ဗျာ​ဒိတ် 17:6 - မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ထို​မိန်းမ​သည် သန့်ရှင်း​သူ​တို့​၏​သွေး​နှင့် ယေရှု​၏​သက်သေ​များ​၏​သွေး​တို့​ဖြင့် ယစ်မူး​နေ​သည်​ကို ငါ​မြင်​ရ​၏။ ငါ​သည် သူ့​ကို​မြင်​ရ​သောအခါ အလွန်​အံ့ဩ​မိ​၏။

Common Language Bible

⁶ ထို​အ​မျိုး​သ​မီး​သည်​ဘု​ရား​သ​ခင်​လူ​စု​တော် ၏​သွေး​ကို​လည်း​ကောင်း၊ သ​ခင်​ယေ​ရှု​ကို​သစ္စာ ရှိ​သ​ဖြင့် အ​သတ်​ခံ​ရ​သူ​တို့​၏​သွေး​ကို​လည်း ကောင်း​သောက်​၍​ယစ်​မူး​လျက်​ရှိ​သည်​ကို​ငါ တွေ့​မြင်​ရ​၏။ သူ့​ကို​မြင်​ရ​သော​အ​ခါ​ငါ​သည်​လွန်​စွာ အံ့​သြ​၍​နေ​၏။-

Garrad Bible

⁶ သူ သည် သီး သန့် ထား သူ တို့ အ သွေး၊ ယေ ရှု၏ သက် သေ ခံ တော် တို့ အ သွေး နှင့် ယစ် မူး သည် ကို ငါ မြင် ရ၍ အ လွန် အံ့ ဩ သော်၊

Judson Bible

⁶ ထို​မိန်း​မ​သည် သန့်​ရှင်း​သူ​တို့၏ အ​သွေး၊ ယေ​ရှု၏ သက်​သေ​ခံ​တို့၏ အ​သွေး​နှင့် ယစ်​မူး​သည်​ကို ငါ​မြင်၏။ ထို​သို့​မြင်​သော​အ​ခါ အ​လွန်​အံ့​ဩ​မိန်း​မော၍ နေ၏။

ခေတ်သစ်​မြန်မာ သမ္မာကျမ်း

⁶ ထို​အမျိုးသမီး​သည် ယေရှု​အကြောင်း သက်သေခံသော​သန့်ရှင်းသူတို့​၏​သွေး​ကို သောက်​၍ ယစ်မူးနေသည်​ကို ကျွန်ုပ်​မြင်ရ၏။ သူ့​ကို မြင်ရ​သောအခါ ကျွန်ုပ်​သည် အလွန်​အံ့ဩ​လျက်​နေ၏။

ဗျာ​ဒိတ် 17:6 Referencias Cruzadas

ဒံ​ယေ​လ 7:21

ငါ​ကြည့်​နေ​စဉ် ထို​ချို​သည် သန့်ရှင်း​သူ​တို့​နှင့် စစ်တိုက်​၍​အနိုင်ရ​သည်​ကို တွေ့​ရ​၏​။

ဒံ​ယေ​လ 7:25

ထို​ဘုရင်​သည် အမြင့်ဆုံး​သော​အရှင်​ကို ဆန့်ကျင်​ပြောဆို​၍ အမြင့်ဆုံး​သော​အရှင်​၏​သန့်ရှင်း​သူ​များ​ကို ဖိနှိပ်ချုပ်ချယ်​မည်​။ သူ​သည် အချိန်​ကာလ​နှင့် ဥပဒေ​တို့​ကို ပြောင်းလဲ​ပစ်​ရန် ကြိုးစား​လိမ့်မည်​။ သန့်ရှင်း​သူ​တို့​သည်​လည်း တစ်​ကာလ​၊ နှစ်​ကာလ​၊ ကာလ​တစ်ဝက်​ပတ်လုံး သူ့​လက်​သို့ ကျရောက်​ရ​လိမ့်မည်​။

ဟ​ဗက္ကုတ် 1:13

ကိုယ်တော်​သည် မကောင်းမှု​များ​ကို မ​မြင်​ထိုက်​၊ ဆိုးညစ်မှု​များ​ကို မ​ကြည့်​ထိုက်​အောင် သန့်ရှင်းစင်ကြယ်​သော​မျက်လုံး​များ ရှိ​တော်မူ​ပါ​၏​။ သို့သော် သစ္စာမရှိ​သော​သူ​တို့​ကို အဘယ်ကြောင့် ကြည့်​နေ​နိုင်​ပါ​သနည်း​။ ဆိုးယုတ်​သော​သူ​တို့​က မိမိ​ထက်​ဖြောင့်မတ်​သော​သူ​တို့​အား ဝါးမျို​နေ​သည်​ကို အဘယ်ကြောင့် ဆိတ်ဆိတ်​နေ​တော်မူ​ပါ​သနည်း​။

ရှင်ယောဟန် 2:10

“လူ​တိုင်း ကောင်း​သော​စပျစ်​ဝိုင်​ကို ဦးစွာ​ချ​ပေး​ပြီး လူ​တို့​ယစ်မူး​ကြ​သောအခါ​မှ အညံ့​ကို​ချပေး​လေ့​ရှိ​၏။ သင်​မူကား ကောင်း​သော​စပျစ်​ဝိုင်​ကို ယခု​အထိ သိမ်း​ထား​ပြီ​တကား”​ဟု ဆို​၏။

တမန်တော်ဝတ္ထု 22:20

ထို့ပြင် ကိုယ်တော်​၏​သက်သေ​ဖြစ်​သည့် သတေဖန်​သတ်ဖြတ်​ခြင်း​ခံရ​သောအခါ အကျွန်ုပ်​ကိုယ်တိုင်​သည်​လည်း အနီး​၌​ရပ်​နေ​၍ အလိုတူအလိုပါ​ဖြစ်​ကာ သူ့​ကို​သတ်​သော​သူ​တို့​၏​အဝတ်​များ​ကို စောင့်​ပေး​ခဲ့​ပါ​၏’​ဟု လျှောက်​ပါ​သည်။

ဗျာ​ဒိတ် 12:11

ညီအစ်ကို​များ​သည် သိုးသငယ်​တော်​၏​သွေး​တော်​အားဖြင့်​လည်းကောင်း၊ မိမိ​တို့​သက်သေခံ​သော​နှုတ်ကပတ်တော်​အားဖြင့်​လည်းကောင်း၊ သူ့​ကို​အောင်နိုင်​ခဲ့​ကြ​၏။ သူ​တို့​သည် အသေခံ​ရ​သည့်​တိုင်အောင် မိမိ​တို့​အသက်​ကို​နှမြော​ခြင်း​မ​ရှိ​ကြ။

ဗျာ​ဒိတ် 13:15

တစ်ဖန် သားရဲ​၏​ရုပ်တု​သည် စကား​ပြော​နိုင်​ရန်​နှင့် သားရဲ​၏​ရုပ်တု​ကို​မ​ကိုးကွယ်​သော​သူ​ရှိသမျှ​တို့​ကို သတ်ဖြတ်​စေရန် ထို​သားရဲ​၏​ရုပ်တု​အား အသက်​သွင်း​ပေး​နိုင်​သော​အခွင့်​ကို ရရှိ​လေ​၏။

ဗျာ​ဒိတ် 13:7

သူ​သည် သန့်ရှင်း​သူ​တို့​ကို​စစ်တိုက်​၍ အောင်နိုင်​သော​အခွင့်​ကို​ရရှိ​ပြီး မျိုးနွယ်စု၊ လူမျိုး၊ ဘာသာ​စကား​နှင့် တိုင်းနိုင်ငံ​အသီးသီး​တို့​မှ​လူတို့​အား အုပ်စိုး​ရ​သော​အခွင့်​ကို​လည်း​ရရှိ​၏။

ဗျာ​ဒိတ် 16:6

အကြောင်းမူကား ထို​သူ​တို့​သည် သန့်ရှင်း​သူ​များ​နှင့် ပရောဖက်​များ​၏​သွေး​ကို သွန်း​ခဲ့​ကြ​သည်​ဖြစ်၍ ကိုယ်တော်​သည် ထို​သွေး​တို့​ကို သူ​တို့​အား​သောက်​ရန် ပေး​တော်မူ​ပြီ။ သူ​တို့​သည် ထိုသို့​ခံရ​ရန် ထိုက်တန်​ပေ​၏”​ဟု ဆို​သည်​ကို ငါ​ကြား​ရ​၏။

ဗျာ​ဒိတ် 2:13

သင်​သည် မည်သည့်​အရပ်​၌​နေထိုင်​သည်​ကို ငါ​သိ​၏။ ထို​အရပ်​၌ စာတန်​၏​ပလ္လင်​ရှိ​၏။ ငါ​၌​သစ္စာ​ရှိ​သော ငါ​၏​သက်သေ​အန္တိပ​သည် စာတန်​နေထိုင်​ရာ​အရပ်​ဖြစ်​သော​သင်​တို့​ထံ၌ အသတ်​ခံရ​သည့်​အချိန်​၌​ပင် သင်​သည် ငါ​၏​နာမ​ကို​စွဲကိုင်​လျက် ငါ့​အပေါ်​ထား​သော​ယုံကြည်​ခြင်း​ကို မ​စွန့်ပယ်​ခဲ့​ချေ။