ယေ​ဇ​ကျေ​လ 16:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ငါ​သည် သင့်​အနား​မှ​ဖြတ်သွား​သောအခါ သွေး​အလူးလူး​ဖြင့်​ကန်ကျောက်​နေ​သော​သင့်​ကို​မြင်​၍ အသက်ရှင်​ပါ​ဟု သင့်​အား ငါ​ဆို​၏​။ သွေး​လူး​နေ​သော​သင့်​ကို အသက်ရှင်​ပါ​ဟု ငါ​အားပေး​ခဲ့​၏​။

Common Language Bible

⁶ ``ထို​နောက်​ငါ​သည်​သင်​၏​အ​နီး​မှ​ဖြတ် သွား​စဉ်​သွေး​ထဲ​၌ သင်​လူး​လျက်​နေ​သည် ကို​မြင်​ရ​၏။ သင်​သည်​သွေး​အ​လူး​လူး နှင့်​ဖြစ်​နေ​စေ​ကာ​မူ​ငါ​သည်​သင့်​အား အ​သက်​မ​သေ​စေ​ခဲ့။-

Garrad Bible

⁶ ငါ သီ သွား၍၊ အ သွေး၌ ကန် ကျောက် လျက် နေ သည် ကို မြင် သော်၊ အ သွေး မွန်း လျက် ပင် ရှင် လော့ ဟု မြွက် ဆို၏။ အ သွေး မွန်း လျက် ပင် ရှင် လော့ ဟု မြွက် ဆို လျက်၊

Judson Bible

⁶ ငါ​သည် လျှောက်​သွား၍ အ​သွေး​နှင့်​လူး​လျက်​ရှိ​သော သင်​ကို မြင်​သော​အ​ခါ အ​သက်​ရှင်​လော့​ဟု သင်​သည် အ​သွေး၌​ရှိ​စဉ် ငါ​ဆို၏။

ယေ​ဇ​ကျေ​လ 16:6 Referencias Cruzadas

ဟေ​ရှာ​ယ 14:19

သင်​မူကား သင်​၏​သင်္ချိုင်းဂူ​နှင့်​ဝေး​ရာ​၌ ဆွေးမြည့်​သော​သစ်ကိုင်း​ကဲ့သို့ လွှင့်ပစ်​ခြင်း​ခံရ​၏​။ အသတ်​ခံရ​သော​သူ​၊ ဓား​ထိုး​ခံရ​သော​သူ​၊ ကျောက်​တွင်း​ထဲသို့​ကျ​သော​သူ​တို့​၏​အသေကောင်​များ​ဖြင့် ဖုံးအုပ်​ခြင်း​ခံရ​လျက် အနင်း​ခံရ​သော အလောင်းကောင်​ကဲ့သို့​ဖြစ်​၏​။

ဟေ​ရှာ​ယ 51:23

‘​ငါ​တို့ ဖြတ်သွား​မည်​။ ဝပ်​နေ​လော့​’​ဟု ဆို​ကြ​သဖြင့် ဖြတ်သွား​သော​သူ​တို့​အတွက် သင်​သည် သင့်​ကျောကုန်း​ကို မြေပြင်​သဖွယ်​၊ လမ်း​သဖွယ်​ခင်းပေး​ခဲ့​ရ​၏​။ ထိုသို့ သင့်​ကို အနိုင်ကျင့်​ခဲ့​သော​သူ​တို့​လက်​ထဲသို့ ထို​ဖလား​ကို ငါ​ထည့်​မည်​”​ဟု မိန့်​တော်မူ​၏​။

ယေ​ဇ​ကျေ​လ 16:22

သင်​သည် အလုံးစုံ​သော​စက်ဆုပ်ရွံရှာဖွယ်​ပြည့်တန်ဆာအမှု​ကို​ပြု​စဉ် ငယ်စဉ်​ဘဝ​က အဝတ်မပါ​အချည်းစည်း​ဖြစ်​ခဲ့​၍ သွေး​ထဲတွင်​လူး​နေ​ခဲ့​ရ​သည်​ကို သင်​မ​အောက်မေ့​ပါ​တကား​။

ယေ​ဇ​ကျေ​လ 16:5

သင့်​ကို​သနား​၍ ထိုသို့​ပြု​ပေး​မည့်​သူ တစ်​ယောက်​မျှ​မ​ရှိ​။ သင့်​အပေါ်​မေတ္တာကင်းမဲ့​၍ သင်​မွေးဖွား​သော​နေ့​၌​ပင် သင့်​ကို​စက်ဆုပ်ရွံရှာ​သဖြင့် လယ်ကွင်းပြင်​တွင် ပစ်​ထား​၏​။

ယေ​ဇ​ကျေ​လ 16:7

သင့်​ကို တော​ထဲမှ​အပင်​ကဲ့သို့ ကြီးထွား​စေ​၏​။ သင်​သည် ကြီးထွား​ဖွံ့ဖြိုး​လာ​ပြီး လှပ​သော​အဆင်တန်ဆာ ဖြစ်လာ​၏​။ ရင်သား​စူ​လာ​၏​။ ဆံပင်​ရှည်​လာ​၏​။ သို့သော် အဝတ်မပါ​အချည်းစည်း ဖြစ်​နေ​၏​။

မိက္ခာ 7:10

“​သင်​၏​ဘုရားသခင်​ထာဝရဘုရား​ကား အဘယ်မှာ​ရှိ​သနည်း”​ဟု ငါ့​အား ပြောဆို​သော​ရန်သူ​သည် ထို​အဖြစ်​ကို​မြင်​၍ အရှက်ကွဲ​ရ​လိမ့်မည်​။ ယခု​တွင် သူ​သည် လမ်း​ပေါ်မှ ရွှံ့​ကဲ့သို့ နင်းချေ​ခံရ​သည်​ကို ငါ့​မျက်စိ​ဖြင့် တပ်အပ်​မြင်​ရ​လိမ့်မည်​။

မဿဲ 5:13

သင်​တို့​သည် ကမ္ဘာ​မြေ​၏​ဆား​ဖြစ်​ကြ​၏။ သို့သော် ဆား​သည် အငန်​ဓာတ်​ကင်းမဲ့​သွား​လျှင် ၎င်း​ကို မည်ကဲ့သို့​ပြန်၍​ငန်​စေ​မည်နည်း။ မည်သည့်​အရာ​အတွက်​မျှ အသုံး​မ​ဝင်​တော့​သဖြင့် အပြင်​သို့​ပစ်​လိုက်​၍ လူ​တို့​၏​နင်းချေ​ခြင်း​ခံရ​ရုံသာ​ရှိ​ပေ​တော့​မည်။

ရှင်ယောဟန် 5:25

သင်​တို့​အား ငါ​အမှန်အကန်​ဆို​မည်။ သေလွန်​သော​သူ​တို့​သည် ဘုရားသခင်​သား​တော်​၏​အသံ​ကို​ကြား​၍ ကြား​သော​သူ​တို့​သည် အသက်ရှင်​မည့်​အချိန်​ရောက်​လာ​မည်​ဖြစ်ရာ ယခု​ပင်​ရောက်​လာ​လေ​ပြီ။

တမန်တော်ဝတ္ထု 7:34

ငါ​သည် အီဂျစ်​ပြည်​၌​ရှိ​သော ငါ​၏​လူမျိုး​တော်​ခံ​နေ​ရ​သည့် ဆင်းရဲ​ဒုက္ခ​ကို​တွေ့​မြင်​လျက် သူ​တို့​၏​ညည်းတွား​သံ​ကို​ကြား​ရ​သည်​ဖြစ်၍ သူ​တို့​ကို​ကယ်နုတ်​ရန် ဆင်းလာ​ပြီ။ ထို့ကြောင့် ယခု​လာ​ခဲ့​လော့။ သင့်​ကို အီဂျစ်​ပြည်​သို့ ငါ​စေလွှတ်​မည်’​ဟု မိန့်​တော်မူ​၏။

ရော​မ 9:15

အဘယ်ကြောင့်​ဆိုသော် ဘုရားသခင်​သည် မောရှေ​အား “ငါ​သည် သနား​လို​သော​သူ​ကို​သနား​၍ သက်ညှာ​လို​သော​သူ​ကို သက်ညှာ​မည်”​ဟု မိန့်​တော်မူ​၏။

တ​ရား​ဟော 9:4

သင်​၏​ဘုရားသခင်​ထာဝရဘုရား​သည် ထို​သူ​တို့​ကို သင့်​ရှေ့မှောက်​မှ​နှင်ထုတ်​တော်မူ​သောအခါ သင့်​စိတ်​ထဲ၌ ‘​ထာဝရဘုရား​သည် ငါ​၏​ဖြောင့်မတ်​ခြင်း​ကြောင့် ဤ​ပြည်​ကို​ပိုင်ဆိုင်​ရန် ငါ့​ကို​ပို့ဆောင်​တော်မူ​၏​’​ဟု မ​အောက်မေ့​ရ​။ ထာဝရဘုရား​သည် ထို​လူမျိုး​တို့​ကို သူ​တို့​၏​ဆိုးယုတ်မှု​ကြောင့် သင့်​ရှေ့မှောက်​မှ နှင်ထုတ်​တော်မူ​ခြင်း​ဖြစ်​၏​။

ဟေ​ဗြဲ 10:29

သို့ဖြစ်လျှင် ဘုရားသခင်​၏​သား​တော်​ကို​နင်းချေ​၍ မိမိ​အား​သန့်ရှင်း​စေ​သော​ပဋိညာဉ်​ဆိုင်ရာ​သွေး​တော်​ကို မစင်ကြယ်​သည့်​အရာ​ဟု မှတ်ယူ​လျက် ကျေးဇူး​တော်​နှင့်ဆိုင်သော​ဝိညာဉ်​တော်​ကို မထီမဲ့မြင်​ပြု​သော​သူ​သည် မည်မျှလောက် ပို၍​ကြီးလေး​သော​အပြစ်ဒဏ်​ကို ခံထိုက်​သည်​ဟု သင်​တို့​ထင်​ကြ​သနည်း။

ဗျာ​ဒိတ် 14:20

၎င်း​တို့​ကို မြို့​ပြင်​ရှိ စပျစ်သီး​နယ်ရာ​ကျင်း​၌​နင်းနယ်​သောအခါ သွေး​သည် ထို​စပျစ်သီး​နယ်ရာ​ကျင်း​မှ​စီးထွက်​လာ​၍ မြင်း​၏​ဇက်ကြိုး​အထိ​မြင့်​ပြီး တစ်ရာရှစ်ဆယ့်လေး​မိုင်​ခန့်​ပြန့်​သွား​လေ​၏။