ထွက်​မြောက် 37:25 - မြန်​​​မာ့​​​စံ​​​မီ​​​သမ္မာ​​​ကျမ်း​​

²⁵ နံ့သာပေါင်း​ရှို့​ရာ​ယဇ်ပလ္လင်​ကို အကေရှား​သစ်သား​ဖြင့်​လုပ်ထား​၏​။ ထို​ယဇ်ပလ္လင်​သည် အလျား​တစ်တောင်​၊ အနံ​တစ်တောင် စတုရန်း​ပုံ​ဖြစ်၍ အမြင့်​နှစ်တောင်​ရှိ​၏​။ ယဇ်ပလ္လင်​၏​ချို​များ​သည် ယဇ်ပလ္လင်​နှင့်​တစ်ဆက်တည်း​ဖြစ်​၏​။

Common Language Bible

²⁵ သူ​သည်​နံ့​သာ​ပေါင်း​မီး​ရှို့​ပူ​ဇော်​ရာ​ပလ္လင်​ကို အ​ကာ​ရှ​သစ်​သား​ဖြင့်​ပြု​လုပ်​၏။ ထို​ပလ္လင် သည်​အ​လျား​တစ်​ဆယ့်​ရှစ်​လက်​မ၊ အ​နံ တစ်​ဆယ့်​ရှစ်​လက်​မ၊ အ​မြင့်​သုံး​ဆယ့်​ခြောက် လက်​မ​ရှိ​၏။ ဦး​ချို​ပုံ​သဏ္ဌာန်​ထောင့်​ချွန် အ​တက်​များ​သည်​ပလ္လင်​နှင့်​တစ်​သား​တည်း ရှိ​၏။-

Garrad Bible

²⁵ အ မြင့် နှစ် တောင်၊ အ လျား တစ် တောင်၊ အ နံ တစ် တောင်၊ စ တု ရန်း ဖြစ် သော နံ့ သာ ပေါင်း တင် ရှို့ ရာ ပ လ္လင် တော် ကို ရှား သား နှင့် လုပ်၍ စိန် တောင် များ လည်း တစ် ဆက် တည်း ဖြစ်၏။

Judson Bible

²⁵ တစ်​နည်း​ကား၊ နံ့​သာ​ပေါင်း​ကို မီး​ရှို့​စ​ရာ​ယဇ်​ပ​လ္လင်​ကို အ​ကာ​ရှ​သား​နှင့် လုပ်​လေ၏။ ထို​ပ​လ္လင်​သည် အ​လျား​တစ်​တောင်၊ အ​နံ​တစ်​တောင်၊ စ​တု​ရန်း​လေး​ထောင့်​ဖြစ်၍ အ​မြင့်​နှစ်​တောင်​ရှိ​လေ၏။ ဦး​ချို​တို့​ကို​လည်း အ​ကာ​ရှ​သား​ဖြင့်​ပြီး​စေ၏။

ထွက်​မြောက် 37:25 Referencias Cruzadas

၂ ရာ​ချုပ် 26:16

သူ​သည် ထိုသို့​အင်အားကြီး​လာ​သည်​နှင့်အမျှ ပျက်စီး​ခြင်း​သို့​ရောက်​သည်​အထိ​ဘဝင်မြင့်​လာ​၏​။ သူ​သည် သူ​၏​ဘုရားသခင်​ထာဝရဘုရား​အပေါ် သစ္စာမဲ့​လာ​၏​။ နံ့သာပေါင်း​ပူဇော်​ရာ​ယဇ်ပလ္လင်​ပေါ်၌ နံ့သာပေါင်း​ကို မီးရှို့ပူဇော်​ရန် ထာဝရဘုရား​၏​ဗိမာန်​တော်​သို့​ဝင်​၏​။

ထွက်​မြောက် 31:8

စားပွဲ​နှင့် ထို​စားပွဲ​၏​တန်ဆာပလာ​များ​ကို​လည်းကောင်း​၊ ရွှေ​စင်​ဆီမီးခုံ​နှင့် ထို​ဆီမီးခုံ​၏​တန်ဆာပလာ​ရှိသမျှ​တို့​ကို​လည်းကောင်း​၊ နံ့သာပေါင်း​ယဇ်ပလ္လင်​ကို​လည်းကောင်း​၊

ထွက်​မြောက် 35:15

နံ့သာပေါင်း​ရှို့​ရာ​ယဇ်ပလ္လင်​နှင့် ထို​ယဇ်ပလ္လင်​၏​ထမ်းပိုး​များ​ကို​လည်းကောင်း​၊ ဘိသိက်​ဆီ​နှင့် အမွှေးနံ့သာပေါင်း​ကို​လည်းကောင်း​၊ ကိန်းဝပ်​တော်မူ​ရာ​တဲ​တော်​၏​အဝင်ဝ​၌ အဝင်ဝ​လိုက်ကာ​ကို​လည်းကောင်း​၊

ထွက်​မြောက် 37:24

ဆီမီးခုံ​မှစ၍ ဆီမီးခုံ​၏​တန်ဆာပလာ​ရှိသမျှ​တို့​ကို ရွှေ​စင်​တစ်​တာလန်​နှင့် ထုလုပ်​ထား​၏​။

ထွက်​မြောက် 37:26

ယဇ်ပလ္လင်​၏​အပေါ်ပိုင်း​ကို​လည်းကောင်း​၊ ဘေး​ပတ်ပတ်လည်​ကို​လည်းကောင်း​၊ ချို​များ​ကို​လည်းကောင်း ရွှေ​စင်​ဖြင့်​မွမ်းမံ​၏​။ ယဇ်ပလ္လင်​အပေါ်ပိုင်း​ပတ်ပတ်လည်​ကို ရွှေ​ဖြင့်​ခြယ်လှယ်​၏​။

ထွက်​မြောက် 40:5

နံ့သာပေါင်း​ရွှေ​ယဇ်ပလ္လင်​ကို သက်သေခံချက်​သေတ္တာ​တော်​၏​ရှေ့​၌​ထား​ရ​မည်​။ ကိန်းဝပ်​တော်မူ​ရာ​တဲ​တော်​၏​အဝင်ဝ​၌ လိုက်ကာ​တပ်​ရ​မည်​။

မဿဲ 23:19

မျက်မမြင်​တို့၊ မည်သည့်​အရာ​သည် ပို၍​ကြီးမြတ်​သနည်း။ ပူဇော်သက္ကာ​လော​၊ သို့မဟုတ် ပူဇော်သက္ကာ​ကို​သန့်ရှင်း​စေ​သည့် ယဇ်ပလ္လင်​လော။

ဟေ​ဗြဲ 13:10

ငါ​တို့​တွင် ယဇ်ပလ္လင်​တစ်​ခု​ရှိ​၏။ တဲ​တော်​ဝတ်​ကို​ပြု​သော​သူ​တို့​သည် ထို​ယဇ်ပလ္လင်​ပေါ်မှ​ပူဇော်သက္ကာ​ကို စား​ခွင့်​မ​ရှိ။

ဟေ​ဗြဲ 7:25

ထို့ကြောင့် ကိုယ်တော်​သည် မိမိ​အားဖြင့် ဘုရားသခင်​ထံ​တော်​သို့​ချဉ်းကပ်​သော​သူ​တို့​ကို အပြည့်အဝ​ကယ်တင်​နိုင်​တော်မူ​၏။ အဘယ်ကြောင့်​ဆိုသော် ကိုယ်တော်​သည် သူ​တို့​အတွက် အသနားခံ​ပေး​ရန် အစဉ်အမြဲ​အသက်ရှင်​လျက်​ရှိ​တော်မူ​၏။

ဟေ​ဗြဲ 9:4

၎င်း​ထဲတွင် နံ့သာပေါင်း​မီးရှို့​ရာ​ရွှေ​ယဇ်ပလ္လင်​နှင့် မျက်နှာပြင်​အဘက်ဘက်​၌ ရွှေ​ဖြင့်​မွမ်းမံ​ထား​သော​ပဋိညာဉ်​သေတ္တာ​ရှိ​၏။ ထို​သေတ္တာ​၌ မန္န​မုန့်​ထည့်​ထား​သည့်​ရွှေ​အိုး၊ အဖူး​ထွက်​သော​အာရုန်​၏​တောင်ဝှေး​နှင့် ပဋိညာဉ်​ကျောက်ပြား​တို့​ရှိ​၏။

၁ ပေ 2:5

သင်​တို့​ကိုယ်တိုင်​သည်​လည်း အသက်ရှင်​သော​ကျောက်​ကဲ့သို့ ဝိညာဉ်ရေး​ဆိုင်ရာ​အိမ်​တော်​အဖြစ် တည်ဆောက်​ခြင်း​ကို​ခံ​ကြ​လော့။ ဤသည်ကား သင်​တို့​သည် သန့်ရှင်း​သော​ယဇ်ပုရောဟိတ်​မျိုး​ဖြစ်​လျက် ဘုရားသခင်​နှစ်သက်​လက်ခံ​တော်မူ​သော ဝိညာဉ်ရေး​ဆိုင်ရာ​ယဇ်​များ​ကို ယေရှု​ခရစ်တော်​အားဖြင့် ပူဇော်​နိုင်​ရန် ဖြစ်​၏။