သူ​ကြီး 6:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ထို့နောက် ထာဝရဘုရား​၏​ကောင်းကင်တမန်​သည် ရောက်လာ​၍ ဩဖရ​မြို့​နေ အဗျေဇာ​အမျိုးသား ယောရှ​ပိုင်​သော​သပိတ်ပင်​အောက်​၌ ထိုင်​လေ​၏​။ ထို​အချိန်​၌ ယောရှ​၏​သား​ဂိဒေါင်​သည် မိဒျန်​လူမျိုး​တို့ မသိ​အောင် စပျစ်သီးနယ်ရာကျင်း​၌ ဂျုံ​များ​ကို ရိုက်ခြွေ​နေ​၏​။

Common Language Bible

¹¹ ထို​နောက်​ထာ​ဝ​ရ​ဘု​ရား​၏​ကောင်း​ကင်​တ​မန် သည်​သြ​ဖ​ရ​ရွာ​သို့​လာ​၍ အ​ဗျေ​ဇာ​သား​ချင်း စု​ဝင်​တစ်​ဦး​ဖြစ်​သူ၊ ယော​ရှ​၏​သ​ပိတ်​ပင် အောက်​၌​ထိုင်​လေ​သည်။ ယော​ရှ​၏​သား​ဂိ​ဒေါင် သည် မိ​မိ​အား​မိ​ဒျန်​အ​မျိုး​သား​တို့​မ​တွေ့ မ​မြင်​နိုင်​စေ​ရန် စ​ပျစ်​သီး​နယ်​ရာ​ကျင်း​တွင် ဂျုံ​စပါး​နယ်​လျက်​နေ​၏။-

Garrad Bible

¹¹ တစ် ဖန် ထာ ဝ ရ ဘု ရား၏ စေ တ မန် တော် ကြွ လာ၍၊ သြ ဖ ရ မြို့၊ အ ဗျေ ဇာ့ အ နွယ် သား ယော ရှ ပိုင် ညန် ပင် အောက် တွင် ထိုင် နေ ရာ၊ ယော ရှ သား ဂိ ဒေါင် သည် မိ ဒျန် လူ မျိုး မျက် ကွယ် ဖြစ် စေ ရန် ဖိ နင်း ရာ စ ပျစ် ကျင်း တွင် ဂျုံ စ ပါး ကို နယ် လျက် နေ၏။

Judson Bible

¹¹ တစ်​ဖန် ထာ​ဝ​ရ​ဘု​ရား၏​ကောင်း​ကင်​တ​မန်​သည် လာ၍၊ ဩ​ဖ​ရ​ရွာ​မှာ အ​ဗျေ​ဇာ​အ​မျိုး​သား​ယော​ရှ​ပိုင်​သော သ​ပိတ်​ပင်​အောက်၌ ထိုင်​လေ၏။ ယော​ရှ​သား​ဂိ​ဒေါင်​သည် မိ​မိ​စ​ပါး​ကို မိ​ဒျန်​လူ​တို့ မ​တွေ့​စေ​ခြင်း​ငှာ၊ စ​ပျစ်​သီး​နယ်​ရာ တန်​ဆာ​အ​နား​မှာ စ​ပါး​ကို​နယ်​လျက်​နေ၏။

သူ​ကြီး 6:11 Referencias Cruzadas

ကမ္ဘာ​ဦး 16:7

ထာဝရဘုရား​၏​ကောင်းကင်တမန်​သည် တောကန္တာရ​၌​ရှိ​သည့် စမ်းရေတွင်း​တည်းဟူသော ရှုရ​အရပ်​သို့​သွား​သော​လမ်း​၌​ရှိ​သည့် စမ်းရေတွင်း​နားမှာ ဟာဂရ​ကို​တွေ့​၍

ကမ္ဘာ​ဦး 48:16

ဘေးအန္တရာယ်​အပေါင်း​မှ ငါ့​ကို​ရွေးနုတ်​တော်မူ​သော ကောင်းကင်တမန်​သည် ဤ​သူငယ်​တို့​ကို​ကောင်းချီးပေး​တော်မူ​ပါစေသော​။ သူ​တို့​ကို ငါ​၏​အမည်​ဖြင့်​လည်းကောင်း​၊ ငါ့​ဘိုးဘ​အာဗြဟံ​နှင့်​ဣဇက်​တို့​၏​အမည်​ဖြင့်​လည်းကောင်း မှည့်ခေါ်​ပါစေသော​။ သူ​တို့​သည် မြေကြီး​ပေါ်၌ အလွန်​ပွားများ​ကြ​ပါစေသော​”​ဟု ဆို​လေ​၏​။

၃ ရာ 19:19

ဤသို့ဖြင့် ဧလိယ​သည် ထို​နေရာ​မှ​ထွက်သွား​၍ ရှာဖတ်​၏​သား ဧလိရှဲ​နှင့်​တွေ့​၏​။ လယ်ထွန်​လျက်​ရှိ​သော​နွား​တစ်ဆယ့်​နှစ်​ရှဉ်း​တွင် ဧလိရှဲ​သည် တစ်ဆယ့်​နှစ်​ရှဉ်း​မြောက်​၌ လယ်ထွန်​နေ​၏​။ ဧလိယ​သည် သူ့​နား​သို့​သွား​ပြီး မိမိ​ဝတ်လုံ​ကို သူ့​အပေါ် လွှားတင်​ပေး​လိုက်​လျှင်

ဟေ​ရှာ​ယ 63:9

သူ​တို့​ခံရ​သမျှ​သော​ဆင်းရဲဒုက္ခ​ကို ကိုယ်တော်​လည်း ခံ​တော်မူ​ခဲ့​၏​။ မျက်မှောက်​တော်​ရှိ ကောင်းကင်တမန်​သည် သူ​တို့​ကို ကယ်တင်​ခဲ့​၏​။ ကိုယ်တော်​သည် မေတ္တာ​ကရုဏာ​တော်​ဖြင့် သူ​တို့​ကို ရွေးနုတ်​တော်မူ​ခဲ့​၏​။ ရှေး​ကာလ​ပတ်လုံး သူ​တို့​ကို​ချီ​ဆောင်​တော်မူ​ခဲ့​၏​။

တော​လည် 26:30

ဂိလဒ်​၏​အမျိုးအနွယ်​များ​ကား ယေဇေရ​မှ​ဆင်းသက်​သော ယေဇေရ​မျိုးနွယ်စု​၊ ဟေလက်​မှ​ဆင်းသက်​သော ဟေလက်​မျိုးနွယ်စု​၊

ဟေ​ဗြဲ 11:32

ထို့ပြင် ထပ်၍ မည်သည့်​အကြောင်း​ကို ပြော​ရ​ဦး​မည်နည်း။ ဂိဒေါင်၊ ဗာရက်၊ ရှံဆုန်၊ ယေဖသ၊ ဒါဝိဒ်၊ ရှမွေလ​နှင့် ပရောဖက်​တို့​၏​အကြောင်း​များ​ကို​ပြော​လျှင် အချိန်​လောက်​မည်​မ​ဟုတ်။

ယော​ရှု 17:2

ကျန်ရှိ​သော မနာရှေ​၏​သားမြေး​များ​ဖြစ်​သည့် အဗျေဇာ​အမျိုး​၊ ဟေလက်​အမျိုး​၊ အသရေလ​အမျိုး​၊ ရှေခင်​အမျိုး​၊ ဟေဖာ​အမျိုး​၊ ရှမိဒ​အမျိုး တို့​သည် မျိုးနွယ်စု​အလိုက် အမွေမြေ​ရ​ကြ​၏​။ ဤ​သူ​တို့​သည် ယောသပ်​သား မနာရှေ​မှ​ဆင်းသက်​လာ​သော မျိုးနွယ်စု​အလိုက် သား​ယောက်ျား​များ ဖြစ်​၏​။

ယော​ရှု 18:23

အာဝိမ်​မြို့​၊ ပါရ​မြို့​၊ ဩဖရ​မြို့​၊

သူ​ကြီး 13:3

ထာဝရဘုရား​၏​ကောင်းကင်တမန်​က ထို​အမျိုးသမီး​အား ကိုယ်ထင်ရှားပြ​လျက် “​သင်​သည် မြုံ​သောကြောင့် သားသမီး မ​ရ​ခဲ့​သော်လည်း ယခု ကိုယ်ဝန်ဆောင်​၍ သား​ယောက်ျား​ကို မွေးဖွား​မည်​။

သူ​ကြီး 13:6

ထို​အမျိုးသမီး​က​လည်း မိမိ​ခင်ပွန်း​ထံ​သွား​၍ “​ဘုရားသခင်​၏​လူ​တစ်ဦး အကျွန်ုပ်​ထံ ရောက်လာ​၏​။ သူ​သည် ဘုရားသခင်​၏​ကောင်းကင်တမန်​အဆင်း​ကဲ့သို့ အဆင်းသဏ္ဌာန်​ရှိ​၍ ကြောက်ရွံ့ရိုသေဖွယ်​ကောင်း​လှ​၏​။ သူ​အဘယ်က​လာ​သည်​ကို မ​မေး​မိ​။ သူ့​အမည်​ကို​လည်း သူ​မ​ပြော​။

သူ​ကြီး 5:23

ထာဝရဘုရား​၏​ကောင်းကင်တမန်​က ‘​မေရောဇ​မြို့​ကို​ကျိန်ဆဲ​လော့​။ ထို​မြို့​၌​နေထိုင်​သော​သူ​တို့​ကို ကျိန်စာတိုက်​လော့​။ အကြောင်းမူကား သူ​တို့​သည် ထာဝရဘုရား​ဘက် လာ​မ​ကူ​ကြ​။ သူရဲကောင်း​တို့​နှင့်​တိုက်ခိုက်​သော​ထာဝရဘုရား​ဘက် လာ​မ​ကူ​ကြ​’​ဟု ဆို​၏​။

သူ​ကြီး 6:12

ထိုအခါ ထာဝရဘုရား​၏​ကောင်းကင်တမန်​က ကိုယ်ထင်ရှားပြ​၍ သူ့​အား “​ရဲစွမ်းသတ္တိ​ရှိ​သော​စစ်သူရဲ​၊ ထာဝရဘုရား​သည် သင်​နှင့်အတူ ရှိ​တော်မူ​၏​”​ဟု ဆို​၏​။

သူ​ကြီး 8:2

ဂိဒေါင်​က​လည်း “​ငါ​ပြု​သော​အမှု​သည် သင်​တို့​ပြု​သော​အမှု​နှင့် အဘယ်သို့​နှိုင်းယှဉ်​နိုင်​မည်နည်း​။ အဗျေဇာ​အမျိုးသား​စပျစ်သီး​စုသိမ်း​ခြင်း​ထက် ဧဖရိမ်​အမျိုးသား​ကောက်သင်းကောက်​ခြင်း​က သာ၍​ကောင်း​သည်​မ​ဟုတ်​လော​။

သူ​ကြီး 9:5

အဘိမလက်​သည် ဖခင်​၏​အိမ်​ရှိ​ရာ ဩဖရ​မြို့​သို့​သွား​ပြီး ယေရုဗ္ဗာလ​၏​သား မိမိ​ညီအစ်ကို အယောက်​ခုနစ်ဆယ်​တို့​ကို ကျောက်ဖျာ​တစ်ခုတည်း​ပေါ်တွင် သတ်​လေ​၏​။ ယေရုဗ္ဗာလ​၏​သား​ထွေး ယောသံ​သည် ပုန်း​နေ​သောကြောင့် အသက်ရှင်​ကျန်ရစ်​ခဲ့​၏​။