ဗျာ​ဒိတ် 8:13 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹³ ထို့နောက် ငါ​ကြည့်​လျှင် ကောင်းကင်​အလယ်​တွင် ပျံသန်း​နေ​သော​လင်းယုန်​တစ်​ကောင်​က “ကောင်းကင်​တမန်​သုံး​ပါး​တို့​မှုတ်​တော့မည့် ကျန်​ရှိ​သော​တံပိုးခရာ​တို့​၏​အသံ​ကြောင့် ကမ္ဘာ​မြေကြီး​ပေါ်တွင်​နေထိုင်​သော​သူ​တို့​သည် အမင်္ဂလာ၊ အမင်္ဂလာ၊ အမင်္ဂလာရှိ​ကြ​၏”​ဟု ကျယ်လောင်​သော​အသံ​ဖြင့်​ဆို​သည်​ကို ငါ​ကြား​ရ​၏။

Common Language Bible

¹³ ထို​နောက်​ငါ​ကြည့်​လိုက်​သော​အ​ခါ​ကောင်း​ကင် အ​လယ်​တွင် ပျံ​ဝဲ​လျက်​နေ​သော​လင်း​ယုန်​ငှက် တစ်​ကောင်​ကို​မြင်​ရ​၏။ ထို​ငှက်​က``အ​ခြား​ကောင်း ကင်​တ​မန်​သုံး​ပါး​မှုတ်​ကြ​မည့်​တံ​ပိုး​ခ​ရာ​သံ သုံး​ချက်​ကြောင့်​ကမ္ဘာ​မြေ​ပေါ်​ရှိ​သတ္တ​ဝါ​တို့ သည်​အ​မင်္ဂ​လာ​ရှိ​ကြ​လိမ့်​မည်။ အ​မင်္ဂ​လာ​ရှိ​ကြ လိမ့်​မည်။ အ​မင်္ဂ​လာ​ရှိ​ကြ​လိမ့်​မည်'' ဟု​အ​သံ ကျယ်​စွာ​ပြော​ဆို​နေ​သည်​ကို​ငါ​ကြား​ရ​၏။

Garrad Bible

¹³ ထို အ ခါ ငါ မျှော် ကြည့် ရာ ရွှေ လင်း တ တစ် ကောင် သည် ကောင်း ကင့် အ လယ် တွင် ပျံ ဝဲ လျက် ကြွင်း သော စေ တ မန် တော် သုံး ပါး တို့ မှုတ် ရ ဦး မည့် တံ ပိုး သံ များ ကြောင့် မြေ ကြီး ပေါ် တွင် နေ ထိုင် သူ တို့၌ အ မင်္ဂ လာ၊ အ မင်္ဂ လာ၊ အ မင်္ဂ လာ ရှိ သည် ဟု၊ ကျယ် သော အ သံ နှင့် မြည် ကြွေး သည် ကို ကြား ရ ၏။

Judson Bible

¹³ ထို​အ​ခါ ငါ​ကြည့်​လျှင်၊ ရွှေ​လင်း​တ​တစ်​ကောင်​က၊ ကြွင်း​သေး​သော ကောင်း​ကင်​တ​မန်​သုံး​ပါး မှုတ်​လု​လ​တ္တံ့​သော တံ​ပိုး​သံ​ကြောင့် မြေ​ကြီး​သား​တို့​သည် အ​မင်္ဂ​လာ၊ အ​မင်္ဂ​လာ၊ အ​မင်္ဂ​လာ​ရှိ​ကြ၏​ဟု ကောင်း​ကင်​အ​လယ်၌ ပျံ​ဝဲ၍ ကြီး​သော​အ​သံ​နှင့် ဆို​သည်​ကို ငါ​ကြား၏။

ခေတ်သစ်​မြန်မာ သမ္မာကျမ်း

¹³ ထို့နောက် ကောင်းကင်​အလယ်​၌ ပျံဝဲနေသည့် လင်းယုန်ငှက်​တစ်ကောင်​ကို ကျွန်ုပ်​မြင်ရ၏။ ထို​လင်းယုန်​က “ကျန်ရှိသော​ကောင်းကင်တမန်​သုံးပါးတို့​၏ တံပိုးခရာ​မှုတ်တော့မည့်​အသံ​ကြောင့် ကမ္ဘာလောက​၌ နေထိုင်ကြသော​သူတို့​သည် အမင်္ဂလာ​ရှိကြ​လိမ့်မည်။ အမင်္ဂလာ​ရှိကြ​လိမ့်မည်။ အမင်္ဂလာ​ရှိကြ​လိမ့်မည်” ဟု​ကျယ်လောင်​စွာ ကြွေးကြော်သည်​ကို ကျွန်ုပ်​ကြားရ၏။

ဗျာ​ဒိတ် 8:13 Referencias Cruzadas

ဆာ​လံ 103:20

ကိုယ်တော်​၏​အမိန့်​တော်​အတိုင်း​လုပ်ဆောင်​၍ အမိန့်​တော်​သံ​ကို​နာခံ​ကြ​သည့် တန်ခိုး​ခွန်အားကြီး​သော ကိုယ်တော်​၏​ကောင်းကင်တမန်​တို့​၊ ထာဝရဘုရား​ကို ကောင်းချီးထောမနာ​ပြု​ကြ​လော့​။

ယေ​ဇ​ကျေ​လ 2:10

ငါ့​ရှေ့​တွင် ထို​စာလိပ်​ကို ဖြန့်ပြ​သောအခါ စာလိပ်​နှစ်ဖက်စလုံး​တွင် ငိုကြွေး​မြည်တမ်း​ခြင်း​အကြောင်း​များ​၊ အမင်္ဂလာ​အကြောင်း​များ ရေးသား​ထား​သည်​ကို ငါ​တွေ့​ရ​၏​။

ဟေ​ဗြဲ 1:14

ကောင်းကင်​တမန်​အားလုံး​တို့​သည် ကယ်တင်​ခြင်း​ကို​အမွေ​ဆက်ခံ​မည့်​သူ​များ​၏​အမှု​ကို​ဆောင်ရွက်​ရန် စေလွှတ်​ခြင်း​ခံရ​သည့် အစေခံ​ဝိညာဉ်​များ​ဖြစ်​ကြ​သည်​မ​ဟုတ်​လော။

ဗျာ​ဒိတ် 11:14

ဒုတိယ​အမင်္ဂလာ​သည် လွန်​သွား​လေ​ပြီ။ တတိယ​အမင်္ဂလာ​သည် အလျင်အမြန်​ရောက်လာ​လိမ့်မည်။

ဗျာ​ဒိတ် 12:12

သို့ဖြစ်၍ ကောင်းကင်​နှင့် ကောင်းကင်​၌​စံမြန်း​သော​သူ​တို့၊ ပျော်ရွှင်​ကြ​လော့။ မြေကြီး​နှင့်​ပင်လယ်​တို့​သည် အမင်္ဂလာရှိ​ကြ​၏။ အဘယ်ကြောင့်​ဆိုသော် မာရ်နတ်​သည် သူ​၏​အချိန်​အနည်းငယ်​သာ​ရှိ​ကြောင်း​ကို​သိ​လျက် ပြင်းစွာ​သော​ဒေါသ​ဖြင့် သင်​တို့​ထံသို့​ဆင်းလာ​ပြီ”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 14:3

သူ​တို့​သည် ပလ္လင်​တော်​ရှေ့​၌​လည်းကောင်း၊ သတ္တဝါ​လေး​ပါး​နှင့် သက်ကြီးဝါကြီး​တို့​၏​ရှေ့​၌​လည်းကောင်း သီချင်း​သစ်​ကို​သီဆို​ကြ​၏။ ကမ္ဘာ​မြေကြီး​ပေါ်မှ ရွေးနုတ်​ဝယ်ယူ​ခြင်း​ခံရ​သူ တစ်သိန်း​လေးသောင်း​လေးထောင်​တို့​မှတစ်ပါး မည်သူ​က​မျှ ထို​သီချင်း​ကို​မ​သင်ယူ​နိုင်​ပေ။

ဗျာ​ဒိတ် 14:6

ထို့နောက် အခြား​သော​ကောင်းကင်​တမန်​တစ်​ပါး​သည် ကောင်းကင်​အလယ်​၌​ပျံသန်း​နေ​သည်​ကို ငါ​မြင်​ရ​၏။ သူ​သည် ကမ္ဘာ​မြေကြီး​ပေါ်တွင်​နေထိုင်​ကြ​သူ​များ​တည်းဟူသော တိုင်းနိုင်ငံ၊ မျိုးနွယ်စု၊ ဘာသာ​စကား​အမျိုးမျိုး​ပြောဆို​သော လူမျိုး​အသီးသီး​တို့​အား ဟောပြော​ရန် ထာဝရ​တည်​သည့်​ကောင်းမြတ်​သော​သတင်း​ကို​ယူဆောင်​လာ​၏။

ဗျာ​ဒိတ် 19:17

ထို့နောက် နေ​ထဲ၌ ရပ်​နေ​သော​ကောင်းကင်​တမန်​တစ်​ပါး​ကို ငါ​မြင်​ရ​၏။ သူ​သည် ကောင်းကင်​အလယ်​၌ ပျံသန်း​သော​ငှက်​အပေါင်း​တို့​အား “ဘုရားသခင်​၏​ညစာ​စားပွဲ​ကြီး​သို့ လာ​၍​စုဝေး​ကြ​လော့။

ဗျာ​ဒိတ် 3:10

သင်​သည် သည်းခံ​ခြင်း​နှင့်ဆိုင်သော ငါ​၏​နှုတ်ကပတ်တရား​ကို လိုက်နာ​စောင့်ထိန်း​သောကြောင့် ကမ္ဘာ​မြေကြီး​ပေါ်၌​နေထိုင်​ကြ​သော​သူ​တို့​ကို စမ်းသပ်​စစ်ဆေး​ရန်​အတွက် ကမ္ဘာ​တစ်ခုလုံး​အပေါ်သို့ သက်ရောက်​လာ​တော့မည့် စမ်းသပ်​စစ်ဆေး​ရာ​ကာလ​တွင် ငါ​သည်​လည်း သင့်​ကို​စောင့်ရှောက်​မည်။

ဗျာ​ဒိတ် 8:2

ထို့နောက် ဘုရားသခင်​၏​ရှေ့​တော်​၌ ရပ်​နေ​သော​ကောင်းကင်​တမန်​ခုနစ်​ပါး​ကို ငါ​မြင်​ရ​၏။ သူ​တို့​အား တံပိုးခရာ​ခုနစ်​ခု​ကို​ပေး​ထား​၏။

ဗျာ​ဒိတ် 9:1

ပဉ္စမ​ကောင်းကင်​တမန်​သည် တံပိုးခရာ​ကို​မှုတ်​လိုက်​သောအခါ ကောင်းကင်​မှ​မြေကြီး​ပေါ်သို့​ကျ​လာ​သော ကြယ်​တစ်​လုံး​ကို ငါ​မြင်​ရ​၏။ ထို​ကြယ်​အား အတိုင်းမသိ​နက်ရှိုင်း​သော​တွင်း​၏​သော့​ကို ပေးအပ်​ထား​၏။

ဗျာ​ဒိတ် 9:12

ပထမ​အမင်္ဂလာ​သည် လွန်သွား​လေ​ပြီ။ ဤ​အရာ​များ​၏​နောက်တွင် အမင်္ဂလာ​နှစ်​မျိုး​လာ​ဦး​မည်။