သူ​ကြီး 3:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ တိုင်းပြည်​လည်း အနှစ်​လေးဆယ်​ပတ်လုံး ငြိမ်းချမ်း​လေ​၏​။ ထို့နောက်မှ ကေနတ်​၏​သား ဩသံယေလ သေဆုံး​၏​။

Common Language Bible

¹¹ တိုင်း​ပြည်​သည်​အ​နှစ်​လေး​ဆယ်​ပတ်​လုံး ငြိမ်း​ချမ်း​သာ​ယာ​လျက်​ရှိ​၏။ ထို​နောက် သြ​သံ​ယေ​လ​ကွယ်​လွန်​လေ​သည်။

Garrad Bible

¹¹ အ နှစ် လေး ဆယ် တိုင် တိုင် တစ် ပြည် လုံး ငြိမ်း ချမ်း၍ ကေ နတ် အ မျိုး သြ သံ ယေ လ ကွယ် လွန် လေ ၏။

Judson Bible

¹¹ အ​နှစ်​လေး​ဆယ်​တိုင်​တိုင် တစ်​ပြည်​လုံး​ငြိမ်း​ပြီး​မှ၊ ကေ​နတ်၏​သား ဩ​သံ​ယေ​လ​သည် သေ​လေ၏။

သူ​ကြီး 3:11 Referencias Cruzadas

၁ ရာ​ချုပ် 4:13

ကေနတ်​၏​သား​များ​မှာ ဩသံယေလ​နှင့် စရာယ တို့​ဖြစ်​ကြ​၏​။ ဩသံယေလ​၏​သား​များ​မှာ ဟာသတ်​နှင့် မောနောသဲ တို့​ဖြစ်​ကြ​၏​။

နေ​ဟ​မိ 9:28

သူ​တို့​သည် အေးအေးချမ်းချမ်း​နေ​ရ​သောအခါ ကိုယ်တော်​ရှေ့​တော်​တွင် မကောင်းမှု​ကို​ပြု​ကြ​ပြန်​သဖြင့် သူ​တို့​ကို အုပ်ချုပ်​မည့်​ရန်သူ​တို့​လက်​သို့ အပ်လိုက်​တော်မူ​၏​။ သူ​တို့​သည် ပြန်လာ​၍ ကိုယ်တော့်​ထံ အော်ဟစ်​သောအခါ ကိုယ်တော်​သည် ကောင်းကင်​မှ နားညောင်း​တော်မူ​၏​။ ကိုယ်တော်​၏ ကရုဏာ​တော်​နှင့်အညီ သူ​တို့​ကို​အကြိမ်ကြိမ်​ကယ်နုတ်​တော်မူ​ခဲ့​၏​။

ဧ​သ​တာ 9:22

ထို​နေ့ရက်​များ​သည် ရန်သူ​တို့​လက်​မှ ဂျူး​လူမျိုး​တို့ လွတ်မြောက်​သော​နေ့​ဖြစ်​၏​။ ထို​လ​သည် ဝမ်းနည်း​ရာ​မှ ဝမ်းမြောက်​ရ​သော​လ​၊ ငိုကြွေးမြည်တမ်း​ရာ​မှ ပျော်ပွဲ​ကျင်းပ​ရ​သော​လ ဖြစ်​၏​။ ထို့ကြောင့် ထို​နေ့​တို့​၌ စားသောက်ပွဲ​ကို ပျော်ရွှင်​စွာ​ကျင်းပ​ရ​မည်​။ အိမ်နီးချင်း​တစ်ဦး​ကို​တစ်ဦး စားသောက်ဖွယ်​ရာ​များ​ကို ပေးကမ်း​ဝေငှ​ရ​မည်​။ နွမ်းပါး​သူ​တို့​ကို ပေးကမ်း​စွန့်ကြဲ​ရ​မည်​ဟု ပါရှိ​၏​။

ယော​ရှု 11:23

မောရှေ​အား ထာဝရဘုရား​မိန့်မှာ​ခဲ့​သည့်​အတိုင်း ယောရှု​သည် ပြည်​တစ်ပြည်လုံး​ကို သိမ်းယူ​၍ အစ္စရေး​လူမျိုး​တို့​အား မျိုးနွယ်​အလိုက် အမွေမြေ​အဖြစ် ခွဲဝေ​ပေး​လေ​၏​။ ထို့နောက်တွင် တစ်ပြည်လုံး စစ်​ငြိမ်း​လေ​၏​။

ယော​ရှု 15:17

ကာလက်​၏​ညီ ကေနတ်​၏​သား ဩသံယေလ​က ထို​မြို့​ကို​သိမ်းပိုက်​နိုင်​သဖြင့် ကာလက်​သည် ဩသံယေလ​အား သမီး​အာခသ​နှင့် ပေးစား​လေ​၏​။

သူ​ကြီး 3:10

ထာဝရဘုရား​၏​ဝိညာဉ်​တော်​သည် ဩသံယေလ​အပေါ် သက်ရောက်​တော်မူ​သဖြင့် သူ​သည် အစ္စရေး​လူမျိုး​တို့​ကို စီရင်အုပ်ချုပ်​ရ​၏​။ စစ်ချီ​သောအခါ မက်ဆိုပိုတေးမီးယား​ဘုရင် ခုရှံရိရှသိမ်​မင်းကြီး​ကို သူ့​လက်​သို့ ထာဝရဘုရား​အပ်​တော်မူ​သဖြင့် သူ​သည် ခုရှံရိရှသိမ်​မင်းကြီး​ကို နိုင်​လေ​၏​။

သူ​ကြီး 3:12

တစ်ဖန် အစ္စရေး​အမျိုးသား​တို့​သည် ထာဝရဘုရား​ရှေ့​တော်​တွင် မကောင်းမှု​ကို ပြု​ကြ​ပြန်​၏​။ ထိုသို့ ထာဝရဘုရား​ရှေ့​တော်​တွင် မကောင်းမှု​ကို ပြု​သောကြောင့် ထာဝရဘုရား​သည် မောဘ​ဘုရင်​ဧဂလုန်​မင်းကြီး​ကို အစ္စရေး​လူမျိုး​တို့​ထက် အားကြီး​စေ​တော်မူ​၏​။

သူ​ကြီး 3:30

ထို​နေ့​တွင် မောဘ​လူမျိုး​တို့​သည် အစ္စရေး​လူမျိုး​တို့​ကို ရှုံးနိမ့်​သွား​ပြီး ပြည်​သည် အနှစ်​ရှစ်ဆယ် ငြိမ်းချမ်း​လေ​၏​။

သူ​ကြီး 3:9

သို့သော် အစ္စရေး​အမျိုးသား​တို့ ထာဝရဘုရား​ထံ အော်ဟစ်​သောအခါ ထာဝရဘုရား​သည် သူ​တို့​ကို ကယ်တင်​မည့်​ကယ်တင်ရှင်​တစ်ဦး​ကို အစ္စရေး​လူမျိုး​ထဲမှ ပေါ်ထွန်း​စေ​တော်မူ​၏​။ ထို​သူ​ကား ကာလက်​၏​တူ​၊ ကေနတ်​၏​သား ဩသံယေလ​ပေတည်း​။

သူ​ကြီး 5:31

အို ထာဝရဘုရား​၊ ကိုယ်တော်​၏​ရန်သူ​အလုံးစုံ ပျက်စီး​ကြ​ပါစေ​။ ကိုယ်တော့်​ကို​ချစ်​သော​သူ​တို့​မူကား အရှိန်အဝါ​နှင့်​ထွက်လာ​သော​နေမင်း​ကဲ့သို့​ဖြစ်​ပါစေ​”​ဟူ၍ သီဆို​ကြ​၏​။ ထို့နောက်တွင် တိုင်းပြည်​သည် အနှစ်​လေးဆယ်​ပတ်လုံး​ငြိမ်းချမ်း​လေ​၏​။

သူ​ကြီး 8:28

ဤသို့ဖြင့် မိဒျန်​လူမျိုး​တို့​သည် အစ္စရေး​အမျိုးသား​တို့​ကို ရှုံးနိမ့်​ကြ​ပြီး နောက်တစ်ဖန် ခေါင်း​မ​ထောင်​ကြ​တော့​ချေ​။ ထို​အချိန်​မှစ၍ ဂိဒေါင်​အသက်ရှင်​စဉ် အနှစ်​လေးဆယ်​ပတ်လုံး တိုင်းပြည်​ငြိမ်းချမ်း​လေ​၏​။