နေ​ဟ​မိ 11:1 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹ လူထု​အကြီးအကဲ​တို့​သည် ဂျေရုဆလင်​မြို့​၌ နေထိုင်​ကြ​၏​။ ကျန်​သော​သူ​တို့​မူကား မဲချ​ဆုံးဖြတ်​သည့်​အတိုင်း လူ​ဆယ်​ယောက်​တွင် တစ်​ယောက်​သည် သန့်ရှင်း​ရာ​အရပ်​ဂျေရုဆလင်​မြို့​တွင် နေထိုင်​ရ​မည်​ဖြစ်​ပြီး ကျန်​ကိုး​ယောက်​ကား အခြား​သော​မြို့ရွာ​များ​တွင် နေထိုင်​ရ​မည်​ဖြစ်​သည်​။

Common Language Bible

¹ ခေါင်း​ဆောင်​များ​သည်​ယေ​ရု​ရှ​လင်​မြို့​တွင် နေ​ထိုင်​ကြ​၏။ အ​ခြား​သူ​တို့​မူ​ကား​ဆယ် အိမ်​ထောင်​လျှင် တစ်​အိမ်​ထောင်​ကျ​သန့်​ရှင်း သော​ယေ​ရု​ရှ​လင်​မြို့​တော်​တွင်​လည်း​ကောင်း၊ ကျန်​သော​သူ​တို့​ကို​အ​ခြား​မြို့​ရွာ​များ တွင်​လည်း​ကောင်း​နေ​ထိုင်​စေ​ရန်​မဲ​ချ​၍ ဆုံး​ဖြတ်​ကြ​၏။-

Garrad Bible

¹ ထို ကာ လ၊ ဣ သ ရေ လ မှူး မတ် တို့ သည်၊ ယေ ရု ရှ လင် မြို့၌ နေ လျက်၊ ကြွင်း သူ တို့ ကား၊ ဆယ် အိမ် လျှင် တစ် အိမ် ကျ၊ သန့် ရှင်း သော ယေ ရု ရှ လင် မြို့ တွင် လည်း ကောင်း၊ ကျန် ကိုး အိမ် မူ၊ အ ခြား မြို့ ရွာ များ တွင် လည်း ကောင်း၊ နေ ထိုင် ကြ ရန် မဲ ချ ကြ ၏။

Judson Bible

¹ ထို​အ​ခါ လူ​များ​တို့​တွင် မင်း​လုပ်​သော​သူ​တို့​သည် ယေ​ရု​ရှ​လင်​မြို့၌ နေ​ကြ၏။ ကြွင်း​သော​သူ​တို့​သည် သန့်​ရှင်း​သော​အ​ရပ်၊ ယေ​ရု​ရှ​လင်​မြို့၌ တစ်​ကျိပ်​တွင်​တစ်​ယောက်၊ အ​ခြား​သော​မြို့​တို့၌ ကိုး​ယောက် နေ​ရ​မည်​အ​ကြောင်း စာ​ရေး​တံ​ပြု​ကြ၏။

နေ​ဟ​မိ 11:1 Referencias Cruzadas

၁ ရာ​ချုပ် 26:13

သူ​တို့​၏​ဘိုးဘေး​အိမ်ထောင်စု​အလိုက် လူကြီး​လူငယ်​မရွေး တံခါး​တစ်ခုစီ​တွင် တာဝန်ကျ​မည့်​သူ​များ​ကို​မဲချ​ခွဲဝေ​ပေး​၏​။

၁ ရာ​ချုပ် 8:28

ဤ​သူ​တို့​သည် ဆွေစဉ်မျိုးဆက်​အလိုက် ဘိုးဘေး​တို့​၏​အိမ်ထောင်စု​အကြီးအမှူး​များ ဖြစ်​ကြ​ပြီး ဂျေရုဆလင်​မြို့​တွင် နေထိုင်​ကြ​၏​။

၁ ရာ​ချုပ် 9:1

အစ္စရေး​တစ်မျိုးနွယ်လုံး​၏​မျိုးရိုးစဉ်ဆက်​စာရင်း​ကို ရေးမှတ်​၍ အစ္စရေး​ဘုရင်​တို့​၏​ရာဇဝင်မှတ်တမ်း​တွင် မှတ်တမ်းတင်​ထား​၏​။ ယုဒ​လူမျိုး​တို့​မူကား မိမိ​တို့​ကျူးလွန်​မိ​သော​အမှား​များ​ကြောင့် ဘေဘီလုံ​မြို့​သို့ ဖမ်းခေါ်​သွား​ခြင်း ခံရ​ကြ​၏​။

၁ ရာ​ချုပ် 9:2

ကိုယ့်​မြို့​ကိုယ့်​မြေ​များ​သို့ ဦးစွာ​ပြန်​နေထိုင်​ရ​သူ​တို့​မှာ အစ္စရေး​အမျိုးသား ယဇ်ပုရောဟိတ်​များ​၊ လေဝိ​အမျိုး​များ​၊ ဗိမာန်တော်​အစေအပါး​များ ဖြစ်​ကြ​၏​။

၁ ရာ​ချုပ် 9:3

ဂျေရုဆလင်​မြို့​တွင်​နေထိုင်​ကြ​သော ယုဒ​အမျိုးသား​၊ ဗင်္ယာမိန်​အမျိုးသား​၊ ဧဖရိမ်​နှင့်​မနာရှေ​အမျိုးသား​တို့​တွင်

နေ​ဟ​မိ 10:34

ပညတ်တရား​တွင် ရေး​ထား​သည့်​အတိုင်း နှစ်စဉ်​သတ်မှတ်​ထား​သော​အချိန်​များ​၌ ငါ​တို့​ဘုရားသခင်​ထာဝရဘုရား​၏​ယဇ်ပလ္လင်​ပေါ်တွင် ပူဇော်သက္ကာ​ကို​မီးရှို့​ဖို့ ယဇ်ပုရောဟိတ်​များ​၊ လေဝိ​အမျိုး​နှင့် ပြည်သူပြည်သား​တို့​က ငါ​တို့​ဘိုးဘေး​တို့​၏​မိသားစု​အလိုက် ဘုရားသခင်​၏​အိမ်​တော်​သို့​ယူဆောင်​လာ​ရ​မည့်​ထင်း​ကို ငါ​တို့​မဲချ​ဆုံးဖြတ်​ကြ​၏​။

နေ​ဟ​မိ 11:18

သန့်ရှင်း​သော​မြို့​တွင်​နေထိုင်​သော​လေဝိ​အမျိုး​ပေါင်း နှစ်ရာ​ရှစ်ဆယ့်​လေး​ယောက်​ဖြစ်​၏​။

နေ​ဟ​မိ 4:22

တစ်ချိန်တည်း​မှာပင် ငါ​က လူ​တို့​အား “​ညအချိန် ကင်းစောင့်​၍ နေ့​အချိန် အလုပ်​လုပ်​နိုင်​ရန် လူ​တိုင်း ကိုယ့်​အလုပ်သမား​ကိုယ်စီ​နှင့် ဂျေရုဆလင်​မြို့​တွင် ညအိပ်နား​ရ​မည်​”​ဟု ဆို​၏​။

ဆာ​လံ 122:5

အကြောင်းမူကား ထို​အရပ်​၌ တရားစီရင်​ရာ​ပလ္လင်​များ​တည်းဟူသော ဒါဝိဒ်​အမျိုးအနွယ်​၏​ပလ္လင်​များ​ရှိ​၏​။

ဆာ​လံ 122:6

“​သင့်​ကို​မြတ်နိုး​သော​သူ​တို့​သည် ကောင်းစား​ကြ​ပါစေသော​။ သင်​၏​တံတိုင်း​အတွင်း​၌ ငြိမ်းချမ်းသာယာ​ခြင်း​ရှိ​ပါစေသော​။ သင်​၏​ခံတပ်​များ​အတွင်း​၌ လုံခြုံစိတ်ချမှု​ရှိ​ပါစေသော​”​ဟု ဂျေရုဆလင်​မြို့​၏​ငြိမ်းချမ်းသာယာ​ခြင်း​အတွက် ဆုတောင်း​ကြ​လော့​။

သုတ္တံကျမ်း။ 16:33

မဲ​ကို ပေါင်ခွင်​၌​ချ​တတ်​ကြ​၏​။ သို့သော် စီရင်ဆုံးဖြတ်ချက်​အားလုံး​သည် ထာဝရဘုရား​ထံ​တော်​မှ​လာ​၏​။

ဟေ​ရှာ​ယ 48:2

မိမိကိုယ်မိမိ သန့်ရှင်း​သော​မြို့သား​ဟု ခံယူ​သော​သူ​၊ ကောင်းကင်​ဗိုလ်ခြေ​အရှင်​ထာဝရဘုရား​ဟု အမည်​ရှိ​သော အစ္စရေး​လူမျိုး​၏​ဘုရားသခင်​ကို အမှီပြု​သော​သူ​တို့ ဖြစ်​ကြ​၏​။

ဟေ​ရှာ​ယ 52:1

အို ဇိအုန်​မြို့​၊ နိုး​လော့​။ နိုး​လော့​။ သင့်​ခွန်အား​ကို ဝတ်ဆင်​လော့​။ အို သန့်ရှင်း​သော​ဂျေရုဆလင်​မြို့​၊ သင်​၏​တင့်တယ်​သော​အဝတ်​တို့​ကို ဝတ်ဆင်​လော့​။ အကြောင်းမူကား အရေဖျားမလှီး​သော​သူ​၊ ညစ်ညူး​သော​သူ​တို့​သည် သင့်​အထဲ​သို့ နောက်တစ်ဖန်​ဝင်​ရ​ကြ​မည်​မ​ဟုတ်​။

မဿဲ 27:53

ယေရှု​ထမြောက်​တော်မူ​ပြီးနောက် သူ​တို့​သည် သင်္ချိုင်း​ဂူ​များ​မှ​ထွက်လာ​၍ သန့်ရှင်း​သော​မြို့​တော်​သို့​ဝင်​ကာ များစွာ​သော​သူ​တို့​ထံ ထင်ရှား​ကြ​၏။

မဿဲ 4:5

ထို့နောက် မာရ်နတ်​သည် ကိုယ်တော်​ကို သန့်ရှင်း​သော​မြို့​တော်​သို့ ခေါ်ဆောင်​သွား​၍ ဗိမာန်​တော်​ထိပ်ဖျား​၌ ရပ်​စေ​ပြီးလျှင်

တမန်တော်ဝတ္ထု 1:24

“လူ​အပေါင်း​တို့​၏​စိတ်နှလုံး​ကို သိ​တော်မူ​သော​သခင်​ဘုရား၊

တမန်တော်ဝတ္ထု 1:26

ထို့နောက် ထို​သူ​နှစ်​ဦး​အတွက်​မဲ​ချ​ကြ​ရာ မဿိ​အပေါ်​မဲ​ကျ​သဖြင့် သူ​သည် တမန်တော်​တစ်ဆယ့်တစ်​ပါး​တို့​နှင့်အတူ တမန်တော်​စာရင်း​ဝင်​လေ​၏။

ယော​ရှု 18:10

ယောရှု​လည်း ရှိလော​မြို့​တွင် ထာဝရဘုရား​ရှေ့​တော်​၌ မဲချ​၍ အစ္စရေး​လူမျိုး​တို့​အား မျိုးနွယ်စု​အလိုက် အမွေ​မြေ​ကို ခွဲဝေ​ပေး​၏​။