ဗျာ​ဒိတ် 13:17 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁷ သားရဲ​၏​အမည်​၊ သို့မဟုတ် သူ့​အမည်​၏​ကိန်းဂဏန်း​ဖြစ်​သည့် ထို​အမှတ်တံဆိပ်​မ​ရှိ​လျှင် မည်သူမျှ အရောင်း​အဝယ်​မ​ပြု​နိုင်​ရန်​စီရင်​လေ​၏။

Common Language Bible

¹⁷ ထို​အ​မှတ်​တံ​ဆိပ်​တည်း​ဟူ​သော​သား​ရဲ​၏ နာ​မည် သို့​မ​ဟုတ်​ကိုယ်​စား​ပြု​သည့်​ကိန်း ဂ​ဏန်း​ကို ရိုက်​နှိပ်​ထား​သူ​မှ​တစ်​ပါး​အ​ဘယ် သူ​မျှ​ကုန်​ရောင်း​ကုန်​ဝယ်​ခွင့်​မ​ရ။

Garrad Bible

¹⁷ သား ရဲ၏ အ မည် ဂ ဏာန်း တည်း ဟူ သော ထို သ ညာ ကင်း သူ မည် သူ မျှ ရောင်း ဝယ် ခွင့် မ ရ။

Judson Bible

¹⁷ ထို​တံ​ဆိပ်​လက်​မှတ်​တည်း​ဟူ​သော သား​ရဲ၏ နာ​မ​ဖြစ်​စေ၊ နာ​မ၏ အ​ရေ​အ​တွက်​ဖြစ်​စေ၊ တစ်​ခု​ခု​ကို မ​ခံ​သော​သူ​တစ်​ယောက်​မျှ မ​ရောင်း​မ​ဝယ်​စေ​ခြင်း​ငှာ​လည်း​ကောင်း စီ​ရင်၏။-

ခေတ်သစ်​မြန်မာ သမ္မာကျမ်း

¹⁷ ထို​သားရဲ​၏ အမည်၊ သို့မဟုတ် သူ​၏ အမည်​ကို ကိုယ်စားပြုသော​ကိန်းဂဏန်း​ဖြစ်သည့် ထို​အမှတ်တံဆိပ် မရှိ​လျှင် မည်သူ​မျှ အရောင်းအဝယ် ပြုခွင့်​မရ။

ဗျာ​ဒိတ် 13:17 Referencias Cruzadas

ဂ​လာ​တိ 6:17

ယခု​မှစ၍ မည်သူမျှ ငါ့​အား အနှောင့်အယှက်​မ​ပေး​ပါစေ​နှင့်။ အကြောင်းမူကား ငါ​သည် ယေရှု​နှင့်ဆိုင်သော​အမှတ်တံဆိပ်​များ​ကို ငါ​၏​ကိုယ်ခန္ဓာ​၌ ဆောင်​ထား​၏။

ဗျာ​ဒိတ် 13:16

ထို့ပြင် လူကြီး​ဖြစ်စေ၊ လူငယ်​ဖြစ်စေ၊ ချမ်းသာ​သော​သူ​ဖြစ်စေ၊ ဆင်းရဲ​သော​သူ​ဖြစ်စေ၊ လွတ်လပ်​သူ​ဖြစ်စေ၊ ကျွန်​ဖြစ်စေ၊ လူ​အပေါင်း​တို့​အား သူ​တို့​၏​လက်ယာ​လက်​ပေါ်၌​၊ သို့မဟုတ် နဖူး​ပေါ်၌ အမှတ်တံဆိပ်​ကို​ရိုက်နှိပ်​စေ​၍

ဗျာ​ဒိတ် 13:18

ဤ​နေရာ​တွင် ဉာဏ်ပညာ​ရှိ​ရန်​လို​အပ်​၏။ ထိုးထွင်းဉာဏ်​ရှိ​သော​သူ​သည် သားရဲ​၏​ကိန်းဂဏန်း​ကို​တွက်ချက်​ပါစေ။ အကြောင်းမူကား ၎င်း​သည် လူ​တစ်​ဦး​၏​ကိန်းဂဏန်း​ဖြစ်​ပြီး ထို​ကိန်းဂဏန်း​မှာ ခြောက်ရာ​ခြောက်ဆယ့်​ခြောက်​ဖြစ်​၏။

ဗျာ​ဒိတ် 14:11

သူ​တို့​ခံရ​သည့်​ညှဉ်းဆဲ​ခြင်း​၏​မီးခိုး​သည် ကမ္ဘာ​အဆက်ဆက်​တက်​လျက်​နေ​၏။ သားရဲ​နှင့်​သူ​၏​ရုပ်တု​ကို​ကိုးကွယ်​၍ သူ့​အမည်​၏​အမှတ်တံဆိပ်​ကို​ခံယူ​သော​သူ​သည် နေ့​ရော​ည​ပါ သက်သာ​ရာ​ရ​လိမ့်မည်​မ​ဟုတ်”​ဟု ကျယ်လောင်​သော​အသံ​ဖြင့်​ကြွေးကြော်​လေ​၏။

ဗျာ​ဒိတ် 14:9

တစ်ဖန် တတိယ​ကောင်းကင်​တမန်​သည် သူ​တို့​နောက်​မှ​လိုက်​လာ​၍ “သားရဲ​နှင့်​သူ​၏​ရုပ်တု​ကို​ကိုးကွယ်​လျက် မိမိ​နဖူး​ပေါ်တွင်​ဖြစ်စေ၊ မိမိ​လက်​ပေါ်တွင်​ဖြစ်စေ သူ​၏​အမှတ်တံဆိပ်​ကို​ခံယူ​သော​သူ​သည်

ဗျာ​ဒိတ် 15:2

တစ်ဖန် မီး​နှင့်​ရော​ထား​သည့် ဖန်​ပင်လယ်​ကဲ့သို့သော​အရာ​ကို​လည်းကောင်း၊ သားရဲ၊ သူ​၏​ရုပ်တု​နှင့် သူ့​အမည်​၏​ကိန်းဂဏန်း​တို့​အပေါ် အနိုင်ရ​သော​သူ​တို့​သည် ဘုရားသခင်​၏​စောင်း​များ​ကို​ကိုင်ဆောင်​လျက် ထို​ဖန်​ပင်လယ်​ပေါ်တွင်​ရပ်​နေ​ကြ​သည်​ကို​လည်းကောင်း ငါ​မြင်​ရ​၏။

ဗျာ​ဒိတ် 17:5

သူ​၏​နဖူး​ပေါ်၌​ရေး​ထား​သည့် လျှို့ဝှက်​နက်နဲ​သော​အမည်​နာမ​မှာ “ဘေဘီလုံ​မြို့​ကြီး၊ ပြည့်တန်ဆာ​တို့​နှင့်​ကမ္ဘာ​မြေကြီး​ပေါ်မှ​ရွံရှာ​ဖွယ်​ရာ​များ​၏​အမိ”​ဟူ၍​ဖြစ်​၏ ။

ဗျာ​ဒိတ် 20:4

ထို့နောက် ပလ္လင်​များ​နှင့် ၎င်း​တို့​အပေါ်​တွင်​ထိုင်​နေ​သော​သူ​တို့​ကို ငါ​မြင်​ရ​၏။ ထို​သူ​တို့​သည် တရား​စီရင်​ခွင့်​ကို​ရ​ကြ​၏။ တစ်ဖန် ယေရှု​နှင့်ဆိုင်သော​သက်သေခံ​ချက်​အတွက်​လည်းကောင်း၊ ဘုရားသခင်​၏​နှုတ်ကပတ်တော်​အတွက်​လည်းကောင်း ခေါင်းဖြတ်​ခံရ​သော​သူ​တို့​၏​ဝိညာဉ်​များ​မှစ၍ သားရဲ​နှင့်​သားရဲ​၏​ရုပ်တု​ကို​မ​ကိုးကွယ်၊ သူ​၏​အမှတ်တံဆိပ်​ကို​လည်း မိမိ​တို့​၏​နဖူး​၊ သို့မဟုတ် လက်​တွင် မ​ခံယူ​သော​သူ​တို့​ကို ငါ​မြင်​ရ​၏။ သူ​တို့​သည် အသက်​ပြန်​ရှင်​၍ အနှစ်​တစ်ထောင်​ပတ်လုံး ခရစ်တော်​နှင့်အတူ​စိုးစံ​ကြ​၏။

ဗျာ​ဒိတ် 22:4

သူ​တို့​သည် ကိုယ်တော်​၏​မျက်နှာ​ကို​ဖူးမြင်​ရ​ကြ​လိမ့်မည်။ ကိုယ်တော်​၏​နာမ​တော်​သည်​လည်း သူ​တို့​၏​နဖူး​ပေါ်၌​ရှိ​လိမ့်မည်။

ဗျာ​ဒိတ် 3:12

ငါ​သည် အောင်မြင်​သော​သူ​အား ငါ့​ဘုရားသခင်​၏​ဗိမာန်​တော်​၌ တိုင်​ဖြစ်​စေ​မည်။ သူ​သည် မည်သည့်​အခါ​မျှ အပြင်​သို့​ထွက်ခွာ​သွား​ရ​တော့​မည်​မ​ဟုတ်။ ငါ​သည် ငါ့​ဘုရားသခင်​၏​နာမ​တော်​ကို​လည်းကောင်း၊ ငါ့​ဘုရားသခင်​၏​မြို့​တော်​တည်းဟူသော ဘုရားသခင်​အထံ​တော်​ကောင်းကင်​မှ​ဆင်းသက်​လာ​သည့် ဂျေရုဆလင်​မြို့​သစ်​၏​နာမ​ကို​လည်းကောင်း၊ ငါ​၏​နာမ​အသစ်​ကို​လည်းကောင်း သူ့​အပေါ်၌​ရေး​ထား​မည်။

ဗျာ​ဒိတ် 7:3

“ငါ​တို့​ဘုရားသခင်​၏​အစေအပါး​တို့​၏​နဖူး​ပေါ်တွင် တံဆိပ်​ခတ်နှိပ်​မ​ပြီး​မချင်း မြေကြီး၊ ပင်လယ်​နှင့် သစ်ပင်​တို့​ကို ဘေး​မ​သင့်​စေ​နှင့်”​ဟု ကျယ်လောင်​သော​အသံ​ဖြင့်​ကြွေးကြော်​၏။