ရု​သ 4:15 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁵ သင့်​ကို ချစ်​၍ သင့်​အဖို့ သား​ခုနစ်​ယောက်​ထက်​သာ၍​ကောင်း​သော သင့်​ချွေးမ​သည် ထို​သူငယ်​ကို မွေးဖွား​လေ​ပြီ​။ ထို​သူငယ်​သည် သင့်​စိတ်​ကို​ပြန်လည်​လန်းဆန်း​စေ​သူ​၊ သင်​အိုမင်းရင့်ရော်​သောအခါ သင့်​ကို ကြည့်ရှုစောင့်ရှောက်​သူ ဖြစ်​ပါစေ​”​ဟု ဆို​ကြ​၏​။

Common Language Bible

¹⁵ သင်​၏​ချွေး​မ​သည်​သင့်​ကို​ချစ်​သ​ဖြင့် သား ယောကျာ်း​ခု​နစ်​ယောက်​ထက်​ပင်​သင့်​အား​ပို ၍​ပြု​စု​ခဲ့​သူ​ဖြစ်​ပေ​သည်။ ယ​ခု​သူ​သည် မြေး​ယောကျာ်း​က​လေး​ကို မွေး​ဖွား​ပေး​လေ ပြီ။ ထို​သူ​ငယ်​သည်​သင့်​အား​ဘ​ဝ​သစ်​ကို ပေး​၍ သင်​အို​မင်း​မ​စွမ်း​ရှိ​ချိန်​၌​လုံ​ခြုံ မှု​ကို​ပေး​မည့်​သူ​ဖြစ်​ပါ​၏'' ဟု​ပြော​ဆို ကြ​၏။-

Garrad Bible

¹⁵ သင့် ကို ချစ် မြတ် နိုး သ ဖြင့် သား ခု နစ် ယောက် ထက် မြတ် သော ချွေး မ သည် သူ ငယ် ကို ဖွား မြင် သော ကြောင့် ထို သူ ငယ် သည် အ သက် ကို အား ဖြည့် သူ၊ အို မင်း သော အ ခါ ကျွေး မွေး သူ၊ သင်၌ ဖြစ် လိမ့် မည် ဟု ဆို ကြ ၏။

Judson Bible

¹⁵ သူ​သည်​သင်၏​အ​သက်​ကို ပြု​ပြင်​သော​သူ၊ သင်​အ​သက်​ကြီး​သော​အ​ခါ သင့်​ကို​ကောင်း​မွန်​စွာ ပြု​စု​သော​သူ ဖြစ်​ပါ​စေ​သော။ သင့်​ကို​ချစ်၍ သား​ခု​နစ်​ယောက်​ထက် သင့်​အ​ဖို့​သာ၍​ကောင်း​သော သင်၏​ချွေး​မ​သည် သား​ယောက်ျား​ကို ဖွား​မြင်​ပြီ​ဟု ပြော​ဆို​ကြ၏။

ရု​သ 4:15 Referencias Cruzadas

ကမ္ဘာ​ဦး 45:11

ထို​အရပ်​၌ အဖေ့​ကို အကျွန်ုပ်​ကျွေးမွေးပြုစု​ပါ​မည်​။ သို့မဟုတ်လျှင် အဖေ​မှစ၍ အဖေ​၏​အိမ်သူအိမ်သား​များ​နှင့်​အဖေ​ပိုင်ဆိုင်​သော​အရာ​ရှိသမျှ​တို့​သည် ပျက်စီးဆုံးရှုံး​ကြ​ရ​လိမ့်မည်​။ အကြောင်းမူကား ငတ်မွတ်ခေါင်းပါး​သော​နှစ် ငါး​နှစ်​ရှိ​သေး​၏​’​ဟူ၍ မှာလိုက်​ကြောင်း ပြော​ကြ​လော့​။

ကမ္ဘာ​ဦး 47:12

ထို့ပြင် ယောသပ်​သည် မိမိ​ဖခင်​၊ မိမိ​ညီအစ်ကို​တို့​မှစ၍ ဖခင်​၏​အိမ်သူအိမ်သား​အားလုံး​တို့​၌​ရှိ​သော ကလေး​အရေအတွက်​အလိုက် အစားအစာ​ထောက်ပံ့​၏​။

ဆာ​လံ 55:22

သင်​၏​ဝန်ထုပ်ဝန်ပိုး​ကို ထာဝရဘုရား​ထံ၌ ချထား​လော့​။ သို့ပြုလျှင် ကိုယ်တော်​သည် သင့်​ကို​ထောက်မ​တော်မူ​လိမ့်မည်​။ ကိုယ်တော်​သည် ဖြောင့်မတ်​သော​သူ​ကို မည်သည့်​အခါ​မျှ တုန်လှုပ်​စေ​တော်မူ​မည်​မ​ဟုတ်​။

သုတ္တံကျမ်း။ 18:24

အပေါင်းအသင်း​များ​သော​သူ​သည် ပျက်စီး​တတ်​၏​။ သို့ရာတွင် ညီအစ်ကို​ထက် ပို၍​ခင်တွယ်​တတ်​သော​မိတ်ဆွေ​လည်း ရှိ​၏​။

ဟေ​ရှာ​ယ 46:4

ငါ​သည် သင်​တို့​အိုမင်း​သည့်​တိုင်အောင် ထိုသို့​ပြု​ပေး​မည့်​အရှင်​ဖြစ်​၏​။ သင်​တို့​ဆံပင်ဖြူ​သည့်​တိုင်အောင် သင်​တို့​ကို ချီပိုး​ထား​မည်​။ သင်​တို့​ကို ငါ​ဖန်ဆင်း​ခဲ့​ပြီ​။ သင်​တို့​ကို ငါ​ချီမ​ထား​မည်​။ ငါ​သည် သင်​တို့​ကို ထမ်းထား​မည်​။ ကယ်မ​မည်​။

ရု​သ 4:16

နောမိ​သည် သူငယ်​ကို ရင်ခွင်ပိုက်​ကြည့်ရှု​စောင့်ရှောက်​လေ​၏​။

၁ ရာ 1:8

သူ​၏​ခင်ပွန်း​ဧလကာန​က​လည်း “​ဟန္န​၊ အဘယ်ကြောင့် ငိုကြွေး​နေ​သနည်း​။ အဘယ်ကြောင့် မ​စား​မ​သောက်​ဘဲ​နေ​သနည်း​။ အဘယ်ကြောင့် စိတ်ဆင်းရဲ​နေ​သနည်း​။ ငါ​သည် သင့်​အပေါ် သား​ဆယ်​ယောက်​ထက် ပို၍​ကောင်း​သည်​မ​ဟုတ်​လော​”​ဟု သူ့​အား ဆို​၏​။

၁ ရာ 2:5

ကြွယ်ဝ​သော​သူ​တို့​သည် စားသောက်​ရ​ဖို့ သူရင်းငှား လုပ်​ရ​လေ​ပြီ​။ ဆာလောင်မွတ်သိပ်​သော​သူ​တို့​မူကား ဝလင်​ကြ​ပြီ​။ မြုံ​သော​မိန်းမ​သည် ခုနစ်​ကြိမ်​တိုင်အောင် သားဖွား​ခွင့်​ရ​ပြီ​။ သား​များစွာ​ဖွား​ခဲ့​သော​မိန်းမ​မူကား အားယုတ်​လေ​ပြီ​။