ထွက်​မြောက် 8:18 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ နတ်ဝိဇ္ဇာဆရာ​တို့​သည်​လည်း မိမိ​တို့​၏​ဝိဇ္ဇာအတတ်​များ​အားဖြင့် မှက်ကောင်​များ​ဖြစ်လာ​အောင် ပြု​ကြ​သော်လည်း သူ​တို့​မ​တတ်နိုင်​ကြ​။ ထို့ကြောင့် မှက်ကောင်​များ​သည် လူ​နှင့်​တိရစ္ဆာန်​တို့​အပေါ်​၌ တွယ်ကပ်​လျက်​နေ​၏​။

Common Language Bible

¹⁸ မှော်​ဆ​ရာ​တို့​လည်း​မိ​မိ​တို့​၏​အ​တတ်​ပ​ညာ ဖြင့် တော​ခြင်​များ​ဖြစ်​လာ​ရန်​အား​ထုတ်​ကြ သော်​လည်း​မ​အောင်​မြင်​ကြ​ချေ။ တော​ခြင် များ​သည်​လူ​နှင့်​တိ​ရစ္ဆာန်​တို့​၌​တွယ်​ကပ် လေ​သည်။-

Garrad Bible

¹⁸ ဗေ ဒင် တတ် ဝိ ဇ္ဇာ ဆ ရာ တို့ လည်း ဝိ ဇ္ဇာ အ တတ် အား ဖြင့် မြေ လှေး ဖြစ် ပွား စေ ခြင်း ငှါ ထို နည်း တူ ပြု သော် လည်း မ တတ် နိုင် ကြ။ လူ နှင့် တိ ရ စ္ဆာန် တို့၌ မြေ လှေး တွယ် ကပ် လျက် ပင် ရှိ ၏။

Judson Bible

¹⁸ ဝိ​ဇ္ဇာ​ဆ​ရာ​တို့​လည်း၊ ခြင်​ကောင်​တို့​ကို​ဖြစ်​စေ​ခြင်း​ငှာ ဝိ​ဇ္ဇာ​အ​တတ်​အား​ဖြင့် ထို​အ​တူ​ပြု၍ မ​တတ်​နိုင်​ကြ။ သို့​ဖြစ်၍ လူ​တို့​နှင့် တိ​ရ​စ္ဆာန်​တို့၌ ခြင်​ကောင်​တို့​သည် ရှိ​ကြ၏။

ထွက်​မြောက် 8:18 Referencias Cruzadas

ကမ္ဘာ​ဦး 41:8

နံနက်​ရောက်​သောအခါ ဖာရော​မင်းကြီး​သည် စိတ်​မငြိမ်မသက်​ဖြစ်​လေ​၏​။ ထို့ကြောင့် လူ​လွှတ်​၍ အီဂျစ်​ပြည်​ရှိ နတ်ဝိဇ္ဇာဆရာ​အပေါင်း​တို့​နှင့် ပညာရှိ​အပေါင်း​တို့​ကို​ခေါ်​ပြီးလျှင် မိမိ​၏​အိပ်မက်​ကို သူ​တို့​အား ပြောပြ​လေ​၏​။ သို့သော် ဖာရော​မင်းကြီး​အတွက် ထို​အိပ်မက်​တို့​၏​အနက်​ကို​ဖွင့်ပြ​နိုင်​သော​သူ​တစ်ယောက်​မျှ​မ​ရှိ​။

ထွက်​မြောက် 10:23

လူ​တို့​သည် တစ်ယောက်​ကို​တစ်ယောက်​မ​မြင်​နိုင်​ကြ​သဖြင့် သုံး​ရက်​ပတ်လုံး မည်သူမျှ မိမိ​နေရာ​မှ​မ​ထ​ကြ​ချေ​။ သို့သော် အစ္စရေး​အမျိုးသား​အပေါင်း​တို့​နေထိုင်​ရာ​အရပ်​၌ အလင်းရောင်​ရှိ​၏​။

ထွက်​မြောက် 7:11

ထိုအခါ ဖာရော​မင်းကြီး​သည် ပညာရှိ​များ​နှင့်​မှော်ဆရာ​များ​ကို​ခေါ်​၍ ထို​အီဂျစ်​နတ်ဝိဇ္ဇာဆရာ​တို့​သည်​လည်း မိမိ​တို့​၏​နတ်ဝိဇ္ဇာအတတ်​များ​ဖြင့် ထိုနည်းတူ​ပြု​ကြ​၏​။

ထွက်​မြောက် 7:12

သူ​တို့​သည် အသီးသီး​မိမိ​တို့​၏​တောင်ဝှေး​ကို ပစ်ချ​ကြ​သောအခါ မြွေနဂါး​များ​ဖြစ်သွား​၏​။ သို့ရာတွင် အာရုန်​၏​တောင်ဝှေး​သည် သူ​တို့​၏​တောင်ဝှေး​များ​ကို​မျို​လေ​၏​။

ထွက်​မြောက် 8:7

နတ်ဝိဇ္ဇာဆရာ​တို့​သည်​လည်း မိမိ​တို့​၏​ဝိဇ္ဇာအတတ်​များ​ဖြင့် ထိုနည်းတူ​ပြု​၍ ဖား​များ​ကို အီဂျစ်​ပြည်​တစ်လျှောက်​သို့ တက်လာ​စေ​ကြ​၏​။

ထွက်​မြောက် 9:11

နတ်ဝိဇ္ဇာဆရာ​များ​နှင့် အီဂျစ်​လူမျိုး​အားလုံး​တို့​၌ အနာစိမ်း​ပေါက်​သဖြင့် နတ်ဝိဇ္ဇာဆရာ​တို့​သည် အနာစိမ်း​ကြောင့် မောရှေ​၏​ရှေ့​၌ မ​ရပ်​နိုင်​ကြ​ပေ​။

ဟေ​ရှာ​ယ 19:12

သင်​၏​ပညာရှိ​တို့​သည် အဘယ်မှာ​နည်း​။ သူ​တို့​သည် အီဂျစ်​ပြည်​နှင့်​ပတ်သက်၍ ကောင်းကင်​ဗိုလ်ခြေ​အရှင်​ထာဝရဘုရား ကြံစည်​တော်မူ​သော​အရာ​ကို သင့်​အား ပြောပြ​ကြ​ပါစေ​။ ဖော်ပြ​ကြ​ပါစေ​။

ဒံ​ယေ​လ 4:7

မှော်ဆရာ​များ​၊ ဗေဒင်ဆရာ​များ​၊ ခါလဒဲ​ပညာရှိ​များ​၊ နက္ခတ်ဗေဒ​ပညာရှင်​များ​အား ငါ့​အိပ်မက်​ကို ပြောပြ​သော်လည်း မည်သူ​မျှ​အိပ်မက်​အနက်အဓိပ္ပာယ်​ကို မ​ဖော်ပြ​ပေး​နိုင်​ကြ​။

ဒံ​ယေ​လ 5:8

ထိုအခါ ရှင်ဘုရင်​၏​ပညာရှိ​အပေါင်း​တို့​သည် အခစား​ဝင်​ကြ​၏​။ သို့သော် စာ​ကို မ​ဖတ်​နိုင်​၊ အနက်အဓိပ္ပာယ်​ကို​လည်း မ​ဖော်ပြ​ပေး​နိုင်​ကြ​။

လုကာ 10:18

ကိုယ်တော်​က​လည်း“စာတန်​သည် လျှပ်စီးလက်​သကဲ့သို့ မိုး​ကောင်းကင်​မှ​ကျ​သည်​ကို ငါ​မြင်​ရ​၏။