ယေ​ဇ​ကျေ​လ 20:31 - မြန်​​​မာ့​​​စံ​​​မီ​​​သမ္မာ​​​ကျမ်း​​

³¹ ဘုရားရှင်​ထာဝရဘုရား​က ‘အို အစ္စရေး​အမျိုးအနွယ်​တို့​၊ သင်​တို့​သည် ယနေ့​တိုင်အောင် ပူဇော်သက္ကာ​များ​အဖြစ် ကိုယ့်​သား​တို့​ကို မီးရှို့​ပူဇော်​လျက်​၊ ရုပ်တု​ရှိသမျှ​တို့​နောက်​သို့​လိုက်​၍ ကိုယ်ကို​ညစ်ညူး​စေ​လျက်​နှင့်​ပင် သင်​တို့​မေးလျှောက်​သည်​ကို ငါ​ခွင့်ပြု​ရ​မည်လော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို ငါ့​ထံ​မေးလျှောက်​ခွင့်​မ​ပေး​။

Common Language Bible

³¹ သင်​တို့​သည်​ယ​နေ့​တိုင်​အောင်​ပင်​သူ​တို့ ဆက်​သ​သည့်​ပူ​ဇော်​သ​ကာ​များ​ကို​ဆက် သ​လျက် ရုပ်​တု​များ​အား​မိ​မိ​တို့​၏​သား သ​မီး​များ​ကို​မီး​ရှို့​ပူ​ဇော်​ကာ​ကိုယ့်​ကိုယ် ကို​ညစ်​ညမ်း​စေ​ကြ​၏။ အ​ချင်း​ဣ​သ​ရေ​လ အ​မျိုး​သား​တို့၊ သင်​တို့​သည်​ငါ့​ထံ​သို့ လာ​၍​ငါ​၏​အ​လို​တော်​ကို​စုံ​စမ်း​မေး မြန်း​ကြ​၏။ ငါ​သည်​အ​သက်​ရှင်​တော်​မူ သော​အ​ရှင်​ထာ​ဝ​ရ​ဘု​ရား​ဖြစ်​တော်​မူ သည်​နှင့်​အ​ညီ အ​ဘယ်​သို့​မျှ​စုံ​စမ်း​မေး မြန်း​ခွင့်​ကို​သင်​တို့​အား​ပေး​မည်​မ​ဟုတ်။-

Garrad Bible

³¹ သား တို့ ကို မီး ဖြင့် ဆပ် ကပ် သော အ လှူ လှူ လျက်၊ ရုပ် ပွား များ နှင့် ကိုယ် ကို ညစ် ညူး စေ ခြင်း များ ကို ယ ခု တိုင် ပြု ကြ သော၊ အို ဣ သ ရေ လ အ မျိုး သား တို့၊ သင် တို့ သည် ငါ့ ထံ မေး လျှောက် ခွင့် ရ ကြ မည် လော။ အ သက် တော် ကို တိုင် တည်၍၊ ငါ အ ရှင် ထာ ဝ ရ ဘု ရား မိန့် ဆို သည့် အ တိုင်း၊ ငါ့ ထံ မေး လျှောက် ခွင့် မ ရ ကြ ချေ။

Judson Bible

³¹ ပူ​ဇော်​သ​ကာ ပြု​သ​ဖြင့်​လည်း​ကောင်း၊ ကိုယ်​သား​တို့​ကို​မီး​ဖြင့် ပူ​ဇော်​သ​ဖြင့်​လည်း​ကောင်း၊ ယ​နေ့​တိုင်​အောင် ရုပ်​တု​အ​ပေါင်း​တို့​နှင့် ညစ်​ညူး​လျက်​ရှိ​ကြ​စဉ်​တွင်၊ ငါ​သည် သင်​တို့​မေး​လျှောက်​ခြင်း​ကို ခံ​ရ​မည်​လော။ ငါ​အ​သက်​ရှင်​သည်​အ​တိုင်း သင်​တို့​မေး​လျှောက်​ခြင်း​ကို ငါ​မ​ခံ။

ယေ​ဇ​ကျေ​လ 20:31 Referencias Cruzadas

ယောဘဝတ္တု။ 27:10

သူ​သည် အနန္တတန်ခိုးရှင်​ကို နှစ်သက်​လိမ့်မည်​လော​။ ဘုရားသခင်​ထံ အစဉ်​အော်ဟစ်​ဆုတောင်း​လိမ့်မည်​လော​။

ယောဘဝတ္တု။ 27:8

ဘုရားတရားမဲ့​သော​သူ​သည် ပျက်စီး​၍ သူ့​အသက်​ကို ဘုရားသခင် နုတ်ယူ​ပစ်​လိုက်​သောအခါ သူ​၏​မျှော်လင့်​ရာ​ကား အဘယ်မှာ​နည်း​။

ဆာ​လံ 66:18

ငါ​၏​စိတ်နှလုံး​ထဲ၌ အပြစ်ဒုစရိုက်​ကို ငါ​ထွေးပိုက်​ထား​ခဲ့​လျှင် ဘုရားရှင်​သည် နားညောင်း​တော်မူ​လိမ့်မည်​မ​ဟုတ်​။

သုတ္တံကျမ်း။ 28:9

တစ်စုံတစ်ဦး​သည် ပညတ်တရား​ကို​နာယူနာခံ​ခြင်း​မ​ရှိ​လျှင် သူ​၏​ဆုတောင်းချက်​သည်ပင် စက်ဆုပ်ရွံရှာဖွယ်​ဖြစ်​၏​။

ဟေ​ရှာ​ယ 1:15

သင်​တို့​လက်​ကို ဖြန့်​သောအခါ သင်​တို့​ထံမှ ငါ​မျက်နှာလွှဲ​မည်​။ သင်​တို့​သည် အကြိမ်ကြိမ်​ဆုတောင်း​ကြ​လျှင်​လည်း ငါ​နား​မ​ထောင်​။ သင်​တို့​လက်​သည် သွေး​စွန်း​လျက်​ရှိ​၏​။

ဟေ​ရှာ​ယ 57:5

ဝက်သစ်ချပင်​တို့​ကြား​၊ စိမ်းလန်း​သော​သစ်ပင်​ရှိသမျှ​တို့​အောက်​တွင် ရမ္မက်မီး​တောက်လောင်​သော​သူ​များ​၊ လျှိုမြောင်​ရှိ ကျောက်တောင်​အက်ကွဲကြောင်း​များ​တွင် သားသမီး​များ​ကို သတ်ဖြတ်​ပူဇော်​သော​သူ​များ ဖြစ်​ကြ​သည်​မ​ဟုတ်​လော​။

ယေ​ရ​မိ 14:12

သူ​တို့​အစာရှောင်​အော်ဟစ်​လျှင်လည်း ငါ​နားညောင်း​မည်​မ​ဟုတ်​။ မီးရှို့ရာယဇ်​နှင့် ဘောဇဉ်ပူဇော်သက္ကာ​ကို ပူဇော်​လျှင်လည်း ငါ​လက်ခံ​မည်​မ​ဟုတ်​။ ဓားဘေး​၊ ငတ်မွတ်ခေါင်းပါး​ခြင်း​ဘေး​၊ ကပ်ရောဂါ​ဘေး​တို့​ဖြင့် သူ​တို့​ကို ငါ​ဖျက်ဆီး​ပစ်​မည်​”​ဟု မိန့်​တော်မူ​၏​။

ယေ​ရ​မိ 19:5

ငါ​မိန့်မှာ​ပြောဆို​ခဲ့​ခြင်း မ​ရှိ​၊ စိတ်​ပင်​မ​ကူး​ခဲ့​ဘဲ​လျက် သူ​တို့​သည် ယဇ်ပလ္လင်​များ​ကို​တည်ဆောက်​ကြ​ပြီး သူ​တို့​၏​သားသမီး​များ​ကို မီးရှို့ရာယဇ်​အဖြစ် ဗာလ​ဘုရား​အား ပူဇော်​ကြ​၏​ဟု မိန့်​တော်မူ​ပြီ​။

ယေ​ရ​မိ 7:31

ငါ​မ​မိန့်မှာ​ခဲ့​၊ စိတ်​ပင်​မ​ကူး​ခဲ့​ဘဲ​လျက် သူ​တို့​သည် သား​သမီး​များ​ကို မီးရှို့ပူဇော်​ရန် ဗင်ဟိန္နုံ​ချိုင့်ဝှမ်း​ရှိ တောဖက်​ဟူသော​နေရာ​တွင် အထွတ်အမြတ်​ထား​ရာ​ကုန်းမြင့်​များ​ကို တည်​ကြ​ပြီ​”​ဟု မိန့်​တော်မူ​၏​။

ယေ​ဇ​ကျေ​လ 16:20

‘သင်​သည် ပြည့်တန်ဆာ​ပြု​ခြင်း​ဖြင့် မလုံလောက်​သေး​။ သင်​မွေးလာ​သော​သား​သမီး​တို့​ကို​ယူ​၍ ထို​ရုပ်တု​တို့​အား အစာ​အဖြစ် ပူဇော်​၏​။

ယေ​ဇ​ကျေ​လ 16:36

ဘုရားရှင်​ထာဝရဘုရား​က ‘သင်​သည် တဏှာရာဂစိတ်​ပြင်းထန်​လျက်​၊ အဝတ်မပါ​အချည်းစည်း​ဖြစ်​လျက် သင်​ချစ်​သော​သူ​များ​နှင့်​ဖောက်ပြန်မှားယွင်း​သောကြောင့်​၊ သင့်​သားသမီး​တို့​ကို​သတ်​၍ သင်​၏​စက်ဆုပ်ရွံရှာဖွယ်​ရုပ်တု​တို့​အား ပေးလှူ​သောကြောင့်

ယေ​ဇ​ကျေ​လ 20:26

သူ​တို့​၏​ပူဇော်သက္ကာ​ဖြစ်​သည့် သားဦး​တိုင်း​ကို မီးရှို့​ပူဇော်​ခြင်း​ဖြင့် ငါ​သည် သူ​တို့​ကို ညစ်ညူး​စေ​၍ သူ​တို့​ကို ငါ​ဖျက်ဆီး​သောအခါ​မှ ငါ​သည် ထာဝရဘုရား​ဖြစ်ကြောင်း သူ​တို့​သိ​ရ​မည်​။

ယေ​ဇ​ကျေ​လ 20:3

“​အချင်း​လူသား​၊ အစ္စရေး​သက်ကြီးဝါကြီး​တို့​အား ‘​ဘုရားရှင်​ထာဝရဘုရား​က ငါ့​ထံ​မေးလျှောက်​ရန် သင်​တို့​လာ​ကြ​သလော​။ စင်စစ် ငါ​အသက်ရှင်​သည်​နှင့်အညီ သင်​တို့​ကို မေးလျှောက်​ခွင့်​မ​ပြု​ဟူ၍ မိန့်​တော်မူ​သည်’​ဟု ဆင့်ဆို​လော့​။

ယေ​ဇ​ကျေ​လ 23:37

သူ​တို့​သည် အိမ်ထောင်ရေးဖောက်ပြန်​၏​။ လူ​အသက်သတ်​၏​။ ရုပ်တု​များ​နှင့် ဖောက်ပြန်​၏​။ ငါ့​အဖို့ ဖွားမြင်​သော​သားသမီး​များ​ကို​ပင် ထို​ရုပ်တု​တို့​၏​အစာ​အဖြစ် ပူဇော်​ကြ​၏​။

ယေ​ဇ​ကျေ​လ 33:30

အချင်း​လူသား​၊ သင့်​အမျိုးသားချင်း​တို့​က နံရံ​များ​၊ အိမ်​တံခါး​များ​အနီး​တွင် သင့်​ကို​ရည်မှတ်​၍ ‘​ထာဝရဘုရား​ထံ​မှ မည်သည့်​သတင်း​ကြား​ရ​မည်​ကို သွား​၍​နားထောင်​ကြ​စို့​’​ဟု အချင်းချင်း​ပြောဆို​တတ်​ကြ​၏​။

အာ​မုတ် 8:12

လူ​တို့​သည် ထာဝရဘုရား​၏​နှုတ်ထွက်စကား​ကို ပင်လယ်​တစ်​ခု​မှ ပင်လယ်​တစ်​ခု​သို့​၊ မြောက်အရပ်​မှ အရှေ့​အရပ်​သို့ လှည့်လည်​သွားလာ​၍ ရှာဖွေ​သော်လည်း တွေ့​မည်​မ​ဟုတ်​။

ဇာ​ခ​ရိ 7:13

ထို့ကြောင့် ကောင်းကင်​ဗိုလ်ခြေ​အရှင်​ထာဝရဘုရား​က ‘ငါ​ခေါ်​သောအခါ သူ​တို့​မ​ထူး​သကဲ့သို့ သူ​တို့​ခေါ်​သောအခါ​၌​လည်း ငါ​မ​ထူး’​ဟု မိန့်​တော်မူ​၏​။