ယေ​ဇ​ကျေ​လ 21:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ ဓား​ကို​ပြောင်လက်​အောင်​၊ ထက်​အောင် သွေး​ပြီး သတ်ပွဲကြီး​ဖြစ်​တော့​မည်​ကို ငါ​တို့​ဝမ်းသာ​ရ​မည်လော​။ ငါ့​သား​၏​ရာဇလှံတံ​သည်​လည်း အခြား​သစ်ပင်​များ​နည်းတူ သုတ်သင်ပယ်ရှင်း​ခံရ​တော့​မည်​။

Common Language Bible

¹⁰ သတ်​ဖြတ်​ရန်​အ​တွက်​ဋ္ဌား​ကို​ထက်​အောင် သွေး​ထား​ပြီး။ လျှပ်​ပြက်​သ​ကဲ့​သို့​ပြောင်​လက်​စေ​ရန် တိုက်​ချွတ်​ထား​၏။ ငါ​၏​သား​ယု​ဒ​အုပ်​စိုး​သော​ရာ​ဇ​လှံ​တံ​ကြောင့် ရွှင်​လန်း​ဝမ်း​မြောက်​နိုင်​မည်​မ​ဟုတ်။ ထို​ရာ​ဇ​လှံ​တံ​သည်​ဋ္ဌား​ဖြင့်​ဒဏ်​ခတ်​ခြင်း​ခံ​ရ​မည်။

Garrad Bible

¹⁰ လုပ် ကြံ ရန် သွေး ကျင်း ခြင်း၊ လျှပ် စစ် သ ဖွယ် လက် ရန် တိုက် ပွတ် ခြင်း ခံ ခဲ့ ပြီ။ အား ရ ရွှင် လန်း ကြ မည် လော၊ ငါ့ သား၏ တောင် ၀ေး သည်၊ အ ပင် တ ကာ တို့ ကို မ ထီ မဲ့ မြင် ပြု ရာ ရောက်၏။

Judson Bible

¹⁰ ထက်၍ အ​ထူး​သ​ဖြင့် လုပ်​ကြံ​စေ​ခြင်း​ငှာ သွေး​လေ​ပြီ။ ပြောင်၍ အ​ရောင်​တောက်​စေ​ခြင်း​ငှာ​လည်း ပွတ်​လေ​ပြီ။ ငါ့​သား၏ ရာ​ဇ​လှံ​တံ​ကြောင့် ရွှင်​လန်း​ခြင်း​ကို ပြု​ရ​မည်​လော။ ထို​ဓား​သည် သစ်​သား​ရှိ​သ​မျှ​ကို မ​ထီ​မဲ့​မြင် ပြု​တတ်၏။

ယေ​ဇ​ကျေ​လ 21:10 Referencias Cruzadas

၂ ရာ 7:14

ငါ​သည် သူ​၏​အဖ​ဖြစ်​မည်​။ သူ​သည်​လည်း ငါ့​သား​ဖြစ်​မည်​။ သူ​အမှားပြု​မိ​လျှင် သူ့​ကို လူ​သုံး​ကြိမ်လုံး​နှင့် ဆုံးမ​မည်​။ လူ​တို့ ရိုက်​တတ်​သကဲ့သို့ သူ့​ကို ရိုက်​မည်​။

ဧ​သ​တာ 3:15

ဘုရင့်​အမိန့်​တော်​အတိုင်း ခြေမြန်​တော်​တို့​သည် အလျင်အမြန်​ထွက်သွား​ကြ​၏​။ ထို​အမိန့်စာ​ကို ရှုရှန်​နန်းတော်​တွင် ထုတ်ပြန်​ကြေညာ​၏​။ ထိုစဉ် ရှင်ဘုရင်​နှင့်​ဟာမန်​တို့​သည် ထိုင်​၍​စားသောက်​လျက်​နေ​၏​။ ရှုရှန်​မြို့​ထဲတွင်​မူကား ရုတ်ရုတ်သဲသဲ​ဖြစ်​နေ​၏​။

ဒေသနာကျမ်း။ 3:4

ငိုကြွေး​ရ​သော​အချိန်​နှင့် ရယ်မော​ရ​သော​အချိန်​ရှိ​၏​။ မြည်တမ်း​ရ​သော​အချိန်​နှင့် ကခုန်​ရ​သော​အချိန်​ရှိ​၏​။

ယေ​ရ​မိ 23:20

ထာဝရဘုရား​သည် အကြံအစည်​တော် မ​ထမြောက်​မ​ချင်း​၊ မ​ပြီးမြောက်​မ​ချင်း အမျက်​တော်​ပြေ​လိမ့်မည်​မ​ဟုတ်​။ ဤ​အရာ​ကို နောက်ဆုံး​သော​ကာလ​၌ သင်​တို့ ရှင်းရှင်းလင်းလင်း​နားလည်​ကြ​လိမ့်မည်​။

ယေ​ရ​မိ 46:4

မြင်းစီးသူရဲ​တို့​၊ မြင်း​များ​ကို ကကြိုးဆင်​ကြ​၊ စီး​ကြ​။ နေရာယူ​ကြ​။ သံခမောက်​ဆောင်း​ကြ​။ လှံ​တို့​ကို သွေး​ကြ​။ သံချပ်​အင်္ကျီ​တို့​ကို ဝတ်ဆင်​ကြ​။

ယေ​ဇ​ကျေ​လ 20:47

တောင်ဘက်​ရှိ​တောအုပ်​အား ‘ထာဝရဘုရား​၏​စကား​ကို နားထောင်​လော့​။ ဘုရားရှင်​ထာဝရဘုရား​က ကြည့်ရှု​လော့​။ သင့်​ကို မီးရှို့​သဖြင့် သင်​၌​ရှိ​သော​စိမ်းလန်း​သော​အပင်​၊ ခြောက်သွေ့​သော​အပင် ရှိသမျှ​တို့​ကို မီးလောင်ကျွမ်း​လိမ့်မည်​။ တောက်လောင်​သော​မီး​သည် မ​ငြိမ်း​ဘဲ တောင်ဘက်​မှ မြောက်ဘက်​တိုင်အောင် မြေ​တစ်ပြင်လုံး​ကို လောင်​လိမ့်မည်​။

ယေ​ဇ​ကျေ​လ 21:11

ဓား​ကို သွေး​သူ​လက်​သို့ အပ်​လိုက်​လေ​ပြီ​။ သူ​သည် ပြောင်လက်​အောင်​၊ ထက်​အောင် သွေး​ပြီး လူသတ်​လက်​သို့ အပ်​လေ​ပြီ’​ဟု မိန့်​တော်မူ​၏​။

ယေ​ဇ​ကျေ​လ 21:4

ငါ့​ဓား​ကို ဓားအိမ်​ထဲမှ ဆွဲထုတ်​၍ သင့်​အထဲ​မှ လူဆိုး​လူကောင်း​မကျန် ငါ​သုတ်သင်​မည်​ဖြစ်​သောကြောင့် တောင်​အရပ်​မှ​မြောက်အရပ်​တိုင်အောင် လူ​အားလုံး သုတ်သင်​ခံရ​လိမ့်မည်​။

နာ​ဟုံ 1:10

သူ​တို့​သည် ဆူးချုံ​ကဲ့သို့ ရစ်ပတ်​ရှုပ်ထွေး​လျက်​၊ စပျစ်ဝိုင်​ကို​သောက်စား​မူးယစ်​လျက်​နေစဉ် ခြောက်သွေ့​သော​ရိုးပြတ်​ကဲ့သို့ မီး​လောင်ကျွမ်း​ခြင်း​ခံရ​လိမ့်မည်​။

နာ​ဟုံ 3:3

တောက်ပြောင်​သော​ဓား​ကို​ဝင့်​လျက်​၊ လင်းလက်​သော​လှံ​ကို​မြှောက်​လျက် မြင်းစီးသူရဲ​တို့ ချီလာ​ကြ​ပြီ​။ လူ​အမြောက်အမြား အသတ်​ခံရ​သဖြင့် အလောင်းကောင်​များ စုပုံ​နေ​ပြီ​။ အလောင်းကောင်​တို့​သည်​လည်း အတိုင်းမသိ​များပြား​ကြ​၏​။ ထို​အလောင်း​များ​ကို​ပင် ခလုတ်တိုက်​လဲကျ​ကြ​လေ​ပြီ​။

ဟ​ဗက္ကုတ် 3:11

မြား​တော်​တို့​မှ လင်းလက်​သော​အရောင်​နှင့် လှံ​တော်​မှ ဖြာထွက်​သော​အလင်းရောင်ခြည်​တို့​ကြောင့် နေ​၊ လ​တို့​သည် ကောင်းကင်​တွင် တန့်​လျက်​နေ​ပါ​၏​။

ဗျာ​ဒိတ် 2:27

သူ​သည် မြေ​အိုး​များ​ကို​ကြေမွ​စေ​သကဲ့သို့ သံ​လှံတံ​ဖြင့် သူ​တို့​ကို​အုပ်ထိန်း​လိမ့်မည်။ဤသည်ကား ငါ​ကိုယ်တိုင် ငါ့​ခမည်းတော်​ထံမှ​ရရှိ​သော​အုပ်စိုး​ခွင့်​နှင့်တူ​၏။