နာ​ဟုံ 2:11 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ခြင်္သေ့ထီး​တို့ ခိုအောင်း​ရာ​၊ ခြင်္သေ့ပျို​တို့ ကျက်စား​ရာ​ကား အဘယ်မှာ​နည်း​။ ထို​နေရာ​သည် ခြင်္သေ့ထီး​၊ ခြင်္သေ့မ​၊ ခြင်္သေ့​သားပေါက်​တို့​ကျင်လည်​ရာ​အရပ်​၊ ခြောက်လှန့်​သူ​မ​ရှိ​ရာ​အရပ် ဖြစ်​၏​။

Common Language Bible

¹¹ ခြင်္သေ့​များ​ခို​အောင်း​ရာ​သား​ရဲ​တွင်း၊ခြင်္သေ့​ငယ် များ​ကို အ​စာ​ကျွေး​ရာ၊ ခြင်္သေ့​ကြီး​ငယ်​တို့​ဘေး​မဲ့​လုံ​ခြုံ​စွာ​လာ ရောက်​ခို​လှုံ​ရာ အ​ရပ်​နှင့်​တူ​သော​မြို့​သည် ယ​ခု​အ​ဘယ်​မှာ​ရှိ​သ​နည်း။

Garrad Bible

¹¹ ကြောက် ရွံ့ ခြင်း ကင်း လျက် သား ငယ် များ နှင့် တ ကွ ခြင်္သေ့ နှင့် ခြင်္သေ့ မ တို့ သွား လာ ရာ ခြင်္သေ့ ပျို တို့ ကျက် စား ရာ ခြင်္သေ့ တို့ အောင်း ရာ အ ရပ် ကား အ ဘယ် မှာ နည်း။

Judson Bible

¹¹ ခြင်္သေ့​နေ​ရာ​အ​ရပ်၊ ခြင်္သေ့​ပျို​စား​ရာ​အ​ရပ်၊ ခြင်္သေ့၊ ခြင်္သေ့​မ၊ ခြင်္သေ့​က​လေး​တို့​သည် အ​ဘယ်​သူ​မျှ မ​ကြောက်​စေ​ဘဲ၊ ကျင်​လည်​ရာ​အ​ရပ်​သည် အ​ဘယ်​မှာ​ရှိ​သ​နည်း။

နာ​ဟုံ 2:11 Referencias Cruzadas

ကမ္ဘာ​ဦး 49:9

ယုဒ​သည် ခြင်္သေ့​သားပေါက်​ဖြစ်​၏​။ ငါ့​သား​၊ သင်​သည် သားကောင်​သတ်စား​ပြီး​တက်လာ​၏​။ သူ​သည် ခြင်္သေ့​ကဲ့သို့​လည်းကောင်း​၊ ခြင်္သေ့မ​ကဲ့သို့​လည်းကောင်း ဝပ်​လျက်​၊ လဲလျောင်း​လျက်​နေ​တတ်​၏​။ သူ့​ကို မည်သူ​ဆွ​ဝံ့​သနည်း​။

ဟေ​ရှာ​ယ 13:7

ထို့ကြောင့် လူ​တိုင်း လက်​အားယုတ်​လိမ့်မည်​။ လူ​တိုင်း စိတ်ပျက်အားလျော့​လိမ့်မည်​။

ဟေ​ရှာ​ယ 31:4

ထာဝရဘုရား​က “​ခြင်္သေ့ကြီး​နှင့် ခြင်္သေ့ပျို​က သားကောင်​ကို မာန်ဖီ​သောအခါ သိုးထိန်း​အပေါင်း​တို့​ကို​ခေါ်​၍ ခြောက်လှန့်​စေ​သော်လည်း သိုးထိန်း​တို့​၏​အသံ​ကို​မ​ကြောက်​၊ သူ​တို့​၏​ဆူဆူညံညံအသံ​ကို မ​လန့်​။ ထိုနည်းတူ ကောင်းကင်​ဗိုလ်ခြေ​အရှင်​ထာဝရဘုရား​သည် စစ်တိုက်​ရန် ဇိအုန်​တောင်​၊ ဇိအုန်​တောင်ကုန်း​ပေါ်၌​ဆင်းသက်​တော်မူ​မည်​။

ဟေ​ရှာ​ယ 5:29

သူ​တို့​၏​အော်ဟစ်သံ​သည် ခြင်္သေ့​ဟိန်းဟောက်​သံ​နှင့်​တူ​၏​။ သူ​တို့​သည် ခြင်္သေ့ပျို​ကဲ့သို့​ဟိန်းဟောက်​မာန်ဖီ​လျက် သားကောင်​ကို​ဖမ်း​ပြီး ဆောင်ယူ​သွား​လိမ့်မည်​။ ကယ်​မည့်​သူ​မ​ရှိ​။

ယေ​ရ​မိ 2:15

သူ့​ကို ခြင်္သေ့ပျို​တို့ ဟိန်းဟောက်​ကြ​ပြီ​၊ မာန်ဖီ​ကြ​ပြီ​။ သူ​၏​ပြည်​ကို လူသူကင်းမဲ့​ရာ​ဖြစ်စေ​ကြ​ပြီ​။ သူ​၏​မြို့​တို့​သည် ဖျက်ဆီး​ခြင်း​ခံရ​၍ နေထိုင်​သူ​မ​ရှိ​တော့​ပြီ​။

ယေ​ရ​မိ 4:7

ခြင်္သေ့​သည် ပုန်းအောင်း​ရာ​မှ​ထွက်လာ​ပြီ​။ လူမျိုးတကာ​တို့​ကို​ဖျက်ဆီး​သော​သူ​သည် မိမိ​၏​နေရာ​မှ​ထွက်လာ​ပြီ​။ သင်​၏​ပြည်​ကို လူသူကင်းမဲ့​ရာ​အရပ်​ဖြစ်စေ​ရန် မိမိ​နေရာ​မှ​ထွက်လာ​ပြီ​။ သင်​တို့​၏​မြို့​များ​သည် ပျက်စီး​သွား​လိမ့်မည်​။ နေထိုင်​သူ​ရှိ​မည်​မ​ဟုတ်​။

ယေ​ရ​မိ 50:17

အစ္စရေး​လူမျိုး​သည် ခြင်္သေ့​တို့​အလိုက်​ခံရ​၍ တကွဲတပြား​ဖြစ်​နေ​သော​သိုး​ကဲ့သို့​ဖြစ်​၏​။ ဦးစွာ အဆီးရီးယား​ဘုရင်​သည် ကိုက်စား​၏​။ နောက်ဆုံး​မှာ ဘေဘီလုံ​ဘုရင်​နေဗုခဒ်နေဇာ​မင်းကြီး​သည် သူ့​အရိုး​တို့​ကို ဝါးမျို​လေ​၏​။

ယေ​ရ​မိ 50:44

ကြည့်ရှု​လော့​။ ရန်သူ​သည် ခြင်္သေ့​ကဲ့သို့ ဂျော်ဒန်​တောအုပ်​မှ စိမ်းလန်း​သော​စားကျက်မြေ​သို့​တက်လာ​သောအခါ ထို​ပြည်သား​တို့​ကို ထို​ပြည်​မှ ငါ​ရုတ်ချည်း​ထွက်ပြေး​စေ​မည်​။ ငါ​ရွေးချယ်​သော​သူ​ကို ထို​ပြည်​၌ ငါ​ခန့်ထား​မည်​။ မည်သူ​သည် ငါ​နှင့်​တူ​သနည်း​။ မည်သူ​သည် ငါ့​ကို​စိန်ခေါ်​ဝံ့​သနည်း​။ မည်သည့်​သိုးထိန်း​သည် ငါ့​ကို​ဆန့်ကျင်​ပြီး ရပ်တည်​နိုင်​သနည်း​”​ဟု မိန့်​တော်မူ​၏​။

ယေ​ဇ​ကျေ​လ 32:2

“​အချင်း​လူသား​၊ အီဂျစ်​ဘုရင်​ဖာရော​မင်းကြီး​အတွက် ငိုကြွေးမြည်တမ်း​လျက် ‘​သင်​သည် လူမျိုးတကာ​တို့​တွင် ခြင်္သေ့ပျို​နှင့်​တူ​၏​။ မြစ်ချောင်း​တို့​တွင် ကူးခတ်​သွားလာ​ပြီး ထို​မြစ်ချောင်း​တို့​ကို ခြေ​ဖြင့်​မွှေနှောက်​ကာ နောက်ကျိ​စေ​သော ပင်လယ်​မြွေနဂါး​နှင့်​တူ​၏’​ဟု သူ့​အား ဆင့်ဆို​လော့​။

ယော​လ 2:6

လူ​တို့​သည် သူ​တို့​ရှေ့​တွင် တုန်လှုပ်​လျက် မျက်နှာ​ဖြူဖတ်ဖြူရော်​ဖြစ်​လိမ့်မည်​။

မိက္ခာ 5:6

သူ​တို့​သည် အဆီးရီးယား​ပြည်​ကို ဓား​ဖြင့်​စောင့်ကြပ်​လိမ့်မည်​။ နိမ်ရောဒ​ပြည်​အဝင်ဝ​တို့​၌​လည်း စောင့်ကြပ်​လိမ့်မည်​။ အဆီးရီးယား​လူမျိုး​တို့​သည် ငါ​တို့​ပြည်​သို့​လာ​၍ ငါ​တို့​နယ်နိမိတ်​ထဲသို့ ကျူးကျော်​ဝင်ရောက်​သောအခါ သူ​တို့​သည် ငါ​တို့​ကို အဆီးရီးယား​လူမျိုး​တို့​လက်​မှ ကယ်တင်​လိမ့်မည်​။

နာ​ဟုံ 2:12

ခြင်္သေ့ထီး​သည် သားပေါက်​များ စား​လောက်အောင် သားကောင်​ကို​သတ်ဖြတ်​ကိုက်ဖဲ့​ပေး​၏​။ ခြင်္သေ့မ​တို့​အတွက် သားကောင်​တို့​ကို ဖမ်းဆီးသတ်ဖြတ်​ပေး​၏​။ ခိုအောင်း​ရာ​ဂူ​ထဲ၌ သားကောင်​များ​နှင့် ပြည့်​စေ​၏​။

နာ​ဟုံ 3:1

လူသတ်​သော​မြို့​သည် အမင်္ဂလာ​ရှိ​၏​။ ထို​မြို့​သည် လိမ်လည်လှည့်စားမှု​၊ တိုက်ခိုက်လုယက်မှု​နှင့်​ပြည့်​သော​မြို့ ဖြစ်​၏​။ သားကောင်​ကို မပြတ်မလပ်​ဖမ်းစား​၏​။

ဇေဖနိ 3:3

ထို​မြို့​၏​အကြီးအကဲ​တို့​သည် ဟိန်းဟောက်​သော​ခြင်္သေ့​များ​နှင့် တူ​၏​။ တရားသူကြီး​တို့​သည် နေဝင်ချိန်​ရောက်​မှ အစာ​ရှာ​၍ နံနက်​တိုင်အောင် ဘာမျှ​မ​ချန်​ဘဲ စား​တတ်​သော​ဝံပုလွေ​များ​နှင့်​တူ​၏​။

တော​လည် 23:24

ဤ​လူမျိုး​သည် ခြင်္သေ့မ​ကဲ့သို့​ထကြွ​၍ ခြင်္သေ့ထီး​ကဲ့သို့ မာန်ဝင့်​နေ​၏​။ သူ​သည် သားကောင်​ကို​မ​စား​ရ​မီ​၊ သူ​ကိုက်သတ်​သော​အကောင်​၏​သွေး​ကို​မ​သောက်​ရ​မီ လဲလျောင်း​နေ​မည်​မ​ဟုတ်​”​ဟု ဆို​လေ​၏​။