ဗျာ​ဒိတ် 1:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ဤသည်ကား ယေရှု​ခရစ်တော်​၏​ဗျာဒိတ်​တော်​ဖြစ်​၏။ ဤ​ဗျာဒိတ်​တော်​သည် မကြာမီ​အတွင်း​ဖြစ်ပျက်​ရ​မည့်​အရာ​များ​ကို မိမိ​၏​အစေအပါး​တို့​အား​ပြသ​ရန် ခရစ်တော်​၌ ဘုရားသခင်​ပေးအပ်​တော်မူ​သော​အရာ​ဖြစ်​၏။ ခရစ်တော်​သည် မိမိ​၏​ကောင်းကင်​တမန်​ကို​စေလွှတ်​၍ မိမိ​အစေအပါး​ယောဟန်​အား ဤ​ဗျာဒိတ်​တော်​အရိပ်အယောင်​ကို ဖော်ပြ​တော်မူ​၏။

Common Language Bible

¹ ဤ​ကျမ်း​စောင်​တွင်​ယေ​ရှု​ခ​ရစ်​ပေး​တော်​မူ သော ဗျာ​ဒိတ်​တော်​အ​ကြောင်း​ကို​မှတ်​တမ်း တင်​ထား​၏။ ဘု​ရား​သ​ခင်​သည်​ခ​ရစ်​တော် အား​ဤ​ဗျာ​ဒိတ်​တော်​ကို​ပေး​ရ​ခြင်း​မှာ များ မ​ကြာ​မီ​ဖြစ်​ပျက်​ရ​မည့်​အ​မှု​အ​ရာ​များ ကို မိ​မိ​၏​အ​စေ​ခံ​တို့​အား​သိ​စေ​ရန်​ဖြစ် ပေ​သည်။ ခ​ရစ်​တော်​သည်​မိ​မိ​၏​အ​စေ​ခံ ယော​ဟန်​ထံ​သို့​ကောင်း​ကင်​တ​မန်​ကို​စေ လွှတ်​၍ ဤ​ဗျာ​ဒိတ်​တော်​ကို​ပြန်​ကြား​စေ တော်​မူ​၏။-

Garrad Bible

¹ မ ကြာ မီ ဖြစ် ပျက် ရ မည့် အ ခြင်း အ ရာ များ ကို ကျွန် တော် ရင်း တို့ အား ထင် ရှား စေ ရန် ဘု ရား သ ခင် သ နား တော် မူ၍ ကိုယ် တော်၏ ကျွန် ယော ဟန့် ထံ စေ တ မန် တော် အား ဖြင့်၊ ယေ ရှု ခ ရစ် ဆင့် ဆို ဖော် ပြ တော် မူ သော ဗျာ ဒိတ် တော် အ တိုင်း၊

Judson Bible

¹ ကာ​လ​မ​ကြာ​မ​မြင့်​မီ ဖြစ်​ရ​မည်​အ​မှု​အ​ရာ​များ​ကို ယေ​ရှု​ခ​ရစ်​သည် မိ​မိ​အ​စေ​ခံ​ကျွန်​တို့​အား ပြ​စေ​ခြင်း​ငှာ၊ ဘု​ရား​သ​ခင် အပ်​ပေး​တော်​မူ​သော ထို​သ​ခင်၏ ဗျာ​ဒိတ်​တော်​ကို ဆို​ပေ​အံ့။ ထို​သ​ခင်​သည် မိ​မိ​ကောင်း​ကင်​တ​မန်​ကို စေ​လွှတ်၍၊ မိ​မိ​အ​စေ​ခံ​ကျွန်​ယော​ဟန်​အား ဗျာ​ဒိတ်​တော်​အ​ရိပ်​ကို ပြ​တော်​မူ၏။-

ခေတ်သစ်​မြန်မာ သမ္မာကျမ်း

¹ ဤ​စာစောင်​သည် ယေရှု​ခရစ်တော်​၏ ဗျာဒိတ်တော်​ဖြစ်၏။ ဤ​ဗျာဒိတ်တော်​မှာ ဘုရားသခင်​က မိမိ​၏ အစေခံများ​အား မကြာမီ​ဖြစ်ပျက်ရမည့်​အရာ​ကို ဖော်ပြ​ရန် ယေရှု​ခရစ်တော်​ထံ ပေးအပ်တော်မူသော​ဗျာဒိတ်တော်​ဖြစ်၏။ ထို့ကြောင့် ခရစ်တော်​သည် ထို​ဗျာဒိတ်တော်​ကို မိမိ​၏​အစေခံ​ယောဟန်​အား ဖွင့်ပြ​ရန် ကောင်းကင်တမန်​ကို စေလွှတ်တော်မူ၏။

ဗျာ​ဒိတ် 1:1 Referencias Cruzadas

ဆာ​လံ 25:14

ထာဝရဘုရား​သည် မိမိ​ကို​ကြောက်ရွံ့​သော​သူ​တို့​နှင့်​ရင်းနှီးကျွမ်းဝင်​တော်မူ​၏​။ မိမိ​၏​ပဋိညာဉ်​တော်​ကို​လည်း သူ​တို့​အား သိ​စေ​တော်မူ​၏​။

ဒံ​ယေ​လ 8:16

ထို့နောက် ဥလဲ​မြစ်​နား​မှ​လူ​တစ်​ဦး​က “​အို ဂါဗြေလ​၊ ထို​ဗျာဒိတ်အာရုံ​၏​အနက်​ကို သူ့​အား ဖော်ပြ​ပေး​ပါ​”​ဟု အော်ပြော​သော​အသံ​ကို ငါ​ကြား​ရ​၏​။

ဒံ​ယေ​လ 9:21

ထိုသို့ ငါ​မြွက်ဆို​ဆုတောင်း​နေ​စဉ် ယခင် ဗျာဒိတ်နိမိတ်​တွင် ငါ​တွေ့မြင်​ခဲ့​ရ​သော ဂါဗြေလ​သည် အလျင်အမြန်​ပျံသန်း​လာ​၍ ညနေ​ပူဇော်သက္ကာ​အချိန်​တွင် ငါ့​ထံ​ရောက်လာ​၏​။

ဒံ​ယေ​လ 9:23

သင်​သည် နှစ်သက်မြတ်နိုး​ခြင်း​ကို ခံရ​သော​သူ​ဖြစ်​သောကြောင့် သင် စတင်​ဆုတောင်း​စဉ်​မှာပင် အမိန့်​တော်​ရှိ​သည်​ဖြစ်၍ သင့်​အား ပြောကြား​ရန် ငါ​ရောက်လာ​ပြီ​။ သို့ဖြစ်၍ ဤ​စကား​တော်​ကို ဆင်ခြင်​၍ ဗျာဒိတ်အာရုံ​ကို သိရှိနားလည်​လော့​။

အာ​မုတ် 3:7

စင်စစ် ဘုရားရှင်​ထာဝရဘုရား​သည် မိမိ​အကြံအစည်​တော်​ကို အစေအပါး​ပရောဖက်​တို့​အား မ​ဖွင့်ပြ​ဘဲ မည်သည့်​အမှု​ကို​မျှ ပြု​တော်​မ​မူ​။

ရှင်ယောဟန် 12:49

အကြောင်းမူကား ငါ​သည် ကိုယ့်​ဆန္ဒ​အလျောက်​ဟောပြော​သည်​မ​ဟုတ်​ဘဲ ငါ့​ကို​စေလွှတ်​တော်မူ​သော​ခမည်းတော်​ကိုယ်တိုင် ငါ​မည်သို့​မြွက်ဆို​၍ မည်သို့​ဟောပြော​ရ​မည်​ကို ငါ့​အား​အမိန့်​ပေး​တော်မူ​၏။

ရှင်ယောဟန် 15:15

ငါ​သည် သင်​တို့​ကို ကျွန်​ဟူ၍​ခေါ်​တော့မည်​မ​ဟုတ်။ အကြောင်းမူကား ကျွန်​သည် မိမိ​သခင်​ပြု​နေ​သော​အရာ​ကို​မ​သိ။ ငါ့​ခမည်းတော်​ထံမှ ကြားနာ​ခဲ့​သော​အရာ​အားလုံး​ကို သင်​တို့​အား ငါ​သိ​စေ​ခဲ့​ပြီ​ဖြစ်​သောကြောင့် သင်​တို့​ကို မိတ်ဆွေ​ဟူ၍ ငါ​ခေါ်​၏။

ရှင်ယောဟန် 17:8

အကြောင်းမူကား အကျွန်ုပ်​အား ကိုယ်တော်​ပေး​တော်မူ​သော​နှုတ်ကပတ်​တရား​တို့​ကို အကျွန်ုပ်​သည် သူ​တို့​အား ပေးအပ်​သဖြင့် သူ​တို့​သည် ခံယူ​ကြ​ကာ ကိုယ်တော်​ထံမှ အကျွန်ုပ်​ကြွလာ​ခဲ့​ကြောင်း​ကို အမှန်ပင်​သိရှိ​လျက် ကိုယ်တော်​သည် အကျွန်ုပ်​ကို​စေလွှတ်​တော်မူ​ကြောင်း​ကို​လည်း ယုံကြည်​ကြ​ပါ​ပြီ။

ရှင်ယောဟန် 3:32

ကိုယ်တော်​သည် မိမိ​မြင်​ခဲ့၊ ကြား​ခဲ့​ရ​သော​အရာ​ကို သက်သေခံ​သော်လည်း ကိုယ်တော်​၏​သက်သေခံ​ချက်​ကို မည်သူမျှ​လက်​မ​ခံ​ကြ။

ရှင်ယောဟန် 8:26

သင်​တို့​နှင့်​ပတ်သက်၍ ငါ​ပြော​စရာ၊ စီရင်​စရာ​များစွာ​ရှိ​၏။ သို့သော် ငါ့​ကို​စေလွှတ်​တော်မူ​သော​အရှင်​သည် ဖြောင့်မှန်​တော်မူ​သည်​ဖြစ်​၍ ငါ​သည် သူ့​ထံမှ​ကြား​ခဲ့​သမျှ​သော​အရာ​တို့​ကို ဤ​လောက​၌ ဟောပြော​၏”​ဟု မိန့်​တော်မူ​၏။

ရော​မ 16:25

ငါ​ဟောပြော​သည့်​ကောင်းမြတ်​သော​သတင်း​နှင့် ယေရှု​ခရစ်တော်​အကြောင်း​ကို​ဟောပြော​ခြင်း​အားဖြင့်​လည်းကောင်း၊ ရှေး​ကာလ​ပတ်လုံး ဝှက်​ထား​ခြင်း​ခံရ​သော်လည်း ယခု​အခါ ထာဝရ​ဘုရားသခင်​၏​အမိန့်​တော်​အတိုင်း ပရောဖက်​ကျမ်း​များ​၌​ထင်ရှား​ပြီး ယုံကြည်​ခြင်း​နှင့်ဆိုင်သော​နာခံ​မှု​ရှိ​စေရန် လူမျိုး​အပေါင်း​တို့​အား​သိ​စေ​သည့် လျှို့ဝှက်​နက်နဲ​သော​အရာ​ကို ဖွင့်ပြ​ခြင်း​အားဖြင့်​လည်းကောင်း သင်​တို့​ကို ခိုင်ခံ့​မြဲမြံ​စေ​နိုင်​သော​အရှင်​၊

ဂ​လာ​တိ 1:12

အကြောင်းမူကား ၎င်း​ကို လူ့​ထံမှ ငါ​ရရှိ​ခဲ့​သည်​မ​ဟုတ်။ သင်ယူ​ခဲ့​သည်​လည်း​မ​ဟုတ်။ ယေရှု​ခရစ်တော်​၏​ဗျာဒိတ်​တော်​အားဖြင့်​သာ ငါ​ရရှိ​ခဲ့​၏။

ဧ​ဖက် 3:3

အထက်​က အကျဉ်း​မျှ ငါ​ရေး​ထား​သည့်​အတိုင်း ဤ​လျှို့ဝှက်​နက်နဲ​သော​အရာ​ကို ဗျာဒိတ်​တော်​အားဖြင့် ငါ့​အား​သိ​စေ​တော်မူ​၏။

တိ​တု 1:1

ဘုရားသခင်​၏​အစေအပါး​နှင့် ယေရှု​ခရစ်တော်​၏​တမန်တော်​ဖြစ်​သော ငါ​ပေါလု​သည် စာ​ရေး​လိုက်​ပါ​၏။ ငါ​သည် ဘုရားသခင်​ရွေးကောက်​တော်မူ​သော​သူ​တို့​၏​ယုံကြည်​ခြင်း​အတွက်​လည်းကောင်း၊ ထာဝရ​အသက်​ကို​မျှော်လင့်​ခြင်း​အားဖြင့် ဘုရား​ဝတ်​၌​မွေ့လျော်​ခြင်း​နှင့်အညီ သမ္မာတရား​ကို​သိရှိ​စေရန်​အတွက်​လည်းကောင်း တမန်တော်​ဖြစ်​လာ​၏။

ဗျာ​ဒိတ် 1:19

ထို့ကြောင့် သင်​မြင်​ခဲ့​ရ​သော​အရာ​များ၊ ယခု​ဖြစ်​နေ​သော​အရာ​များ​နှင့် နောင်တွင်​ဖြစ်ပျက်​တော့​မည့်​အရာ​များ​ကို ရေး​ထား​လော့။

ဗျာ​ဒိတ် 1:9

ယေရှု​၌​ဆင်းရဲ​ဒုက္ခ​ကို​လည်းကောင်း၊ နိုင်ငံ​တော်​ကို​လည်းကောင်း၊ သည်းခံ​ခြင်း​ကို​လည်းကောင်း သင်​တို့​နှင့်အတူ မျှဝေ​ခံစား​သူ​ဖြစ်​သော သင်​တို့​၏​ညီအစ်ကို ငါ​ယောဟန်​သည် ဘုရားသခင်​၏​နှုတ်ကပတ်တော်​နှင့် ယေရှု​နှင့်ဆိုင်သော​သက်သေခံ​ချက်​တို့​ကြောင့် ပတ်မု​ဟု​ခေါ်​သော​ကျွန်း​တွင်​ရောက်​နေ​၏။

ဗျာ​ဒိတ် 17:1

ထို့နောက် ဖလား​ခုနစ်​လုံး​ရှိ​သော ကောင်းကင်​တမန်​ခုနစ်​ပါး​ထဲမှ တစ်​ပါး​သည်​လာ​၍ ငါ​နှင့်​စကား​ပြော​လျက် “လာ​ပါ။ များစွာ​သော​ရေ​တို့​အပေါ်​ထိုင်​နေ​သော ပြည့်တန်ဆာမ​ကြီး​ခံရ​မည့် တရား​စီရင်​ခြင်း​ကို သင့်​အား ငါ​ပြ​မည်။

ဗျာ​ဒိတ် 19:10

ထိုအခါ ငါ​သည် ထို​ကောင်းကင်​တမန်​ကို​ရှိခိုး​ရန် သူ​၏​ခြေ​ရင်း​၌​ပျပ်ဝပ်​လေ​သော် သူ​က “ထိုသို့​မ​ပြု​နှင့်။ ငါ​သည် သင်​မှစ၍ ယေရှု​နှင့်ဆိုင်သည့်​သက်သေခံ​ချက်​ကို​ရရှိ​ထား​သော သင့်​ညီအစ်ကို​တို့​၏​အစေအပါး​ချင်း​ဖြစ်​၏။ ဘုရားသခင်​ကို​ရှိခိုး​လော့။ အကြောင်းမူကား ယေရှု​နှင့်ဆိုင်သော​သက်သေခံ​ချက်​သည် ပရောဖက်ပြု​ဟောပြော​ခြင်း​၏​ဝိညာဉ်​ဖြစ်​၏”​ဟု ဆို​၏။

ဗျာ​ဒိတ် 19:9

ထို့နောက် ကောင်းကင်​တမန်​က “သိုးသငယ်​တော်​၏​မင်္ဂလာ​ညစာစားပွဲ​သို့ ဖိတ်ခေါ်​ခြင်း​ခံရ​သော​သူ​တို့​သည် မင်္ဂလာရှိ​ကြ​၏​ဟု ရေး​ထား​လော့”​ဟူ၍ ငါ့​အား​မြွက်ဆို​ပြီးလျှင် “ဤ​အရာ​တို့​သည် ဘုရားသခင်​၏​ဖြောင့်မှန်​သော​နှုတ်ကပတ်တော်​များ​ဖြစ်​ကြ​၏”​ဟု မြွက်ဆို​လေ​၏။

ဗျာ​ဒိတ် 21:2

တစ်ဖန် သန့်ရှင်း​သော​ဂျေရုဆလင်​မြို့​သစ်​သည် သတို့သား​အတွက်​ဆင်မြန်း​ထား​သည့် သတို့သမီး​ကဲ့သို့​ပြင်ဆင်​လျက် ဘုရားသခင်​အထံ​တော်၊ ကောင်းကင်​မှ​ဆင်းသက်​လာ​သည်​ကို ငါ​မြင်​ရ​၏။

ဗျာ​ဒိတ် 21:9

ထို့နောက် နောက်ဆုံး​သော​ဘေးဒဏ်​ခုနစ်​ပါး​နှင့် ပြည့်​နေ​သော​ဖလား​ခုနစ်​လုံး​ကို ကိုင်ဆောင်​သည့်​ကောင်းကင်​တမန်​ခုနစ်​ပါး​ထဲမှ တစ်​ပါး​သည်​လာ​၍ ငါ​နှင့်​စကား​ပြော​လျက် “လာ​ပါ။ သိုးသငယ်​တော်​၏​ဇနီးသည်​ဖြစ်​သော သတို့သမီး​ကို သင့်​အား​ငါ​ပြ​မည်”​ဟု ဆို​၏။

ဗျာ​ဒိတ် 22:1

ထို့နောက် ကောင်းကင်​တမန်​သည် ကျောက်​သလင်း​ကဲ့သို့​ကြည်လင်​တောက်ပ​သော အသက်​ရေ​စီး​ရာ​မြစ်​ကို ငါ့​အား​ပြ​လေ​၏။ ထို​မြစ်​သည် ဘုရားသခင်​နှင့်​သိုးသငယ်​တော်​၏​ပလ္လင်​တော်​မှ ထွက်​၍

ဗျာ​ဒိတ် 22:16

ငါ​ယေရှု​သည် အသင်းတော်​များ​အတွက် ဤ​အကြောင်းအရာ​များ​ကို သင်​တို့​အား​သက်သေခံ​ရန် ငါ​၏​ကောင်းကင်​တမန်​ကို​စေလွှတ်​လိုက်​၏။ ငါ​သည် ဒါဝိဒ်​၏​အမြစ်​နှင့်​အမျိုးအနွယ်​ဖြစ်​ပြီး တောက်ပ​သော​မိုးသောက်​ကြယ်​ဖြစ်​၏။”

ဗျာ​ဒိတ် 22:6

ထို့နောက် ကောင်းကင်​တမန်​က “ဤ​စကား​တို့​သည် သစ္စာ​စကား၊ မှန်ကန်​သော​စကား​ဖြစ်​ကြ​၏။ ပရောဖက်​တို့​၏​ဝိညာဉ်​များ​ကို​ပိုင်သ​တော်မူ​သော ထာဝရ​အရှင်​ဘုရားသခင်​သည် မကြာမီ​အတွင်း​ဖြစ်ပျက်​ရ​မည့်​အရာ​များ​ကို မိမိ​အစေအပါး​တို့​အား​ပြသ​ရန် မိမိ​၏​ကောင်းကင်​တမန်​ကို စေလွှတ်​တော်မူ​၏”​ဟု မြွက်ဆို​လေ​၏။

ဗျာ​ဒိတ် 22:8

ငါ​ယောဟန်​သည် ဤ​အကြောင်းအရာ​များ​ကို မြင်​ရ​ကြား​ရ​သော​သူ​ဖြစ်​၏။ ငါ​သည် မြင်​ရ​ကြား​ရ​သောအခါ ၎င်း​တို့​ကို ငါ့​အား​ပြသ​သော ကောင်းကင်​တမန်​ကို​ရှိခိုး​ရန် သူ​၏​ခြေရင်း​၌ ပျပ်ဝပ်​လေ​သော်

ဗျာ​ဒိတ် 22:9

သူ​က “ထိုသို့​မ​ပြု​နှင့်။ ငါ​သည် သင်​မှစ၍ သင့်​ညီအစ်ကို​များ​ဖြစ်​ကြ​သည့် ပရောဖက်​များ​နှင့် ဤ​စာစောင်​၌​ပါ​သော​စကား​တို့​ကို လိုက်နာ​စောင့်ထိန်း​သော​သူ​များ​၏​အစေအပါး​ချင်း​ဖြစ်​၏။ ဘုရားသခင်​ကို​ရှိခိုး​လော့”​ဟု ဆို​၏။

ဗျာ​ဒိတ် 4:1

ထို့နောက် ငါ​ကြည့်​လိုက်​ရာ ကောင်းကင်​၌​ဖွင့်​ထား​သည့်​တံခါး​တစ်​ခု​ရှိ​၏။ ထိုအခါ ပထမ​ဦးစွာ ငါ့​အား​မိန့်​တော်မူ​သည်​ကို ငါ​ကြား​ရ​သည့်​တံပိုးခရာသံ​ကဲ့သို့​သော​အသံ​က“ဤ​အရပ်​သို့​တက်​လာ​လော့။ ဤ​အဖြစ်အပျက်​များ​နောက်တွင် ဖြစ်ပျက်​ရ​မည့်​အရာ​တို့​ကို သင့်​အား ငါ​ပြ​မည်”​ဟု ဆို​၏။

ဗျာ​ဒိတ် 5:7

သိုးသငယ်​တော်​သည် လာ​၍ ပလ္လင်​တော်​ပေါ်တွင်​ထိုင်​တော်မူ​သော​အရှင်​၏​လက်ယာ​လက်​မှ စာလိပ်​ကို​ယူ​လေ​၏။