ယေ​ဇ​ကျေ​လ 22:4 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁴ လူ့​အသက်​ကို​သတ်​သောကြောင့် သင့်​အပေါ် အပြစ်​သက်ရောက်​ပြီ​။ သင်​ထုလုပ်​သော​ရုပ်တု​များ​အားဖြင့် သင်​ညစ်ညူး​လေ​ပြီ​။ သင်​အပြစ်ဒဏ်​ခံရ​မည့်​နေ့ရက်​ကို သင်​နီး​စေ​လေ​ပြီ​။ သင်​၏​နှစ်ကာလ ကုန်ဆုံး​တော့​မည်​။ ထို့ကြောင့် ငါ​သည် သင့်​ကို အတိုင်းတိုင်း​အပြည်ပြည်​တွင် လူမျိုးတကာ​တို့ ကဲ့ရဲ့​ပြောင်လှောင်စရာ​ဖြစ်​စေ​ပြီ​။

Common Language Bible

⁴ သင်​သည်​ထို​လူ​သတ်​မှု​များ​အ​တွက်​အ​ပြစ် ရှိ​သည့်​ပြင် မိ​မိ​ပြု​လုပ်​သည့်​ရုပ်​တု​များ​အား ဖြင့် မိ​မိ​ကိုယ်​ကို​ညစ်​ညမ်း​စေ​သည်​ဖြစ်​၍​သင် ၏​နေ့​ရက်​ကာ​လ​သည်​ကျ​ရောက်​လာ​လေ​ပြီ။ သင်​၏​နှစ်​များ​ကုန်​ဆုံး​ချိန်​စေ့​ပြီ။ သို့​ဖြစ်​၍ ငါ​သည်​သင့်​အား​လူ​မျိုး​တ​ကာ​တို့​ပြက် ရယ်​ပြု​စ​ရာ၊ အ​တိုင်း​တိုင်း​အ​ပြည်​ပြည် ၏​ပြောင်​လှောင်​စ​ရာ​ဖြစ်​စေ​တော်​မူ​ပြီ။-

Garrad Bible

^4-5 သင် သည် သွန်း ခဲ့ သော အ သွေး ကြောင့် ပြစ် ဒဏ် ခံ ထိုက် လျက်၊ ထု လုပ် သော ရုပ် တု များ ကြောင့် မ သန့် ရာ ရောက် လျက်၊ ရက် တာ ရောက် လု စေ ပြီ။ နှစ် တာ ကုန် ခန်း စေ ပြီ တ ကား၊ သို့ ဖြစ်၍၊ အ သ ရေ ပျက် လျက် သောင်း ကျန်း တတ် သော အို မြို့ တော်၊ ငါ သည် လူ အ မျိုး မျိုး တွင် ကဲ့ ရဲ့ ရာ၊ အ ပြည် ပြည် တွင် ပြောင် လှောင် ရာ၊ သင့် ကို ဖြစ် စေ သည့် အ တိုင်း၊ နီး စပ် သူ၊ ဝေး ကွာ သူ တို့ သည် ပြောင် လှောင် ကြ လ တ္တံ့။

Judson Bible

⁴ သင်​သည် လူ​အ​သက်​ကို သတ်​သော​အား​ဖြင့် အ​ပြစ်​ရောက်၏။ လုပ်​သော​ရုပ်​တု​အား​ဖြင့် ညစ်​ညူး​ခြင်း​ရှိ၏။ သင်၏ နေ့​ရက်​ကာ​လ​အ​ချိန်​ကို ကိုယ်​တိုင်​ရောက်​စေ​ပြီ။ ထို​ကြောင့်၊ ငါ​သည် သင့်​ကို အ​တိုင်း​တိုင်း​အ​ပြည်​ပြည်​တို့​တွင် ကဲ့​ရဲ့​ရာ၊ ပျက်​ချော်​ရာ​ဖြစ်​စေ​မည်။

ယေ​ဇ​ကျေ​လ 22:4 Referencias Cruzadas

၃ ရာ 9:7

အစ္စရေး​လူမျိုး​တို့​ကို ငါ​ပေး​ထား​သော​ပြည်​ပေါ်​မှ ငါ​ဖယ်ရှား​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပစ်​မည်​။ အစ္စရေး​လူမျိုး​တို့​သည် လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​ရ​လိမ့်မည်​။

၄ ရာ 21:16

မနာရှေ​မင်းကြီး​သည် ယုဒ​လူမျိုး​တို့​အား ထာဝရဘုရား​ရှေ့မှောက်​တွင် မကောင်းမှု​ကို​ပြု​၍​ပြစ်မှား​ရာ​ရောက်​စေ​ခဲ့​၏​။ ဂျေရုဆလင်​မြို့​တစ်ဖက်စွန်း​မှ အခြား​တစ်ဖက်စွန်း​အထိ အပြစ်ကင်း​သော​သူ​တို့​၏​အသက်​ကို​သတ်​သော​အပြစ်​များ​နှင့် များပြား​ပြည့်လျှံ​စေ​ခဲ့​၏​။

၂ ရာ​ချုပ် 7:20

သူ​တို့​ကို ငါ​ပေး​ထား​သော​ပြည်​မှ ဖယ်ထုတ်​ပစ်​မည်​။ ငါ့​နာမ​အဖို့ ငါ​သန့်ရှင်း​စေ​သော​ဤ​အိမ်​တော်​ကို​လည်း ငါ့​ရှေ့မှောက်​မှ ဖယ်ရှား​ပြီး လူမျိုး​တကာ​တို့​အလယ်​တွင် ပုံခိုင်းစရာ​၊ ပြောင်လှောင်စရာ ဖြစ်​စေ​မည်​။

ဆာ​လံ 79:4

အကျွန်ုပ်​တို့​သည် အကျွန်ုပ်​တို့​၏ အိမ်နီးချင်း​များ ကဲ့ရဲ့ပြစ်တင်စရာ​၊ အကျွန်ုပ်​တို့​၏​ပတ်လည်​၌​ရှိ​သော​သူ​များ အထင်အမြင်သေးစရာ​၊ ပြက်ရယ်ပြုစရာ​ဖြစ်​ကြ​ပါ​ပြီ​။

ယေ​ရ​မိ 18:16

သူ​တို့​ပြည်​ကို လူသူကင်းမဲ့​ရာ​၊ အစဉ်​ကဲ့ရဲ့ပြစ်တင်စရာ ဖြစ်​စေ​သဖြင့် ထို​ပြည်​နား ဖြတ်သန်းသွားလာ​သူ​တိုင်း အံ့ဩ​လျက် ခေါင်း​ကို​ခါယမ်း​ကြ​လိမ့်မည်​။

ယေ​ရ​မိ 24:9

မြေကြီး​ပေါ်ရှိ​တိုင်းနိုင်ငံ​အားလုံး​အတွက် ရွံရှာစရာ​၊ ထိတ်လန့်စရာ​ဖြစ်​စေ​မည်​။ ငါ​နှင်ထုတ်​၍ သူ​တို့​ရောက်လေရာ​အရပ်ရပ်​တို့​၌ ကဲ့ရဲ့စရာ​၊ ပုံခိုင်းစရာ​၊ ပြောင်လှောင်စရာ​၊ ကျိန်ဆဲစရာ ဖြစ်​စေ​မည်​။

ယေ​ရ​မိ 44:8

သင်​တို့​သွားရောက်​နေထိုင်​ရာ​အီဂျစ်​ပြည်​၌ သင်​တို့​လက်​နှင့်​လုပ်​သော​အရာ​များ​ဖြစ်​သည့် အခြား​ဘုရား​များ​အား နံ့သာပေါင်း​မီးရှို့ပူဇော်​ခြင်း​ဖြင့် အဘယ်ကြောင့် ငါ့​အမျက်​ကို နှိုးဆော်​ကြ​သနည်း​။ ယခုမှာမူ သင်​တို့​သည် ပျက်စီး​၍ မြေကြီး​ပေါ်ရှိ​လူမျိုး​တကာ​တို့​တွင် ကဲ့ရဲ့ပြစ်တင်စရာ​၊ ကျိန်ဆဲစရာ ဖြစ်​ရ​လေ​ပြီ​။

ယေ​ဇ​ကျေ​လ 16:57

ယခုမှာ ဆီးရီးယား​သမီးပျို​နှင့် သူ့​ဝန်းကျင်​ရှိ​လူ​များ သင့်​ကို​ကဲ့ရဲ့​သော​အချိန်​ရောက်​လေ​ပြီ​။ သင့်​ဝန်းကျင်​ရှိ ဖိလိတ္တိ​သမီးပျို​များ သင့်​ကို​မထီမဲ့မြင်ပြု​သော​အချိန်​ရောက်​လေ​ပြီ​။

ယေ​ဇ​ကျေ​လ 21:28

အချင်း​လူသား​၊ ပရောဖက်ပြု​၍ ဤသို့​ဆင့်ဆို​လော့​။ အမ္မုန်​အမျိုးသား​များ​နှင့်​ပတ်သက်၍​၊ သူ​တို့​ကဲ့ရဲ့ပြစ်တင်​သော​အမှု​နှင့်​ပတ်သက်၍ ဘုရားရှင်​ထာဝရဘုရား​က ‘​ဓား​၊ ဓား​ကို​ထုတ်​ထား​ပြီ​။ သတ်ဖြတ်​ရန် ပြောင်လက်​အောင် သွေး​ထား​ပြီ​ဖြစ်၍ ဓားသွား​မှာ​ဝင်းလက်​နေ​ပြီ​။

ယေ​ဇ​ကျေ​လ 22:2

“​အချင်း​လူသား​၊ လူသတ်​သော​မြို့​ကို သင်​စီရင်​လော့​၊ စီရင်​လော့​။ ထို​မြို့​၌​ပြု​သမျှ​သော စက်ဆုပ်ရွံရှာဖွယ်​အမှု​တို့​ကို ဖော်ပြ​လော့​။

ယေ​ဇ​ကျေ​လ 23:32

ဘုရားရှင်​ထာဝရဘုရား​က ‘ဇောက်နက်​၍ အဝကျယ်​ပြီး များစွာ​ဆံ့​သော သင့်​အစ်မ​၏​ခွက်ဖလား​ကို သင်​သောက်​ရ​မည်​။ သင်​သည် လှောင်ပြောင်စရာ​၊ အထင်အမြင်သေးစရာ ဖြစ်​ရ​လိမ့်မည်’​ဟု မိန့်​တော်မူ​၏​။

ယေ​ဇ​ကျေ​လ 23:7

သူ​သည် အဆီးရီးယား​မင်းအရာရှိ​အပေါင်း​တို့​နှင့် ဖောက်ပြန်မှားယွင်း​၏​။ သူ​တပ်မက်​သော​သူ​အပေါင်း​တို့​၏​ရုပ်တု​များ​နောက်​သို့​လိုက်​၍ မိမိကိုယ်ကို​ညစ်ညူး​စေ​၏​။

ယေ​ဇ​ကျေ​လ 24:7

ထို​မြို့​တွင် လူ​အသက်သတ်​သော​သွေး စွန်း​လျက်​ရှိ​၏​။ ထို​သွေး​သည် မြေ​ပေါ်တွင်​ကျ​သည်​မ​ဟုတ်​။ ရှင်းလင်း​နေ​သော​ကျောက်​ပေါ်တွင် ကျ​၏​။ မြေမှုန့်​နှင့် ဖုံး​၍​မ​ရ​။

ယေ​ဇ​ကျေ​လ 24:8

အမျက်ဒေါသ​ကို နှိုးဆော်​ရန်​၊ လက်တုံ့ပြန်​ရန် ထို​သွေး​တို့​ကို ရှင်းလင်း​နေ​သော​ကျောက်​ပေါ်တွင် ငါ​ကျ​စေ​၏​။ ထို့ကြောင့် ဖုံးကွယ်​ထား​၍​မ​ရ’​ဟု မိန့်​တော်မူ​၏​။

ယေ​ဇ​ကျေ​လ 36:15

ဘုရားရှင်​ထာဝရဘုရား​က ‘လူမျိုးတကာ​တို့​ရှုတ်ချ​သော​စကား​ကို သင်​ကြား​ရ​တော့​မည်​မ​ဟုတ်​။ လူ​တို့​၏​ကဲ့ရဲ့​ခြင်း​ကို သင်​ခံရ​တော့​မည်​မ​ဟုတ်​။ နောက်တစ်ဖန် သင့်​လူမျိုး​ကို သင်​လဲပြို​စေ​တော့​မည်​မ​ဟုတ်’​ဟူ၍ မိန့်​တော်မူ​သည်”​ဟု မိန့်ဆို​၏​။

ဒံ​ယေ​လ 9:16

အို ဘုရားရှင်​၊ ကိုယ်တော်​သည် ဖြောင့်မှန်​စွာ​ပြု​တော်မူ​သည့်​အတိုင်း ကိုယ်တော်​၏​အမျက်​ဒေါသ​ကို ကိုယ်တော်​၏​သန့်ရှင်း​သော​တောင်​တည်းဟူသော ဂျေရုဆလင်​မြို့​မှ ပြန်လည်​ရုပ်သိမ်း​တော်မူ​ပါ​။ အကြောင်းမူကား အကျွန်ုပ်​တို့​၏​အပြစ်​၊ ဘိုးဘေး​တို့​၏​ဒုစရိုက်​များ​ကြောင့် ဂျေရုဆလင်​မြို့​နှင့် လူမျိုး​တော်​တို့​သည် ဝန်းကျင်​ရှိ​လူ​အပေါင်း​တို့​အတွက် ကဲ့ရဲ့စရာ ဖြစ်​ရ​ပါ​ပြီ​။

ဝတ်​ပြု 26:32

ငါ​ကိုယ်တိုင် သင်​တို့​၏​ပြည်​ကို လူသူကင်းမဲ့​စေ​သဖြင့် ထို​ပြည်​၌​နေထိုင်​သော သင်​တို့​၏​ရန်သူ​တို့​သည်​လည်း တုန်လှုပ်ချောက်ချား​ကြ​လိမ့်မည်​။

တော​လည် 32:14

မျိုးဆက်သစ်​အပြစ်သား​တို့​၊ သင်​တို့​သည် သင်​တို့​ဖခင်​များ​၏​နေရာ​ကို ယူ​၍ အစ္စရေး​လူမျိုး​တို့​အပေါ် ထာဝရဘုရား​၏​ပြင်းထန်​သော​အမျက်​တော်​ကို ထပ်​တိုး​စေ​ကြ​သည်​တကား​။

တ​ရား​ဟော 28:37

သင့်​အား​ထာဝရဘုရား​နှင်ထုတ်​တော်မူ​သော​အရပ်​ရှိ လူမျိုး​အပေါင်း​တို့​တွင် သင်​သည် ထိတ်လန့်စရာ​၊ ပုံခိုင်းစရာ​၊ ပြောင်လှောင်စရာ ဖြစ်​လိမ့်မည်​။

တ​ရား​ဟော 29:24

လူမျိုး​အပေါင်း​တို့​က​လည်း ‘​ထာဝရဘုရား​သည် ဤ​ပြည်​ကို အဘယ်ကြောင့် ဤသို့​ပြု​တော်မူ​ရ​သနည်း​။ အဘယ်ကြောင့် အမျက်​တော်​မီး ကြီးစွာ​တောက်လောင်​တော်မူ​ရ​သနည်း​’​ဟု မေးမြန်း​ကြ​လိမ့်မည်​။

၁ သက် 2:16

လူမျိုးခြား​တို့​ကယ်တင်​ခြင်း​ရရှိ​ရန် ငါ​တို့​ဟောပြော​သည်​ကို တားမြစ်​ကာ မိမိ​တို့​အပြစ်​များ​ကို အစဉ်အမြဲ​ဖြည့်ဆည်း​ကြ​၏။ သို့ဖြစ်၍ အမျက်​တော်​သည် သူ​တို့​အပေါ်သို့ အဆုံးစွန်​သက်ရောက်​လေ​၏။