ဟေ​ရှာ​ယ 23:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ကိုယ်တော်​က “​နှိပ်စက်​ခြင်း​ခံရ​သော​ဆီဒုန်​သမီး​ပျို​၊ သင်​သည် နောက်တစ်ဖန် ရွှင်မြူး​ရ​တော့​မည်​မ​ဟုတ်​။ ထ​၍ ဆိုက်ပရပ်​ပြည်​သို့ ကူးသွား​လော့​။ ထို​အရပ်​၌​လည်း သင့်​အတွက်​ငြိမ်းချမ်း​ခြင်း​ရှိ​မည်​မ​ဟုတ်​”​ဟု မိန့်​တော်မူ​၏​။

Common Language Bible

¹² အို ဇိ​ဒုန်​မြို့၊ သင်​သည်​နောက်​တစ်​ဖန်​သာ​ယာ ရွှင်​လန်း​ရ​တော့​မည်​မ​ဟုတ်။ သင်​၏​လူ​တို့ သည်​လည်း​ဖိ​နှိပ်​ချုပ်​ချယ်​မှု​ကို​ခံ​ရ​လျက် ရှိ​၏။ အ​ကယ်​၍​သူ​တို့​သည်​ကု​ပ​ရု​ပြည်​သို့ ထွက်​ပြေး​လွတ်​မြောက်​သွား​ကြ​သည်​ဆို​စေ ကာ​မူ ဘေး​မဲ့​လုံ​ခြုံ​စွာ​နေ​ရကြ​လိမ့်​မည် မ​ဟုတ်။

Garrad Bible

¹² သင် သည် နောက် တစ် ဖန် ရွှင် လန်း ခွင့် မ ရ ချေ။ ကု ပ ရု ကျွန်း သို့ ထ၍ ကူး သွား လေ တော့။ ထို အ ရပ်၌ ပင် ချမ်း သာ မ ရ ဟု မိန့် တော် မူ၏။

Judson Bible

¹² ညှဉ်း​ဆဲ​ခြင်း​ကို ခံ​ရ​သော​က​ညာ၊ ဇိ​ဒုန်​မြို့၏​သ​မီး၊ သင်​သည် နောက်​တစ်​ဖန် ရွှင်​လန်း​ခြင်း​မ​ရှိ​ရ။ ထ​လော့။ ခိ​တ္တိမ်​ပြည်​သို့ ကူး​သွား​လော့။ ထို​အ​ရပ်၌​လည်း ငြိမ်​သက်​ခြင်း​မ​ရှိ​ရ​ဟု မိန့်​တော်​မူ၏။

ဟေ​ရှာ​ယ 23:12 Referencias Cruzadas

ကမ္ဘာ​ဦး 10:4

ယာဝန်​၏​သား​များ​မှာ ဧလိရှာ​၊ တာရှု​၊ ခိတ္တိမ်​၊ ဒေါဒနိမ် တို့​ဖြစ်​ကြ​၏​။

ကမ္ဘာ​ဦး 49:13

ဇာဗုလုန်​သည် ပင်လယ်​ကမ်းခြေ​၌​နေထိုင်​၍ သူ​သည် သင်္ဘောဆိပ်​ဖြစ်​လိမ့်မည်​။ သူ​၏​နယ်​သည် ဆီဒုန်​မြို့​တိုင်အောင်​ရောက်​လိမ့်မည်​။

ဟေ​ရှာ​ယ 23:7

ထို​မြို့​သည် သင်​တို့​အဖို့ ပျော်ပါးစရာ​ကောင်း​သော​မြို့​လော​။ ထို​မြို့​သည် ရှေး​ရှေးကတည်း​က တည်ရှိ​ခဲ့​၏​။ မြို့သား​တို့​သည် ခြေဆန့်​၍ ရပ်ဝေး​သို့​သွားရောက်နေထိုင်​တတ်​ကြ​၏​။

ဟေ​ရှာ​ယ 37:22

ထို​ဘုရင်​ကို​ရည်ညွှန်း​၍ ထာဝရဘုရား​က ဇိအုန်​သမီး​ပျို​သည် သင့်​ကို​မထီမဲ့မြင်ပြု​လေ​ပြီ​။ သင့်​ကို​ပြက်ရယ်ပြု​လေ​ပြီ​။ ဂျေရုဆလင်​သမီးပျို​သည် သင့်​နောက်မှ​နေ​၍ ခေါင်းခါယမ်း​လေ​ပြီ​။

ဟေ​ရှာ​ယ 47:1

အို ဘေဘီလုံ​သမီး​ပျို​၊ မြေမှုန့်​ပေါ်တွင် ဆင်း​ထိုင်​လော့​။ အို ခါလဒဲ​သမီး​၊ ရာဇပလ္လင်​ပေါ်​မ​ဟုတ်​၊ မြေကြီး​ပေါ်တွင် ထိုင်​လော့​။ သင့်​ကို နူးညံ့​သိမ်မွေ့​သော​သူ​ဟု ခေါ်​တော့​မည်​မ​ဟုတ်​။

ဟေ​ရှာ​ယ 47:5

အို ခါလဒဲ​သမီး​၊ တိတ်ဆိတ်​စွာ ထိုင်​လော့​။ အမှောင်​ထဲသို့ သွား​လော့​။ သင့်​ကို တိုင်းနိုင်ငံ​တို့​၏​ဘုရင်မ​ဟု ခေါ်​တော့​မည်​မ​ဟုတ်​။

ယေ​ရ​မိ 14:17

ထို့ကြောင့် သင်​သည် သူ​တို့​အား ‘​ငါ့​လူမျိုး​သမီးပျို​သည် ကျိုးပဲ့ကြေမွ​သော​ဒဏ်ရာ​ရ​၍ ပြင်းထန်စွာ​ဝေဒနာ​ခံစား​ရ​သောကြောင့် ငါ​သည် အငို​မ​ရပ်​၊ နေ့နေ့​ညည​ငို​မည်​။

ယေ​ရ​မိ 2:10

“​ဆိုက်ပရပ်​ကမ်းရိုးတန်းဒေသ​များ​ကို ဖြတ်​၍ ကြည့်ရှု​လော့​။ ကေဒါ​ပြည်​သို့​လူ​လွှတ်​၍ အသေအချာ​စူးစမ်း​စေ​လော့​။ ဤသို့​ဖြစ်​ခဲ့​ဖူး​ပြီ​လော​။

ယေ​ရ​မိ 46:11

အို အီဂျစ်​သမီး​ပျို​၊ ဂိလဒ်​ပြည်​သို့​သွား​၍ လိမ်းဆေး​ကို​ယူ​လော့​။ သင်​သည် ဆေး​အမျိုးစုံ​လိမ်း​သော်လည်း အချည်းနှီး​သာ​ဖြစ်​၏​။ သင့်​အနာ ပျောက်ကင်း​မည်​မ​ဟုတ်​။

မြည်​တမ်း​စ​ကား 1:15

ဘုရားသခင်​သည် ငါ့​စစ်သူရဲ​အားလုံး​ကို နင်းချေ​တော်မူ​ပြီ​။ စစ်သည်​အလုံးအရင်း​ကို ဆင့်ခေါ်​၍ ငါ​၏​လူငယ်​တို့​ကို ဖျက်ဆီး​စေ​တော်မူ​ပြီ​။ ယုဒ​သမီး​ပျို​ကို စပျစ်သီးနယ်ရာကျင်း​၌ နင်းနယ်​တော်မူ​ပြီ​။

မြည်​တမ်း​စ​ကား 1:3

ယုဒ​အမျိုး​သည် အနှိပ်စက်​ခံရ​ပြီ​။ ကြမ်းကြမ်းတမ်းတမ်း​ကျွန်ပြု​ခံရ​ပြီ​။ ဖမ်းခေါ်​သွား​ခြင်း​ခံရ​ပြီ​။ လူမျိုးခြား​တို့​တွင် နေထိုင်​ရ​ပြီ​။ နားခို​ရာ​ကို​မ​တွေ့​။ သူ့​ကို​လိုက်​သော​သူ​အပေါင်း​တို့​သည် လမ်းဆုံး​၌ သူ့​ကို​မီ​ကြ​လေ​ပြီ​။

မြည်​တမ်း​စ​ကား 4:15

လူ​တို့​က​လည်း သူ​တို့​အား “​ထွက်သွား​ကြ​၊ မစင်ကြယ်​သော​သူ​တို့​၊ ထွက်သွား​ကြ​၊ ထွက်သွား​ကြ​။ ငါ​တို့​ကို မ​ထိ​နှင့်​”​ဟု ဟစ်အော်​ကြ​၏​။ သူ​တို့​လည်း ထွက်သွား​၍ လှည့်လည်​သွားလာ​ကြ​ရ​၏​။ လူမျိုးတကာ​တို့​က​လည်း “​ငါ​တို့​နှင့်အတူ မ​နေ​ကြ​တော့​နှင့်​”​ဟု ဆို​ကြ​၏​။

ယေ​ဇ​ကျေ​လ 27:6

လှော်တက်​ကို ဗာရှန်​တောင်​မှ​လာ​သော​ဝက်သစ်ချသား​နှင့် လုပ်​ထား​၏​။ ကုန်းပတ်​ကို ဆိုက်ပရပ်​ကျွန်း​မှ​လာ​သော​ထင်းရှူးသား​ဖြင့်​လုပ်​၍ ဆင်စွယ်​ဖြင့် မွမ်းမံ​၏​။

ဒံ​ယေ​လ 11:30

ဆိုက်ပရပ်​ကျွန်း​မှ​စစ်သင်္ဘော​တို့​သည် သူ့​ကို​လာတိုက်​ကြ​လိမ့်မည်​။ သူ​သည် ခံပြင်း​လျက်​ပြန်သွား​လိမ့်မည်​။ အမျက်ထွက်​သဖြင့်​သန့်ရှင်း​သော​ပဋိညာဉ်​ကို​ဆန့်ကျင်​ပြီး မိမိ​အလိုကျ​ပြု​လိမ့်မည်​။ သူ​သည် ပြန်သွား​၍ သန့်ရှင်း​သော​ပဋိညာဉ်​ကို​စွန့်ပယ်​သော​သူ​တို့​အား မျက်နှာသာ​ပေး​လိမ့်မည်​။

တော​လည် 24:24

ဆိုက်ပရပ်​ဆိပ်ကမ်း​မှ သင်္ဘော​တို့​သည်​လာ​၍ အဆီးရီးယား​လူမျိုး​ကို နှိပ်စက်​လိမ့်မည်​။ ဧဗာ​လူမျိုး​ကို​လည်း နှိပ်စက်​လိမ့်မည်​။ သို့သော် သူ​တို့​သည်​လည်း ပျက်စီး​ရ​လိမ့်မည်​”​ဟု ဆို​၏​။

ယော​ရှု 11:8

ထာဝရဘုရား​သည် ရန်သူ​တို့​ကို အစ္စရေး​စစ်သည်​တို့​လက်​သို့ အပ်​တော်မူ​သဖြင့် အစ္စရေး​စစ်သည်​တို့​သည် ဆီဒုန်​မြို့​ကြီး​၊ မိသရဖောသမိမ်​မြို့​၊ အရှေ့ဘက်​အရပ်​ရှိ မိဇပါ​ချိုင့်ဝှမ်း​တိုင်အောင် လိုက်လံ​တိုက်ခိုက်​လေ​၏​။ အသက်ရှင်​ကျန်ရစ်​သူ​တစ်ယောက်မျှ​မ​ရှိ​သည့်​တိုင်အောင် လုပ်ကြံ​လေ​၏​။

ဗျာ​ဒိတ် 18:22

စောင်းသမား၊ တေးဂီတသမား၊ ပလွေသမား၊ တံပိုးခရာသမား​တို့​၏​တီးမှုတ်​သံ​ကို သင့်​အထဲ၌ လုံးဝ​ကြား​ရ​တော့​မည်​မ​ဟုတ်။ အမျိုးမျိုး​သော​လက်မှု​ပညာ​တတ်ကျွမ်း​သော မည်သည့်​လက်မှု​ပညာသည်​ကို​မျှ သင့်​အထဲ၌ လုံးဝ​တွေ့​ရ​တော့မည်​မ​ဟုတ်။ ကြိတ်ဆုံ​သံ​ကို​လည်း သင့်​အထဲ၌ လုံးဝ​ကြား​ရ​တော့​မည်​မ​ဟုတ်။