ဗျာ​ဒိတ် 1:1 - ခေတ်သစ်​မြန်မာ သမ္မာကျမ်း

¹ ဤ​စာစောင်​သည် ယေရှု​ခရစ်တော်​၏ ဗျာဒိတ်တော်​ဖြစ်၏။ ဤ​ဗျာဒိတ်တော်​မှာ ဘုရားသခင်​က မိမိ​၏ အစေခံများ​အား မကြာမီ​ဖြစ်ပျက်ရမည့်​အရာ​ကို ဖော်ပြ​ရန် ယေရှု​ခရစ်တော်​ထံ ပေးအပ်တော်မူသော​ဗျာဒိတ်တော်​ဖြစ်၏။ ထို့ကြောင့် ခရစ်တော်​သည် ထို​ဗျာဒိတ်တော်​ကို မိမိ​၏​အစေခံ​ယောဟန်​အား ဖွင့်ပြ​ရန် ကောင်းကင်တမန်​ကို စေလွှတ်တော်မူ၏။

Common Language Bible

¹ ဤ​ကျမ်း​စောင်​တွင်​ယေ​ရှု​ခ​ရစ်​ပေး​တော်​မူ သော ဗျာ​ဒိတ်​တော်​အ​ကြောင်း​ကို​မှတ်​တမ်း တင်​ထား​၏။ ဘု​ရား​သ​ခင်​သည်​ခ​ရစ်​တော် အား​ဤ​ဗျာ​ဒိတ်​တော်​ကို​ပေး​ရ​ခြင်း​မှာ များ မ​ကြာ​မီ​ဖြစ်​ပျက်​ရ​မည့်​အ​မှု​အ​ရာ​များ ကို မိ​မိ​၏​အ​စေ​ခံ​တို့​အား​သိ​စေ​ရန်​ဖြစ် ပေ​သည်။ ခ​ရစ်​တော်​သည်​မိ​မိ​၏​အ​စေ​ခံ ယော​ဟန်​ထံ​သို့​ကောင်း​ကင်​တ​မန်​ကို​စေ လွှတ်​၍ ဤ​ဗျာ​ဒိတ်​တော်​ကို​ပြန်​ကြား​စေ တော်​မူ​၏။-

Garrad Bible

¹ မ ကြာ မီ ဖြစ် ပျက် ရ မည့် အ ခြင်း အ ရာ များ ကို ကျွန် တော် ရင်း တို့ အား ထင် ရှား စေ ရန် ဘု ရား သ ခင် သ နား တော် မူ၍ ကိုယ် တော်၏ ကျွန် ယော ဟန့် ထံ စေ တ မန် တော် အား ဖြင့်၊ ယေ ရှု ခ ရစ် ဆင့် ဆို ဖော် ပြ တော် မူ သော ဗျာ ဒိတ် တော် အ တိုင်း၊

Judson Bible

¹ ကာ​လ​မ​ကြာ​မ​မြင့်​မီ ဖြစ်​ရ​မည်​အ​မှု​အ​ရာ​များ​ကို ယေ​ရှု​ခ​ရစ်​သည် မိ​မိ​အ​စေ​ခံ​ကျွန်​တို့​အား ပြ​စေ​ခြင်း​ငှာ၊ ဘု​ရား​သ​ခင် အပ်​ပေး​တော်​မူ​သော ထို​သ​ခင်၏ ဗျာ​ဒိတ်​တော်​ကို ဆို​ပေ​အံ့။ ထို​သ​ခင်​သည် မိ​မိ​ကောင်း​ကင်​တ​မန်​ကို စေ​လွှတ်၍၊ မိ​မိ​အ​စေ​ခံ​ကျွန်​ယော​ဟန်​အား ဗျာ​ဒိတ်​တော်​အ​ရိပ်​ကို ပြ​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹ ဤသည်ကား ယေရှု​ခရစ်တော်​၏​ဗျာဒိတ်​တော်​ဖြစ်​၏။ ဤ​ဗျာဒိတ်​တော်​သည် မကြာမီ​အတွင်း​ဖြစ်ပျက်​ရ​မည့်​အရာ​များ​ကို မိမိ​၏​အစေအပါး​တို့​အား​ပြသ​ရန် ခရစ်တော်​၌ ဘုရားသခင်​ပေးအပ်​တော်မူ​သော​အရာ​ဖြစ်​၏။ ခရစ်တော်​သည် မိမိ​၏​ကောင်းကင်​တမန်​ကို​စေလွှတ်​၍ မိမိ​အစေအပါး​ယောဟန်​အား ဤ​ဗျာဒိတ်​တော်​အရိပ်အယောင်​ကို ဖော်ပြ​တော်မူ​၏။

ဗျာ​ဒိတ် 1:1 Referencias Cruzadas

ရှင်ယောဟန် 12:49

အဘယ်ကြောင့်ဆိုသော် ငါ​သည် မိမိ​ဆန္ဒ​အတိုင်း ဟောပြောသည်​မဟုတ်ဘဲ ငါ့​ကို စေလွှတ်တော်မူသော​ခမည်းတော်​ကိုယ်တိုင်​က မည်သည့်​အရာ​ကို ဟောပြောရမည်၊ မည်သို့​ဟောပြောရမည်​ကို ငါ့​ကို အမိန့်ပေးတော်မူ၏။

ရှင်ယောဟန် 15:15

ယခု​မှစ၍ သင်တို့​ကို ‘ကျွန်’ ဟူ၍ ငါ​ခေါ်တော့မည်​မဟုတ်။ အဘယ်ကြောင့်ဆိုသော် ကျွန်​သည် မိမိ​သခင် လုပ်ဆောင်နေသော​အရာ​ကို မသိပေ။ ငါ​ကမူ ခမည်းတော်​ပြောပြ​သမျှ​ကို သင်တို့​အား အကုန်အစင်​ပြော၏။ ထို့ကြောင့် ယခု သင်တို့​ကို ‘မိတ်ဆွေ’ ဟူ၍ ငါ​ခေါ်ပြီ။

ရှင်ယောဟန် 17:8

အဘယ်ကြောင့်ဆိုသော် အကျွန်ုပ်​အား ကိုယ်တော်​ပေးတော်မူသော​တရားတော်​ကို အကျွန်ုပ်​သည် ထို​သူတို့​အား ပေး​၍ သူတို့​သည် ခံယူ​ရရှိကြပါပြီ။ အကျွန်ုပ်​သည် ကိုယ်တော်​ထံမှ လာကြောင်း​ကို သူတို့​သည် အမှန်​ပင်​သိကြပါ၏။ ကိုယ်တော်​သည် အကျွန်ုပ်​ကို စေလွှတ်တော်မူကြောင်း​ကိုလည်း သူတို့​ယုံကြည်ကြပါ၏။

ရှင်ယောဟန် 3:32

ထို​အရှင်​သည် မိမိ​မြင်ခဲ့၊ ကြားခဲ့​သမျှ​ကို သက်သေခံ​သော်လည်း ထို​သက်သေ​ကို မည်သူ​မျှ လက်မခံကြ။

ရှင်ယောဟန် 8:26

သင်တို့​နှင့်​ပတ်သက်​၍ ငါ​ပြောစရာ​များစွာ၊ စီရင်စရာ​များစွာ ရှိ၏။ သို့သော်လည်း ငါ​မပြော၊ မစီရင်။ အဘယ်ကြောင့်ဆိုသော် ငါ့​ကို​စေလွှတ်တော်မူသော အရှင်​ထံမှ ကြားသိသော​အရာများ​ကိုသာ လောကီသားတို့​ကို ငါ​ဟောပြော၏။ ထို​အရှင်​သည် ဖြောင့်မှန်သော​အရှင် ဖြစ်တော်မူသည်” ဟု မိန့်တော်မူ၏။

ရော​မ 16:25

ကျွန်ုပ်​ဟောသော သတင်းကောင်း​၌​ဆိုထားသည့်​အတိုင်း သင်တို့​အား ခိုင်ခံ့မြဲမြံ​စေနိုင်တော်မူသော ဘုရားသခင်​သည်သာ ဘုန်းကြီးတော်မူ၏။ ယေရှု​ခရစ်တော်​အကြောင်း​ဖြစ်သော ဤ​သတင်းကောင်း​က ကာလ​ကြာမြင့်စွာ ကွယ်ဝှက်ထားသည့် ကိုယ်တော်​၏ လျှို့ဝှက်​နက်နဲသော​အကြံအစည်တော်​ကို လူမျိုးခြား​ဖြစ်သော သင်တို့​အား ဖော်ပြပေး၏။

ဂ​လာ​တိ 1:12

ထို​သတင်းကောင်း​ကို မည်သူ​တစ်ဦးတစ်ယောက်​ထံက​မျှ ကျွန်ုပ်​လက်ခံရရှိသည်​မဟုတ်။ သင်ယူခဲ့ရသည်​လည်း မဟုတ်။ ယေရှု​ခရစ်တော်​၏ ဗျာဒိတ်တော်​ဖွင့်ပြခြင်း​မှ ရရှိခဲ့ခြင်း​ဖြစ်၏။

ဧ​ဖက် 3:3

ဘုရားသခင်​သည် မိမိ​၏ လျှို့ဝှက်​နက်နဲသော အကြံအစည်​ကို ဗျာဒိတ်တော်​ဖြင့် ကျွန်ုပ်​ကို ဖော်ပြတော်မူကြောင်း အထက်ပါ​အတိုင်း ကျွန်ုပ် အကျဉ်းချုပ် ရေးထား၏။

တိ​တု 1:1

ဘုရားသခင်​၏ အစေအပါး​နှင့် ယေရှု​ခရစ်တော်​၏ တမန်တော်​ဖြစ်သော ကျွန်ုပ်​ပေါလု စာရေးလိုက်၏။ ဘုရားသခင်​သည် မိမိ​ရွေးကောက်သော​သူတို့​၏ ယုံကြည်ခြင်း​ကို ခိုင်မာ​စေရန်​နှင့် သမ္မာတရား​ကို ထို​သူတို့​သိရှိ​နားလည်​နိုင်စေရန် ကျွန်ုပ်​ကို စေလွှတ်တော်မူ၏။ ဤ​နည်း​ဖြင့် သူတို့​သည် ဘုရားတရား​ကိုင်းရှိုင်းသော​ဘဝ​ဖြင့် နေထိုင်​နိုင်ကြမည်။

ဗျာ​ဒိတ် 1:19

ထို့ကြောင့် သင်​မြင်ခဲ့ရသည့်​အရာများ၊ ယခု​ဖြစ်ပျက်နေသော​အရာများ​နှင့် အနာဂတ်​တွင်​ဖြစ်ပျက်မည့်​အရာများ​ကို ရေးထားလော့။

ဗျာ​ဒိတ် 1:9

သင်တို့​၏​ညီအစ်ကို​ဖြစ်သော ကျွန်ုပ်​ယောဟန်​သည် သင်တို့​နည်းတူ ယေရှု​၏​နောက်လိုက်​ဖြစ်သည်​နှင့်အညီ ဆင်းရဲဒုက္ခ​ကို​လည်းကောင်း၊ ဘုရားသခင်​၏​နိုင်ငံတော်သား​ဖြစ်ခွင့်​ကို​လည်းကောင်း၊ စိတ်ရှည်​သည်းခံရခြင်း​ကို​လည်းကောင်း မျှဝေခံစားသည့် သင်တို့​၏​လုပ်ဖော်ကိုင်ဖက်​ဖြစ်၏။ ကျွန်ုပ်​သည် ဘုရားသခင်​၏ နှုတ်ကပတ်တော်​ကို ဟောပြောပြီး သခင်​ယေရှု​အကြောင်း​ကို သက်သေခံ​သောကြောင့် ပတ်မုကျွန်း​သို့ ရောက်နေ၏။

ဗျာ​ဒိတ် 17:1

ဖလား​ခုနစ်လုံး​ကိုင်ဆောင်ထားသော ကောင်းကင်တမန်​ခုနစ်ပါး​အနက် တစ်ပါး​သည် လာ​၍ ကျွန်ုပ်​အား “လာလော့။ မြစ်​များစွာ​ရှိရာ​၌ တည်ရှိသည့်​ဆိပ်ကမ်း​မြို့ကြီး​ဖြစ်သော​ပြည့်တန်ဆာမကြီး ခံရမည့် ပြစ်ဒဏ်များ​ကို သင့်​အား ငါ​ပြမည်။

ဗျာ​ဒိတ် 19:10

ထိုအခါ ကျွန်ုပ်​သည် ထို​ကောင်းကင်တမန်​ကို ရှိခိုး​ရန် သူ​၏​ခြေရင်း​၌ ဝပ်တွား၏။ သို့သော် သူ​က “ထိုသို့​မပြုနှင့်။ ငါ​သည် သင်​မှစ၍ ယေရှု​အကြောင်း သက်သေခံချက်​ကို သစ္စာရှိစွာ ထိန်းသိမ်းသော သင့်​ညီအစ်ကို​မောင်နှမများ​၏ အစေခံချင်း​လည်း ဖြစ်၏။ ဘုရားသခင်​ကိုသာ ရှိခိုးလော့။ ပရောဖက်ပြုချက်​၏​အနှစ်သာရ​သည် ယေရှု​အကြောင်း သက်သေခံချက်​ပင် ဖြစ်၏” ဟု ဆို၏။

ဗျာ​ဒိတ် 19:9

ထိုအခါ ကောင်းကင်တမန်​က “ဤ​စာ​ကို ရေးထားလော့။ သိုးသငယ်​၏​မင်္ဂလာပွဲ​သို့ ဖိတ်ကြားခံရသော​သူတို့​သည် မင်္ဂလာ​ရှိကြ၏” ဟု ကျွန်ုပ်​အား ပြော၏။ ထို့နောက် “ဤ​အရာများ​သည် ဘုရားသခင်​၏ မှန်ကန်သော နှုတ်တော်ထွက်​စကားများ​ဖြစ်၏” ဟု ထပ်မံ​ပြောဆို၏။

ဗျာ​ဒိတ် 21:2

သန့်ရှင်းသော​မြို့တော်​ဖြစ်သော ဂျေရုဆလင်​မြို့သစ်​သည် သတို့သား​အတွက် လှပ​စွာ ဝတ်ဆင်ထားသော သတို့သမီး​တစ်ဦး​ကဲ့သို့ ပြင်ဆင်​လျက် ဘုရားသခင်​ထံတော် ကောင်းကင်ဘုံ​မှ ဆင်းသက်လာသည်​ကို ကျွန်ုပ်​မြင်ရ၏။

ဗျာ​ဒိတ် 21:9

နောက်ဆုံးသော​ဘေးဒဏ် ခုနစ်ပါး​နှင့်​ပြည့်နေသော ဖလား​ခုနစ်လုံး​ကို ကိုင်ဆောင်ထားသည့် ကောင်းကင်တမန်​ခုနစ်ပါး​အနက် တစ်ပါး​သည် လာ​၍ “လာလော့။ သိုးသငယ်​၏​ဇနီးလောင်း​ဖြစ်သူ သတို့သမီး​ကို ငါ​ပြမည်” ဟု ကျွန်ုပ်​အား​ဆို၏။

ဗျာ​ဒိတ် 22:1

ထိုအခါ ကောင်းကင်တမန်​သည် ကျောက်သလင်း​ကဲ့သို့ ကြည်လင်သည့် အသက်ရေ​စီးသော​မြစ်​ကို ကျွန်ုပ်​အား ပြ၏။ ထို​မြစ်​သည် ဘုရားသခင်​နှင့် သိုးသငယ်တော်​၏ ရာဇပလ္လင်​မှ စီးထွက်​၍

ဗျာ​ဒိတ် 22:16

ငါ​ယေရှု​သည် အသင်းတော်များ​၌​ရှိသော သင်တို့​အား ဤ​အကြောင်းအရာများ​ကို သက်သေခံ​ရန် ငါ​၏ ကောင်းကင်တမန်​ကို စေလွှတ်ထား၏။ ငါ​သည် ဒါဝိဒ်​၏​အမြစ်၊ ဒါဝိဒ်​၏ အမျိုး​ဖြစ်၏။ တောက်ပသော​မိုးသောက်ကြယ်​လည်း​ဖြစ်၏” ဟု မိန့်တော်မူ၏။

ဗျာ​ဒိတ် 22:6

ကောင်းကင်တမန်​က “ဤ​စကားတို့​သည် သစ္စာ​စကား၊ မှန်သော​စကား​ဖြစ်၏။ ပရောဖက်တို့​၏ ဝိညာဉ်များ​ကို လှုံ့ဆော်တော်မူသော​အရှင် ဘုရားသခင်​သည် မကြာမီ​ဖြစ်ပျက်​ရမည့်​အရာများ​ကို မိမိ​အစေခံတို့​အား ပြသ​ရန် မိမိ​၏​ကောင်းကင်တမန်​ကို စေလွှတ်တော်မူ၏” ဟု ကျွန်ုပ်​အား ဆို၏။

ဗျာ​ဒိတ် 22:8

ကျွန်ုပ်​ယောဟန်​သည် ဤ​အကြောင်းအရာများ​ကို မြင်ရ၊ ကြားရသောသူ​ဖြစ်၏။ ထို​အကြောင်းအရာများ​ကို မြင်ရ၊ ကြားရ​သောအခါ ၎င်းတို့​ကို ကျွန်ုပ်​အား ပြသသော​ကောင်းကင်တမန်​ကို ရှိခိုး​ရန် သူ​၏ ခြေရင်း​၌ ဝပ်တွားခယ၏။

ဗျာ​ဒိတ် 22:9

သို့သော် သူ​က “ထိုသို့​မပြုနှင့်။ ငါ​သည် သင်​မှစ၍ သင်​၏​ညီအစ်ကို ပရောဖက်တို့​နှင့် ဤ​စာစောင်​ကို လိုက်နာသောသူ​အားလုံး​၏ အစေခံချင်း​ဖြစ်၏။ ဘုရားသခင်​ကိုသာ ရှိခိုးလော့” ဟု ဆိုလေ၏။

ဗျာ​ဒိတ် 4:1

ထို့နောက် ကျွန်ုပ်​ကြည့်​လျှင် ကောင်းကင်ဘုံ​၌ တံခါး​ပွင့်သည်​ကို မြင်ရ၏။ ပထမ​အကြိမ်​က ကျွန်ုပ်​ကြားခဲ့ရသည့် တံပိုး​ခရာသံ​နှင့် တူသော​အသံ​မှာ “ဤ​အရပ်​သို့ တက်လာလော့။ အနာဂတ်​တွင် ဖြစ်ပျက်မည့်​အကြောင်းအရာများ​ကို သင့်​အား ငါ​ပြမည်” ဟူ၍ ဖြစ်၏။

ဗျာ​ဒိတ် 5:7

သိုးသငယ်တော်​သည် ရာဇ​ပလ္လင်တော်​ပေါ်တွင် ထိုင်တော်မူသော​အရှင်​၏ လက်ယာလက်​မှ စာလိပ်​ကို သွား​၍ ယူလေ၏။