ဟေ​ရှာ​ယ 21:5 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁵ စားပွဲ​ပြင်ဆင်​ကြ​၏​။ ကော်ဇော​ခင်း​ကြ​၏​။ သောက်​စား​ကြ​၏​။ အို မှူးမတ်​တို့​၊ ထ​ကြ​လော့​။ ဒိုင်းလွှား​များ​ကို​ဆီ​လူး​ကြ​လော့​။

Common Language Bible

⁵ ဗျာ​ဒိတ်​ရူ​ပါ​ရုံ​တွင်​ည​စာ​စား​ပွဲ​ကြီး​တစ် ခု​အ​သင့်​ပြင်​ဆင်​ထား​သည်​ကို​ငါ​မြင်​ရ​၏။ ဧည့်​သည်​တို့​ထိုင်​ရန်​အ​တွက်​ကော်​ဇော​များ ကို​ခင်း​ထား​လေ​သည်။ သူ​တို့​သည်​စား​သောက် လျက်​နေ​ကြ​စဉ်``တပ်​မှူး​တို့၊ သင်​တို့​၏​ဒိုင်း​လွှား များ​ကို​အ​သင့်​ပြင်​ကြ​လော့'' ဟူ​သော​အ​မိန့် တော်​တစ်​ရပ်​ရုတ်​တ​ရက်​ထွက်​ပေါ်​၍​လာ​၏။

Garrad Bible

⁵ သူ တို့ သည် စား ပွဲ ပြင် ခြင်း၊ ကော် ဇော ခင်း ခြင်း၊ စား ပွဲ ထိုင် ခြင်း များ ကို ပြု ကြ သည် တ ကား။ အို ဗိုလ် မင်း တို့၊ နိုး ထ၍ ဒိုင်း လွှား များ ကို ဆီ လူး ကြ လော့။

Judson Bible

⁵ စား​ပွဲ​ကို ပြင်​ပြီ။ ကင်း​စောင့်​ကို ထား​ပြီ။ စား​သောက်​လျက် နေ​ကြ၏။ အို မင်း​များ​တို့၊ ထ​ကြ၊ လွှား​ကို​ဆီ​လောင်း​ကြ။

ဟေ​ရှာ​ယ 21:5 Referencias Cruzadas

၂ ရာ 1:21

ဂိလဗော​တောင်​များ​ပေါ်တွင် နှင်း​မ​ကျ​ပါစေ​နှင့်​။ မိုး​လည်း မ​ရွာ​ပါစေ​နှင့်​။ လယ်မြေ​တို့​တွင်​လည်း လှူဖွယ်ကောက်နှံ​တို့ မ​ဖြစ်ထွန်း​ပါစေ​နှင့်​။ အကြောင်းမှာ ထို​အရပ်​တွင် သူရဲကောင်း​တို့​၏​ဒိုင်းလွှား​များ ရှုံးနိမ့်​ရ​လေ​ပြီ​။ ရှောလု​မင်းကြီး​၏​ဒိုင်းလွှား​သည်​လည်း ဆီသ​ထား​ခြင်း မ​ရှိ​တော့​ပြီ​။

ဟေ​ရှာ​ယ 13:2

တောင်​ကတုံး​ပေါ်၌ အချက်ပြအလံ​ကို​လွှင့်ထူ​ကြ​။ သူ​တို့​ထံ အသံ​ကို​လွှင့်​ကြ​။ လက်​ကို​ဝှေ့ယမ်း​ကြ​။ ထိုအခါ မင်းအရာရှိ​တံခါး​တို့​မှ သူ​တို့​ဝင်လာ​မည်​။

ယေ​ရ​မိ 46:3

ထာဝရဘုရား​က “​ဒိုင်းလွှားကြီး​၊ ဒိုင်းလွှားငယ်​တို့​ကို ပြင်ဆင်​ကြ​။ စစ်ချီတက်​ကြ​။

ယေ​ရ​မိ 51:11

မြား​တို့​ကို ချွန်ထက်​စေ​ကြ​။ ဒိုင်းလွှား​တို့​ကို ကိုင်စွဲ​ကြ​။ ထာဝရဘုရား​သည် ဘေဘီလုံ​မြို့​ကို ဖျက်ဆီး​ပစ်​ရန် အကြံ​ရှိ​တော်မူ​သည်​ဖြစ်၍ မေဒိ​ဘုရင်​တို့​၏​စိတ်​ကို နှိုးဆော်​တော်မူ​ပြီ​။ ထာဝရဘုရား လက်တုံ့ပြန်​တော်မူ​ပြီ​။ ဗိမာန်တော်​အဖို့ လက်တုံ့ပြန်​တော်မူ​ပြီ​။

ယေ​ရ​မိ 51:39

ထာဝရဘုရား​က “​သူ​တို့ အာသာငမ်းငမ်း​ဖြစ်​နေ​ချိန်​တွင် ငါ​သည် စားသောက်ပွဲ ခင်းကျွေး​မည်​။ သူ​တို့​ကို မူး​အောင်​တိုက်​မည်​။ သူ​တို့​သည်​လည်း အပျော်ကြူး​၍ မ​နိုး​သော​အိပ်​ခြင်း​ဖြင့် ထာဝရ​အိပ်ပျော်​မည်​”​ဟု မိန့်​တော်မူ​၏​။

ယေ​ရ​မိ 51:57

ကောင်းကင်​ဗိုလ်ခြေ​အရှင်​ထာဝရဘုရား​ဟူသည့် နာမ​တော်​ရှိ​သော​ရှင်ဘုရင်​က “​ငါ​သည် ဘေဘီလုံ​မြို့​၏​မှူးမတ်​များ​၊ ပညာရှိ​များ​၊ ဘုရင်ခံ​များ​၊ အုပ်ချုပ်သူ​များ​၊ စစ်သူရဲ​များ​ကို ယစ်မူး​စေ​၍ မ​နိုး​သော​အိပ်ခြင်း​ဖြင့် ထာဝရ​အိပ်ပျော်​စေ​မည်​”​ဟု မိန့်​တော်မူ​၏​။

၁ ကော 15:32

ငါ​သည် လူ့​သဘော​ဖြင့် ဧဖက်​မြို့​၌ သားရဲ​တို့​နှင့်​တိုက်ခိုက်​ခဲ့​သည်​ဆိုလျှင် ငါ့​အတွက် မည်သည့်​အကျိုး​ရှိ​မည်နည်း။ သေလွန်​သော​သူ​တို့​သည် ထမြောက်​ခြင်း​မ​ရှိ​လျှင် ငါ​တို့​သည် မနက်ဖြန်​သေ​ကြ​ရ​မည်​ဖြစ်၍ စား​လျက်​သောက်​လျက်​နေ​ကြ​ကုန်စို့။