ယေ​ဇ​ကျေ​လ 15:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို့ကြောင့် ဘုရားရှင်​ထာဝရဘုရား​က ‘တော​သစ်ပင်​များ​ကြား​ရှိ စပျစ်နွယ်​ကို မီး​ဖြင့်​လောင်ကျွမ်း​သွား​စေ​သကဲ့သို့ ဂျေရုဆလင်​မြို့သား​တို့​ကို ငါ​ပြု​မည်​။

Common Language Bible

⁶ အ​ရှင်​ထာ​ဝ​ရ​ဘု​ရား​မိန့်​တော်​မူ​သည် ကား``စ​ပျစ်​နွယ်​သား​ကို​တော​မှ​ယူ​၍​မီး မွှေး​ကြ​သ​ကဲ့​သို့ ငါ​သည်​ယေ​ရု​ရှ​လင် မြို့​မှ​လူ​တို့​ကို​ယူ​၍၊-

Garrad Bible

⁶ သို့ နှင့် အ ညီ၊ ငါ အ ရှင် ထာ ဝ ရ ဘု ရား က၊ တော ပင် များ အ နက် စ ပျစ် ပင် ကို၊ လောင် စာ အ ဖြစ်၊ မီး သို့ ငါ ပစ် ချ သည်း နည်း တူ၊ ယေ ရု ရှ လင် မြို့ သူ မြို့ သား တို့ ကို လည်း၊ ငါ ပစ် ချ ခဲ့ ပြီ။

Judson Bible

⁶ ဤ​အ​မှု၌ အ​ရှင်​ထာ​ဝ​ရ​ဘု​ရား မိန့်​တော်​မူ​သည်​ကား၊ တော​သစ်​ပင်​တွင် မီး​မွေး​စ​ရာ​ထင်း​ဖို့ ငါ​အပ်​သော စ​ပျစ်​နွယ်​သား​ကဲ့​သို့၊ ယေ​ရု​ရှ​လင်​မြို့​သား​တို့​ကို ငါ​အပ်​မည်။

ယေ​ဇ​ကျေ​လ 15:6 Referencias Cruzadas

ဟေ​ရှာ​ယ 27:11

အကိုင်းအခက်​တို့​သည် ခြောက်သွေ့​လျှင် ချိုး​ပစ်​ခြင်း​ခံရ​လိမ့်မည်​။ မိန်းမ​တို့​သည် လာ​၍ ချိုးယူ​မီးဆိုက်​ကြ​လိမ့်မည်​။ ဤ​လူမျိုး​သည် အသိဉာဏ်​မ​ရှိ​သောကြောင့် သူ့​ကို​ဖန်ဆင်း​သော​အရှင်​သည် သူ့​ကို​သနား​တော်မူ​မည်​မ​ဟုတ်​။ သူ့​ကို​ပုံဖော်ဖန်ဆင်း​သော​အရှင်​သည် သူ့​ကို​မျက်နှာသာပေး​တော်မူ​မည်​မ​ဟုတ်​။

ယေ​ရ​မိ 21:7

တစ်ဖန် ထာဝရဘုရား​က ‘ကပ်ရောဂါ​ဘေး​၊ ဓားဘေး​၊ ငတ်မွတ်ခေါင်းပါး​ခြင်း​ဘေး​တို့​မှ အသက်ရှင်​ကျန်ရစ်​သော ယုဒ​ဘုရင်​ဇေဒကိ​မင်းကြီး​နှင့် သူ​၏​အမှုထမ်း​များ​၊ မြို့သူမြို့သား​များ​ကို သူ​တို့​အသက်​ကို​ရန်ရှာ​သော​၊ သူ​တို့​၏​ရန်သူ​ဖြစ်​သော ဘေဘီလုံ​ဘုရင်​နေဗုခဒ်နေဇာ​လက်​ထဲသို့ ငါ​အပ်​မည်​။ ထို​ဘုရင်​သည် သူ​တို့​ကို မ​သနား​၊ မ​ညှာတာ​၊ မ​စာနာ​ဘဲ ဓား​ဖြင့် ကွပ်မျက်​မည်’​ဟူ၍ မိန့်​တော်မူ​၏”​ဟု လျှောက်ဆို​ရ​မည်​။

ယေ​ရ​မိ 25:18

ဂျေရုဆလင်​မြို့​မှစ၍ ယုဒ​မြို့ရွာ​များ​၊ ရှင်ဘုရင်​များ​၊ အကြီးအကဲ​များ​သည် ယနေ့​ကဲ့သို့ပင် ပြိုပျက်​ရာ​၊ ထိတ်လန့်စရာ​၊ ကဲ့ရဲ့စရာ​၊ ကျိန်ဆဲစရာ​ဖြစ်​စေရန် သူ​တို့​ကို သောက်​စေ​၏​။

ယေ​ရ​မိ 4:7

ခြင်္သေ့​သည် ပုန်းအောင်း​ရာ​မှ​ထွက်လာ​ပြီ​။ လူမျိုးတကာ​တို့​ကို​ဖျက်ဆီး​သော​သူ​သည် မိမိ​၏​နေရာ​မှ​ထွက်လာ​ပြီ​။ သင်​၏​ပြည်​ကို လူသူကင်းမဲ့​ရာ​အရပ်​ဖြစ်စေ​ရန် မိမိ​နေရာ​မှ​ထွက်လာ​ပြီ​။ သင်​တို့​၏​မြို့​များ​သည် ပျက်စီး​သွား​လိမ့်မည်​။ နေထိုင်​သူ​ရှိ​မည်​မ​ဟုတ်​။

ယေ​ရ​မိ 7:20

ထို့ကြောင့် ဘုရားရှင်​ထာဝရဘုရား​က “​ကြည့်ရှု​လော့​။ ငါ့​အမျက်​ဒေါသ​သည် ဤ​အရပ်​နှင့်တကွ လူ​၊ တိရစ္ဆာန်​၊ ကွင်းပြင်​ရှိ​သစ်ပင်​၊ မြေ​အသီးအနှံ​တို့​အပေါ် သွန်ချ​မည်​။ ငါ​၏​ဒေါသ​သည် မ​ငြိမ်း​ဘဲ​တောက်လောင်​လိမ့်မည်​”​ဟု မိန့်​တော်မူ​၏​။

ယေ​ဇ​ကျေ​လ 15:2

“​အချင်း​လူသား​၊ တော​ထဲရှိ​သစ်ပင်​တို့​တွင်​နွယ်​တက်​နေ​သော​စပျစ်ကိုင်းသား​သည် မည်သည့်​သစ်သား​တို့​ထက် ပိုကောင်း​သနည်း​။

ယေ​ဇ​ကျေ​လ 15:4

လောင်စာ​အဖြစ် မီး​ထဲသို့​ပစ်ချ​လိုက်​လျှင် အရင်း​ရော​အဖျား​ပါ မီးလောင်​၍ အလယ်ပိုင်း​လည်း ကျွမ်းသွား​သောအခါ တစ်စုံတစ်ရာ​အသုံးဝင်​သေး​သလော​။

ယေ​ဇ​ကျေ​လ 15:5

မီးမလောင်​မီ​ကပင် တစ်စုံတစ်ရာ​အသုံး​မ​ဝင်​လျှင် မီး​ကျွမ်း​လောင်​ပြီးမှ တစ်စုံတစ်ရာ​အသုံးဝင်​နိုင်​ဦး​မည်လော​။

ယေ​ဇ​ကျေ​လ 15:7

ငါ​သည် သူ​တို့​ထံမှ မျက်နှာ​လွှဲ​မည်​။ သူ​တို့​သည် မီးဘေး​တစ်​ခု​မှ​လွတ်မြောက်​လျှင်​လည်း နောက်​မီးဘေး​တစ်​ခု​က သူ​တို့​ကို​လောင်ကျွမ်း​နေ​ဦး​မည်​။ ထိုသို့ ငါ​မျက်နှာ​လွှဲ​ထား​သောအခါ ငါ​သည် ထာဝရဘုရား​ဖြစ်ကြောင်း သင်​တို့​သိ​ကြ​လိမ့်မည်’​ဟု မိန့်​တော်မူ​၏​။

ဇာ​ခ​ရိ 1:6

သို့သော် ငါ့​အစေအပါး​ပရောဖက်​တို့​အား ငါ​မိန့်မှာ​ထား​သော​စကား​များ​နှင့် ပြဋ္ဌာန်းချက်​များ​သည် သင်​တို့​ဘိုးဘေး​တို့​အပေါ်​ကျရောက်​လာ​ခဲ့​သည်​မ​ဟုတ်​လော​။ ထို့နောက် သူ​တို့​ပြန်လှည့်​လာ​၍ ‘ကောင်းကင်​ဗိုလ်ခြေ​အရှင်​ထာဝရဘုရား​သည် စိတ်ပိုင်းဖြတ်​ထား​သည့်​အတိုင်း ငါ​တို့​အပြုအမူ​အကျင့်အကြံ​တို့​နှင့်အညီ ငါ​တို့​ကို အပြစ်ပေး​တော်မူ​ပြီ’​ဟူ၍ ဆို​ကြ​သည်”​ဟု မိန့်ဆို​၏​။