောဘဝတ္တု။ 40:19

သူ​သည် ဘုရားသခင်​၏​အဦးဆုံး​ဖန်ဆင်းခံလက်ရာ ဖြစ်​၏​။ သူ့​ကို​ဖန်ဆင်း​ထား​သော​အရှင်​သာလျှင် ဓား​ဖြင့် သူ့​ထံ​ချဉ်းကပ်​နိုင်​၏​။

ယောဘဝတ္တု။ 41:1

လဝိသန်​ကို ငါးမျှားချိတ်​ဖြင့် သင်​ဆွဲယူ​နိုင်​သလော​။ သူ့​လျှာ​ကို ကြိုး​နှင့်​ချည်​ထား​နိုင်​သလော​။

ဆာ​လံ 104:26

သင်္ဘော​များ​သည်​လည်း ထို​ပင်လယ်​၌ သွားလာ​ကြ​ပြီး ၎င်း​ထဲ၌ ပျော်မြူး​စေရန် ကိုယ်တော်​ပုံဖော်ဖန်ဆင်း​ထား​သော လဝိသန်​လည်း​ရှိ​ပါ​၏​။

ဆာ​လံ 45:3

တန်ခိုးကြီး​သော​အရှင်​၊ ကိုယ်တော်​၏​ဘုန်းကျက်သရေ​နှင့် ဘုန်းအာနုဘော်​တည်းဟူသော ကိုယ်တော်​၏​ဓား​ကို​နံဘေး​တွင် စည်း​တော်မူ​ပါ​။

ဟေ​ရှာ​ယ 26:21

အကြောင်းမူကား ကြည့်ရှု​လော့​။ ထာဝရဘုရား​သည် မြေကြီးသား​တို့​ကို အပြစ်​ဒဏ်ပေး​ရန် ကိန်းဝပ်​တော်မူ​ရာ​အရပ်​မှ ကြွလာ​တော်မူ​၏​။ ထိုအခါ မြေကြီး​သည် မိမိ​၌ အသတ်​ခံရ​သော​သူ​တို့​ကို ထုတ်ပြ​မည်​။ သတ်​သော​သူ​တို့​ကို​လည်း ဝှက်ထား​မည်​မ​ဟုတ်​။

ဟေ​ရှာ​ယ 51:9

အို ထာဝရဘုရား​၏​လက်ရုံး​တော်​၊ နိုးထ​တော်မူ​ပါ​။ နိုးထ​တော်မူ​ပါ​။ ခွန်အား​ကို​ဆင်ယင်​တော်မူ​ပါ​။ ရှေးကာလ​နေ့ရက်​များ​က​ကဲ့သို့​၊ ရှေးလွန်လေ​ပြီး​သော​မျိုးဆက်​တို့​ခေတ်​က​ကဲ့သို့ နိုးထ​တော်မူ​ပါ​။ ရာဟပ်​ကို​ခုတ်ဖြတ်​သော​သူ​၊ မြွေနဂါး​ကို​ထိုးဖောက်​သော​သူ​သည် ကိုယ်တော်​ပင်​မ​ဟုတ်​လော​။

ဟေ​ရှာ​ယ 65:12

ဓားဘေး​ကို ငါ​စီမံ​ထား​ပြီ​။ သင်​တို့​အားလုံး​သည် သတ်ဖြတ်သူ​ရှေ့​၌ လည်စင်း​ပေး​ရ​လိမ့်မည်​။ အကြောင်းမူကား ငါ​ခေါ်​သောအခါ သင်​တို့​မ​ထူး​။ ငါ​မိန့်​သောအခါ သင်​တို့​နား​မ​ထောင်​။ ငါ့​မျက်မှောက်​၌ မကောင်းမှု​ကို​ပြု​၍ ငါ​မ​နှစ်သက်​သော​အရာ​ကို သင်​တို့​ရွေးချယ်​သောကြောင့်​ဖြစ်​၏​”​ဟု မိန့်​တော်မူ​၏​။

ဟေ​ရှာ​ယ 65:25

ဝံပုလွေ​နှင့်​သိုးကလေး​တို့ အတူ​အစာ​စား​ကြ​မည်​။ ခြင်္သေ့​သည် နွား​ကဲ့သို့ ကောက်ရိုး​ကို​စား​မည်​။ မြွေ​သည် မြေမှုန့်​ကို​စား​မည်​။ ငါ​၏​သန့်ရှင်း​သော​တောင်​တစ်တောင်လုံး​ကို ထိခိုက်​ဖျက်ဆီး​ကြ​မည်​မ​ဟုတ်​”​ဟု မိန့်​တော်မူ​၏​။

ဟေ​ရှာ​ယ 66:16

ထာဝရဘုရား​သည် လူသား​အားလုံး​ကို မီး​ဖြင့်​လည်းကောင်း​၊ ဓား​ဖြင့်​လည်းကောင်း တရားစီရင်​တော်မူ​မည်​။ ထာဝရဘုရား​ကွပ်မျက်​သော​သူ​တို့​သည် များပြား​လိမ့်မည်​။

ယေ​ရ​မိ 47:6

အို ထာဝရဘုရား​၏​ဓား​တော်​၊ မည်မျှ​ကြာ​အောင်​အငြိမ်​မ​နေ​ဘဲ တိုက်ခိုက်​နေ​ဦး​မည်နည်း​။ ဓားအိမ်​သို့​ပြန်ဝင်​ပါ​တော့​။ ရပ်​ပါ​တော့​။ ငြိမ်ငြိမ်​နေ​ပါ​တော့​။

ယေ​ရ​မိ 51:13

မြစ်​နား​၌​နေ​၍ ဥစ္စာ​ကြွယ်ဝ​သော​မြို့​၊ သင်​၏​မတရား​အကျိုးစီးပွားရှာ​ခြင်း​များ အဆုံးသတ်​မည့်​အချိန်​ရောက်လာ​ပြီ​။

ယေ​ရ​မိ 51:34

“​ဘေဘီလုံ​ဘုရင်​နေဗုခဒ်နေဇာ​မင်းကြီး​သည် ငါ့​ကို ကိုက်စား​လေ​ပြီ​။ နင်းချေ​လေ​ပြီ​။ ငါ့​ကို အိုး​လွတ်​ဖြစ်​စေ​ပြီ​။ မြွေနဂါး​ကဲ့သို့ ငါ့​ကို ဝါးမျို​လေ​ပြီ​။ ငါ​၏​စားကောင်းသောက်ဖွယ်​တို့​နှင့် သူ့​ဝမ်း​ကို​ပြည့်​စေ​ပြီ​။ ပြီးမှ ငါ့​ကို အန်ထုတ်​လေ​ပြီ​။

ယေ​ဇ​ကျေ​လ 29:3

ဘုရားရှင်​ထာဝရဘုရား​က ‘​အီဂျစ်​ဘုရင်​ဖာရော​မင်းကြီး​၊ နိုင်း​မြစ်​ကို​ငါ​ပိုင်​၏​၊ ငါ့​အဖို့ ငါ​ဖန်ဆင်း​ပြီ​ဟု ဆို​လျက် မြစ်ချောင်း​ထဲ​တွင် လဲလျောင်း​နေ​သော​သတ္တဝါကြီး​၊ သင့်​ကို ငါ​ဆန့်ကျင်​မည်​။

အာ​မုတ် 9:3

ကရမေလ​တောင်ထိပ်​တွင် ပုန်းရှောင်​နေ​လျှင် သူ​တို့​ကို ရှာ​ပြီး ထို​အရပ်​မှ ငါ​ဖမ်းခေါ်​လာ​မည်​။ ငါ​မမြင်​အောင် ပင်လယ်​ကြမ်းပြင်​တွင် ပုန်း​နေ​လျှင် ထို​နေရာ​၌​ပင် မြွေနဂါး​ကို အမိန့်ပေး​၍ သူ​တို့​အား ကိုက်​စေ​မည်​။

ဗျာ​ဒိတ် 12:3

တစ်ဖန် ကောင်းကင်​၌ အခြား​သော​နိမိတ်​လက္ခဏာ​ကို​တွေ့မြင်​ရ​၏။ ခေါင်း​ခုနစ်​လုံး​နှင့် ဦးချို​ဆယ်​ချောင်း​ရှိ​၍ သူ​၏​ခေါင်း​များ​ပေါ်တွင် သရဖူ​ခုနစ်​ခု​ကို​ဆောင်း​ထား​သည့် နီရဲ​သော​နဂါး​ကြီး​တစ်​ကောင်​ရှိ​၏။

ဗျာ​ဒိတ် 13:11

ထို့နောက် မြေကြီး​ထဲမှ​ထွက်​လာ​သော အခြား​သားရဲ​တစ်​ကောင်​ကို ငါ​မြင်​ရ​၏။ သူ​သည် သိုးသငယ်​၏​ဦးချို​နှင့်​တူ​သော ဦးချို​နှစ်​ချောင်း​ရှိ​၍ နဂါး​ကဲ့သို့​စကား​ပြော​၏။

ဗျာ​ဒိတ် 13:4

ထို့ပြင် နဂါး​သည် သားရဲ​အား အခွင့်​အာဏာ​ကို​ပေးအပ်​သဖြင့် သူ​တို့​သည် နဂါး​ကို​ကိုးကွယ်​ကြ​၏။ သူ​တို့​က “မည်သူ​သည် သားရဲ​နှင့်​တူ​သနည်း။ မည်သူ​သည် သူ့​ကို တိုက်ခိုက်​နိုင်​သနည်း”​ဟု ဆို​လျက် သားရဲ​ကို​လည်း​ကိုးကွယ်​ကြ​၏။

ဗျာ​ဒိတ် 16:13

ထို့နောက် နဂါး​၏​ခံတွင်း​မှ​လည်းကောင်း၊ သားရဲ​၏​ခံတွင်း​မှ​လည်းကောင်း၊ ပရောဖက်​အတုအယောင်​၏​ခံတွင်း​မှ​လည်းကောင်း ဖား​နှင့်​တူ​သည့် ညစ်ညူး​သော​ဝိညာဉ်​သုံး​ပါး ထွက်လာ​သည်​ကို ငါ​မြင်​ရ​၏။

ဗျာ​ဒိတ် 17:1

ထို့နောက် ဖလား​ခုနစ်​လုံး​ရှိ​သော ကောင်းကင်​တမန်​ခုနစ်​ပါး​ထဲမှ တစ်​ပါး​သည်​လာ​၍ ငါ​နှင့်​စကား​ပြော​လျက် “လာ​ပါ။ များစွာ​သော​ရေ​တို့​အပေါ်​ထိုင်​နေ​သော ပြည့်တန်ဆာမ​ကြီး​ခံရ​မည့် တရား​စီရင်​ခြင်း​ကို သင့်​အား ငါ​ပြ​မည်။

ဗျာ​ဒိတ် 17:15

ထို့နောက် ထို​ကောင်းကင်​တမန်​က “သင်​မြင်​ရ​သော ပြည့်တန်ဆာ​ထိုင်​နေ​သည့်​ရေ​များ​သည် တိုင်းနိုင်ငံ​များ၊ ဘာသာ​စကား​အမျိုးမျိုး​ပြောဆို​သော လူမျိုး​များ​နှင့် လူထု​ပရိသတ်​များ​ဖြစ်​ကြ​၏။

ဗျာ​ဒိတ် 19:21

ကြွင်းကျန်​သော​သူ​တို့​မူကား မြင်း​စီး​သော​သူ​၏​ခံတွင်း​မှ​ထွက်​သော​သန်လျက်​ဖြင့် သတ်ဖြတ်​ခြင်း​ခံရ​ပြီး ငှက်​အပေါင်း​တို့​သည် သူ​တို့​၏​အသား​ကို ဝလင်​စွာ​စား​ရ​ကြ​၏။

ဗျာ​ဒိတ် 2:16

ထို့ကြောင့် နောင်တရ​လော့။ သို့မဟုတ်လျှင် ငါ​သည် သင့်​ထံသို့​အလျင်အမြန်​လာ​၍ ငါ့​ခံတွင်း​မှ​သန်လျက်​ဖြင့် သူ​တို့​ကို​တိုက်ခိုက်​မည်။

ဗျာ​ဒိတ် 20:2

သူ​သည် မာရ်နတ်​စာတန်​ဖြစ်​သည့် ရှေး​မြွေ​ဟောင်း​တည်းဟူသော​နဂါး​ကို​ဖမ်း​လျက် အနှစ်​တစ်ထောင်​ချည်နှောင်​ထား​၍