ဟေ​ရှာ​ယ 23:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထာဝရဘုရား​သည် ပင်လယ်ပြင်​ပေါ် လက်​တော်​ကို​ဆန့်​တော်မူ​ပြီ​။ တိုင်းနိုင်ငံ​တို့​ကို ထိတ်လန့်တုန်လှုပ်​စေ​တော်မူ​ပြီ​။ ခါနာန်​ပြည်​၏​ခံတပ်​များ​ကို​ဖျက်ဆီး​ရန် မိန့်​တော်မူ​ပြီ​။

Common Language Bible

¹¹ ထာ​ဝ​ရ​ဘု​ရား​သည်​ပင်​လယ်​ပေါ်​မှာ လက်​တော်​ကို​ချိန်​ရွယ်​လျက် တိုင်း​နိုင်​ငံ​များ ကို​ပျက်​ပြုန်း​စေ​တော်​မူ​ပြီ။ ဖို​နီး​ရှား​တို့ ၏​ကုန်​သွယ်​ရေး​ဌာ​န​များ​ကို​ဖျက်​ဆီး ပစ်​ရန်​လည်း​အ​မိန့်​ပေး​တော်​မူ​လေ​ပြီ။-

Garrad Bible

¹¹ ထာ ဝ ရ ဘု ရား သည် သ မု ဒ္ဒ ရာ ပေါ် တွင် လက် တော် ဆန့် တန်း သ ဖြင့်၊ နိုင် ငံ များ လှုပ် ရှား စေ လျက်၊ ခါ နာန် ပြည် ခံ မြို့ များ ကို ဖျက် ဆီး စေ ခြင်း ငှာ မိန့် မှာ တော် မူ သည့် ပြင်၊ မု ဒိမ်း ကျင့် ခံ ရ သော က ညာ သ တို့ သ မီး ဇိ ဒုန်၊

Judson Bible

¹¹ ရန်​သူ​သည် ပင်​လယ်​ပေါ်​မှာ လက်​ကို​ဆန့်၍၊ တိုင်း​နိုင်​ငံ​တို့​ကို လှုပ်​ရှား​လေ၏။ ခါ​နာန်​ပြည်၌ ခိုင်​ခံ့​သော​အ​ရပ်​တို့​ကို ဖျက်​ဆီး​စေ​ခြင်း​ငှာ၊ ထာ​ဝ​ရ​ဘု​ရား အ​မိန့်​တော်​ရှိ၏။

ဟေ​ရှာ​ယ 23:11 Referencias Cruzadas

ကမ္ဘာ​ဦး 9:25

“​ခါနာန်​သည် ကျိန်​ခြင်း​ကို​ခံရ​ပါစေ​။ အစ်ကို​တို့​၏​ကျွန်​တို့​၌ ကျွန်​ဖြစ်​ပါစေ​”​ဟု ဆို​၏​။

ဆာ​လံ 46:6

လူမျိုးတကာ​တို့​သည် မငြိမ်မသက်​ဖြစ်​ကြ​၏​။ တိုင်းနိုင်ငံ​တို့​သည် တုန်လှုပ်​ကြ​၏​။ ကိုယ်တော်​သည် မိမိ​အသံ​ကို​လွှင့်​တော်မူ​သောအခါ ကမ္ဘာမြေကြီး​သည် အရည်ပျော်​လေ​၏​။

ဆာ​လံ 71:3

အကျွန်ုပ်​အစဉ်မပြတ်​ဝင်ရောက်​မှီခို​နိုင်​သော​ကျောက်ဆောင်​ဖြစ်​တော်မူ​ပါ​။ အကျွန်ုပ်​ကို​ကယ်တင်​ရန် ကိုယ်တော်​အမိန့်ရှိ​တော်မူ​ပြီ​။ အကြောင်းမူကား ကိုယ်တော်​သည် အကျွန်ုပ်​၏​ကျောက်​နှင့် အကျွန်ုပ်​၏​ရဲတိုက်​ဖြစ်​ပါ​၏​။

ထွက်​မြောက် 14:21

မောရှေ​သည် မိမိ​၏​လက်​ကို ပင်လယ်​အပေါ်​သို့​ဆန့်​လိုက်​သော် ထာဝရဘုရား​သည် အားကြီး​သော​အရှေ့​လေ​ဖြင့် ပင်လယ်​ကို တစ်ညလုံး တိုက်ထုတ်​တော်မူ​၏​။ ထိုအခါ ပင်လယ်​သည် ခြောက်သွေ့​သော​မြေ​ဖြစ်သွား​၍ ရေ​သည်​ကွဲပြတ်​လေ​၏​။

ဟေ​ရှာ​ယ 10:6

သူ့​ကို ဘုရားတရားမဲ့​သော​လူမျိုး​ထံသို့ ငါ​စေလွှတ်​မည်​။ ငါ​အမျက်​ထွက်​သော​လူ​တို့​တိုက်ယူ​ထား​သော​ပစ္စည်း​ကို လုယက်​သိမ်းယူ​၍ လမ်း​ပေါ်မှ​ရွှံ့​ကို​နင်း​သကဲ့သို့ သူ​တို့​ကို​နင်းချေ​ရန် ငါ​မိန့်မှာ​ထား​၏​။

ဟေ​ရှာ​ယ 13:13

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား ပြင်းစွာ​အမျက်​ဒေါသ​ထွက်​တော်မူ​သော​နေ့ရက်​၌ မိုးကောင်းကင်​ကို ငါ​လှုပ်ခတ်​စေ​မည်​။ မြေကြီး​သည်​လည်း မိမိ​နေရာ​မှ ရွေ့သွား​လိမ့်မည်​။

ဟေ​ရှာ​ယ 14:26

ဤသည်ကား ကမ္ဘာမြေ​တစ်ခွင်လုံး​အတွက် ကြံစည်​ထား​သော​အကြံအစည်​တော်​ဖြစ်​၏​။ ဤသည်ကား တိုင်းနိုင်ငံ​အားလုံး​တို့​အပေါ် ဆန့်​သော​လက်​တော်​ဖြစ်​၏​။

ဟေ​ရှာ​ယ 19:5

ပင်လယ်​ရေ​တို့​သည် ကုန်ခန်း​သွား​လိမ့်မည်​။ မြစ်ရေ​သည် ခန်း​ခြောက်​သွား​လိမ့်မည်​။

ဟေ​ရှာ​ယ 2:19

ထာဝရဘုရား​သည် ကမ္ဘာမြေကြီး​ကို​ခြောက်လှန့်​ရန် ထ​တော်မူ​သောအခါ ကိုယ်တော်​၏​ကြောက်မက်ဖွယ်​အမှု​နှင့် ဘုန်းတန်ခိုး​အရှိန်အဝါ​ရှေ့​မှ ပုန်းရှောင်​ရန် လူ​တို့​သည် ကျောက်​လိုဏ်ဂူ​များ​၊ မြေ​တွင်း​များ​ထဲသို့ ပြေးဝင်​ကြ​လိမ့်မည်​။

ဟေ​ရှာ​ယ 23:10

အို တာရှု​မြို့​သမီးပျို​၊ အထိန်းအချုပ်​မ​ရှိ​တော့​ပြီ​ဖြစ်၍ နိုင်း​မြစ်​ကဲ့သို့ ကိုယ့်​မြေ​ပေါ်မှာ ဖြတ်သန်းသွားလာ​လော့​။

ဟေ​ရှာ​ယ 23:3

ပင်လယ်လမ်း​မှ​ဝင်ရောက်​လာ​သော ရှိဟောရ​မြစ်​၏​မျိုးစေ့​၊ နိုင်း​မြစ်​၏​အသီးအနှံ​သည် တိုင်ရာ​မြို့​အတွက် အမြတ်အစွန်း​ဖြစ်​၏​။ ထို​မြို့​သည် တိုင်းနိုင်ငံ​တို့​ကူသန်းရောင်းဝယ်ရာ​အရပ်​ဖြစ်​၏​။

ဟေ​ရှာ​ယ 25:2

အကယ်စင်စစ် ကိုယ်တော်​သည် မြို့​ကို​ကျောက်ပုံ​ဖြစ်စေ​၍ ခိုင်ခံ့​သော​မြို့​ကို ပြိုပျက်​ရာ​ဖြစ်စေ​၏​။ တစ်ပါးအမျိုးသား​တို့​၏​နန်းတော်​တည်​ရာ​မြို့​သည် မြို့​အဖြစ်​ရှိ​တော့​မည်​မ​ဟုတ်​။ မည်သည့်​အခါ​မျှ ပြန်လည်​တည်ဆောက်​တော့​မည်​မ​ဟုတ်​။

ဟေ​ရှာ​ယ 5:25

ထာဝရဘုရား​သည် မိမိ​လူမျိုး​တော်​ကို အမျက်ထွက်​၍ သူ​တို့​အပေါ်​လက်​တော်​ကို​ဆန့်​လျက် ဒဏ်ခတ်​တော်မူ​မည်​။ တောင်​တို့​သည်​လှုပ်ခတ်​ကြ​လိမ့်မည်​။ သူ​တို့​အလောင်း​သည် လမ်းမ​အလယ်​၌ အမှိုက်သရိုက်​ကဲ့သို့​ဖြစ်​လိမ့်မည်​။ ဤ​အရာ​အလုံးစုံ​ဖြစ်စေကာမူ အမျက်​တော်​မ​ပြေ​၊ လက်​တော်​သည် ဆန့်​လျက်​ရှိ​သေး​၏​။

ဟေ​ရှာ​ယ 50:2

ငါ​လာ​သောအခါ အဘယ်ကြောင့် လူ​တစ်ယောက်​မျှ​မ​ရှိ​သနည်း​။ ငါ​ခေါ်​သောအခါ အဘယ်ကြောင့် ထူး​သော​သူ​မ​ရှိ​သနည်း​။ ငါ့​လက်​သည် မ​ရွေးနုတ်​နိုင်​လောက်အောင် တိုလွန်း​သလော​။ ငါ​၌ ကယ်တင်​နိုင်​သော​တန်ခိုး​မ​ရှိ​သလော​။ ငါ​ဆုံးမ​သဖြင့် ပင်လယ်​သည် ခန်းခြောက်​၏​။ ငါ​သည် မြစ်​တို့​ကို တောကန္တာရ​ဖြစ်စေ​၍ ငါး​တို့​သည် ရေ​မ​ရှိ​သောကြောင့် အပုပ်နံ့ထွက်​ကြ​၏​။ ရေငတ်​၍​သေ​ကြ​၏​။

ယေ​ရ​မိ 47:7

ထာဝရဘုရား​သည် ဓား​ကို​အမိန့်ပေး​ထား​သည်​ဖြစ်၍ ဓား​က မည်သို့​ငြိမ်ငြိမ်​နေ​နိုင်​မည်နည်း​။ အာရှကေလုန်​မြို့​နှင့် ပင်လယ်​ကမ်းခြေဒေသ​တို့​ကို တိုက်ခိုက်​ရန် ဓား​ကို​အမိန့်ပေး​တော်မူ​ပြီ​”​ဟု မိန့်​တော်မူ​၏​။

ယေ​ဇ​ကျေ​လ 26:10

များပြား​လှ​သော​မြင်း​များ​ကြောင့် ဖုန်​များ​တထောင်းထောင်းထ​၍ သင့်​ကို​ဖုံးလွှမ်း​လိမ့်မည်​။ မြို့​တံခါး​မှတစ်ဆင့် ပြိုပျက်​သွား​သော​မြို့​ထဲသို့​ပြေးဝင်​လာ​သော မြင်းစီးသူရဲ​များ​၊ စစ်ရထား​များ​၏​ဘီး​သံ​များ​ကြောင့် မြို့ရိုး​များ​ပင် တုန်ခါ​သွား​ရ​လိမ့်မည်​။

ယေ​ဇ​ကျေ​လ 26:4

သူ​တို့​သည် တိုင်ရာ​မြို့ရိုး​ကို ဖျက်ဆီး​၍ ရဲတိုက်​များ​ကို ဖြိုချ​ကြ​လိမ့်မည်​။ အကျိုးအပဲ့​များ​ကို ရှင်းထုတ်​ပြီး သူ့​ကို ကျောက်တလင်းပြင်​ကဲ့သို့ ငါ​ဖြစ်​စေ​မည်​။

ယေ​ဇ​ကျေ​လ 31:16

တွင်း​ထဲ​ကျသွား​သူ​တို့​နှင့်အတူ သူ့​ကို​မရဏာနိုင်ငံ​ထဲသို့ ကျသွား​စေ​သောအခါ သူ​ကျသွား​သော​အသံ​ကြောင့် လူမျိုးတကာ​တို့​လည်း တုန်လှုပ်​ကြ​၏​။ ထိုအခါ ဧဒင်​ဥယျာဉ်​မှ အပင်​များ​၊ လက်ဘနွန်​တောင်​မှ အကောင်းတကာ့​အကောင်းဆုံး​အပင်​များ​၊ ရေ​ဝ​သော​အပင်​များ​လည်း မြေကြီး​အောက်​အရပ်​၌ စိတ်သက်သာ​ရာ​ရ​လိမ့်မည်​။

နာ​ဟုံ 1:14

ယခုမူ သင်​နှင့်​ပတ်သက်၍ ထာဝရဘုရား​က “​သင့်​အမည်​သည် ဆက်လက်​တည်တံ့​တော့​မည်​မ​ဟုတ်​။ သင့်​ဘုရား​ဝတ်ကျောင်း​ရှိ သွန်းလုပ်​ထား​သော​ရုပ်တုဆင်းတု​များ​ကို ငါ​ဖျက်ဆီး​ပစ်​မည်​။ သင်​သည် ဆိုးယုတ်​သောကြောင့် သင့်​အဖို့ သင်္ချိုင်း​ကို ငါ​စီရင်​မည်”​ဟု မိန့်​တော်မူ​၏​။

ဟ္ဂဲ 2:7

‘ငါ​သည် လူမျိုး​အပေါင်း​တို့​ကို ကြောက်ရွံ့တုန်လှုပ်​စေ​မည်​။ လူမျိုး​အပေါင်း​တို့​သည် သူ​တို့​၏​အဖိုးတန်​ရတနာ​တို့​ကို ယူဆောင်​လာ​ကြ​လိမ့်မည်​။ ဤ​အိမ်​တော်​ကို​လည်း ဘုန်းအသရေ​တော်​နှင့် ငါ​ပြည့်​စေ​မည်’​ဟု ကောင်းကင်​ဗိုလ်ခြေ​အရှင်​ထာဝရဘုရား မိန့်​တော်မူ​ပြီ​။

ဇာ​ခ​ရိ 14:21

ဂျေရုဆလင်​မြို့​မှစ၍ ယုဒ​ပြည်​၌​ရှိသမျှ​သော​အိုး​တို့​သည် ကောင်းကင်​ဗိုလ်ခြေ​အရှင်​ထာဝရဘုရား​အဖို့ သန့်ရှင်း​လိမ့်မည်​။ ယဇ်ပူဇော်​သော​သူ​အပေါင်း​တို့​သည် လာ​၍ ထို​အိုး​တို့​ကို ယူ​ပြီး ချက်ပြုတ်​ကြ​လိမ့်မည်​။ ထို​နေ့ရက်​တွင် ကောင်းကင်​ဗိုလ်ခြေ​အရှင်​ထာဝရဘုရား​၏​အိမ်​တော်​၌ ခါနာန်​လူမျိုး​ဟူ၍ ရှိ​တော့​မည်​မ​ဟုတ်​။

ရှင်မာကု 11:17

ကိုယ်တော်​သည် သူ​တို့​အား​သွန်သင်​လျက်“ ‘ငါ့​အိမ်​သည် လူမျိုး​တကာ​တို့​၏​ဆုတောင်း​ရာ​အိမ်​ဟူ၍ ခေါ်ဝေါ်​ခြင်း​ကို​ခံရ​လိမ့်မည်’​ဟု ကျမ်းစာ​၌​ရေး​ထား​သည်​မ​ဟုတ်​လော။ သို့သော် သင်​တို့​သည် ၎င်း​ကို ဓားပြ​တို့​ခိုအောင်း​ရာ​ဖြစ်​စေ​ကြ​ပြီ​တကား”​ဟု မိန့်​တော်မူ​၏။

ရှင်ယောဟန် 2:16

ချိုးငှက်​များ​ကို​ရောင်း​နေ​သော​သူ​တို့​အား​လည်း“ဤ​ဥစ္စာ​များ​ကို ဤ​နေရာ​မှ​ယူ​သွား​ကြ​လော့။ ငါ့​ခမည်းတော်​၏​အိမ်​တော်​ကို ဈေး​ရုံ​မ​ဖြစ်​စေ​ကြ​နှင့်”​ဟု မိန့်​တော်မူ​၏။