ထွက်​မြောက် 32:10 - မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သို့ဖြစ်၍ ငါ့​ကို​မတား​နှင့်​။ ငါ​သည် သူ​တို့​ကို အမျက်ထွက်​၍ ဖျက်ဆီး​ပစ်​မည်​။ သင့်​ကို​ကား လူမျိုး​ကြီး​ဖြစ်​စေ​မည်​”​ဟု မိန့်​တော်မူ​၏​။

Common Language Bible

¹⁰ ငါ့​ကို​မ​ဆီး​တား​နှင့်။ ငါ​သည်​အ​မျက်​ထွက်​၍ သူ​တို့​ကို​သုတ်​သင်​ပစ်​မည်။ ထို​နောက်​သင်​နှင့် သင်​၏​အ​ဆက်​အ​နွယ်​တို့​ကို​လူ​မျိုး​ကြီး ဖြစ်​စေ​မည်'' ဟု​မိန့်​တော်​မူ၏။

Garrad Bible

¹⁰ ထို ကြောင့် ပြင်း စွာ အ မျက် တော် ထား ၍ သူ တို့ ကို ကုန် ခန်း စေ ရန် ငါ ရှိ စေ တော့။ သင့် ကို ကား လူ မျိုး ကြီး ဖြစ် စေ မည် ဟူ၍ လည်း ကောင်း မိန့် တော် မူ ၏။

Judson Bible

¹⁰ သို့​ဖြစ်၍ ငါ့​ကို​ရှိ​စေ​တော့။ ငါ​သည် အ​မျက်​ပြင်း​စွာ​ထွက်၍ သူ​တို့​ကို​ဖျက်​ဆီး​မည်။ သင့်​ကို​ကား ကြီး​သော​အ​မျိုး​ဖြစ်​စေ​မည်​ဟူ၍​လည်း​ကောင်း၊ မော​ရှေ​အား​မိန့်​တော်​မူ၏။

ထွက်​မြောက် 32:10 Referencias Cruzadas

ကမ္ဘာ​ဦး 12:2

ငါ​သည် သင့်​ကို ကြီးမြတ်​သော​လူမျိုး​ဖြစ်​စေ​မည်​။ သင့်​ကို ငါ​ကောင်းချီးပေး​၍ သင်​၏​အမည်နာမ​ကို ကြီးမြတ်​စေ​သဖြင့် သင်​သည် ကောင်းချီးမင်္ဂလာ​ဖြစ်​လိမ့်မည်​။

ဆာ​လံ 106:23

ထို့ကြောင့် ကိုယ်တော်​သည် သူ​တို့​ကို​ဖျက်ဆီး​မည်​ဟု မိန့်​တော်မူ​၏​။ သို့ရာတွင် ကိုယ်တော်​ရွေးကောက်​တော်မူ​သော မောရှေ​သည် ရှေ့​တော်​မှ ကျိုးပေါက်​မည့်​နေရာ​တွင်​ရပ်​လျက် သူ​တို့​ကို​ဖျက်ဆီး​မည့် ကိုယ်တော်​၏​အမျက်ဒေါသ​ကို တားဆီး​ခဲ့​၏​။

ထွက်​မြောက် 22:24

ငါ​အမျက်ထွက်​ပြီး သင်​တို့​ကို ဓား​ဖြင့်​ကွပ်မျက်​မည်​။ ထိုအခါ သင်​တို့​၏​မယား​တို့​သည် မုဆိုးမ​များ​၊ သင်​တို့​၏​သားသမီး​တို့​သည် ဖတဆိုး​များ​ဖြစ်​ကြ​ရ​လိမ့်မည်​။

ထွက်​မြောက် 32:11

ထိုအခါ မောရှေ​က မိမိ​၏​ဘုရားသခင် ထာဝရဘုရား​အား “​အို ထာဝရဘုရား​၊ ကိုယ်တော်​သည် ကြီးမား​သော​တန်ခိုး​၊ အားကြီး​သော​လက်​တော်​ဖြင့် အီဂျစ်​ပြည်​မှ​ထုတ်ဆောင်​တော်မူ​ခဲ့​သော ကိုယ်တော်​၏​လူမျိုး​တော်​ကို အဘယ်ကြောင့် အမျက်ထွက်​တော်မူ​ပါ​သနည်း​။

ထွက်​မြောက် 32:19

မောရှေ​သည် တပ်စခန်း​အနီး​သို့​ရောက်​သည်​နှင့် နွားသငယ်ရုပ်တု​ကို​လည်းကောင်း​၊ ကခုန်​နေ​ကြ​သည်​ကို​လည်းကောင်း မြင်​သောအခါ အမျက်ထွက်​၍ တောင်​ခြေရင်း​၌ မိမိ​လက်​ထဲမှ​ကျောက်ပြား​များ​ကို ပစ်ချ​ကာ ချိုးဖျက်​လေ​၏​။

ထွက်​မြောက် 33:3

နို့​နှင့်​ပျားရည်​စီး​သော​ပြည်​သို့ သွား​လော့​။ သို့သော် သင်​နှင့်အတူ ငါ​မ​သွား​။ အကြောင်းမူကား သင်​သည် ခေါင်းမာ​သော​လူမျိုး​ဖြစ်​၏​။ လမ်းခရီး​၌ သင့်​ကို ငါ​ဖျက်ဆီး​မိ​မည်​စိုး​၏​”​ဟု မိန့်​တော်မူ​၏​။

ယေ​ရ​မိ 11:14

သင်​သည်​လည်း ဤ​လူမျိုး​အတွက် အသနား​မ​ခံ​နှင့်​။ သူ​တို့​အတွက် ဟစ်ကြော်​ခြင်း​၊ ဆုတောင်း​ခြင်း​ကို​မ​ပြု​နှင့်​။ အကြောင်းမူကား သူ​တို့​သည် ဘေးအန္တရာယ်​ရောက်​ချိန်​၌ ငါ့​ကို​ခေါ်​သောအခါ ငါ​နားထောင်​မည်​မ​ဟုတ်​။

ယေ​ရ​မိ 14:11

ထာဝရဘုရား​က ငါ့​အား “​ဤ​လူမျိုး​ကောင်းစား​ဖို့ ဆု​မ​တောင်း​ပေး​နှင့်​။

ယေ​ရ​မိ 15:1

တစ်ဖန် ထာဝရဘုရား​က ငါ့​အား “​မောရှေ​နှင့်​ရှမွေလ​သည် ငါ့​ရှေ့​၌​လာရပ်​လျှင်ပင် ဤ​လူမျိုး​ထံ ငါ့​စိတ်​ပြန်လည်​လာ​မည်​မ​ဟုတ်​။ သူ​တို့​ကို ငါ့​ရှေ့​မှ နှင်ထုတ်​လော့​။ ငါ့​ရှေ့​မှ ထွက်သွား​စေ​လော့​။

ယေ​ရ​မိ 7:16

“သင်​သည်​လည်း ဤ​လူမျိုး​အတွက် အသနား​မ​ခံ​နှင့်​။ သူ​တို့​အတွက် ဟစ်ကြော်​ခြင်း​၊ ဆုတောင်း​ခြင်း​ကို​မ​ပြု​နှင့်​။ ကြားဝင်စေ့စပ်​ခြင်း​မ​ပြု​နှင့်​။ သင်​၏​စကား​ကို ငါ​နားထောင်​မည်​မ​ဟုတ်​။

ယေ​ဇ​ကျေ​လ 20:13

သို့သော် အစ္စရေး​အမျိုး​သည် တောကန္တာရ​တွင် ငါ့​ကို​ပုန်ကန်​ကြ​၏​။ ‘လိုက်နာ​သော​သူ​တိုင်း အသက်ချမ်းသာ​ရာ​ရ​မည်’​ဟူသော ပြဋ္ဌာန်းချက်​တို့​ကို မ​လိုက်လျှောက်​၊ စီရင်ထုံးဖွဲ့ချက်​တို့​ကို စွန့်ပယ်​ကြ​၏​။ ဥပုသ်နေ့​ကို​လည်း အလွန်​ညစ်ညူး​စေ​ကြ​၏​။ ထို့ကြောင့် တောကန္တာရ​တွင် ငါ့​ဒေါသ​ကို သူ​တို့​အပေါ်​သွန်ချ​၍ သူ​တို့​ကို ဖျက်ဆီး​ပစ်​မည်​ဟု ငါ​မိန့်ဆို​ခဲ့​၏​။

တော​လည် 14:12

ငါ​သည် သူ​တို့​ကို ကပ်ရောဂါ​ဘေး​ဖြင့် ဒဏ်ခတ်​၍ ဖျက်ဆီး​မည်​။ သင့်​ကို​ကား သူ​တို့​ထက် ကြီးမြတ်​သော​လူမျိုး​၊ အင်အားကြီး​သော​လူမျိုး​ဖြစ်​စေ​မည်​”​ဟု မိန့်​တော်မူ​၏​။

တော​လည် 16:21

“​ဤ​လူထု​အပေါင်း​တို့​နှင့် ခွဲ​နေ​လော့​။ သူ​တို့​ကို ယခုချက်ချင်း ငါ​ဖျက်ဆီး​မည်​”​ဟု မိန့်​တော်မူ​၏​။

တော​လည် 16:22

ထိုအခါ မောရှေ​နှင့်​အာရုန်​သည် ပျပ်ဝပ်​လျက် “​လူသား​အားလုံး​၏​အသက်ဝိညာဉ်​ကို ပိုင်​တော်မူ​သော အို ဘုရားသခင်​၊ လူ​တစ်​ယောက်​၏​ပြစ်မှားမှု​ကြောင့် လူထု​အပေါင်း​ကို အမျက်ထွက်​တော်မူ​မည်လော​”​ဟု လျှောက်​ကြ​၏​။

တ​ရား​ဟော 9:14

သို့ဖြစ်၍ ငါ့​ကို​မတား​နှင့်​။ ငါ​သည် သူ​တို့​ကို ဖျက်ဆီး​၍ သူ​တို့​၏​အမည်​ကို ကောင်းကင်​အောက်​မှ ပယ်ဖျက်​မည်​။ သင့်​ကို​ကား သူ​တို့​ထက် အင်အားကြီး​၍ များပြား​သော​လူမျိုး​ဖြစ်​စေ​မည်​’​ဟု မိန့်​တော်မူ​၏​။

တ​ရား​ဟော 9:19

ထာဝရဘုရား​သည် သင်​တို့​ကို​ဖျက်ဆီး​ချင်​လောက်အောင် သင်​တို့​ကို အမျက်ထွက်​တော်မူ​သောကြောင့် ထို​ပြင်းစွာ​သော​အမျက်​တော်​ကို ငါ​ကြောက်ရွံ့​၏​။ ထို​အချိန်​၌​လည်း ထာဝရဘုရား​သည် ငါ​၏​စကား​ကို​နားညောင်း​တော်မူ​၏​။

ယာ​ကုပ် 5:16

သို့ဖြစ်၍ သင်​တို့​သည် ကျန်းမာ​စေ​ခြင်း​ကို​ခံရ​မည့်​အကြောင်း တစ်ဦး​နှင့်​တစ်ဦး မိမိ​၏​အပြစ်​များ​ကို​ဖော်ပြ​ဝန်ခံ​လျက် အချင်းချင်း​အတွက် ဆုတောင်း​ကြ​လော့။ ဖြောင့်မတ်​သော​သူ​၏​စိတ်အား​ထက်သန်​သည့်​ဆုတောင်း​ချက်​သည် အလွန်​တန်ခိုး​ပါ​၍ ထိရောက်​မှု​ရှိ​၏။