သုတ္တံကျမ်း။ 26:24 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁴ အမုန်းထား​သော​သူ​သည် မိမိ​၏​နှုတ်​ဖြင့် ဟန်ဆောင်​ပြောဆို​သော်လည်း သူ​၏​စိတ်နှလုံး​ထဲ၌ လိမ်လည်လှည့်ဖြား​သော​သဘော​ကို ဆောင်​ထား​တတ်​၏​။

Common Language Bible

²⁴ အငြိုးထားသောသူသည် နှုတ်ဖြင့်လျှို့ဝှက်၍၊ ကိုယ်ထဲမှာလှည့်စားသော သဘောကို ဝှက်ထားတတ်၏။

Garrad Bible

²⁴ မုန်း ထား သော သူ သည်၊ နှုတ် ဖြင့် ဟန် ဆောင်၍၊ လှည့် စား တတ် သော သ ဘော ကို သွင်း ထား တတ်၏။

Judson Bible

²⁴ အ​ငြိုး​ထား​သော​သူ​သည် နှုတ်​ဖြင့်​လျှို့​ဝှက်၍၊ ကိုယ်​ထဲ​မှာ လှည့်​စား​သော​သ​ဘော​ကို ဝှက်​ထား​တတ်၏။

သုတ္တံကျမ်း။ 26:24 Referencias Cruzadas

ကမ္ဘာ​ဦး 34:13

သို့သော် ယာကုပ်​၏​သား​တို့​သည် သူ​တို့​၏​နှမ​ဒိန​ကို ညစ်ညူး​အောင် ရှေခင်​ပြု​ခဲ့​သောကြောင့် ရှေခင်​နှင့်​သူ​၏​ဖခင်​ဟာမော်​အား တစ်ဖက်လှည့်​ဖြင့် ပြန်ပြော​ကြ​၏​။

၂ ရာ 13:26

အဗရှလုံ​က​လည်း “​ထိုသို့​ဖြစ်​လျှင် အကျွန်ုပ်​၏​အစ်ကို အာမနုန်​ကို အကျွန်ုပ်​တို့​နှင့်အတူ သွားခွင့်​ပေး​ပါ​”​ဟု ဆို​လျှင် ရှင်ဘုရင်​က “​အဘယ်ကြောင့် သူ့​ကို သွား​စေ​လို​သနည်း​”​ဟု မေး​၏​။

၂ ရာ 13:27

သို့သော် အဗရှလုံ​က မရမက​တောင်းဆို​သဖြင့် ရှင်ဘုရင်​သည် အာမနုန်​နှင့်တကွ ရှင်ဘုရင်​၏​သား​တော်​အားလုံး​ကို​သွား​စေ​လေ​၏​။

၂ ရာ 20:9

ယွာဘ​က အာမသ​အား “​ငါ့​ညီ​၊ အဆင်ပြေ​ပါ​၏​လော​”​ဟု ဆို​၏​။ ထို့နောက် ယွာဘ​သည် အာမသ​၏​မုတ်ဆိတ်​ကို ညာ​လက်​ဖြင့် ဆွဲကိုင်​ပြီး နမ်း​မည်​ပြု​၏​။

နေ​ဟ​မိ 6:2

ထိုအခါ သမ္ဘာလတ်​နှင့် ဂေရှင်​က “​လာ​ပါ ဩနော​လွင်ပြင်​၊ ခေဖိရိမ်​ရွာ​တွင် ဆုံ​ကြ​ပါစို့​”​ဟု ငါ့​ထံ သတင်းပို့​လာ​၏​။ စင်စစ် သူ​တို့​သည် ငါ့​ကို လုပ်ကြံ​ရန် ကြံစည်​ကြ​ခြင်း​သာ ဖြစ်​၏​။

ဆာ​လံ 12:3

ထာဝရဘုရား​သည် မြှောက်ပင့်​တတ်​သော​နှုတ်ခမ်း​နှင့် ဝါကြွား​ပြောဆို​တတ်​သော​လျှာ​ရှိသမျှ​တို့​ကို ဖယ်ရှား​တော်မူ​ပါစေ​။

ဆာ​လံ 28:3

မိမိ​တို့​၏​အိမ်နီးချင်း​များ​အား ငြိမ်းချမ်း​စွာ​ပြောဆို​တတ်​သော်လည်း မိမိ​တို့​စိတ်နှလုံး​၌ မကောင်းမှု​များ​ရှိ​ကြ​သည့် ဆိုးယုတ်​သော​သူ​များ​၊ အပြစ်ဒုစရိုက်​ပြု​သော​သူ​များ​နှင့်အတူ အကျွန်ုပ်​ကို​ဆွဲခေါ်​သွား​တော်​မ​မူ​ပါ​နှင့်​။

ဆာ​လံ 41:6

ငါ့​ကို​လာ​ကြည့်​သော​သူ​သည်​လည်း မဟုတ်မမှန်​ပြောဆို​၏​။ သူ​၏​စိတ်နှလုံး​တွင် ယုတ်ညံ့​သော​အရာ​ကို စုဆောင်း​လျက် အပြင်​သို့​ထွက်သွား​သောအခါ ထို​အရာ​ကို​ပြောဆို​၏​။

သုတ္တံကျမ်း။ 10:18

မုန်းတီး​ခြင်း​ကို​ဖုံးကွယ်​ထား​သော​သူ​၌ မုသား​နှုတ်ခမ်း​ရှိ​၏​။ အသရေပျက်​စေ​သော​စကား​ကို ဖြန့်​သူ​သည် မိုက်မဲ​သော​သူ​ဖြစ်​၏​။

သုတ္တံကျမ်း။ 11:1

မမှန်ကန်​သော​ချိန်ခွင်​ကို ထာဝရဘုရား​စက်ဆုပ်ရွံရှာ​တော်မူ​၏​။ မှန်​သော​အလေး​ကို​ကား ကိုယ်တော်​နှစ်သက်​တော်မူ​၏​။

သုတ္တံကျမ်း။ 12:17

ဖြောင့်မတ်​စွာ​ပြောဆို​သော​သူ​သည် သစ္စာစကား​ကို​ထွက်ဆို​တတ်​၏​။ မုသား​သက်သေ​မူကား လိမ်လည်လှည့်ဖြား​သော​စကား​ကို​ထွက်ဆို​တတ်​၏​။

သုတ္တံကျမ်း။ 12:20

မကောင်းမှု​ကို တွေးတော​ကြံစည်​သော​သူ​တို့​၏ စိတ်နှလုံး​ထဲ၌ လိမ်လည်လှည့်ဖြား​ခြင်း​ရှိ​၏​။ ငြိမ်းချမ်းရေး​အတွက် အားပေး​လှုံ့ဆော်​သော​သူ​တို့​၌​ကား ဝမ်းမြောက်​ခြင်း​ရှိ​၏​။

သုတ္တံကျမ်း။ 12:5

ဖြောင့်မတ်​သော​သူ​တို့​၏​အကြံအစည်​တို့​သည် တရားမျှတ​၏​။ ဆိုးယုတ်​သော​သူ​တို့​၏​လမ်းညွှန်​မှု​တို့​သည် လိမ်လည်လှည့်ဖြား​ခြင်း​ဖြစ်​၏​။

သုတ္တံကျမ်း။ 14:8

ဆင်ခြင်ဉာဏ်​ရှိ​သော​သူ​၏​ဉာဏ်ပညာ​မှာ မိမိ​လမ်း​ကို​သိရှိနားလည်​ခြင်း​ဖြစ်​၏​။ မိုက်မဲ​သော​သူ​တို့​၏​မိုက်မဲ​ခြင်း​မူကား လိမ်လည်လှည့်ဖြား​ခြင်း​ဖြစ်​၏​။

သုတ္တံကျမ်း။ 23:7

အကြောင်းမူကား သူ​သည် မိမိ​စိတ်​ထဲ၌ တွက်ချက်​တတ်​သော​သူ​မျိုး​ဖြစ်​၏​။ သူ​သည် သင့်​အား “​စား​လော့​။ သောက်​လော့​”​ဟု ဆို​သော်လည်း သင့်​အပေါ် စေတနာ​စိတ်​မ​ရှိ​။

ယေ​ရ​မိ 9:4

“​လူ​တိုင်း မိမိ​၏​အိမ်နီးချင်း​ကို သတိပြု​ကြ​လော့​။ မည်သည့်​ညီအစ်ကို​ကို​မျှ မ​ယုံ​ကြ​နှင့်​။ အကြောင်းမူကား ညီအစ်ကို​အားလုံး လူလိမ်​သက်သက်​သာ​ဖြစ်​ကြ​၏​။ အိမ်နီးချင်း​အားလုံး​သည်​လည်း အတင်းအဖျင်း​လိုက်ပြော​သော​သူ​များ​သာ​ဖြစ်​ကြ​၏​။

၁ ရာ 18:17

ထို့ကြောင့် ရှောလု​မင်းကြီး​က ဒါဝိဒ်​အား “​ကြည့်​လော့​။ ငါ့​သမီး​အကြီး​မေရပ်​ကို သင်​နှင့်​ပေးစား​မည်​။ ငါ​၏​စစ်သူရဲ​အဖြစ်​နေ​၍ ထာဝရဘုရား​အဖို့ တိုက်ပွဲ​ဝင်​ပါ​လော့​”​ဟု ဆို​၏​။ အကယ်စင်စစ် ရှောလု​မင်းကြီး​က “​ငါ့​လက်ချက်​နှင့် သူ​မ​သေ​။ ဖိလိတ္တိ​လူမျိုး​တို့​လက်ချက်​ဖြင့် သေ​ပါစေ​”​ဟု ကြံစည်​ခြင်း​ဖြစ်​၏​။