ဟော​ရှေ 10:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ငါ​စိတ်တိုင်းကျ သူ​တို့​ကို ဆုံးမ​မည်​။ သူ​တို့​ကျူးလွန်​ခဲ့​သော​အပြစ်​နှစ်​မျိုး​ထဲ၌ နစ်မွန်း​နေ​စဉ် လူမျိုးခြား​တို့​သည် စုရုံး​၍ သူ​တို့​ကို​ဆန့်ကျင်​တိုက်ခိုက်​ကြ​လိမ့်မည်​။

Common Language Bible

¹⁰ အ​ပြစ်​ကူး​လွန်​သော​ဤ​သူ​တို့​ကို တိုက်​ခိုက် ၍​ဆုံး​မ​မည်။ အ​ခြား​နိုင်​ငံ​များ​သည်​စု​ပေါင်း ၍​သူ​တို့​ကို​တိုက်​ခိုက်​သ​ဖြင့် သူ​တို့​သည်​မိ​မိ တို့​၏​များ​ပြား​သော​အ​ပြစ်​များ​အ​တွက် ဒဏ်​ခတ်​ခြင်း​ခံ​ကြ​ရ​တော့​မည်။

Garrad Bible

¹⁰ သ ဘော တော် အ တိုင်း ငါ ဆုံး မ သော်၊ ဒု စ ရိုက် နှစ် မျိုး အ တွက်၊ လူ မျိုး ခြား တို့ သင်း ဖွဲ့ လျက် စု ရုံး ကြ လ တ္တံ့။

Judson Bible

¹⁰ ငါ​သည် ကိုယ်​အ​လို​အ​လျောက် သူ​တို့​ကို ဆုံး​မ​မည်။ သူ​တို့​အ​ပြစ်​နှစ်​ပါး​ကြောင့် ချည်​ထား​လျက်​ရှိ​သော​အ​ခါ၊ သူ​တို့​တစ်​ဖက်၌ လူ​များ စည်း​ဝေး​ရ​ကြ​လိမ့်​မည်။

ဟော​ရှေ 10:10 Referencias Cruzadas

၃ ရာ 12:28

ထို့ကြောင့် ရှင်ဘုရင်​သည် အတိုင်ပင်ခံ​တို့​နှင့်​ဆွေးနွေးတိုင်ပင်​၍ ရွှေ​နွားသငယ်ရုပ်​နှစ်​ရုပ်​ကို သွန်းလုပ်​ပြီး ပြည်သူ​တို့​အား “​ဂျေရုဆလင်​မြို့​သို့ တက်သွား​ရ​သည်​မှာ သင်​တို့​အဖို့ ခက်ခဲ​လှ​ပါ​၏​။ အို အစ္စရေး​လူမျိုး​တို့​၊ ကြည့်​ပါ​။ ဤသည်မှာ သင်​တို့​ကို အီဂျစ်​ပြည်​မှ​ထုတ်ဆောင်​ခဲ့​သော သင်​တို့​၏​ဘုရား​များ​ဖြစ်​ပါ​၏​”​ဟု မိန့်ဆို​၏​။

ယောဘဝတ္တု။ 39:10

နွားရိုင်း​ကို ကြိုးချည်​ပြီး လယ်ထွန်​ခိုင်း​၍ ရ​မည်လော​။ သင့်​နောက်သို့​လိုက်​ပြီး ချိုင့်ဝှမ်းလွင်ပြင်​တွင် လယ်ထွန်​လိမ့်​မည်လော​။

ဟေ​ရှာ​ယ 1:24

ကောင်းကင်​ဗိုလ်ခြေ​အရှင်သခင်​ထာဝရဘုရား​၊ အစ္စရေး​လူမျိုး​တို့​၏​တန်ခိုးကြီး​သော​အရှင်​က “​ငါ့​ကို​ရန်ပြုသောသူ​တို့​ကို ငါ​ကျေနပ်​သည်​အထိ ငါ​ပြု​မည်​။ ငါ့​ရန်သူ​တို့​ကို ငါ​ကိုယ်တိုင် လက်တုံ့ပြန်​မည်​။

ယေ​ရ​မိ 15:6

တစ်ဖန် ထာဝရဘုရား​က “​သင်​သည် ငါ့​ကို ပစ်ပယ်​လေ​ပြီ​။ ငါ့​ကို ကျောခိုင်း​သွား​လေ​ပြီ​။ ထို့ကြောင့် ငါ​သည် လက်​ကို​ဆန့်​၍ သင့်​ကို ဖျက်ဆီး​မည်​။ သင့်​ကို သက်ညှာ​ရ​သည်​မှာ ငါ​ပင်ပန်း​လှ​ပြီ​။

ယေ​ရ​မိ 16:16

ထာဝရဘုရား​က ‘ကြည့်ရှု​လော့​။ ငါ​သည် တံငါသည်​အမြောက်အမြား​စေလွှတ်​၍ သူ​တို့​ကို​မျှား​စေ​မည်​။ မုဆိုး​အမြောက်အမြား​တို့​ကို​လည်း စေလွှတ်​၍ တောင်ကြီး​တောင်ငယ်​၊ ကျောက်ကြိုကျောက်ကြား​မှ သူ​တို့​ကို လိုက်လံဖမ်းဆီး​စေ​မည်​။

ယေ​ရ​မိ 21:4

အစ္စရေး​လူမျိုး​၏​ဘုရားသခင် ထာဝရဘုရား​က ‘ကြည့်ရှု​လော့​။ မြို့ရိုး​အပြင်ဘက်​၌​ဝိုင်း​ထား​သော ဘေဘီလုံ​ဘုရင်​နှင့် ခါလဒဲ​လူမျိုး​တို့​ကို တိုက်ခိုက်​ရန် သင်​တို့​ကိုင်စွဲ​ထား​သော​လက်နက်​များ​ကို သင်​တို့​ထံ​ပြန်လှည့်​စေ​မည်​။ ထို​လက်နက်​တို့​ကို မြို့​ထဲ၌ ငါ​စုသိမ်း​မည်​။

ယေ​ဇ​ကျေ​လ 16:37

သင့်​ကို​သာယာမှု​ပေး​သော သင့်​ချစ်သူ​များ​မှစ၍ သင်​မုန်းတီး​သော​သူ​များ​အားလုံး​ကို အရပ်ရပ်​မှ​စုရုံး​စေ​ပြီးလျှင် သင့်​ကို​ဆန့်ကျင်​စေ​မည်​။ သူ​တို့​အား သင်​၌ အဝတ်မပါ​အချည်းစည်း​ဖြစ်​နေ​သည်​ကို ငါ​ပြ​မည်​။ သင်​၌ အဝတ်မပါ​အချည်းစည်း​ဖြစ်​ခြင်း​ကို သူ​တို့​မြင်​ရ​လိမ့်မည်​။

ယေ​ဇ​ကျေ​လ 16:42

သို့မှ ငါ​အမျက်ပြေ​မည်​။ သံသယစိတ်​ကင်း​မည်​။ အမျက်​မ​ထွက်​တော့​သဖြင့် ငြိမ်းချမ်း​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 23:46

ဘုရားရှင်​ထာဝရဘုရား​က ‘သူ​တို့​ထံသို့ လူအလုံးအရင်း​ကို ချီလာ​စေ​ပြီး သူ​တို့​ကို ထိတ်လန့်​စေ​မည်​၊ လုယူဖျက်ဆီး​စေ​မည်​။

ယေ​ဇ​ကျေ​လ 23:9

ထို့ကြောင့် သူ​ချစ်​သော​သူ​တို့​လက်​သို့​၊ သူ​တပ်မက်​သော အဆီးရီးယား​လူ​တို့​လက်​သို့ သူ့​ကို​ငါ​အပ်​လိုက်​ပြီ​။

ယေ​ဇ​ကျေ​လ 5:13

‘သို့မှ ငါ့​အမျက်ပြေ​မည်​။ သူ​တို့​ကို အမျက်ဒဏ်​ခံ​စေ​ပြီးမှ ငါ့​စိတ်ချင်ရဲပြေ​မည်​။ ငါ့​အမျက်​ငြိမ်း​ပြီးမှ ငါ​ထာဝရဘုရား စိတ်အားကြီး​စွာ​ဖြင့် မိန့်ဆို​ခဲ့​ကြောင်း​ကို သူ​တို့​သိ​ရ​ကြ​လိမ့်မည်​။

ဟော​ရှေ 10:9

“အို အစ္စရေး​၊ သင်​သည် ဂိဗာ​မြို့​တွင်​နေစဉ်​ကာလ အပြစ်ပြု​ကြ​၏​။ အပြစ်ပြု​သူ​တို့​သည် ထို​အရပ်​၌ ဆက်​နေ​ကြ​၏​။ ဂိဗာ​မြို့​တွင် စစ်​ဖြစ်​စဉ်က သူ​တို့​ကို မ​နှိမ်နင်း​နိုင်​ခဲ့​ပေ​။

ဟော​ရှေ 4:19

လေ​သည် သူ​တို့​ကို အတောင်ပံ​များ​နှင့်​ရစ်ပတ်​လေ​ပြီ​။ သူ​တို့​ပူဇော်​သော​ယဇ်​များ​ကြောင့် အရှက်ကွဲ​ရ​ကြ​လိမ့်မည်​။

ဟော​ရှေ 4:9

လူမျိုး​တော်​ခံရ​သကဲ့သို့ ယဇ်ပုရောဟိတ်​လည်း ခံရ​မည်​။ သူ​တို့​လျှောက်​သော​လမ်း​အတိုင်း သူ​တို့​ကို ငါ​ဒဏ်ခတ်​မည်​။ သူ​တို့​၏​အပြုအမူ​အတိုင်း သူ​တို့​ကို ငါ​ပြန်​ပေးဆပ်​စေ​မည်​။

ဟော​ရှေ 8:1

တံပိုးမှုတ်​၍ သတိပေး​ကြ​လော့​။ သူ​တို့​သည် ငါ့​ပဋိညာဉ်​ကို ချိုးဖောက်​ပြီး ပညတ်တရား​ကို ပုန်ကန်​ကြ​သောကြောင့် ရန်သူ​သည် လင်းယုန်ငှက်​ကဲ့သို့ ထာဝရဘုရား​၏​အိမ်​တော်​ကို လာ​တိုက်ခိုက်​မည်​။

ဟော​ရှေ 8:10

သူ​တို့​သည် လူမျိုးခြား​တို့​ထံမှ ချစ်သူ​များ​ငှားရမ်း​သော်လည်း သူ​တို့​ကို ငါ​ပြန်လည်​စုစည်း​မည်​။ ဘုရင်​နှင့် အကြီးအကဲ​တို့ တင်​သော​ဝန်​ကို လေးလံ​စွာ​ထမ်း​ရ​သောကြောင့် သူ​တို့​သည် ယုတ်လျော့စပြု​လိမ့်မည်​။

မဿဲ 22:7

ထိုအခါ ဘုရင်​သည် အမျက်ထွက်​၍ သူ​၏​စစ်သား​များ​ကို​စေလွှတ်​ကာ ထို​လူသတ်သမား​တို့​ကို​ဖျက်ဆီး​စေ​ပြီး သူ​တို့​၏​မြို့​ကို​မီးရှို့​စေ​၏။

တ​ရား​ဟော 28:63

ထာဝရဘုရား​သည် သင့်​ကို​ကောင်းစား​စေ​၍ တိုးပွား​စေ​ရာ​၌ နှစ်သက်အားရ​တော်မူ​သကဲ့သို့ သင့်​ကို​ဖျက်ဆီး​၍ သုတ်သင်ပယ်ရှင်း​ပစ်​ရာ​၌​လည်း ထာဝရဘုရား ဝန်လေး​တော်မူ​မည်​မ​ဟုတ်​။ သင်​သည် သင်​ဝင်ရောက်​သိမ်းပိုက်​သည့်​ပြည်​ထဲ​မှ နုတ်ပယ်​ခြင်း​ခံရ​လိမ့်မည်​။