နာ​ဟုံ 2:12 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹² ခြင်္သေ့ထီး​သည် သားပေါက်​များ စား​လောက်အောင် သားကောင်​ကို​သတ်ဖြတ်​ကိုက်ဖဲ့​ပေး​၏​။ ခြင်္သေ့မ​တို့​အတွက် သားကောင်​တို့​ကို ဖမ်းဆီးသတ်ဖြတ်​ပေး​၏​။ ခိုအောင်း​ရာ​ဂူ​ထဲ၌ သားကောင်​များ​နှင့် ပြည့်​စေ​၏​။

Common Language Bible

¹² ခြင်္သေ့​သည်​သား​ကောင်​ကို​သတ်​ပြီး​လျှင်၊ ခြင်္သေ့​မ​နှင့် သား​ငယ်​တို့​အ​တွက် အ​ပိုင်း​ပိုင်း​အ​စ​စ​ဖြစ်​အောင်​ကိုက်​ဖြတ်​ကာ၊ ထို​အ​သား​စ​များ​ဖြင့်​မိ​မိ​သား​ရဲ​တွင်း​ကို ပြည့်​စေ​တတ်​၏။

Garrad Bible

¹² ခြင်္သေ့ သည် ခြင်္သေ့ မ နှင့် သား ငယ် တို့ စား လောက် ရန် ခဲ ကိုက် သတ် ဖြတ် လျက် သား ကောင် များ နှင့် အောင်း ရာ တွင်း များ ကို ဖြည့် ခဲ့ လေ စွ။

Judson Bible

¹² ခြင်္သေ့​သည် သား​ငယ်​များ ဖို့​ကိုက်​ဖြတ်​လျက်၊ ခြင်္သေ့​မ​တို့ လည်​ပင်း​ကို ညှစ်​လျက်၊ လု​ယူ​ဖျက်​ဆီး​သော အ​ကောင်​များ​ကို​ဆောင်​ခဲ့၍ မိ​မိ​မှီ​ခို​ရာ​တွင်း​တို့​ကို ပြည့်​စေ​တတ်၏။

နာ​ဟုံ 2:12 Referencias Cruzadas

၂ ရာ 17:8

ထို့ပြင် ဟုရှဲ​က “​အရှင့်​ခမည်းတော်​နှင့် သူ့​အမှုထမ်း​တို့​သည် စစ်သူရဲ​များ ဖြစ်​ကြ​သည်​သာမက တော​ထဲ၌​သားပျောက်​သော​ဝံမ​ကဲ့သို့ စိတ်နှလုံး​ခက်ထန်​နေ​မည်​ကို အရှင်​သိ​ပါ​၏​။ ထို့ပြင် အရှင့်​ခမည်းတော်​သည် သူရဲကောင်း​ဖြစ်​သည်​နှင့်အညီ လူ​အများ​နှင့်အတူ ညအိပ်​မည်​မ​ဟုတ်​ပါ​။

ဆာ​လံ 17:12

သူ​တို့​သည် ကိုက်ဖဲ့​လို​စိတ်​ပြင်းထန်​သော ခြင်္သေ့​ကဲ့သို့​လည်းကောင်း​၊ ကွယ်​ရာ​မှ​ချောင်းမြောင်း​နေ​သော ခြင်္သေ့ပျို​ကဲ့သို့​လည်းကောင်း ဖြစ်​ကြ​ပါ​၏​။

ယေ​ရ​မိ 51:34

“​ဘေဘီလုံ​ဘုရင်​နေဗုခဒ်နေဇာ​မင်းကြီး​သည် ငါ့​ကို ကိုက်စား​လေ​ပြီ​။ နင်းချေ​လေ​ပြီ​။ ငါ့​ကို အိုး​လွတ်​ဖြစ်​စေ​ပြီ​။ မြွေနဂါး​ကဲ့သို့ ငါ့​ကို ဝါးမျို​လေ​ပြီ​။ ငါ​၏​စားကောင်းသောက်ဖွယ်​တို့​နှင့် သူ့​ဝမ်း​ကို​ပြည့်​စေ​ပြီ​။ ပြီးမှ ငါ့​ကို အန်ထုတ်​လေ​ပြီ​။

နာ​ဟုံ 2:11

ခြင်္သေ့ထီး​တို့ ခိုအောင်း​ရာ​၊ ခြင်္သေ့ပျို​တို့ ကျက်စား​ရာ​ကား အဘယ်မှာ​နည်း​။ ထို​နေရာ​သည် ခြင်္သေ့ထီး​၊ ခြင်္သေ့မ​၊ ခြင်္သေ့​သားပေါက်​တို့​ကျင်လည်​ရာ​အရပ်​၊ ခြောက်လှန့်​သူ​မ​ရှိ​ရာ​အရပ် ဖြစ်​၏​။

နာ​ဟုံ 2:13

ကောင်းကင်​ဗိုလ်ခြေ​အရှင်​ထာဝရဘုရား​က “​ငါ​သည် သင့်​ကို တိုက်ခိုက်​မည်​။ သင့်​စစ်ရထား​ကို မီးရှို့​ပစ်​မည်​။ သင့်​ခြင်္သေ့ပျို​တို့​ကို ဓား​ဖြင့်​ဖျက်ဆီး​မည်​။ သင့်​သားကောင်​ကို မြေကြီး​ပေါ်မှ ဖယ်ရှား​ပစ်​မည်​။ စေတမန်​တို့​၏​အသံ​ကို​လည်း နောက်တစ်ဖန် ကြား​ရ​တော့​မည်​မ​ဟုတ်​”​ဟု မိန့်​တော်မူ​၏​။

တော​လည် 23:24

ဤ​လူမျိုး​သည် ခြင်္သေ့မ​ကဲ့သို့​ထကြွ​၍ ခြင်္သေ့ထီး​ကဲ့သို့ မာန်ဝင့်​နေ​၏​။ သူ​သည် သားကောင်​ကို​မ​စား​ရ​မီ​၊ သူ​ကိုက်သတ်​သော​အကောင်​၏​သွေး​ကို​မ​သောက်​ရ​မီ လဲလျောင်း​နေ​မည်​မ​ဟုတ်​”​ဟု ဆို​လေ​၏​။