ဟေ​ရှာ​ယ 19:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​၏​လူ​ဖြစ်​သော​အီဂျစ်​လူမျိုး​၊ ငါ့​လက်​ဖြင့်​ပုံဖော်ဖန်ဆင်း​ထား​သူ​ဖြစ်​သော​အဆီးရီးယား​လူမျိုး​၊ ငါ့​အမွေဥစ္စာ​ဖြစ်​သော​အစ္စရေး​လူမျိုး​တို့​၌ မင်္ဂလာရှိ​ကြ​စေ​သတည်း​”​ဟု သူ​တို့​ကို ကောင်းချီးပေး​တော်မူ​မည်​။

Common Language Bible

²⁵ အ​နန္တ​တန်​ခိုး​ရှင်​ထာ​ဝ​ရ​ဘု​ရား​က​ထို ပြည်​တို့​ကို​ကောင်း​ချီး​ပေး​၍``ငါ​၏​လူ​စု အီ​ဂျစ်​အ​မျိုး​သား​တို့၊ ငါ​ဖန်​ဆင်း​ထား​သူ အာ​ရှု​ရိ​အ​မျိုး​သား​တို့​နှင့် ငါ​ရွေး​ကောက် သော​လူ​မျိုး​တော်​ဣ​သ​ရေ​လ​အ​မျိုး​သား တို့၊ သင်​တို့​အား​ငါ​ကောင်း​ချီး​ပေး​မည်'' ဟု​မိန့်​တော်​မူ​၏။

Judson Bible

²⁵ ကောင်း​ကင်​ဗိုလ်​ခြေ​အ​ရှင် ထာ​ဝ​ရ​ဘု​ရား​က​လည်း၊ ငါ၏​လူ​အဲ​ဂု​တ္တု​အ​မျိုး၊ ငါ​ပြု​ပြင်​သော အာ​ရှု​ရိ​အ​မျိုး၊ ငါ၏​အ​မွေ​ဥ​စ္စာ​ဖြစ်​သော ဣ​သ​ရေ​လ​အ​မျိုး​သည် မင်္ဂ​လာ​ရှိ​စေ​သ​တည်း​ဟု ကောင်း​ချီး​ပေး​တော်​မူ​လိမ့်​မည်။

ဟေ​ရှာ​ယ 19:25 Referencias Cruzadas

ဆာ​လံ 100:3

ထာဝရဘုရား​သည် ဘုရားသခင်​ဖြစ်​တော်မူ​ကြောင်း​ကို သိမှတ်​ကြ​လော့​။ ကိုယ်တော်​သည် ငါ​တို့​ကို ဖန်ဆင်း​တော်မူ​၏​။ ငါ​တို့​သည်​လည်း ကိုယ်တော်​၏​ပိုင်ဆိုင်​ရာ​၊ ကိုယ်တော်​၏​လူမျိုး​တော်​၊ ကိုယ်တော်​၏​စားကျက်​မှ သိုးစု​ဖြစ်​ကြ​၏​။

ဆာ​လံ 115:15

သင်​တို့​သည် ကောင်းကင်​နှင့်​မြေကြီး​ကို ဖန်ဆင်း​တော်မူ​သော​ထာဝရဘုရား​ထံ​တော်​မှ ကောင်းချီးမင်္ဂလာ​ခံစား​ရ​ပါစေသော​။

ဆာ​လံ 138:8

ထာဝရဘုရား​သည် ငါ့​အမှု​ကို ပြီးပြည့်စုံ​စေ​တော်မူ​လိမ့်မည်​။ အို ထာဝရဘုရား​၊ ကိုယ်တော်​၏​မေတ္တာကရုဏာ​တော်​သည် အစဉ်အမြဲ​တည်​ပါ​၏​။ ကိုယ်တော်​၏​လက်​တော်​ဖြင့် ပြုလုပ်​သော​အရာ​များ​ကို ပစ်ထား​တော်​မ​မူ​ပါ​နှင့်​။

ဟေ​ရှာ​ယ 19:24

ထို​နေ့ရက်​၌ အစ္စရေး​ပြည်​သည် အီဂျစ်​ပြည်​၊ အဆီးရီးယား​ပြည်​တို့​နှင့်အတူ တတိယ​မြောက်​ပြည်​အဖြစ်​ပူးပေါင်း​၍ ကမ္ဘာမြေကြီး​အလယ်​၌ ကောင်းချီးမင်္ဂလာ​ဖြစ်​လိမ့်မည်​။

ဟေ​ရှာ​ယ 27:13

ထို​နေ့ရက်​၌ တံပိုး​ကြီး​ကို​မှုတ်​လိမ့်မည်​။ အဆီးရီးယား​ပြည်​၌​ပျောက်ဆုံး​သော​သူ​၊ အီဂျစ်​ပြည်​သို့​နှင်ထုတ်​ခြင်း​ခံရ​သော​သူ​တို့​သည် ဂျေရုဆလင်​မြို့​၊ သန့်ရှင်း​သော​တောင်​ပေါ်သို့​လာ​၍ ထာဝရဘုရား​ကို ရှိခိုးကိုးကွယ်​ကြ​လိမ့်မည်​။

ဟေ​ရှာ​ယ 29:23

ငါ​ပြု​သော​အမှု​ကြောင့် သူ့​သားသမီး​တို့​သည် သူ​နှင့်အတူ​ရှိ​နေ​သည်​ကို မြင်​သောအခါ ငါ့​နာမ​ကို​သန့်ရှင်း​စေ​လိမ့်မည်​။ ယာကုပ်​၏​သန့်ရှင်း​သော​အရှင်​ကို ရိုသေ​၍ အစ္စရေး​တို့​၏​ဘုရားသခင်​ကို ကြောက်ရွံ့​ကြ​လိမ့်မည်​။

ဟေ​ရှာ​ယ 45:11

အစ္စရေး​လူမျိုး​၏​သန့်ရှင်း​သော​အရှင်​၊ ထို​လူမျိုး​ကို​ပုံဖော်ဖန်ဆင်း​သော ထာဝရဘုရား​က “​ဖြစ်လာ​မည့်​အရာ​တို့​နှင့်​ပတ်သက်၍ ငါ့​ကို မေးခွန်းထုတ်​ကြ​သလော​။ ငါ့​သားသမီး​တို့​နှင့်​ပတ်သက်၍​၊ ငါ့​လက်​ပြု​သော​အမှု​နှင့်​ပတ်သက်၍ ငါ့​ကို အမိန့်ပေး​ကြ​သလော​။

ဟေ​ရှာ​ယ 45:14

ထာဝရဘုရား​က “​အီဂျစ်​ပြည်​၏ စည်းစိမ်ဥစ္စာ​၊ အီသီယိုးပီးယား​ပြည်သား​နှင့် အရပ်​မြင့်​သော​သေဘ​အမျိုးသား​တို့​၏ ကုန်ပစ္စည်း​တို့​သည် သင့်​ထံသို့​ရောက်​၍ သင်​ပိုင်ဆိုင်​ရ​လိမ့်မည်​။ သူ​တို့​သည် သင့်​နောက်သို့​လိုက်​ကြ​လိမ့်မည်​။ သံခြေချင်း​ဖြင့်​သွားလာ​ရ​၍ သင့်​ရှေ့​၌ ပျပ်ဝပ်​ကြ​လိမ့်မည်​။ ‘​အကယ်စင်စစ် သင်​နှင့်အတူ ဘုရားသခင်​ရှိ​တော်မူ​၏​။ ထို​ဘုရား​မှတစ်ပါး အခြား​ဘုရား​မ​ရှိ​’​ဟူ၍ သင့်​ကို​လျှောက်ထား​ကြ​လိမ့်မည်​”​ဟု မိန့်​တော်မူ​၏​။

ဟေ​ရှာ​ယ 60:21

သင်​၏​လူ​အပေါင်း​တို့​သည် ဖြောင့်မတ်​ကြ​လိမ့်မည်​။ ပြည်​တော်​ကို အစဉ်အမြဲ​ပိုင်ဆိုင်​ကြ​ရ​လိမ့်မည်​။ ငါ​စိုက်​သော​အကိုင်း​၊ ငါ့​လက်​ဖြင့်​ပြု​သော​အရာ​ဖြစ်၍ ငါ​၏​ဘုန်း​ကို​ထင်ရှား​စေ​ကြ​လိမ့်မည်​။

ဟေ​ရှာ​ယ 61:9

သူ​တို့​၏​သားစဉ်မြေးဆက်​တို့​သည် လူမျိုးခြား​တို့​တွင် ကျော်ကြား​လိမ့်မည်​။ သူ​တို့​၏​သားမြေး​တို့​သည် လူမျိုးတကာ​တို့​တွင် ကျော်ကြား​လိမ့်မည်​။ သူ​တို့​ကို​မြင်​သော​သူ​အပေါင်း​တို့​သည် ထာဝရဘုရား​ကောင်းချီး​ကို​ခံစား​ရ​သော​အမျိုးအနွယ်​ဟု အသိအမှတ်​ပြု​ကြ​လိမ့်မည်​။

ဟေ​ရှာ​ယ 63:17

အို ထာဝရဘုရား​၊ ကိုယ်တော်​သည် ကျွန်ုပ်​တို့​ကို အဘယ်ကြောင့် လမ်း​တော်​မှ​လမ်းလွဲ​စေ​သနည်း​။ ကိုယ်တော်​ကို မ​ကြောက်ရွံ့​စေရန် ကျွန်ုပ်​တို့​၏​စိတ်​ကို အဘယ်ကြောင့် ခိုင်မာ​စေ​သနည်း​။ ကိုယ်တော်​၏​အစေအပါး​၊ ကိုယ်တော်​၏​အမွေ​တော်​လူမျိုးစု​အတွက် ပြန်လာ​တော်မူ​ပါ​။

ဟေ​ရှာ​ယ 64:8

သို့ရာတွင် အို ထာဝရဘုရား​၊ ကိုယ်တော်​သည် အကျွန်ုပ်​တို့​၏​အဖ​ဖြစ်​တော်မူ​၏​။ အကျွန်ုပ်​တို့​သည် မြေစေး​ဖြစ်​၏​။ ကိုယ်တော်​သည် အိုးထိန်း​ဖြစ်​တော်မူ​၏​။ အကျွန်ုပ်​တို့​အားလုံး​သည် ကိုယ်တော်​၏​လက်​တော်​ဖြင့် ဖန်ဆင်း​ထား​သော​သူ​များ ဖြစ်​ကြ​ပါ​၏​။

ဟေ​ရှာ​ယ 65:23

သူ​တို့​၏​ကြိုးစားအားထုတ်​မှု​သည် အချည်းနှီး​ဖြစ်​မည်​မ​ဟုတ်​။ သူ​တို့​မွေးဖွား​သော​သားသမီး​များ ဒုက္ခရောက်​မည်​မ​ဟုတ်​။ အကြောင်းမူကား သူ​တို့​သည် ထာဝရဘုရား​၏​ကောင်းချီးမင်္ဂလာ​ကို​ခံစား​ရ​သော​အမျိုးအနွယ် ဖြစ်​လိမ့်မည်​။ သူ​တို့​နှင့်အတူ သူ​တို့​သားမြေး​တို့​လည်း ကောင်းချီးမင်္ဂလာ​ခံစား​ရ​လိမ့်မည်​။

ယေ​ရ​မိ 10:16

ယာကုပ်​အမျိုး​၏​ဝေစု​ဖြစ်​သော​ဘုရားသခင်​သည် ထိုကဲ့သို့​မ​ဟုတ်​။ အကြောင်းမူကား ကိုယ်တော်​သည် အရာခပ်သိမ်း​ကို ပုံဖော်ဖန်ဆင်း​သော​အရှင်​ဖြစ်​၏​။ အစ္စရေး​လူမျိုး​သည် ကိုယ်တော်​၏​အမွေ​တော်​အမျိုးအနွယ်​ဖြစ်​၏​။ ကိုယ်တော်​၏​နာမ​တော်​ကား ကောင်းကင်​ဗိုလ်ခြေ​အရှင်​ထာဝရဘုရား​ပေတည်း​။

ယေ​ရ​မိ 2:7

ကောင်း​သော​အသီးအနှံ​တို့​ကို စား​ရ​မည့်​အကြောင်း သင်​တို့​အား သီးနှံ​ဖြစ်ထွန်း​သော​ပြည်​သို့ ငါ​ခေါ်ဆောင်​လာ​၏​။ သို့သော် သင်​တို့​ရောက်လာ​၍ ငါ့​ပြည်​ကို​ညစ်ညူး​စေ​ကြ​၏​။ အမွေ​ပြည်​ကို စက်ဆုပ်ရွံရှာဖွယ် ဖြစ်စေ​ကြ​၏​။

ဟော​ရှေ 2:23

သူ့​ကို မြေ​ပေါ်တွင် ကြဲ​မည်​။ ကရုဏာ​မ​ခံစား​ရ​သူ​ကို ကရုဏာ​ပြ​မည်​။ ငါ့​လူ​မ​ဟုတ်​သော​သူ​ကို ‘သင်​သည် ငါ့​လူ​ဖြစ်​သည်’​ဟု ပြော​မည်​။ သူ​က​လည်း ‘ကိုယ်တော်​သည် အကျွန်ုပ်​၏​သခင် ဖြစ်​သည်’​ဟူ၍ ဆို​လိမ့်မည်”​ဟု မိန့်​တော်မူ​၏​။

ဇာ​ခ​ရိ 8:13

အို ယုဒ​အမျိုးအနွယ်​နှင့် အစ္စရေး​အမျိုးအနွယ်​တို့​၊ သင်​တို့​သည် လူမျိုးခြား​တို့​အလယ်​တွင် ကျိန်ဆဲစရာ​ဖြစ်​ခဲ့​သော်လည်း သင်​တို့​ကို ငါ​ကယ်တင်​မည်​။ ကောင်းချီး​ပေး​မည်​။ မ​ကြောက်​ကြ​နှင့်​။ သင်​တို့​လက်​ကို ခိုင်ခံ့​စေ​လော့’​ဟု မိန့်​တော်မူ​၏​။

တော​လည် 24:1

ထာဝရဘုရား​သည် အစ္စရေး​လူမျိုး​ကို​ကောင်းချီးပေး​ရန် အလို​တော်​ရှိ​ကြောင်း ဗာလမ်​သိမြင်​သောအခါ ယခင်​ကဲ့သို့ မှော်အတတ်​ကို​မ​သုံး​တော့​ဘဲ တောကန္တာရ​ဘက်​သို့​လှည့်​၍

တော​လည် 6:24

‘​ထာဝရဘုရား​သည် သင့်​ကို​ကောင်းချီးပေး​၍ စောင့်ထိန်း​တော်မူ​ပါစေသော​။

တော​လည် 6:27

ဤသို့ဖြင့် သူ​တို့​သည် အစ္စရေး​အမျိုးသား​တို့​အပေါ် ငါ​၏​နာမ​တော်​ကို​တည်​စေ​၍ ငါ​သည် သူ​တို့​ကို​ကောင်းချီးပေး​မည်​”​ဟု မိန့်​တော်မူ​၏​။

ရော​မ 3:29

သို့မဟုတ် ဘုရားသခင်​သည် ဂျူး​လူမျိုး​တို့​၏​ဘုရား​သာ ဖြစ်​တော်မူ​သလော။ လူမျိုးခြား​တို့​၏​ဘုရား​လည်း ဖြစ်​တော်မူ​သည်​မ​ဟုတ်​လော။ ဟုတ်​ပေ​၏။ လူမျိုးခြား​တို့​၏​ဘုရား​လည်း ဖြစ်​တော်မူ​၏။

ဂ​လာ​တိ 6:15

အကြောင်းမူကား အရေဖျား​လှီး​ခြင်း​ဖြစ်စေ၊ အရေဖျား​မ​လှီး​ခြင်း​ဖြစ်စေ ပဓာန​မ​ဟုတ်။ အသစ်​ဖန်ဆင်း​ခံရ​ခြင်း​သာ ပဓာန​ဖြစ်​၏။

ဧ​ဖက် 1:3

အထက်​ကောင်းကင်​အရပ်​တွင်​ရှိ​သော ဝိညာဉ်ရေး​ဆိုင်ရာ​ကောင်းချီး​မင်္ဂလာ​အပေါင်း​တို့​ဖြင့် ငါ​တို့​ကို ခရစ်တော်​၌ ကောင်းချီး​ပေး​တော်မူ​သည့် ငါ​တို့​သခင်​ယေရှု​ခရစ်တော်​၏​ခမည်းတော်​ဖြစ်​တော်မူ​သော ဘုရားသခင်​သည် မင်္ဂလာရှိ​ပါစေသော။

ဧ​ဖက် 2:10

အကြောင်းမူကား ငါ​တို့​သည် ကောင်း​သော​အမှု​များ​ကို​ပြု​ရန် ခရစ်တော်​ယေရှု​၌​ဖန်ဆင်း​ခြင်း​ခံရ​သော ဘုရားသခင်​၏​လက်ရာ​တော်​ဖြစ်​ကြ​၏။ ထို​ကောင်း​သော​အမှု​များ​၌ ငါ​တို့​အသက်ရှင်​လျှောက်လှမ်း​ကြ​ရန် ဘုရားသခင်​သည် ထို​အမှု​များ​ကို ကြိုတင်​ပြင်ဆင်​ထား​တော်မူ​၏။

တ​ရား​ဟော 32:9

ထာဝရဘုရား​၏​ဝေစု​ကား မိမိ​လူမျိုး​တော်​ဖြစ်​၏​။ ကိုယ်တော်​၏​အမွေ​ဝေစု​ကား ယာကုပ်​ဖြစ်​၏​။

ဖိ​လိပ္ပိ 1:6

သင်​တို့​၌ ကောင်း​သော​အမှု​ကို​အစပြု​ခဲ့​သော​အရှင်​သည် ခရစ်တော်​ယေရှု​၏​နေ့ရက်​တိုင်အောင် ထို​အမှု​ကို ပြီးမြောက်​စေ​တော်မူ​လိမ့်မည်​ဟု ငါ​ယုံကြည်​စိတ်ချ​၏။

၁ ပေ 2:10

သင်​တို့​သည် ယခင်​က လူမျိုး​တော်​မ​ဟုတ်​ခဲ့​သော်လည်း ယခု​အခါ ဘုရားသခင်​၏​လူမျိုး​တော်​ဖြစ်​ကြ​ပြီ။ ယခင်​က ကရုဏာ​တော်​ကို​မ​ခံစား​ခဲ့​ရ​သော်လည်း ယခု​အခါ ကရုဏာ​တော်​ကို​ခံစား​ရ​ကြ​ပြီ။